1-7. පටිච්චවාරාදි
පච්චයචතුක්කං
හෙතුපච්චයො
92. නොඋපාදා කුසලං ධම්මං පටිච්ච නොඋපාදා කුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
93. නොඋපාදා අකුසලං ධම්මං පටිච්ච නොඋපාදා අකුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි …පෙ… පඤ්හාවාරෙපි සබ්බත්ථ එකං.)
94. උපාදා අබ්‍යාකතං ධම්මං පටිච්ච නොඋපාදා අබ්‍යාකතො ධම්මො උප්පජ්ජති හෙතුපච්චයා. (1)
නොඋපාදා අබ්‍යාකතං ධම්මං පටිච්ච නොඋපාදා අබ්‍යාකතො ධම්මො උප්පජ්ජති හෙතුපච්චයා. නොඋපාදා අබ්‍යාකතං ධම්මං පටිච්ච උපාදා අබ්‍යාකතො ධම්මො උප්පජ්ජති හෙතුපච්චයා. නොඋපාදා අබ්‍යාකතං ධම්මං පටිච්ච උපාදා අබ්‍යාකතො ච නොඋපාදා අබ්‍යාකතො ච ධම්මා උප්පජ්ජන්ති හෙතුපච්චයා. (3)
උපාදා අබ්‍යාකතඤ්ච නොඋපාදා අබ්‍යාකතඤ්ච ධම්මං පටිච්ච නොඋපාදා අබ්‍යාකතො ධම්මො උප්පජ්ජති හෙතුපච්චයා. (1) (සංඛිත්තං.)
95. හෙතුයා පඤ්ච, ආරම්මණෙ තීණි…පෙ… අඤ්ඤමඤ්ඤෙ පඤ්ච…පෙ… පුරෙජාතෙ එකං, ආසෙවනෙ එකං, කම්මෙ පඤ්ච, විපාකෙ පඤ්ච…පෙ… අවිගතෙ පඤ්ච (සංඛිත්තං).
නහෙතුයා පඤ්ච, නආරම්මණෙ තීණි, නඅධිපතියා පඤ්ච…පෙ… නපුරෙජාතෙ පඤ්ච…පෙ… නකම්මෙ තීණි, නවිපාකෙ තීණි, නආහාරෙ තීණි, නඉන්ද්‍රියෙ තීණි, නඣානෙ තීණි, නමග්ගෙ පඤ්ච, නසම්පයුත්තෙ තීණි, නවිප්පයුත්තෙ තීණි, නොනත්ථියා තීණි, නොවිගතෙ තීණි (සංඛිත්තං. සහජාතවාරම්පි…පෙ… සම්පයුත්තවාරම්පි විත්ථාරෙතබ්බං.)
හෙතුආරම්මණපච්චයාදි
96. නොඋපාදා අබ්‍යාකතො ධම්මො නොඋපාදා අබ්‍යාකතස්ස ධම්මස්ස හෙතුපච්චයෙන පච්චයො… තීණි.
උපාදා අබ්‍යාකතො ධම්මො නොඋපාදා අබ්‍යාකතස්ස ධම්මස්ස ආරම්මණපච්චයෙන පච්චයො. (1)
නොඋපාදා අබ්‍යාකතො ධම්මො නොඋපාදා අබ්‍යාකතස්ස ධම්මස්ස ආරම්මණපච්චයෙන පච්චයො. (1)
නොඋපාදා අබ්‍යාකතො ධම්මො නොඋපාදා අබ්‍යාකතස්ස ධම්මස්ස අධිපතිපච්චයෙන පච්චයො… තීණි (පඨමෙ ද්වෙපි අධිපතී, ද්වීසු සහජාතාධිපති).
උපාදා අබ්‍යාකතො ධම්මො නොඋපාදා අබ්‍යාකතස්ස ධම්මස්ස උපනිස්සයපච්චයෙන පච්චයො. (1)
නොඋපාදා අබ්‍යාකතො ධම්මො නොඋපාදා අබ්‍යාකතස්ස ධම්මස්ස උපනිස්සයපච්චයෙන පච්චයො. (1) (සංඛිත්තං.)
97. උපනිස්සයෙ ද්වෙ, පුරෙජාතෙ තීණි, පච්ඡාජාතෙ තීණි, ආසෙවනෙ එකං, කම්මෙ තීණි, විපාකෙ තීණි, ආහාරෙ ඡ, ඉන්ද්‍රියෙ සත්ත, ඣානෙ තීණි, මග්ගෙ තීණි, සම්පයුත්තෙ එකං, විප්පයුත්තෙ චත්තාරි, අත්ථියා නව…පෙ… අවිගතෙ නව (සංඛිත්තං).