1-7. පටිච්චවාරාදි

පච්චයචතුක්කං

8. නභාවනාය පහාතබ්බං කුසලං ධම්මං පටිච්ච නභාවනාය පහාතබ්බො කුසලො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං.)

9. භාවනාය පහාතබ්බං අකුසලං ධම්මං පටිච්ච භාවනාය පහාතබ්බො අකුසලො ධම්මො උප්පජ්ජති හෙතුපච්චයා (සංඛිත්තං).

හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං. දස්සනෙන පහාතබ්බදුකඅකුසලසදිසං. සහජාතවාරෙපි …පෙ… පඤ්හාවාරෙපි සබ්බත්ථ විත්ථාරෙතබ්බං).

10. නභාවනාය පහාතබ්බං අබ්‍යාකතං ධම්මං පටිච්ච නභාවනාය පහාතබ්බො අබ්‍යාකතො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං.)