1-7. පටිච්චවාරාදි

පච්චයචතුක්කං

11. නදස්සනෙන පහාතබ්බහෙතුකං කුසලං ධම්ම පටිච්ච නදස්සනෙන පහාතබ්බහෙතුකො කුසලො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං.)

12. දස්සනෙන පහාතබ්බහෙතුකං අකුසලං ධම්මං පටිච්ච දස්සනෙන පහාතබ්බහෙතුකො අකුසලො ධම්මො උප්පජ්ජති හෙතුපච්චයා. (1)

නදස්සනෙන පහාතබ්බහෙතුකං අකුසලං ධම්මං පටිච්ච නදස්සනෙන පහාතබ්බහෙතුකො අකුසලො ධම්මො උප්පජ්ජති හෙතුපච්චයා. නදස්සනෙන පහාතබ්බහෙතුකං අකුසලං ධම්මං පටිච්ච දස්සනෙන පහාතබ්බහෙතුකො අකුසලො ධම්මො උප්පජ්ජති හෙතුපච්චයා. (2)

දස්සනෙන පහාතබ්බහෙතුකං අකුසලඤ්ච නදස්සනෙන පහාතබ්බහෙතුකං අකුසලඤ්ච ධම්මං පටිච්ච දස්සනෙන පහාතබ්බහෙතුකො අකුසලො ධම්මො උප්පජ්ජති හෙතුපච්චයා. (1)

දස්සනෙන පහාතබ්බහෙතුකං අකුසලං ධම්මං පටිච්ච දස්සනෙන පහාතබ්බහෙතුකො අකුසලො ධම්මො උප්පජ්ජති ආරම්මණපච්චයා… තීණි (නදස්සනෙ ද්වෙ, ඝටනෙ එකං, සංඛිත්තං).

13. හෙතුයා චත්තාරි, ආරම්මණෙ ඡ, අධිපතියා ද්වෙ (සබ්බත්ථ ඡ), අවිගතෙ ඡ (සංඛිත්තං).

14. දස්සනෙන පහාතබ්බහෙතුකං අකුසලං ධම්මං පටිච්ච නදස්සනෙන පහාතබ්බහෙතුකො අකුසලො ධම්මො උප්පජ්ජති නහෙතුපච්චයා.

නදස්සනෙන පහාතබ්බහෙතුකං අකුසලං ධම්මං පටිච්ච නදස්සනෙන පහාතබ්බහෙතුකො අකුසලො ධම්මො උප්පජ්ජති නහෙතුපච්චයා (සංඛිත්තං).

15. නහෙතුයා ද්වෙ, නඅධිපතියා ඡ…පෙ… නකම්මෙ චත්තාරි, නවිපාකෙ ඡ, නවිප්පයුත්තෙ ඡ (සංඛිත්තං. සහජාතවාරාදි විත්ථාරෙතබ්බො).

16. දස්සනෙන පහාතබ්බහෙතුකො අකුසලො ධම්මො දස්සනෙන පහාතබ්බහෙතුකස්ස අකුසලස්ස ධම්මස්ස හෙතුපච්චයෙන පච්චයො (සංඛිත්තං).

17. හෙතුයා තීණි, ආරම්මණෙ නව, අධිපතියා තීණි (දස්සනෙ එකං, නදස්සනෙ ද්වෙ), අනන්තරෙ නව, සමනන්තරෙ නව, සහජාතෙ ඡ…පෙ… උපනිස්සයෙ නව, ආසෙවනෙ නව, කම්මෙ චත්තාරි, ආහාරෙ චත්තාරි, ඉන්ද්‍රියෙ චත්තාරි…පෙ… සම්පයුත්තෙ ඡ, අත්ථියා ඡ, නත්ථියා නව…පෙ… අවිගතෙ ඡ (සංඛිත්තං).

18. නදස්සනෙන පහාතබ්බහෙතුකං අබ්‍යාකතං ධම්මං පටිච්ච නදස්සනෙන පහාතබ්බහෙතුකො අබ්‍යාකතො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං.)