1-7. පටිච්චවාරාදි
පච්චයචතුක්කං
105. අරණං කුසලං ධම්මං පටිච්ච අරණො කුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං. සහජාතවාරෙපි…පෙ… පඤ්හාවාරෙපි සබ්බත්ථ එකං).
106. සරණං අකුසලං ධම්මං පටිච්ච සරණො අකුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං. සහජාතවාරෙපි…පෙ… පඤ්හාවාරෙපි සබ්බත්ථ එකං).
107. අරණං අබ්‍යාකතං ධම්මං පටිච්ච අරණො අබ්‍යාකතො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං. සහජාතවාරෙපි…පෙ… සම්පයුත්තවාරෙපි සබ්බත්ථ එකං).
108. අරණො අබ්‍යාකතො ධම්මො අරණස්ස අබ්‍යාකතස්ස ධම්මස්ස හෙතුපච්චයෙන පච්චයො (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(යථා කුසලත්තිකෙ පඤ්හාවාරං එවං විත්ථාරෙතබ්බං.)
පිට්ඨිදුකකුසලත්තිකං නිට්ඨිතං.