1-7. පටිච්චවාරාදි
පච්චයචතුක්කං
හෙතුපච්චයො
98. අනුපාදින්නං කුසලං ධම්මං පටිච්ච අනුපාදින්නො කුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සබ්බත්ථ එකං. සංඛිත්තං. සහජාතවාරෙපි…පෙ… පඤ්හාවාරෙපි එකං සප්පච්චයකුසලසදිසං).
99. අනුපාදින්නං අකුසලං ධම්මං පටිච්ච අනුපාදින්නො අකුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං…පෙ… අවිගතෙ එකං (සංඛිත්තං. සහජාතවාරෙපි…පෙ… පඤ්හාවාරෙපි සබ්බත්ථ එකං).
100. උපාදින්නං අබ්‍යාකතං ධම්මං පටිච්ච උපාදින්නො අබ්‍යාකතො ධම්මො උප්පජ්ජති හෙතුපච්චයා… තීණි.
අනුපාදින්නං අබ්‍යාකතං ධම්මං පටිච්ච අනුපාදින්නො අබ්‍යාකතො ධම්මො උප්පජ්ජති හෙතුපච්චයා. (1)
උපාදින්නං අබ්‍යාකතඤ්ච අනුපාදින්නං අබ්‍යාකතඤ්ච ධම්මං පටිච්ච අනුපාදින්නො අබ්‍යාකතො ධම්මො උප්පජ්ජති හෙතුපච්චයා – උපාදින්නෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1) (සංඛිත්තං.)
101. හෙතුයා පඤ්ච, ආරම්මණෙ ද්වෙ, අධිපතියා එකං…පෙ… පුරෙජාතෙ ද්වෙ, ආසෙවනෙ එකං, කම්මෙ පඤ්ච, විපාකෙ පඤ්ච…පෙ… අවිගතෙ පඤ්ච (සංඛිත්තං).
නහෙතුයා පඤ්ච, නආරම්මණෙ චත්තාරි, නඅධිපතියා පඤ්ච…පෙ… නපුරෙජාතෙ චත්තාරි, නපච්ඡාජාතෙ නආසෙවනෙ පඤ්ච, නකම්මෙ එකං, නවිපාකෙ ද්වෙ, නආහාරෙ ද්වෙ, නඉන්ද්‍රියෙ ද්වෙ, නඣානෙ ද්වෙ, නමග්ගෙ පඤ්ච, නසම්පයුත්තෙ චත්තාරි, නවිප්පයුත්තෙ ද්වෙ, නොනත්ථියා චත්තාරි, නොවිගතෙ චත්තාරි (සංඛිත්තං. සහජාතවාරාදි විත්ථාරෙතබ්බො).
හෙතු-පුරෙජාතපච්චයා
102. උපාදින්නො අබ්‍යාකතො ධම්මො උපාදින්නස්ස අබ්‍යාකතස්ස ධම්මස්ස හෙතුපච්චයෙන පච්චයො… තීණි.
අනුපාදින්නො අබ්‍යාකතො ධම්මො අනුපාදින්නස්ස අබ්‍යාකතස්ස ධම්මස්ස හෙතුපච්චයෙන පච්චයො. (1)
අනුපාදින්නො අබ්‍යාකතො ධම්මො අනුපාදින්නස්ස අබ්‍යාකතස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති… එකං.
උපාදින්නො අබ්‍යාකතො ධම්මො උපාදින්නස්ස අබ්‍යාකතස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං (ද්වෙ පඤ්හා).
අනුපාදින්නො අබ්‍යාකතො ධම්මො අනුපාදින්නස්ස අබ්‍යාකතස්ස ධම්මස්ස පුරෙජාතපච්චයෙන පච්චයො… ද්වෙ (ආරම්මණපුරෙජාතංයෙව, ඝටනා ද්වෙ, ආරම්මණපුරෙජාතම්පි වත්ථුපුරෙජාතම්පි).
103. හෙතුයා චත්තාරි, ආරම්මණෙ චත්තාරි (උපාදින්නමූලකෙ ද්වෙ, අනුපාදින්නමූලකෙ ද්වෙ), අධිපතියා එකං, අනන්තරෙ සමනන්තරෙ චත්තාරි, සහජාතෙ පඤ්ච, අඤ්ඤමඤ්ඤෙ ද්වෙ, නිස්සයෙ පඤ්ච, උපනිස්සයෙ චත්තාරි, පුරෙජාතෙ ඡ, පච්ඡාජාතෙ ඡ, ආසෙවනෙ එකං, කම්මෙ චත්තාරි, විපාකෙ චත්තාරි, ආහාරෙ නව, ඉන්ද්‍රියෙ චත්තාරි, ඣානෙ චත්තාරි, මග්ගෙ චත්තාරි, සම්පයුත්තෙ ද්වෙ, විප්පයුත්තෙ ඡ, අත්ථියා නව, නත්ථියා චත්තාරි, විගතෙ චත්තාරි, අවිගතෙ නව (සංඛිත්තං).
නහෙතුයා නව, නආරම්මණෙ නව (සංඛිත්තං).
හෙතුපච්චයා නආරම්මණෙ චත්තාරි (සංඛිත්තං).
නහෙතුපච්චයා ආරම්මණෙ චත්තාරි (සංඛිත්තං).
මහන්තරදුකකුසලත්තිකං නිට්ඨිතං.