1-7. පටිච්චවාරාදි
පච්චයචතුක්කං
85. පරියාපන්නං කුසලං ධම්මං පටිච්ච පරියාපන්නො කුසලො ධම්මො උප්පජ්ජති හෙතුපච්චයා. (1)
අපරියාපන්නං කුසලං ධම්මං පටිච්ච අපරියාපන්නො කුසලො ධම්මො උප්පජ්ජති හෙතුපච්චයා. (1) (සංඛිත්තං.)
86. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං. ලොකියදුකකුසලසදිසං. සහජාතවාරොපි…පෙ… පඤ්හාවාරොපි විත්ථාරෙතබ්බා).
87. පරියාපන්නං අකුසලං ධම්මං පටිච්ච පරියාපන්නො අකුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං).
88. පරියාපන්නං අබ්‍යාකතං ධම්මං පටිච්ච පරියාපන්නො අබ්‍යාකතො ධම්මො උප්පජ්ජති හෙතුපච්චයා. (1)
අපරියාපන්නං අබ්‍යාකතං ධම්මං පටිච්ච අපරියාපන්නො අබ්‍යාකතො ධම්මො උප්පජ්ජති හෙතුපච්චයා… තීණි.
පරියාපන්නං අබ්‍යාකතඤ්ච අපරියාපන්නං අබ්‍යාකතඤ්ච ධම්මං පටිච්ච පරියාපන්නො අබ්‍යාකතො ධම්මො උප්පජ්ජති හෙතුපච්චයා. (1) (සංඛිත්තං.)
89. හෙතුයා පඤ්ච, ආරම්මණෙ ද්වෙ…පෙ… අවිගතෙ පඤ්ච (සංඛිත්තං. ලොකියදුකඅබ්‍යාකතසදිසං. සහජාතවාරම්පි…පෙ… පඤ්හාවාරම්පි සබ්බත්ථ විත්ථාරෙතබ්බං).