1-7. පටිච්චවාරාදි
පච්චයචතුක්කං
57. උපෙක්ඛාසහගතං කුසලං ධම්මං පටිච්ච…පෙ… ඡ (සප්පීතිකදුකසදිසං, උපෙක්ඛාති නානාඋපෙක්ඛා අබ්‍යාකතෙ. පච්චනීයෙ නහෙතුයා නව, නඣානෙ ඡ).
58. උපෙක්ඛාසහගතං අකුසලං ධම්මං පටිච්ච උපෙක්ඛාසහගතො අකුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා ඡ (සබ්බත්ථ ඡ. සංඛිත්තං).
59. උපෙක්ඛාසහගතං අකුසලං ධම්මං පටිච්ච උපෙක්ඛාසහගතො අකුසලො ධම්මො උප්පජ්ජති නහෙතුපච්චයා. (1)
නඋපෙක්ඛාසහගතං අකුසලං ධම්මං පටිච්ච උපෙක්ඛාසහගතො අකුසලො ධම්මො උප්පජ්ජති නහෙතුපච්චයා. (1)
උපෙක්ඛාසහගතඤ්ච නඋපෙක්ඛාසහගතඤ්ච ධම්මං පටිච්ච උපෙක්ඛාසහගතො අකුසලො ධම්මො උප්පජ්ජති නහෙතුපච්චයා. (1) (සංඛිත්තං.)
60. නහෙතුයා තීණි, නඅධිපතියා ඡ…පෙ… නවිප්පයුත්තෙ ඡ (සංඛිත්තං. එවං සබ්බත්ථ අකුසලං විත්ථාරෙතබ්බං. සප්පීතිකදුකසදිසං).
61. උපෙක්ඛාසහගතං අබ්‍යාකතං ධම්මං පටිච්ච උපෙක්ඛාසහගතො අබ්‍යාකතො ධම්මො උප්පජ්ජති හෙතුපච්චයා නව පඤ්හා (සප්පීතිකදුකඅබ්‍යාකතසදිසං. පඤ්හාවාරෙ කුසලාකුසලෙ ඉන්ද්‍රියෙ ඣානෙ ඡ, අබ්‍යාකතෙ නව).