1-7. පටිච්චවාරාදි
පච්චයචතුක්කං
හෙතුපච්චයො
29. චිත්තසම්පයුත්තං කුසලං ධම්මං පටිච්ච චිත්තසම්පයුත්තො කුසලො ධම්මො උප්පජ්ජති හෙතුපච්චයා (සංඛිත්තං).
30. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
31. චිත්තසම්පයුත්තං අකුසලං ධම්මං පටිච්ච චිත්තසම්පයුත්තො අකුසලො ධම්මො උප්පජ්ජති හෙතුපච්චයා (සංඛිත්තං).
32. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං). (සහජාතවාරෙපි…පෙ… පඤ්හාවාරෙපි සබ්බත්ථ එකං.)
අබ්‍යාකතපදං – හෙතුපච්චයො
33. චිත්තසම්පයුත්තං අබ්‍යාකතං ධම්මං පටිච්ච චිත්තසම්පයුත්තො අබ්‍යාකතො ධම්මො උප්පජ්ජති හෙතුපච්චයා. චිත්තසම්පයුත්තං අබ්‍යාකතං ධම්මං පටිච්ච චිත්තවිප්පයුත්තො අබ්‍යාකතො ධම්මො උප්පජ්ජති හෙතුපච්චයා. චිත්තසම්පයුත්තං අබ්‍යාකතං ධම්මං පටිච්ච චිත්තසම්පයුත්තො අබ්‍යාකතො ච චිත්තවිප්පයුත්තො අබ්‍යාකතො ච ධම්මා උප්පජ්ජන්ති හෙතුපච්චයා. (3)
චිත්තවිප්පයුත්තං අබ්‍යාකතං ධම්මං පටිච්ච චිත්තවිප්පයුත්තො අබ්‍යාකතො ධම්මො උප්පජ්ජති හෙතුපච්චයා. චිත්තවිප්පයුත්තං අබ්‍යාකතං ධම්මං පටිච්ච චිත්තසම්පයුත්තො අබ්‍යාකතො ධම්මො උප්පජ්ජති හෙතුපච්චයා. චිත්තවිප්පයුත්තං අබ්‍යාකතං ධම්මං පටිච්ච චිත්තසම්පයුත්තො අබ්‍යාකතො ච චිත්තවිප්පයුත්තො අබ්‍යාකතො ච ධම්මා උප්පජ්ජන්ති හෙතුපච්චයා. (3)
චිත්තසම්පයුත්තං අබ්‍යාකතඤ්ච චිත්තවිප්පයුත්තං අබ්‍යාකතඤ්ච ධම්මං පටිච්ච චිත්තසම්පයුත්තො අබ්‍යාකතො ධම්මො උප්පජ්ජති හෙතුපච්චයා. චිත්තසම්පයුත්තං අබ්‍යාකතඤ්ච චිත්තවිප්පයුත්තං අබ්‍යාකතඤ්ච ධම්මං පටිච්ච චිත්තවිප්පයුත්තො අබ්‍යාකතො ධම්මො උප්පජ්ජති හෙතුපච්චයා. චිත්තසම්පයුත්තං අබ්‍යාකතඤ්ච චිත්තවිප්පයුත්තං අබ්‍යාකතඤ්ච ධම්මං පටිච්ච චිත්තසම්පයුත්තො අබ්‍යාකතො ච චිත්තවිප්පයුත්තො අබ්‍යාකතො ච ධම්මා උප්පජ්ජන්ති හෙතුපච්චයා. (3) (සංඛිත්තං.)
34. හෙතුයා නව, ආරම්මණෙ තීණි, අධිපතියා පඤ්ච…පෙ… අඤ්ඤමඤ්ඤෙ ඡ…පෙ… පුරෙජාතෙ එකං, ආසෙවනෙ එකං, කම්මෙ නව, විපාකෙ නව…පෙ… අවිගතෙ නව (සංඛිත්තං).
නහෙතුයා නව, නආරම්මණෙ තීණි, නඅධිපතියා නව…පෙ… නපුරෙජාතෙ නව…පෙ… නකම්මෙ ද්වෙ, නවිපාකෙ පඤ්ච, නආහාරෙ එකං, නඉන්ද්‍රියෙ එකං, නඣානෙ ද්වෙ, නමග්ගෙ නව, නසම්පයුත්තෙ තීණි, නවිප්පයුත්තෙ ද්වෙ (සංඛිත්තං, සහජාතවාරාදි විත්ථාරෙතබ්බො).
හෙතු-ආරම්මණපච්චයා
35. චිත්තසම්පයුත්තො අබ්‍යාකතො ධම්මො චිත්තසම්පයුත්තස්ස අබ්‍යාකතස්ස ධම්මස්ස හෙතුපච්චයෙන පච්චයො… තීණි.
චිත්තසම්පයුත්තො අබ්‍යාකතො ධම්මො චිත්තසම්පයුත්තස්ස අබ්‍යාකතස්ස ධම්මස්ස ආරම්මණපච්චයෙන පච්චයො. (1)
චිත්තවිප්පයුත්තො අබ්‍යාකතො ධම්මො චිත්තසම්පයුත්තස්ස අබ්‍යාකතස්ස ධම්මස්ස ආරම්මණපච්චයෙන පච්චයො. (1) (සංඛිත්තං.)
36. හෙතුයා තීණි, ආරම්මණෙ ද්වෙ, අධිපතියා චත්තාරි, අනන්තරෙ එකං…පෙ… සහජාතෙ සත්ත, අඤ්ඤමඤ්ඤෙ ඡ, නිස්සයෙ සත්ත, උපනිස්සයෙ ද්වෙ, පුරෙජාතෙ එකං, පච්ඡාජාතෙ එකං, ආසෙවනෙ එකං, කම්මෙ තීණි, විපාකෙ තීණි, ආහාරෙ චත්තාරි, ඉන්ද්‍රියෙ ඡ, ඣානෙ තීණි, මග්ගෙ තීණි, සම්පයුත්තෙ එකං, විප්පයුත්තෙ ද්වෙ (සංඛිත්තං).