1-7. පටිච්චවාරාදි

පච්චයචතුක්කං

හෙතුපච්චයො

73. චිත්තසංසට්ඨසමුට්ඨානසහභුං කුසලං ධම්මං පටිච්ච චිත්තසංසට්ඨසමුට්ඨානසහභූ කුසලො ධම්මො උප්පජ්ජති හෙතුපච්චයා… තීණි.

නොචිත්තසංසට්ඨසමුට්ඨානසහභුං කුසලං ධම්මං පටිච්ච චිත්තසංසට්ඨසමුට්ඨානසහභූ කුසලො ධම්මො උප්පජ්ජති හෙතුපච්චයා. (1)

චිත්තසංසට්ඨසමුට්ඨානසහභුං කුසලඤ්ච නොචිත්තසංසට්ඨසමුට්ඨානසහභුං කුසලඤ්ච ධම්මං පටිච්ච චිත්තසංසට්ඨසමුට්ඨානසහභූ කුසලො ධම්මො උප්පජ්ජති හෙතුපච්චයා. (1) (සංඛිත්තං.)

74. හෙතුයා පඤ්ච, ආරම්මණෙ පඤ්ච…පෙ… අවිගතෙ පඤ්ච (සංඛිත්තං).

(සහජාතවාරම්පි…පෙ… පඤ්හාවාරම්පි විත්ථාරෙතබ්බං.)

75. චිත්තසංසට්ඨසමුට්ඨානසහභුං අකුසලං ධම්මං පටිච්ච චිත්තසංසට්ඨසමුට්ඨානසහභූ අකුසලො ධම්මො උප්පජ්ජති හෙතුපච්චයා… තීණි.

නොචිත්තසංසට්ඨසමුට්ඨානසහභුං අකුසලං ධම්මං පටිච්ච චිත්තසංසට්ඨසමුට්ඨානසහභූ අකුසලො ධම්මො උප්පජ්ජති හෙතුපච්චයා. (1)

චිත්තසංසට්ඨසමුට්ඨානසහභුං අකුසලඤ්ච නොචිත්තසංසට්ඨසමුට්ඨානසහභුං අකුසලඤ්ච ධම්මං පටිච්ච චිත්තසංසට්ඨසමුට්ඨානසහභූ අකුසලො ධම්මො උප්පජ්ජති හෙතුපච්චයා. (1) (සංඛිත්තං.)

76. හෙතුයා පඤ්ච, ආරම්මණෙ පඤ්ච…පෙ… අවිගතෙ පඤ්ච (සංඛිත්තං).

(සහජාතවාරම්පි…පෙ… පඤ්හාවාරම්පි විත්ථාරෙතබ්බං.)

77. චිත්තසංසට්ඨසමුට්ඨානසහභුං අබ්‍යාකතං ධම්මං පටිච්ච චිත්තසංසට්ඨසමුට්ඨානසහභූ අබ්‍යාකතො ධම්මො උප්පජ්ජති හෙතුපච්චයා (සංඛිත්තං).

78. හෙතුයා නව, ආරම්මණෙ නව…පෙ… අවිගතෙ නව. (සංඛිත්තං. චිත්තසංසට්ඨසමුට්ඨානදුකඅබ්‍යාකතසදිසං. සහජාතවාරම්පි…පෙ… පඤ්හාවාරම්පි විත්ථාරෙතබ්බං.)