1-7. පටිච්චවාරාදි
පච්චයචතුක්කං
101. සඋත්තරං කුසලං ධම්මං පටිච්ච සඋත්තරො කුසලො ධම්මො උප්පජ්ජති හෙතුපච්චයා. (1)
අනුත්තරං කුසලං ධම්මං පටිච්ච අනුත්තරො කුසලො ධම්මො උප්පජ්ජති හෙතුපච්චයා. (1) (සංඛිත්තං.)
102. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං. සහජාතවාරොපි…පෙ… පඤ්හාවාරොපි සබ්බත්ථ විත්ථාරෙතබ්බා).
103. සඋත්තරං අකුසලං ධම්මං පටිච්ච සඋත්තරො අකුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං. සහජාතවාරෙපි…පෙ… පඤ්හාවාරෙපි සබ්බත්ථ එකං).
සඋත්තරං අබ්‍යාකතං ධම්මං පටිච්ච සඋත්තරො අබ්‍යාකතො ධම්මො උප්පජ්ජති හෙතුපච්චයා. (1)
අනුත්තරං අබ්‍යාකතං ධම්මං පටිච්ච අනුත්තරො අබ්‍යාකතො ධම්මො උප්පජ්ජති හෙතුපච්චයා… තීණි. (3)
සඋත්තරං අබ්‍යාකතඤ්ච අනුත්තරං අබ්‍යාකතඤ්ච ධම්මං පටිච්ච සඋත්තරො අබ්‍යාකතො ධම්මො උප්පජ්ජති හෙතුපච්චයා. (1) (සංඛිත්තං.)
104. හෙතුයා පඤ්ච, ආරම්මණෙ ද්වෙ…පෙ… අවිගතෙ පඤ්ච (සංඛිත්තං. සහජාතවාරම්පි…පෙ… පඤ්හාවාරම්පි සබ්බත්ථ විත්ථාරෙතබ්බං ලොකියදුකඅබ්‍යාකතසදිසං).