1-7. පටිච්චවාරාදි
පච්චයචතුක්කං
හෙතුපච්චයො
84. අජ්ඣත්තිකං කුසලං ධම්මං පටිච්ච බාහිරො කුසලො ධම්මො උප්පජ්ජති හෙතුපච්චයා. (1)
බාහිරං කුසලං ධම්මං පටිච්ච බාහිරො කුසලො ධම්මො උප්පජ්ජති හෙතුපච්චයා. බාහිරං කුසලං ධම්මං පටිච්ච අජ්ඣත්තිකො කුසලො ධම්මො උප්පජ්ජති හෙතුපච්චයා. බාහිරං කුසලං ධම්මං පටිච්ච අජ්ඣත්තිකො කුසලො ච බාහිරො කුසලො ච ධම්මා උප්පජ්ජන්ති හෙතුපච්චයා. (3)
අජ්ඣත්තිකං කුසලඤ්ච බාහිරං කුසලඤ්ච ධම්මං පටිච්ච බාහිරො කුසලො ධම්මො උප්පජ්ජති හෙතුපච්චයා. (1) (සංඛිත්තං.)
85. හෙතුයා පඤ්ච, ආරම්මණෙ පඤ්ච…පෙ… අවිගතෙ පඤ්ච. (සංඛිත්තං. චිත්තදුකසදිසං. සහජාතවාරම්පි…පෙ… පඤ්හාවාරම්පි විත්ථාරෙතබ්බං).
86. අජ්ඣත්තිකං අකුසලං ධම්මං පටිච්ච බාහිරො අකුසලො ධම්මො උප්පජ්ජති හෙතුපච්චයා. (1)
බාහිරං අකුසලං ධම්මං පටිච්ච බාහිරො අකුසලො ධම්මො උප්පජ්ජති හෙතුපච්චයා. බාහිරං අකුසලං ධම්මං පටිච්ච අජ්ඣත්තිකො අකුසලො ධම්මො උප්පජ්ජති හෙතුපච්චයා. බාහිරං අකුසලං ධම්මං පටිච්ච අජ්ඣත්තිකො අකුසලො ච බාහිරො අකුසලො ච ධම්මා උප්පජ්ජන්ති හෙතුපච්චයා. (3)
අජ්ඣත්තිකං අකුසලඤ්ච බාහිරං අකුසලඤ්ච ධම්මං පටිච්ච බාහිරො අකුසලො ධම්මො උප්පජ්ජති හෙතුපච්චයා. (1) (සංඛිත්තං.)
87. හෙතුයා පඤ්ච, ආරම්මණෙ පඤ්ච…පෙ… අවිගතෙ පඤ්ච. (සංඛිත්තං. චිත්තදුකසදිසං. සහජාතවාරම්පි…පෙ… පඤ්හාවාරම්පි විත්ථාරෙතබ්බං.)
88. අජ්ඣත්තිකං අබ්‍යාකතං ධම්මං පටිච්ච අජ්ඣත්තිකො අබ්‍යාකතො ධම්මො උප්පජ්ජති හෙතුපච්චයා… තීණි.
බාහිරං අබ්‍යාකතං ධම්මං පටිච්ච බාහිරො අබ්‍යාකතො ධම්මො උප්පජ්ජති හෙතුපච්චයා… තීණි.
අජ්ඣත්තිකං අබ්‍යාකතඤ්ච බාහිරං අබ්‍යාකතඤ්ච ධම්මං පටිච්ච අජ්ඣත්තිකො අබ්‍යාකතො ධම්මො උප්පජ්ජති හෙතුපච්චයා… තීණි (සංඛිත්තං).
89. හෙතුයා නව, ආරම්මණෙ පඤ්ච, අධිපතියා පඤ්ච…පෙ… අඤ්ඤමඤ්ඤෙ පඤ්ච, නිස්සයෙ නව, උපනිස්සයෙ පඤ්ච, පුරෙජාතෙ පඤ්ච, ආසෙවනෙ පඤ්ච, කම්මෙ…පෙ… මග්ගෙ නව, සම්පයුත්තෙ පඤ්ච, විප්පයුත්තෙ නව…පෙ… අවිගතෙ නව (සංඛිත්තං).
නහෙතුයා නව, නආරම්මණෙ නව, නඅධිපතියා නව…පෙ… නකම්මෙ තීණි, නවිපාකෙ පඤ්ච, නආහාරෙ එකං, නඉන්ද්‍රියෙ එකං, නඣානෙ පඤ්ච, නමග්ගෙ නව, නසම්පයුත්තෙ නව, නවිප්පයුත්තෙ පඤ්ච, නොනත්ථියා නව, නොවිගතෙ නව (සංඛිත්තං. සහජාතවාරම්පි…පෙ… සම්පයුත්තවාරම්පි විත්ථාරෙතබ්බං.)
90. බාහිරො අබ්‍යාකතො ධම්මො බාහිරස්ස අබ්‍යාකතස්ස ධම්මස්ස හෙතුපච්චයෙන පච්චයො (සංඛිත්තං).
බාහිරො අබ්‍යාකතො ධම්මො බාහිරස්ස අබ්‍යාකතස්ස ධම්මස්ස කම්මපච්චයෙන පච්චයො… තීණි.
91. හෙතුයා තීණි, ආරම්මණෙ නව, අධිපතියා නව (අජ්ඣත්තිකො බාහිරස්ස ගමනකාලෙ සහජාතාධිපති, මජ්ඣෙ තීසුපි සහජාතාධිපති), අනන්තරෙ නව, සහජාතෙ නව, අඤ්ඤමඤ්ඤෙ පඤ්ච, නිස්සයෙ නව, උපනිස්සයෙ නව, පුරෙජාතෙ නව (ආරම්මණපුරෙජාතම්පි වත්ථුපුරෙජාතම්පි), පච්ඡාජාතෙ නව, ආසෙවනෙ නව, කම්මෙ තීණි, විපාකෙ නව, ආහාරෙ නව (තිණ්ණන්නං කබළීකාරො ආහාරො), ඉන්ද්‍රියෙ නව (තිණ්ණන්නං රූපජීවිතින්ද්‍රියං), ඣානෙ මග්ගෙ තීණි, සම්පයුත්තෙ පඤ්ච, විප්පයුත්තෙ නව, අත්ථියා නව…පෙ… අවිගතෙ නව (සංඛිත්තං).