1-7. පටිච්චවාරාදි
පච්චයචතුක්කං
62. කාමාවචරං කුසලං ධම්මං පටිච්ච කාමාවචරො කුසලො ධම්මො උප්පජ්ජති හෙතුපච්චයා. (1)
නකාමාවචරං කුසලං ධම්මං පටිච්ච නකාමාවචරො කුසලො ධම්මො උප්පජ්ජති හෙතුපච්චයා. (1) (සංඛිත්තං.)
63. හෙතුයා ද්වෙ, ආරම්මණෙ ද්වෙ (සබ්බත්ථ ද්වෙ), අවිගතෙ ද්වෙ (සංඛිත්තං).
නඅධිපතියා ද්වෙ…පෙ… නවිප්පයුත්තෙ ද්වෙ. (සංඛිත්තං.)
(සහජාතවාරාදි විත්ථාරෙතබ්බො.)
64. කාමාවචරො කුසලො ධම්මො කාමාවචරස්ස කුසලස්ස ධම්මස්ස හෙතුපච්චයෙන පච්චයො. (1)
නකාමාවචරො කුසලො ධම්මො නකාමාවචරස්ස කුසලස්ස ධම්මස්ස හෙතුපච්චයෙන පච්චයො. (1) (සංඛිත්තං.)
65. හෙතුයා ද්වෙ, ආරම්මණෙ චත්තාරි, අධිපතියා තීණි (කාමාවචරෙ එකං, නකාමාවචරෙ ද්වෙ), අනන්තරෙ තීණි (කාමාවචරෙ ද්වෙ, නකාමාවචරෙ එකං)…පෙ… සහජාතෙ ද්වෙ …පෙ… උපනිස්සයෙ චත්තාරි, ආසෙවනෙ තීණි, කම්මෙ ද්වෙ, ආහාරෙ ද්වෙ…පෙ… නත්ථියා තීණි…පෙ… අවිගතෙ ද්වෙ (සංඛිත්තං).
66. කාමාවචරං අකුසලං ධම්මං පටිච්ච කාමාවචරො අකුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
67. කාමාවචරං අබ්‍යාකතං ධම්මං පටිච්ච කාමාවචරො අබ්‍යාකතො ධම්මො උප්පජ්ජති හෙතුපච්චයා… තීණි.
නකාමාවචරං අබ්‍යාකතං ධම්මං පටිච්ච නකාමාවචරො අබ්‍යාකතො ධම්මො උප්පජ්ජති හෙතුපච්චයා… තීණි.
කාමාවචරං අබ්‍යාකතඤ්ච නකාමාවචරං අබ්‍යාකතඤ්ච ධම්මං පටිච්ච කාමාවචරො අබ්‍යාකතො ධම්මො උප්පජ්ජති හෙතුපච්චයා… තීණි (සංඛිත්තං).
68. හෙතුයා නව, ආරම්මණෙ චත්තාරි, අධිපතියා පඤ්ච…පෙ… අඤ්ඤමඤ්ඤෙ ඡ…පෙ… පුරෙජාතෙ ද්වෙ, ආසෙවනෙ ද්වෙ…පෙ… අවිගතෙ නව (සංඛිත්තං).
නහෙතුයා එකං, නආරම්මණෙ තීණි, නඅධිපතියා නව…පෙ… නකම්මෙ ද්වෙ, නවිපාකෙ පඤ්ච, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ ද්වෙ, නොනත්ථියා තීණි, නොවිගතෙ තීණි (සංඛිත්තං. සහජාතවාරාදි විත්ථාරෙතබ්බො).
69. කාමාවචරො අබ්‍යාකතො ධම්මො කාමාවචරස්ස අබ්‍යාකතස්ස ධම්මස්ස හෙතුපච්චයෙන පච්චයො. (1)
නකාමාවචරො අබ්‍යාකතො ධම්මො නකාමාවචරස්ස අබ්‍යාකතස්ස ධම්මස්ස හෙතුපච්චයෙන පච්චයො… තීණි (සංඛිත්තං).
70. හෙතුයා චත්තාරි, ආරම්මණෙ චත්තාරි, අධිපතියා චත්තාරි (කාමාවචරෙ එකං, නකාමාවචරෙ තීණි, කාමාවචරෙ සහජාතාධිපතියෙව), අනන්තරෙ චත්තාරි, සමනන්තරෙ චත්තාරි, සහජාතෙ සත්ත, අඤ්ඤමඤ්ඤෙ ඡ, නිස්සයෙ සත්ත, උපනිස්සයෙ චත්තාරි, පුරෙජාතෙ ද්වෙ, පච්ඡාජාතෙ ද්වෙ, ආසෙවනෙ තීණි, කම්මෙ චත්තාරි, විපාකෙ චත්තාරි, ආහාරෙ චත්තාරි…පෙ… සම්පයුත්තෙ ද්වෙ, විප්පයුත්තෙ තීණි, අත්ථියා සත්ත, නත්ථියා චත්තාරි…පෙ… අවිගතෙ සත්ත (සංඛිත්තං).