1-7. පටිච්චවාරාදි
පච්චයචතුක්කං
හෙතුපච්චයො
43. චිත්තසමුට්ඨානං කුසලං ධම්මං පටිච්ච චිත්තසමුට්ඨානො කුසලො ධම්මො උප්පජ්ජති හෙතුපච්චයා. චිත්තසමුට්ඨානං කුසලං ධම්මං පටිච්ච නොචිත්තසමුට්ඨානො කුසලො ධම්මො උප්පජ්ජති හෙතුපච්චයා. චිත්තසමුට්ඨානං කුසලං ධම්මං පටිච්ච චිත්තසමුට්ඨානො කුසලො ච නොචිත්තසමුට්ඨානො කුසලො ච ධම්මා උප්පජ්ජන්ති හෙතුපච්චයා. (3)
නොචිත්තසමුට්ඨානං කුසලං ධම්මං පටිච්ච චිත්තසමුට්ඨානො කුසලො ධම්මො උප්පජ්ජති හෙතුපච්චයා. (1)
චිත්තසමුට්ඨානං කුසලඤ්ච නොචිත්තසමුට්ඨානං කුසලඤ්ච ධම්මං පටිච්ච චිත්තසමුට්ඨානො කුසලො ධම්මො උප්පජ්ජති හෙතුපච්චයා. (1) (සංඛිත්තං.)
44. හෙතුයා පඤ්ච, ආරම්මණෙ පඤ්ච (සබ්බත්ථ පඤ්ච), අවිගතෙ පඤ්ච (සංඛිත්තං).
නඅධිපතියා පඤ්ච, නපුරෙජාතෙ පඤ්ච…පෙ… නකම්මෙ තීණි, නවිපාකෙ පඤ්ච…පෙ… නවිප්පයුත්තෙ පඤ්ච (සංඛිත්තං, සහජාතවාරාදි විත්ථාරෙතබ්බො).
45. චිත්තසමුට්ඨානො කුසලො ධම්මො චිත්තසමුට්ඨානස්ස කුසලස්ස ධම්මස්ස හෙතුපච්චයෙන පච්චයො (සංඛිත්තං).
46. හෙතුයා තීණි, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ පඤ්ච…පෙ… උපනිස්සයෙ නව, ආසෙවනෙ නව, කම්මෙ තීණි, ආහාරෙ පඤ්ච, ඉන්ද්‍රියෙ පඤ්ච, ඣානෙ තීණි, මග්ගෙ තීණි, සම්පයුත්තෙ පඤ්ච, අත්ථියා පඤ්ච…පෙ… අවිගතෙ පඤ්ච (සංඛිත්තං).
47. චිත්තසමුට්ඨානං අකුසලං ධම්මං පටිච්ච චිත්තසමුට්ඨානො අකුසලො ධම්මො උප්පජ්ජති හෙතුපච්චයා… තීණි.
නොචිත්තසමුට්ඨානං අකුසලං ධම්මං පටිච්ච චිත්තසමුට්ඨානො අකුසලො ධම්මො උප්පජ්ජති හෙතුපච්චයා. (1)
චිත්තසමුට්ඨානං අකුසලඤ්ච නොචිත්තසමුට්ඨානං අකුසලඤ්ච ධම්මං පටිච්ච චිත්තසමුට්ඨානො අකුසලො ධම්මො උප්පජ්ජති හෙතුපච්චයා. (1) (සංඛිත්තං).
48. හෙතුයා පඤ්ච, ආරම්මණෙ පඤ්ච…පෙ… අවිගතෙ පඤ්ච (සංඛිත්තං).
(කුසලත්තිකසදිසං සහජාතවාරම්පි …පෙ… පඤ්හාවාරම්පි විත්ථාරෙතබ්බං.)
49. චිත්තසමුට්ඨානං අබ්‍යාකතං ධම්මං පටිච්ච චිත්තසමුට්ඨානො අබ්‍යාකතො ධම්මො උප්පජ්ජති හෙතුපච්චයා… තීණි.
නොචිත්තසමුට්ඨානං අබ්‍යාකතං ධම්මං පටිච්ච නොචිත්තසමුට්ඨානො අබ්‍යාකතො ධම්මො උප්පජ්ජති හෙතුපච්චයා… තීණි.
චිත්තසමුට්ඨානං අබ්‍යාකතඤ්ච නොචිත්තසමුට්ඨානං අබ්‍යාකතඤ්ච ධම්මං පටිච්ච චිත්තසමුට්ඨානො අබ්‍යාකතො ධම්මො උප්පජ්ජති හෙතුපච්චයා… තීණි (සංඛිත්තං).
50. හෙතුයා නව, ආරම්මණෙ නව, අධිපතියා පඤ්ච (සබ්බත්ථ නව), පුරෙජාතෙ පඤ්ච, ආසෙවනෙ පඤ්ච…පෙ… අවිගතෙ නව (සංඛිත්තං).
නහෙතුයා නව, නආරම්මණෙ ඡ, නඅධිපතියා නව…පෙ… නකම්මෙ තීණි, නවිපාකෙ ඡ, නආහාරෙ එකං, නඉන්ද්‍රියෙ එකං, නඣානෙ ඡ, නමග්ගෙ නව, නසම්පයුත්තෙ ඡ, නවිප්පයුත්තෙ ඡ, නොනත්ථියා ඡ, නොවිගතෙ ඡ (සංඛිත්තං).
(සහජාතවාරම්පි…පෙ… සම්පයුත්තවාරම්පි විත්ථාරෙතබ්බං.)
51. චිත්තසමුට්ඨානො අබ්‍යාකතො ධම්මො චිත්තසමුට්ඨානස්ස අබ්‍යාකතස්ස ධම්මස්ස හෙතුපච්චයෙන පච්චයො… තීණි.
චිත්තසමුට්ඨානො අබ්‍යාකතො ධම්මො චිත්තසමුට්ඨානස්ස අබ්‍යාකතස්ස ධම්මස්ස ආරම්මණපච්චයෙන පච්චයො (සංඛිත්තං).
52. හෙතුයා තීණි, ආරම්මණෙ නව, අධිපතියා නව, අනන්තරෙ නව (සබ්බත්ථ නව), පුරෙජාතෙ නව, පච්ඡාජාතෙ නව, ආසෙවනෙ නව, කම්මෙ තීණි, විපාකෙ නව, ආහාරෙ නව (චිත්තසමුට්ඨානමූලං නොචිත්තසමුට්ඨානස්ස කබළීකාරො ආහාරො කාතබ්බො. නොචිත්තසමුට්ඨානො චිත්තසමුට්ඨානස්ස කබළීකාරො ආහාරො ඝටනෙ මජ්ඣෙ කබළීකාරො ආහාරො), ඉන්ද්‍රියෙ නව (රූපජීවිතින්ද්‍රියං එකං), ඣානෙ තීණි, මග්ගෙ තීණි, සම්පයුත්තෙ පඤ්ච, විප්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව (සංඛිත්තං).
(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)