1-7. පටිච්චවාරාදි

පච්චයචතුක්කං

හෙතුපච්චයො

59. චිත්තානුපරිවත්තිං කුසලං ධම්මං පටිච්ච චිත්තානුපරිවත්තී කුසලො ධම්මො උප්පජ්ජති හෙතුපච්චයා… තීණි.

නොචිත්තානුපරිවත්තිං කුසලං ධම්මං පටිච්ච චිත්තානුපරිවත්තී කුසලො ධම්මො උප්පජ්ජති හෙතුපච්චයා. (1)

චිත්තානුපරිවත්තිං කුසලඤ්ච නොචිත්තානුපරිවත්තිං කුසලඤ්ච ධම්මං පටිච්ච චිත්තානුපරිවත්තී කුසලො ධම්මො උප්පජ්ජති හෙතුපච්චයා. (1) (සංඛිත්තං.)

60. හෙතුයා පඤ්ච, ආරම්මණෙ පඤ්ච…පෙ… අවිගතෙ පඤ්ච (සංඛිත්තං).

(සහජාතවාරම්පි…පෙ… පඤ්හාවාරම්පි විත්ථාරෙතබ්බං.)

61. චිත්තානුපරිවත්තිං අකුසලං ධම්මං පටිච්ච චිත්තානුපරිවත්තී අකුසලො ධම්මො උප්පජ්ජති හෙතුපච්චයා… තීණි.

නොචිත්තානුපරිවත්තිං අකුසලං ධම්මං පටිච්ච චිත්තානුපරිවත්තී අකුසලො ධම්මො උප්පජ්ජති හෙතුපච්චයා. (1)

චිත්තානුපරිවත්තිං අකුසලඤ්ච නොචිත්තානුපරිවත්තිං අකුසලඤ්ච ධම්මං පටිච්ච චිත්තානුපරිවත්තී අකුසලො ධම්මො උප්පජ්ජති හෙතුපච්චයා. (1) (සංඛිත්තං.)

62. හෙතුයා පඤ්ච, ආරම්මණෙ පඤ්ච…පෙ… අවිගතෙ පඤ්ච (සංඛිත්තං).

(සහජාතවාරම්පි…පෙ… පඤ්හාවාරම්පි විත්ථාරෙතබ්බං.)

63. චිත්තානුපරිවත්තිං අබ්‍යාකතං ධම්මං පටිච්ච චිත්තානුපරිවත්තී අබ්‍යාකතො ධම්මො උප්පජ්ජති හෙතුපච්චයා (සංඛිත්තං).

64. හෙතුයා නව, ආරම්මණෙ නව…පෙ… අවිගතෙ නව (සංඛිත්තං. චෙතසිකදුකසදිසං. සහජාතවාරම්පි…පෙ… පඤ්හාවාරම්පි විත්ථාරෙතබ්බං.)