1-7. පටිච්චවාරාදි

පච්චයචතුක්කං

24. කිලෙසඤ්චෙව සංකිලිට්ඨඤ්ච අකුසලං ධම්මං පටිච්ච කිලෙසො චෙව සංකිලිට්ඨො ච අකුසලො ධම්මො උප්පජ්ජති හෙතුපච්චයා… තීණි.

සංකිලිට්ඨඤ්චෙව නො ච කිලෙසං අකුසලං ධම්මං පටිච්ච සංකිලිට්ඨො චෙව නො ච කිලෙසො අකුසලො ධම්මො උප්පජ්ජති හෙතුපච්චයා… තීණි.

කිලෙසඤ්චෙව සංකිලිට්ඨං අකුසලඤ්ච සංකිලිට්ඨඤ්චෙව නො ච කිලෙසං අකුසලඤ්ච ධම්මං පටිච්ච කිලෙසො චෙව සංකිලිට්ඨො ච අකුසලො ධම්මො උප්පජ්ජති හෙතුපච්චයා… තීණි (සංඛිත්තං).

25. හෙතුයා නව, ආරම්මණෙ නව…පෙ… අවිගතෙ නව (සංඛිත්තං. කිලෙසදුකඅකුසලසදිසං. සහජාතවාරම්පි…පෙ… පඤ්හාවාරම්පි සබ්බත්ථ විත්ථාරෙතබ්බං).