1-7. පටිච්චවාරාදි
පච්චයචතුක්කං
හෙතුපච්චයො
19. චෙතසිකං කුසලං ධම්මං පටිච්ච චෙතසිකො කුසලො ධම්මො උප්පජ්ජති හෙතුපච්චයා. චෙතසිකං කුසලං ධම්මං පටිච්ච අචෙතසිකො කුසලො ධම්මො උප්පජ්ජති හෙතුපච්චයා. චෙතසිකං කුසලං ධම්මං පටිච්ච චෙතසිකො කුසලො ච අචෙතසිකො කුසලො ච ධම්මා උප්පජ්ජන්ති හෙතුපච්චයා. (3)
අචෙතසිකං කුසලං ධම්මං පටිච්ච චෙතසිකො කුසලො ධම්මො උප්පජ්ජති හෙතුපච්චයා. (1)
චෙතසිකං කුසලඤ්ච අචෙතසිකං කුසලඤ්ච ධම්මං පටිච්ච චෙතසිකො කුසලො ධම්මො උප්පජ්ජති හෙතුපච්චයා. (1) (සංඛිත්තං.)
20. හෙතුයා පඤ්ච, ආරම්මණෙ පඤ්ච, අධිපතියා පඤ්ච…පෙ… අවිගතෙ පඤ්ච.
නඅධිපතියා පඤ්ච, නපුරෙජාතෙ පඤ්ච…පෙ… නකම්මෙ තීණි, නවිපාකෙ පඤ්ච…පෙ… නවිප්පයුත්තෙ පඤ්ච (සංඛිත්තං, සහජාතවාරාදි විත්ථාරෙතබ්බො).
21. චෙතසිකො කුසලො ධම්මො චෙතසිකස්ස කුසලස්ස ධම්මස්ස හෙතුපච්චයෙන පච්චයො (සංඛිත්තං).
22. හෙතුයා තීණි, ආරම්මණෙ නව, අධිපතියා නව (ආදිම්හි තීණි, සහජාතාධිපති, මජ්ඣිමෙසු තීසු මජ්ඣිමානුලොමිකායෙව පඤ්හා, සහජාතාධිපති,) අනන්තරෙ නව…පෙ… සහජාතෙ පඤ්ච…පෙ… උපනිස්සයෙ නව, ආසෙවනෙ නව, කම්මෙ තීණි, ආහාරෙ පඤ්ච, ඉන්ද්‍රියෙ පඤ්ච, ඣානෙ තීණි, මග්ගෙ තීණි, සම්පයුත්තෙ පඤ්ච, අත්ථියා පඤ්ච, නත්ථියා නව…පෙ… අවිගතෙ පඤ්ච (සංඛිත්තං).
23. චෙතසිකං අකුසලං ධම්මං පටිච්ච චෙතසිකො අකුසලො ධම්මො උප්පජ්ජති හෙතුපච්චයා. චෙතසිකං අකුසලං ධම්මං පටිච්ච අචෙතසිකො අකුසලො ධම්මො උප්පජ්ජති හෙතුපච්චයා. චෙතසිකං අකුසලං ධම්මං පටිච්ච චෙතසිකො අකුසලො ච අචෙතසිකො අකුසලො ච ධම්මා උප්පජ්ජන්ති හෙතුපච්චයා. (3)
අචෙතසිකං අකුසලං ධම්මං පටිච්ච චෙතසිකො අකුසලො ධම්මො උප්පජ්ජති හෙතුපච්චයා. (1)
චෙතසිකං අකුසලඤ්ච අචෙතසිකං අකුසලඤ්ච ධම්මං පටිච්ච චෙතසිකො අකුසලො ධම්මො උප්පජ්ජති හෙතුපච්චයා. (1) (සංඛිත්තං.)
24. හෙතුයා පඤ්ච, ආරම්මණෙ පඤ්ච…පෙ… අවිගතෙ පඤ්ච (සංඛිත්තං, යථා කුසලනයං එවං නහෙතුපච්චයම්පි කාතබ්බං). (සහජාතවාරම්පි…පෙ… පඤ්හාවාරම්පි විත්ථාරෙතබ්බං).
25. චෙතසිකං අබ්‍යාකතං ධම්මං පටිච්ච චෙතසිකො අබ්‍යාකතො ධම්මො උප්පජ්ජති හෙතුපච්චයා. චෙතසිකං අබ්‍යාකතං ධම්මං පටිච්ච අචෙතසිකො අබ්‍යාකතො ධම්මො උප්පජ්ජති හෙතුපච්චයා. චෙතසිකං අබ්‍යාකතං ධම්මං පටිච්ච චෙතසිකො අබ්‍යාකතො ච අචෙතසිකො අබ්‍යාකතො ච ධම්මා උප්පජ්ජන්ති හෙතුපච්චයා. (3)
අචෙතසිකං අබ්‍යාකතං ධම්මං පටිච්ච අචෙතසිකො අබ්‍යාකතො ධම්මො උප්පජ්ජති හෙතුපච්චයා… තීණි.
චෙතසිකං අබ්‍යාකතඤ්ච අචෙතසිකං අබ්‍යාකතඤ්ච ධම්මං පටිච්ච චෙතසිකො අබ්‍යාකතො ධම්මො උප්පජ්ජති හෙතුපච්චයා… තීණි (සංඛිත්තං).
26. හෙතුයා නව, ආරම්මණෙ නව, අධිපතියා නව…පෙ… පුරෙජාතෙ ආසෙවනෙ පඤ්ච, කම්මෙ නව, විපාකෙ නව…පෙ… අවිගතෙ නව (සංඛිත්තං).
නහෙතුයා නව, නආරම්මණෙ තීණි, නඅධිපතියා නව (සබ්බෙ කාතබ්බා)…පෙ… නකම්මෙ චත්තාරි, නවිපාකෙ නව, නආහාරෙ එකං, නඉන්ද්‍රියෙ එකං, නඣානෙ ඡ, නමග්ගෙ නව, නසම්පයුත්තෙ තීණි, නවිප්පයුත්තෙ ඡ…පෙ… නොවිගතෙ තීණි. (සංඛිත්තං, සහජාතවාරාදි විත්ථාරෙතබ්බො).
27. චෙතසිකො අබ්‍යාකතො ධම්මො චෙතසිකස්ස අබ්‍යාකතස්ස ධම්මස්ස හෙතුපච්චයෙන පච්චයො (සංඛිත්තං).
28. හෙතුයා තීණි, ආරම්මණෙ නව, අධිපතියා නව (එත්ථ ඡසු සහජාතාධිපති), අනන්තරෙ නව…පෙ… සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ තීණි, ආසෙවනෙ නව, කම්මෙ තීණි, විපාකෙ නව, ආහාරෙ නව, ඉන්ද්‍රියෙ නව, ඣානෙ තීණි, මග්ගෙ තීණි, සම්පයුත්තෙ පඤ්ච, විප්පයුත්තෙ පඤ්ච, අත්ථියා නව…පෙ… අවිගතෙ නව (සංඛිත්තං).