1. විභඞ්ගවාරො

හෙතුපච්චයො

100. නීවරණො චෙව නීවරණසම්පයුත්තො ච ධම්මො නීවරණස්ස චෙව නීවරණසම්පයුත්තස්ස ච ධම්මස්ස හෙතුපච්චයෙන පච්චයො – නීවරණා චෙව නීවරණසම්පයුත්තා ච හෙතූ සම්පයුත්තකානං නීවරණානං හෙතුපච්චයෙන පච්චයො. (1)

නීවරණො චෙව නීවරණසම්පයුත්තො ච ධම්මො නීවරණසම්පයුත්තස්ස චෙව නො ච නීවරණස්ස ධම්මස්ස හෙතුපච්චයෙන පච්චයො – නීවරණා චෙව නීවරණසම්පයුත්තා ච හෙතූ සම්පයුත්තකානං ඛන්ධානං හෙතුපච්චයෙන පච්චයො. (2)

නීවරණො චෙව නීවරණසම්පයුත්තො ච ධම්මො නීවරණස්ස චෙව නීවරණසම්පයුත්තස්ස ච නීවරණසම්පයුත්තස්ස චෙව නො ච නීවරණස්ස ච ධම්මස්ස හෙතුපච්චයෙන පච්චයො – නීවරණා චෙව නීවරණසම්පයුත්තා ච හෙතූ සම්පයුත්තකානං ඛන්ධානං නීවරණානඤ්ච හෙතුපච්චයෙන පච්චයො. (3)

ආරම්මණපච්චයො

101. නීවරණො චෙව නීවරණසම්පයුත්තො ච ධම්මො නීවරණස්ස චෙව නීවරණසම්පයුත්තස්ස ච ධම්මස්ස ආරම්මණපච්චයෙන පච්චයො – නීවරණෙ ආරබ්භ නීවරණා උප්පජ්ජන්ති. (මූලං කාතබ්බං) නීවරණෙ ආරබ්භ නීවරණසම්පයුත්තා චෙව නො ච නීවරණා ඛන්ධා උප්පජ්ජන්ති. (මූලං කාතබ්බං) නීවරණෙ ආරබ්භ නීවරණා ච සම්පයුත්තකා ච ඛන්ධා උප්පජ්ජන්ති. (3)

නීවරණසම්පයුත්තො චෙව නො ච නීවරණො ධම්මො නීවරණසම්පයුත්තස්ස චෙව නො ච නීවරණස්ස ධම්මස්ස ආරම්මණපච්චයෙන පච්චයො – නීවරණසම්පයුත්තෙ චෙව නො ච නීවරණෙ ඛන්ධෙ ආරබ්භ නීවරණසම්පයුත්තා චෙව නො ච නීවරණා ඛන්ධා උප්පජ්ජන්ති. (මූලං පුච්ඡිතබ්බං) නීවරණසම්පයුත්තෙ චෙව නො ච නීවරණෙ ඛන්ධෙ ආරබ්භ නීවරණා උප්පජ්ජන්ති. (මූලං පුච්ඡිතබ්බං) නීවරණසම්පයුත්තෙ චෙව නො ච නීවරණෙ ඛන්ධෙ ආරබ්භ නීවරණා ච සම්පයුත්තකා ච ඛන්ධා උප්පජ්ජන්ති. (3)

නීවරණො චෙව නීවරණසම්පයුත්තො ච නීවරණසම්පයුත්තො චෙව නො ච නීවරණො ච ධම්මා නීවරණස්ස චෙව නීවරණසම්පයුත්තස්ස ච ධම්මස්ස ආරම්මණපච්චයෙන පච්චයො… තීණි. (3)

අධිපතිපච්චයාදි

102. නීවරණො චෙව නීවරණසම්පයුත්තො ච ධම්මො නීවරණස්ස චෙව නීවරණසම්පයුත්තස්ස ච ධම්මස්ස අධිපතිපච්චයෙන පච්චයො – ආරම්මණාධිපති… තීණි (ගරුකාරම්මණායෙව).

නීවරණසම්පයුත්තො චෙව නො ච නීවරණො ධම්මො නීවරණසම්පයුත්තස්ස චෙව නො ච නීවරණස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති නීවරණසම්පයුත්තෙ චෙව නො ච නීවරණෙ ඛන්ධෙ ගරුං කත්වා නීවරණසම්පයුත්තා චෙව නො ච නීවරණා ඛන්ධා උප්පජ්ජන්ති. සහජාතාධිපති – නීවරණසම්පයුත්තා චෙව නො ච නීවරණාධිපති සම්පයුත්තකානං ඛන්ධානං අධිපතිපච්චයෙන පච්චයො. (මූලං කාතබ්බං) ආරම්මණාධිපති – නීවරණසම්පයුත්තෙ චෙව නො ච නීවරණෙ ඛන්ධෙ ගරුං කත්වා නීවරණා උප්පජ්ජන්ති. සහජාතාධිපති – නීවරණසම්පයුත්තා චෙව නො ච නීවරණාධිපති සම්පයුත්තකානං නීවරණානං අධිපතිපච්චයෙන පච්චයො. (මූලං කාතබ්බං) ආරම්මණාධිපති – නීවරණසම්පයුත්තෙ චෙව නො ච නීවරණෙ ඛන්ධෙ ගරුං කත්වා නීවරණා ච සම්පයුත්තකා ච ඛන්ධා උප්පජ්ජන්ති. සහජාතාධිපති – නීවරණසම්පයුත්තා චෙව නො ච නීවරණාධිපති සම්පයුත්තකානං ඛන්ධානං නීවරණානඤ්ච අධිපතිපච්චයෙන පච්චයො. (3)

103. නීවරණො චෙව නීවරණසම්පයුත්තො ච නීවරණසම්පයුත්තො චෙව නො ච නීවරණො ච ධම්මා නීවරණස්ස චෙව නීවරණසම්පයුත්තස්ස ච ධම්මස්ස අධිපතිපච්චයෙන පච්චයො – ආරම්මණාධිපති… තීණි. (3)

අනන්තරපච්චයෙන පච්චයො (ආවජ්ජනාපි වුට්ඨානම්පි නත්ථි, සබ්බත්ථ පුරිමා පුරිමා කාතබ්බා)… සමනන්තරපච්චයෙන පච්චයො… නව… සහජාතපච්චයෙන පච්චයො… නව… අඤ්ඤමඤ්ඤපච්චයෙන පච්චයො… නව… නිස්සයපච්චයෙන පච්චයො… නව… උපනිස්සයපච්චයෙන පච්චයො… නව (ආරම්මණසදිසං, විපාකො නත්ථි)… ආසෙවනපච්චයෙන පච්චයො… පඤ්ච.

කම්මපච්චයො

104. නීවරණසම්පයුත්තො චෙව නො ච නීවරණො ධම්මො නීවරණසම්පයුත්තස්ස චෙව නො ච නීවරණස්ස ධම්මස්ස කම්මපච්චයෙන පච්චයො – නීවරණසම්පයුත්තා චෙව නො ච නීවරණා චෙතනා සම්පයුත්තකානං ඛන්ධානං කම්මපච්චයෙන පච්චයො. (මූලං කාතබ්බං) නීවරණසම්පයුත්තා චෙව නො ච නීවරණා චෙතනා සම්පයුත්තකානං නීවරණානං කම්මපච්චයෙන පච්චයො. (මූලං කාතබ්බං) නීවරණසම්පයුත්තා චෙව නො ච නීවරණා චෙතනා සම්පයුත්තකානං ඛන්ධානං නීවරණානඤ්ච කම්මපච්චයෙන පච්චයො. (3)

ආහාරපච්චයාදි

105. නීවරණසම්පයුත්තො චෙව නො ච නීවරණො ධම්මො නීවරණසම්පයුත්තස්ස චෙව නො ච නීවරණස්ස ධම්මස්ස ආහාරපච්චයෙන පච්චයො… තීණි… ඉන්ද්‍රියපච්චයෙන පච්චයො… තීණි… ඣානපච්චයෙන පච්චයො… තීණි… මග්ගපච්චයෙන පච්චයො… තීණි… සම්පයුත්තපච්චයෙන පච්චයො… නව… අත්ථිපච්චයෙන පච්චයො… නව… නත්ථිපච්චයෙන පච්චයො… නව… විගතපච්චයෙන පච්චයො… නව… අවිගතපච්චයෙන පච්චයො … නව.