1-7. පටිච්චවාරාදි
පච්චයචතුක්කං
71. රූපාවචරං කුසලං ධම්මං පටිච්ච රූපාවචරො කුසලො ධම්මො උප්පජ්ජති හෙතුපච්චයා. (1)
නරූපාවචරං කුසලං ධම්මං පටිච්ච නරූපාවචරො කුසලො ධම්මො උප්පජ්ජති හෙතුපච්චයා. (1) (සංඛිත්තං.)
72. හෙතුයා ද්වෙ, ආරම්මණෙ ද්වෙ (සබ්බත්ථ ද්වෙ, සංඛිත්තං).
නඅධිපතියා ද්වෙ…පෙ… නපුරෙජාතෙ එකං, නආසෙවනෙ එකං…පෙ… නවිප්පයුත්තෙ එකං (සංඛිත්තං. සහජාතවාරාදි විත්ථාරෙතබ්බො).
73. රූපාවචරො කුසලො ධම්මො රූපාවචරස්ස කුසලස්ස ධම්මස්ස හෙතුපච්චයෙන පච්චයො. (1)
නරූපාවචරො කුසලො ධම්මො නරූපාවචරස්ස කුසලස්ස ධම්මස්ස හෙතුපච්චයෙන පච්චයො. (1) (සංඛිත්තං.)
74. හෙතුයා ද්වෙ, ආරම්මණෙ චත්තාරි, අධිපතියා තීණි (රූපාවචරෙ එකං, සහජාතාධිපතියෙව, නරූපාවචරෙ ද්වෙ), අනන්තරෙ තීණි (රූපාවචරෙ එකං, නරූපාවචරෙ ද්වෙ), සමනන්තරෙ තීණි, සහජාතෙ ද්වෙ…පෙ… උපනිස්සයෙ චත්තාරි, ආසෙවනෙ තීණි, කම්මෙ ද්වෙ…පෙ… අත්ථියා ද්වෙ, නත්ථියා තීණි…පෙ… අවිගතෙ ද්වෙ (සංඛිත්තං).
75. නරූපාවචරං අකුසලං ධම්මං පටිච්ච නරූපාවචරො අකුසලො ධම්මො උප්පජ්ජති හෙතුපච්චයා (සබ්බත්ථ එකං).
රූපාවචරං අබ්‍යාකතං ධම්මං පටිච්ච රූපාවචරො අබ්‍යාකතො ධම්මො උප්පජ්ජති හෙතුපච්චයා… තීණි.
නරූපාවචරං අබ්‍යාකතං ධම්මං පටිච්ච නරූපාවචරො අබ්‍යාකතො ධම්මො උප්පජ්ජති හෙතුපච්චයා… තීණි.
රූපාවචරං අබ්‍යාකතඤ්ච නරූපාවචරං අබ්‍යාකතඤ්ච ධම්මං පටිච්ච රූපාවචරො අබ්‍යාකතො ධම්මො උප්පජ්ජති හෙතුපච්චයා… තීණි (සංඛිත්තං).
76. හෙතුයා නව, ආරම්මණෙ චත්තාරි, අධිපතියා පඤ්ච…පෙ… පුරෙජාතෙ ආසෙවනෙ ද්වෙ…පෙ… අවිගතෙ නව (සංඛිත්තං. යථා කාමාවචරදුකඅබ්‍යාකතසදිසං, එත්තකායෙව පඤ්හා හෙට්ඨුපරිකං පරිවත්තන්ති. සහජාතවාරම්පි…පෙ… පඤ්හාවාරම්පි සබ්බත්ථ විත්ථාරෙතබ්බං).