1-7. පටිච්චවාරාදි

පච්චයචතුක්කං

හෙතුපච්චයො

79. චිත්තසංසට්ඨසමුට්ඨානානුපරිවත්තිං කුසලං ධම්මං පටිච්ච චිත්තසංසට්ඨසමුට්ඨානානුපරිවත්තී කුසලො ධම්මො උප්පජ්ජති හෙතුපච්චයා… තීණි.

නොචිත්තසංසට්ඨසමුට්ඨානානුපරිවත්තිං කුසලං ධම්මං පටිච්ච චිත්තසංසට්ඨසමුට්ඨානානුපරිවත්තී කුසලො ධම්මො උප්පජ්ජති හෙතුපච්චයා. (1)

චිත්තසංසට්ඨසමුට්ඨානානුපරිවත්තිං කුසලඤ්ච නොචිත්තසංසට්ඨසමුට්ඨානානුපරිවත්තිං කුසලඤ්ච ධම්මං පටිච්ච චිත්තසංසට්ඨසමුට්ඨානානුපරිවත්තී කුසලො ධම්මො උප්පජ්ජති හෙතුපච්චයා. (1) (සංඛිත්තං.)

80. හෙතුයා පඤ්ච, ආරම්මණෙ පඤ්ච…පෙ… අවිගතෙ පඤ්ච (සංඛිත්තං).

(සහජාතවාරම්පි…පෙ… පඤ්හාවාරම්පි විත්ථාරෙතබ්බං.)

81. චිත්තසංසට්ඨසමුට්ඨානානුපරිවත්තිං අකුසලං ධම්මං පටිච්ච චිත්තසංසට්ඨසමුට්ඨානානුපරිවත්තී අකුසලො ධම්මො උප්පජ්ජති හෙතුපච්චයා (සංඛිත්තං).

82. හෙතුයා පඤ්ච, ආරම්මණෙ පඤ්ච…පෙ… අවිගතෙ පඤ්ච (සංඛිත්තං).

(සහජාතවාරම්පි…පෙ… පඤ්හාවාරම්පි විත්ථාරෙතබ්බං.)

83. චිත්තසංසට්ඨසමුට්ඨානානුපරිවත්තිං අබ්‍යාකතං ධම්මං පටිච්ච චිත්තසංසට්ඨසමුට්ඨානානුපරිවත්තී අබ්‍යාකතො ධම්මො උප්පජ්ජති හෙතුපච්චයා (සංඛිත්තං).

හෙතුයා නව, ආරම්මණෙ නව…පෙ… අවිගතෙ නව. (සංඛිත්තං. චිත්තසංසට්ඨසමුට්ඨානදුකඅබ්‍යාකතසදිසං. සහජාතවාරම්පි…පෙ… පඤ්හාවාරම්පි විත්ථාරෙතබ්බං.)