1-7. පටිච්චවාරාදි

පච්චයචතුක්කං

හෙතුපච්චයො

53. චිත්තසහභුං කුසලං ධම්මං පටිච්ච චිත්තසහභූ කුසලො ධම්මො උප්පජ්ජති හෙතුපච්චයා. චිත්තසහභුං කුසලං ධම්මං පටිච්ච නොචිත්තසහභූ කුසලො ධම්මො උප්පජ්ජති හෙතුපච්චයා. චිත්තසහභුං කුසලං ධම්මං පටිච්ච චිත්තසහභූ කුසලො ච නොචිත්තසහභූ කුසලො ච ධම්මා උප්පජ්ජන්ති හෙතුපච්චයා. (3)

නොචිත්තසහභුං කුසලං ධම්මං පටිච්ච චිත්තසහභූ කුසලො ධම්මො උප්පජ්ජති හෙතුපච්චයා. (1)

චිත්තසහභුං කුසලඤ්ච නොචිත්තසහභුං කුසලඤ්ච ධම්මං පටිච්ච චිත්තසහභූ කුසලො ධම්මො උප්පජ්ජති හෙතුපච්චයා. (1) (සංඛිත්තං.)

54. හෙතුයා පඤ්ච, ආරම්මණෙ පඤ්ච…පෙ… අවිගතෙ පඤ්ච (සංඛිත්තං). (සහජාතවාරම්පි…පෙ… පඤ්හාවාරම්පි විත්ථාරෙතබ්බං).

55. චිත්තසහභුං අකුසලං ධම්මං පටිච්ච චිත්තසහභූ අකුසලො ධම්මො උප්පජ්ජති හෙතුපච්චයා… තීණි.

නොචිත්තසහභුං අකුසලං ධම්මං පටිච්ච චිත්තසහභූ අකුසලො ධම්මො උප්පජ්ජති හෙතුපච්චයා. (1)

චිත්තසහභුං අකුසලඤ්ච නොචිත්තසහභුං අකුසලඤ්ච ධම්මං පටිච්ච චිත්තසහභූ අකුසලො ධම්මො උප්පජ්ජති හෙතුපච්චයා. (1) (සංඛිත්තං.)

56. හෙතුයා පඤ්ච, ආරම්මණෙ පඤ්ච…පෙ… අවිගතෙ පඤ්ච (සංඛිත්තං).

(සහජාතවාරම්පි…පෙ… පඤ්හාවාරම්පි විත්ථාරෙතබ්බං.)

57. චිත්තසහභුං අබ්‍යාකතං ධම්මං පටිච්ච චිත්තසහභූ අබ්‍යාකතො ධම්මො උප්පජ්ජති හෙතුපච්චයා… තීණි.

නොචිත්තසහභුං අබ්‍යාකතං ධම්මං පටිච්ච නොචිත්තසහභූ අබ්‍යාකතො ධම්මො උප්පජ්ජති හෙතුපච්චයා… තීණි.

චිත්තසහභුං අබ්‍යාකතඤ්ච නොචිත්තසහභුං අබ්‍යාකතඤ්ච ධම්මං පටිච්ච චිත්තසහභූ අබ්‍යාකතො ධම්මො උප්පජ්ජති හෙතුපච්චයා… තීණි (සංඛිත්තං).

58. හෙතුයා නව, ආරම්මණෙ නව…පෙ… අවිගතෙ නව. (සංඛිත්තං. යථා චෙතසිකදුකමූලා තීණි ගමනා, එවං ඉමෙපි තීණි ගමනා කාතබ්බා. සහජාතවාරම්පි…පෙ… පඤ්හාවාරම්පි විත්ථාරෙතබ්බං.)