1-7. පටිච්චවාරාදි

පච්චයචතුක්කං

94. නියතං කුසලං ධම්මං පටිච්ච නියතො කුසලො ධම්මො උප්පජ්ජති හෙතුපච්චයා. (1)

අනියතං කුසලං ධම්මං පටිච්ච අනියතො කුසලො ධම්මො උප්පජ්ජති හෙතුපච්චයා. (1) (සංඛිත්තං.)

95. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං. ලොකියදුකකුසලසදිසං. සහජාතවාරම්පි…පෙ… පඤ්හාවාරම්පි විත්ථාරෙතබ්බං).

96. නියතං අකුසලං ධම්මං පටිච්ච නියතො අකුසලො ධම්මො උප්පජ්ජති හෙතුපච්චයා. (1)

අනියතං අකුසලං ධම්මං පටිච්ච අනියතො අකුසලො ධම්මො උප්පජ්ජති හෙතුපච්චයා. (1) (සංඛිත්තං.)

97. හෙතුයා ද්වෙ, ආරම්මණෙ ද්වෙ (සබ්බත්ථ ද්වෙ), අවිගතෙ ද්වෙ (සංඛිත්තං).

නහෙතුයා එකං, නඅධිපතියා ද්වෙ, නපුරෙජාතෙ එකං…පෙ… නකම්මෙ ද්වෙ…පෙ… නවිප්පයුත්තෙ එකං (සංඛිත්තං. සහජාතවාරාදි විත්ථාරෙතබ්බො).

98. නියතො අකුසලො ධම්මො නියතස්ස අකුසලස්ස ධම්මස්ස හෙතුපච්චයෙන පච්චයො. (1)

අනියතො අකුසලො ධම්මො අනියතස්ස අකුසලස්ස ධම්මස්ස හෙතුපච්චයෙන පච්චයො. (1) (සංඛිත්තං.)

99. හෙතුයා ද්වෙ, ආරම්මණෙ තීණි, අධිපතියා ද්වෙ (නියතෙ සහජාතාධිපති, දුතියෙ ආරම්මණාධිපති සහජාතාධිපති), අනන්තරෙ ද්වෙ…පෙ… නිස්සයෙ ද්වෙ, උපනිස්සයෙ තීණි, ආසෙවනෙ ද්වෙ, කම්මෙ ද්වෙ…පෙ… අවිගතෙ ද්වෙ (සංඛිත්තං).

100. අනියතං අබ්‍යාකතං ධම්මං පටිච්ච අනියතො අබ්‍යාකතො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං. සහජාතවාරෙපි…පෙ… පඤ්හාවාරෙපි සබ්බත්ථ එකං).