8. නීවරණගොච්ඡකං

44. නීවරණදුකං

1. පටිච්චවාරො

1. පච්චයානුලොමං

1. විභඞ්ගවාරො

හෙතුපච්චයො

1. නීවරණං ධම්මං පටිච්ච නීවරණො ධම්මො උප්පජ්ජති හෙතුපච්චයා – කාමච්ඡන්දනීවරණං පටිච්ච ථිනමිද්ධනීවරණං [ථීනමිද්ධනීවරණං (ස්‍යා.)] උද්ධච්චනීවරණං අවිජ්ජානීවරණං, කාමච්ඡන්දනීවරණං පටිච්ච උද්ධච්චනීවරණං අවිජ්ජානීවරණං, බ්‍යාපාදනීවරණං පටිච්ච ථිනමිද්ධනීවරණං උද්ධච්චනීවරණං අවිජ්ජානීවරණං, බ්‍යාපාදනීවරණං පටිච්ච උද්ධච්චනීවරණං අවිජ්ජානීවරණං, බ්‍යාපාදනීවරණං පටිච්ච ථිනමිද්ධනීවරණං උද්ධච්චනීවරණං කුක්කුච්චනීවරණං අවිජ්ජානීවරණං, බ්‍යාපාදනීවරණං පටිච්ච උද්ධච්චනීවරණං කුක්කුච්චනීවරණං අවිජ්ජානීවරණං, විචිකිච්ඡානීවරණං පටිච්ච උද්ධච්චනීවරණං, උද්ධච්චනීවරණං පටිච්ච අවිජ්ජානීවරණං. (1)

නීවරණං ධම්මං පටිච්ච නොනීවරණො ධම්මො උප්පජ්ජති හෙතුපච්චයා – නීවරණෙ පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං. (2)

නීවරණං ධම්මං පටිච්ච නීවරණො ච නොනීවරණො ච ධම්මා උප්පජ්ජන්ති හෙතුපච්චයා – කාමච්ඡන්දනීවරණං පටිච්ච ථිනමිද්ධනීවරණං උද්ධච්චනීවරණං අවිජ්ජානීවරණං සම්පයුත්තකා ච ඛන්ධා චිත්තසමුට්ඨානඤ්ච රූපං (චක්කං). (3)

2. නොනීවරණං ධම්මං පටිච්ච නොනීවරණො ධම්මො උප්පජ්ජති හෙතුපච්චයා – නොනීවරණං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

නොනීවරණං ධම්මං පටිච්ච නීවරණො ධම්මො උප්පජ්ජති හෙතුපච්චයා – නොනීවරණෙ ඛන්ධෙ පටිච්ච නීවරණා. (2)

නොනීවරණං ධම්මං පටිච්ච නීවරණො ච නොනීවරණො ච ධම්මා උප්පජ්ජන්ති හෙතුපච්චයා – නොනීවරණං එකං ඛන්ධං පටිච්ච තයො ඛන්ධා නීවරණා ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

3. නීවරණඤ්ච නොනීවරණඤ්ච ධම්මං පටිච්ච නීවරණො ධම්මො උප්පජ්ජති හෙතුපච්චයා – කාමච්ඡන්දනීවරණඤ්ච සම්පයුත්තකෙ ච ඛන්ධෙ පටිච්ච ථිනමිද්ධනීවරණං උද්ධච්චනීවරණං අවිජ්ජානීවරණං (චක්කං). (1)

නීවරණඤ්ච නොනීවරණඤ්ච ධම්මං පටිච්ච නොනීවරණො ධම්මො උප්පජ්ජති හෙතුපච්චයා – නොනීවරණං එකං ඛන්ධඤ්ච නීවරණඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ ච…පෙ… නීවරණෙ ච මහාභූතෙ ච පටිච්ච චිත්තසමුට්ඨානං රූපං. (2)

නීවරණඤ්ච නොනීවරණඤ්ච ධම්මං පටිච්ච නීවරණො ච නොනීවරණො ච ධම්මා උප්පජ්ජන්ති හෙතුපච්චයා – නොනීවරණං එකං ඛන්ධඤ්ච කාමච්ඡන්දනීවරණඤ්ච පටිච්ච තයො ඛන්ධා ථිනමිද්ධනීවරණං උද්ධච්චනීවරණං අවිජ්ජානීවරණං…පෙ… ද්වෙ ඛන්ධෙ ච…පෙ… (චක්කං. සංඛිත්තං). (3)

1. පච්චයානුලොමං

2. සඞ්ඛ්‍යාවාරො

සුද්ධං

4. හෙතුයා නව, ආරම්මණෙ නව, අධිපතියා නව, අනන්තරෙ නව, සමනන්තරෙ නව (සබ්බත්ථ නව), විපාකෙ එකං, ආහාරෙ නව…පෙ… අවිගතෙ නව.

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

5. නීවරණං ධම්මං පටිච්ච නීවරණො ධම්මො උප්පජ්ජති නහෙතුපච්චයා – විචිකිච්ඡානීවරණං පටිච්ච අවිජ්ජානීවරණං, උද්ධච්චනීවරණං පටිච්ච අවිජ්ජානීවරණං. (1)

නොනීවරණං ධම්මං පටිච්ච නොනීවරණො ධම්මො උප්පජ්ජති නහෙතුපච්චයා – අහෙතුකං නොනීවරණං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ…පෙ… අහෙතුකපටිසන්ධික්ඛණෙ…පෙ… (යාව අසඤ්ඤසත්තා). (1)

නොනීවරණං ධම්මං පටිච්ච නීවරණො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච අවිජ්ජානීවරණං. (2)

6. නීවරණඤ්ච නොනීවරණඤ්ච ධම්මං පටිච්ච නීවරණො ධම්මො උප්පජ්ජති නහෙතුපච්චයා – විචිකිච්ඡානීවරණඤ්ච සම්පයුත්තකෙ ච ඛන්ධෙ පටිච්ච අවිජ්ජානීවරණං, උද්ධච්චනීවරණඤ්ච සම්පයුත්තකෙ ච ඛන්ධෙ පටිච්ච අවිජ්ජානීවරණං. (1)

නආරම්මණපච්චයාදි

7. නීවරණං ධම්මං පටිච්ච නොනීවරණො ධම්මො උප්පජ්ජති නආරම්මණපච්චයා – නීවරණෙ පටිච්ච චිත්තසමුට්ඨානං රූපං. (1)

නොනීවරණං ධම්මං පටිච්ච නොනීවරණො ධම්මො උප්පජ්ජති නආරම්මණපච්චයා – නොනීවරණෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… (යාව අසඤ්ඤසත්තා). (1)

නීවරණඤ්ච නොනීවරණඤ්ච ධම්මං පටිච්ච නොනීවරණො ධම්මො උප්පජ්ජති නආරම්මණපච්චයා – නීවරණෙ ච සම්පයුත්තකෙ ච ඛන්ධෙ පටිච්ච චිත්තසමුට්ඨානං රූපං (සංඛිත්තං)… නඅධිපතිපච්චයා… නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා.

නපුරෙජාතපච්චයො

8. නීවරණං ධම්මං පටිච්ච නීවරණො ධම්මො උප්පජ්ජති නපුරෙජාතපච්චයා – අරූපෙ කාමච්ඡන්දනීවරණං පටිච්ච ථිනමිද්ධනීවරණං උද්ධච්චනීවරණං අවිජ්ජානීවරණං, අරූපෙ කාමච්ඡන්දනීවරණං පටිච්ච උද්ධච්චනීවරණං අවිජ්ජානීවරණං, අරූපෙ විචිකිච්ඡානීවරණං පටිච්ච උද්ධච්චනීවරණං අවිජ්ජානීවරණං, අරූපෙ උද්ධච්චනීවරණං පටිච්ච අවිජ්ජානීවරණං. (1)

නීවරණං ධම්මං පටිච්ච නොනීවරණො ධම්මො උප්පජ්ජති නපුරෙජාතපච්චයා – අරූපෙ නීවරණෙ පටිච්ච සම්පයුත්තකා ඛන්ධා, නීවරණෙ පටිච්ච චිත්තසමුට්ඨානං රූපං. (අවසෙසා පඤ්හා සබ්බෙ විත්ථාරෙතබ්බා. අරූපං පඨමං කාතබ්බං, රූපං පච්ඡා යථා ලභති.)

9. නීවරණඤ්ච නොනීවරණඤ්ච ධම්මං පටිච්ච නීවරණො ධම්මො උප්පජ්ජති නපුරෙජාතපච්චයා – අරූපෙ නොනීවරණෙ ඛන්ධෙ ච කාමච්ඡන්දනීවරණඤ්ච පටිච්ච ථිනමිද්ධනීවරණං උද්ධච්චනීවරණං (චක්කං). (1)

නීවරණඤ්ච නොනීවරණඤ්ච ධම්මං පටිච්ච නොනීවරණො ධම්මො උප්පජ්ජති නපුරෙජාතපච්චයා – අරූපෙ නොනීවරණං එකං ඛන්ධඤ්ච නීවරණෙ ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ… නීවරණෙ ච සම්පයුත්තකෙ ච ඛන්ධෙ පටිච්ච චිත්තසමුට්ඨානං රූපං, නීවරණෙ ච මහාභූතෙ ච පටිච්ච චිත්තසමුට්ඨානං රූපං. (2)

නීවරණඤ්ච නොනීවරණඤ්ච ධම්මං පටිච්ච නීවරණො ච නොනීවරණො ච ධම්මා උප්පජ්ජන්ති නපුරෙජාතපච්චයා – අරූපෙ නොනීවරණං එකං ඛන්ධඤ්ච කාමච්ඡන්දනීවරණඤ්ච පටිච්ච තයො ඛන්ධා ථිනමිද්ධනීවරණං උද්ධච්චනීවරණං අවිජ්ජානීවරණං (චක්කං. සංඛිත්තං). (3)

2. පච්චයපච්චනීයං

2. සඞ්ඛ්‍යාවාරො

සුද්ධං

10. නහෙතුයා චත්තාරි, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ නව, නොනත්ථියා තීණි, නොවිගතෙ තීණි.

3. පච්චයානුලොමපච්චනීයං

11. හෙතුපච්චයා නආරම්මණෙ තීණි, නඅධිපතියා නව (සංඛිත්තං).

4. පච්චයපච්චනීයානුලොමං

12. නහෙතුපච්චයා ආරම්මණෙ චත්තාරි…පෙ… මග්ගෙ තීණි…පෙ… අවිගතෙ චත්තාරි.

2. සහජාතවාරො

(සහජාතවාරොපි එවං විත්ථාරෙතබ්බො).

3. පච්චයවාරො

1. පච්චයානුලොමං

1. විභඞ්ගවාරො

හෙතුපච්චයො

13. නීවරණං ධම්මං පච්චයා නීවරණො ධම්මො උප්පජ්ජති හෙතුපච්චයා… තීණි.

නොනීවරණං ධම්මං පච්චයා නොනීවරණො ධම්මො උප්පජ්ජති හෙතුපච්චයා – නොනීවරණං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… (යාව අජ්ඣත්තිකා මහාභූතා), වත්ථුං පච්චයා නොනීවරණා ඛන්ධා. (1)

නොනීවරණං ධම්මං පච්චයා නීවරණො ධම්මො උප්පජ්ජති හෙතුපච්චයා – නොනීවරණෙ ඛන්ධෙ පච්චයා නීවරණා, වත්ථුං පච්චයා නීවරණා. (2)

නොනීවරණං ධම්මං පච්චයා නීවරණො ච නොනීවරණො ච ධම්මා උප්පජ්ජන්ති හෙතුපච්චයා – නොනීවරණං එකං ඛන්ධං පච්චයා තයො ඛන්ධා නීවරණා ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… වත්ථුං පච්චයා නීවරණා, මහාභූතෙ පච්චයා චිත්තසමුට්ඨානං රූපං, වත්ථුං පච්චයා නීවරණා ච සම්පයුත්තකා ච ඛන්ධා. (3)

14. නීවරණඤ්ච නොනීවරණඤ්ච ධම්මං පච්චයා නීවරණො ධම්මො උප්පජ්ජති හෙතුපච්චයා – කාමච්ඡන්දනීවරණඤ්ච සම්පයුත්තකෙ ච ඛන්ධෙ පච්චයා ථිනමිද්ධනීවරණං උද්ධච්චනීවරණං අවිජ්ජානීවරණං (චක්කං). කාමච්ඡන්දනීවරණඤ්ච වත්ථුඤ්ච පච්චයා ථිනමිද්ධනීවරණං උද්ධච්චනීවරණං අවිජ්ජානීවරණං (චක්කං). (1)

නීවරණඤ්ච නොනීවරණඤ්ච ධම්මං පච්චයා නොනීවරණො ධම්මො උප්පජ්ජති හෙතුපච්චයා – නොනීවරණං එකං ඛන්ධඤ්ච නීවරණඤ්ච පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… නීවරණඤ්ච වත්ථුඤ්ච පච්චයා සම්පයුත්තකා ඛන්ධා, නීවරණඤ්ච සම්පයුත්තකෙ ච ඛන්ධෙ පච්චයා චිත්තසමුට්ඨානං රූපං, නීවරණෙ ච මහාභූතෙ ච පච්චයා චිත්තසමුට්ඨානං රූපං. (2)

නීවරණඤ්ච නොනීවරණඤ්ච ධම්මං පච්චයා නීවරණො ච නොනීවරණො ච ධම්මා උප්පජ්ජන්ති හෙතුපච්චයා – නොනීවරණං එකං ඛන්ධඤ්ච කාමච්ඡන්දනීවරණඤ්ච පච්චයා තයො ඛන්ධා ථිනමිද්ධනීවරණං උද්ධච්චනීවරණං අවිජ්ජානීවරණං…පෙ… ද්වෙ ඛන්ධෙ …පෙ… (චක්කං). කාමච්ඡන්දනීවරණඤ්ච වත්ථුඤ්ච පච්චයා ථිනමිද්ධනීවරණං උද්ධච්චනීවරණං අවිජ්ජානීවරණං සම්පයුත්තකා ච ඛන්ධා (චක්කං. සංඛිත්තං). (3)

1. පච්චයානුලොමං

2. සඞ්ඛ්‍යාවාරො

15. හෙතුයා නව, ආරම්මණෙ නව (සබ්බත්ථ නව), විපාකෙ එකං…පෙ… අවිගතෙ නව.

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

16. නීවරණං ධම්මං පච්චයා නීවරණො ධම්මො උප්පජ්ජති නහෙතුපච්චයා – විචිකිච්ඡානීවරණං පච්චයා අවිජ්ජානීවරණං, උද්ධච්චනීවරණං පච්චයා අවිජ්ජානීවරණං. (1)

නොනීවරණං ධම්මං පච්චයා නොනීවරණො ධම්මො උප්පජ්ජති නහෙතුපච්චයා – අහෙතුකං නොනීවරණං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… (යාව අසඤ්ඤසත්තා) චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා නොනීවරණා ඛන්ධා. (1)

නොනීවරණං ධම්මං පච්චයා නීවරණො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පච්චයා අවිජ්ජානීවරණං, වත්ථුං පච්චයා අවිජ්ජානීවරණං. (2)

17. නීවරණඤ්ච නොනීවරණඤ්ච ධම්මං පච්චයා නීවරණො ධම්මො උප්පජ්ජති නහෙතුපච්චයා – විචිකිච්ඡානීවරණඤ්ච සම්පයුත්තකෙ ච ඛන්ධෙ පච්චයා අවිජ්ජානීවරණං, උද්ධච්චනීවරණඤ්ච සම්පයුත්තකෙ ච ඛන්ධෙ පච්චයා අවිජ්ජානීවරණං, විචිකිච්ඡානීවරණඤ්ච වත්ථුඤ්ච පච්චයා අවිජ්ජානීවරණං, උද්ධච්චනීවරණඤ්ච වත්ථුඤ්ච පච්චයා අවිජ්ජානීවරණං (සංඛිත්තං). (1)

2. පච්චයපච්චනීයං

2. සඞ්ඛ්‍යාවාරො

සුද්ධං

18. නහෙතුයා චත්තාරි, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ නව, නොනත්ථියා තීණි, නොවිගතෙ තීණි.

3. පච්චයානුලොමපච්චනීයං

19. හෙතුපච්චයා නආරම්මණෙ තීණි, නඅධිපතියා නව (සංඛිත්තං).

4. පච්චයපච්චනීයානුලොමං

20. නහෙතුපච්චයා ආරම්මණෙ චත්තාරි, අනන්තරෙ චත්තාරි, සමනන්තරෙ චත්තාරි…පෙ… මග්ගෙ තීණි, අවිගතෙ චත්තාරි.

5. සංසට්ඨවාරො

1-4. පච්චයචතුක්කං

21. නීවරණං ධම්මං සංසට්ඨො නීවරණො ධම්මො උප්පජ්ජති හෙතුපච්චයා – කාමච්ඡන්දනීවරණං සංසට්ඨං ථිනමිද්ධනීවරණං උද්ධච්චනීවරණං අවිජ්ජානීවරණං (චක්කං. සබ්බං නීවරණං විත්ථාරෙතබ්බං).

22. හෙතුයා නව, ආරම්මණෙ නව (සබ්බත්ථ නව), විපාකෙ එකං…පෙ… අවිගතෙ නව.

අනුලොමං.

23. නීවරණං ධම්මං සංසට්ඨො නීවරණො ධම්මො උප්පජ්ජති නහෙතුපච්චයා – විචිකිච්ඡානීවරණං සංසට්ඨං අවිජ්ජානීවරණං, උද්ධච්චනීවරණං සංසට්ඨං අවිජ්ජානීවරණං (සංඛිත්තං).

24. නහෙතුයා චත්තාරි, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නඣානෙ එකං, නමග්ගෙ එකං, නවිප්පයුත්තෙ නව.

පච්චනීයං.

6. සම්පයුත්තවාරො

(එවං ඉතරෙ ද්වෙ ගණනාපි සම්පයුත්තවාරොපි කාතබ්බො.)

7. පඤ්හාවාරො

1. පච්චයානුලොමං

1. විභඞ්ගවාරො

හෙතුපච්චයො

25. නීවරණො ධම්මො නීවරණස්ස ධම්මස්ස හෙතුපච්චයෙන පච්චයො – නීවරණා හෙතූ සම්පයුත්තකානං නීවරණානං හෙතුපච්චයෙන පච්චයො. (1)

නීවරණො ධම්මො නොනීවරණස්ස ධම්මස්ස හෙතුපච්චයෙන පච්චයො – නීවරණා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (2)

නීවරණො ධම්මො නීවරණස්ස ච නොනීවරණස්ස ච ධම්මස්ස හෙතුපච්චයෙන පච්චයො – නීවරණා හෙතූ සම්පයුත්තකානං ඛන්ධානං නීවරණානඤ්ච චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

නොනීවරණො ධම්මො නොනීවරණස්ස ධම්මස්ස හෙතුපච්චයෙන පච්චයො – නොනීවරණා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (1)

ආරම්මණපච්චයො

26. නීවරණො ධම්මො නීවරණස්ස ධම්මස්ස ආරම්මණපච්චයෙන පච්චයො – නීවරණෙ ආරබ්භ නීවරණා උප්පජ්ජන්ති. (මූලං පුච්ඡිතබ්බං) නීවරණෙ ආරබ්භ නොනීවරණා ඛන්ධා උප්පජ්ජන්ති. (මූලං කාතබ්බං) නීවරණෙ ආරබ්භ නීවරණා ච සම්පයුත්තකා ච ඛන්ධා උප්පජ්ජන්ති. (3)

27. නොනීවරණො ධම්මො නොනීවරණස්ස ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි…පෙ… ඣානා වුට්ඨහිත්වා ඣානං…පෙ… අරියා මග්ගා වුට්ඨහිත්වා මග්ගං…පෙ… ඵලං…පෙ… නිබ්බානං…පෙ… නිබ්බානං ගොත්‍රභුස්ස, වොදානස්ස, මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො; අරියා නොනීවරණෙ පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ…පෙ… පුබ්බෙ සමුදාචිණ්ණෙ…පෙ… චක්ඛුං…පෙ… වත්ථුං නොනීවරණෙ ඛන්ධෙ අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. චෙතොපරියඤාණෙන නොනීවරණචිත්තසමඞ්ගිස්ස චිත්තං ජානාති, ආකාසානඤ්චායතනං විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස…පෙ… රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… නොනීවරණා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

නොනීවරණො ධම්මො නීවරණස්ස ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං…පෙ… පුබ්බෙ සුචිණ්ණානි…පෙ… ඣානා…පෙ… චක්ඛුං…පෙ… වත්ථුං නොනීවරණෙ ඛන්ධෙ අස්සාදෙති අභිනන්දති, තං ආරබ්භ රාගො උප්පජ්ජති, දිට්ඨි …පෙ… විචිකිච්ඡා…පෙ… උද්ධච්චං…පෙ… දොමනස්සං උප්පජ්ජති. (2)

නොනීවරණො ධම්මො නීවරණස්ස ච නොනීවරණස්ස ච ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං…පෙ… පුබ්බෙ සුචිණ්ණානි…පෙ… ඣානා…පෙ… චක්ඛුං…පෙ… වත්ථුං නොනීවරණෙ ඛන්ධෙ අස්සාදෙති අභිනන්දති, තං ආරබ්භ නීවරණා ච සම්පයුත්තකා ච ඛන්ධා උප්පජ්ජන්ති. (3)

නීවරණො ච නොනීවරණො ච ධම්මා නීවරණස්ස ධම්මස්ස ආරම්මණපච්චයෙන පච්චයො… තීණි (ආරබ්භ කාතබ්බා).

අධිපතිපච්චයො

28. නීවරණො ධම්මො නීවරණස්ස ධම්මස්ස අධිපතිපච්චයෙන පච්චයො. ආරම්මණාධිපති – නීවරණෙ ගරුං කත්වා නීවරණා උප්පජ්ජන්ති… තීණි (ආරම්මණසදිසං). (3)

29. නොනීවරණො ධම්මො නොනීවරණස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… සීලං…පෙ… උපොසථකම්මං කත්වා තං ගරුං කත්වා පච්චවෙක්ඛති, පුබ්බෙ සුචිණ්ණානි…පෙ… ඣානා…පෙ… අරියා මග්ගා වුට්ඨහිත්වා මග්ගං…පෙ… ඵලං…පෙ… නිබ්බානං…පෙ… නිබ්බානං ගොත්‍රභුස්ස, වොදානස්ස, මග්ගස්ස, ඵලස්ස අධිපතිපච්චයෙන පච්චයො; චක්ඛුං…පෙ… වත්ථුං නොනීවරණෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – නොනීවරණාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

නොනීවරණො ධම්මො නීවරණස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… සීලං…පෙ… උපොසථකම්මං…පෙ… පුබ්බෙ…පෙ… ඣානා…පෙ… චක්ඛුං…පෙ… වත්ථුං නොනීවරණෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – නොනීවරණාධිපති සම්පයුත්තකානං නීවරණානං අධිපතිපච්චයෙන පච්චයො. (2)

නොනීවරණො ධම්මො නීවරණස්ස ච නොනීවරණස්ස ච ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… සීලං…පෙ… උපොසථකම්මං…පෙ… පුබ්බෙ…පෙ… ඣානා…පෙ… චක්ඛුං…පෙ… වත්ථුං නොනීවරණෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා නීවරණා ච සම්පයුත්තකා ච ඛන්ධා උප්පජ්ජන්ති. සහජාතාධිපති – නොනීවරණාධිපති සම්පයුත්තකානං ඛන්ධානං නීවරණානඤ්ච චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

නීවරණො ච නොනීවරණො ච ධම්මා නීවරණස්ස ධම්මස්ස අධිපතිපච්චයෙන පච්චයො – ආරම්මණාධිපති… තීණි (ආරම්මණාධිපතියෙව).

අනන්තරපච්චයො

30. නීවරණො ධම්මො නීවරණස්ස ධම්මස්ස අනන්තරපච්චයෙන පච්චයො – පුරිමා පුරිමා නීවරණා පච්ඡිමානං පච්ඡිමානං නීවරණානං අනන්තරපච්චයෙන පච්චයො. (මූලං පුච්ඡිතබ්බං) පුරිමා පුරිමා නීවරණා පච්ඡිමානං පච්ඡිමානං නොනීවරණානං ඛන්ධානං අනන්තරපච්චයෙන පච්චයො; නීවරණා වුට්ඨානස්ස අනන්තරපච්චයෙන පච්චයො. (මූලං පුච්ඡිතබ්බං) පුරිමා පුරිමා නීවරණා පච්ඡිමානං පච්ඡිමානං නීවරණානං සම්පයුත්තකානඤ්ච ඛන්ධානං අනන්තරපච්චයෙන පච්චයො. (3)

31. නොනීවරණො ධම්මො නොනීවරණස්ස ධම්මස්ස අනන්තරපච්චයෙන පච්චයො – පුරිමා පුරිමා නොනීවරණා ඛන්ධා පච්ඡිමානං පච්ඡිමානං නොනීවරණානං ඛන්ධානං අනන්තරපච්චයෙන පච්චයො…පෙ… නිරොධා වුට්ඨහන්තස්ස නෙවසඤ්ඤානාසඤ්ඤායතනං ඵලසමාපත්තියා අනන්තරපච්චයෙන පච්චයො. (මූලං පුච්ඡිතබ්බං ) පුරිමා පුරිමා නොනීවරණා ඛන්ධා පච්ඡිමානං පච්ඡිමානං නීවරණානං අනන්තරපච්චයෙන පච්චයො; ආවජ්ජනා නීවරණානං අනන්තරපච්චයෙන පච්චයො. (මූලං පුච්ඡිතබ්බං) පුරිමා පුරිමා නොනීවරණා ඛන්ධා පච්ඡිමානං පච්ඡිමානං නීවරණානං සම්පයුත්තකානඤ්ච ඛන්ධානං අනන්තරපච්චයෙන පච්චයො; ආවජ්ජනා නීවරණානං සම්පයුත්තකානඤ්ච ඛන්ධානං අනන්තරපච්චයෙන පච්චයො. (3)

32. නීවරණො ච නොනීවරණො ච ධම්මා නීවරණස්ස ධම්මස්ස අනන්තරපච්චයෙන පච්චයො – පුරිමා පුරිමා නීවරණා ච සම්පයුත්තකා ච ඛන්ධා පච්ඡිමානං පච්ඡිමානං නීවරණානං අනන්තරපච්චයෙන පච්චයො. (මූලං පුච්ඡිතබ්බං) පුරිමා පුරිමා නීවරණා ච සම්පයුත්තකා ච ඛන්ධා පච්ඡිමානං පච්ඡිමානං නොනීවරණානං ඛන්ධානං අනන්තරපච්චයෙන පච්චයො; නීවරණා ච සම්පයුත්තකා ච ඛන්ධා වුට්ඨානස්ස අනන්තරපච්චයෙන පච්චයො. (මූලං පුච්ඡිතබ්බං) පුරිමා පුරිමා නීවරණා ච සම්පයුත්තකා ච ඛන්ධා පච්ඡිමානං පච්ඡිමානං නීවරණානඤ්ච සම්පයුත්තකානඤ්ච ඛන්ධානං අනන්තරපච්චයෙන පච්චයො. (3)

සමනන්තරපච්චයාදි

33. නීවරණො ධම්මො නීවරණස්ස ධම්මස්ස සමනන්තරපච්චයෙන පච්චයො… සහජාතපච්චයෙන පච්චයො… අඤ්ඤමඤ්ඤපච්චයෙන පච්චයො… නිස්සයපච්චයෙන පච්චයො.

උපනිස්සයපච්චයො

34. නීවරණො ධම්මො නීවරණස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – නීවරණානි නීවරණානං උපනිස්සයපච්චයෙන පච්චයො… තීණි.

35. නොනීවරණො ධම්මො නොනීවරණස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය දානං දෙති…පෙ… සීලං…පෙ… උපොසථකම්මං…පෙ… ඣානං උප්පාදෙති, විපස්සනං…පෙ… මග්ගං…පෙ… අභිඤ්ඤං…පෙ… සමාපත්තිං උප්පාදෙති, මානං ජප්පෙති, දිට්ඨිං ගණ්හාති; සීලං…පෙ… පඤ්ඤං…පෙ… මානං… දිට්ඨිං… පත්ථනං… කායිකං සුඛං… කායිකං දුක්ඛං… උතුං… භොජනං… සෙනාසනං උපනිස්සාය දානං දෙති…පෙ… සඞ්ඝං භින්දති; සද්ධා …පෙ… සෙනාසනං සද්ධාය…පෙ… පඤ්ඤාය, රාගස්ස…පෙ… පත්ථනාය, කායිකස්ස සුඛස්ස, කායිකස්ස දුක්ඛස්ස, මග්ගස්ස, ඵලසමාපත්තියා උපනිස්සයපච්චයෙන පච්චයො. (1)

නොනීවරණො ධම්මො නීවරණස්ස ධම්මස්ස උපනිස්සයපච්චයෙන පච්චයො (තීණි උපනිස්සයා). පකතූපනිස්සයො – සද්ධං උපනිස්සාය මානං ජප්පෙති, දිට්ඨිං ගණ්හාති; සීලං…පෙ… සෙනාසනං උපනිස්සාය පාණං හනති…පෙ… සඞ්ඝං භින්දති; සද්ධා…පෙ… සෙනාසනං රාගස්ස…පෙ… පත්ථනාය උපනිස්සයපච්චයෙන පච්චයො. (2)

නොනීවරණො ධම්මො නීවරණස්ස ච නොනීවරණස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය මානං ජප්පෙති, දිට්ඨිං ගණ්හාති; සීලං…පෙ… සෙනාසනං උපනිස්සාය පාණං හනති…පෙ… සඞ්ඝං භින්දති; සද්ධා…පෙ… සෙනාසනං නීවරණානං සම්පයුත්තකානඤ්ච ඛන්ධානං උපනිස්සයපච්චයෙන පච්චයො. (3)

නීවරණො ච නොනීවරණො ච ධම්මා නීවරණස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – නීවරණා ච සම්පයුත්තකා ච ඛන්ධා නීවරණානං උපනිස්සයපච්චයෙන පච්චයො… තීණි.

පුරෙජාතපච්චයො

36. නොනීවරණො ධම්මො නොනීවරණස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති…පෙ… තීණි (පුරෙජාතං ආරම්මණසදිසං කුසලාකුසලස්ස විභජිතබ්බං).

පච්ඡාජාත-ආසෙවනපච්චයා

37. නීවරණො ධම්මො නොනීවරණස්ස ධම්මස්ස පච්ඡාජාතපච්චයෙන පච්චයො… තීණි… ආසෙවනපච්චයෙන පච්චයො… නව.

කම්මපච්චයො

38. නොනීවරණො ධම්මො නොනීවරණස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නොනීවරණා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – නොනීවරණා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො. (මූලං පුච්ඡිතබ්බං) නොනීවරණා චෙතනා සම්පයුත්තකානං නීවරණානං කම්මපච්චයෙන පච්චයො. (මූලං පුච්ඡිතබ්බං) නොනීවරණා චෙතනා සම්පයුත්තකානං ඛන්ධානං නීවරණානඤ්ච චිත්තසමුට්ඨානානඤ්ච රූපානං කම්මපච්චයෙන පච්චයො. (3)

විපාකපච්චයාදි

39. නොනීවරණො ධම්මො නොනීවරණස්ස ධම්මස්ස විපාකපච්චයෙන පච්චයො… එකං… ආහාරපච්චයෙන පච්චයො… ඉන්ද්‍රියපච්චයෙන පච්චයො… ඣානපච්චයෙන පච්චයො… මග්ගපච්චයෙන පච්චයො… සම්පයුත්තපච්චයෙන පච්චයො.

විප්පයුත්තපච්චයො

40. නීවරණො ධම්මො නොනීවරණස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං (එවං අවසෙසා චත්තාරි පඤ්හා කාතබ්බා).

අත්ථිපච්චයො

41. නීවරණො ධම්මො නීවරණස්ස ධම්මස්ස අත්ථිපච්චයෙන පච්චයො – කාමච්ඡන්දනීවරණං ථිනමිද්ධනීවරණස්ස උද්ධච්චනීවරණස්ස අවිජ්ජානීවරණස්ස අත්ථිපච්චයෙන පච්චයො (චක්කං). (1)

නීවරණො ධම්මො නොනීවරණස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං (එවං නීවරණමූලෙ තීණි ). (3)

42. නොනීවරණො ධම්මො නොනීවරණස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං (සංඛිත්තං). (1)

නොනීවරණො ධම්මො නීවරණස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං (සංඛිත්තං). (2)

නොනීවරණො ධම්මො නීවරණස්ස ච නොනීවරණස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං (සංඛිත්තං) (3)

43. නීවරණො ච නොනීවරණො ච ධම්මා නීවරණස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතං – කාමච්ඡන්දනීවරණඤ්ච සම්පයුත්තකා ච ඛන්ධා ථිනමිද්ධනීවරණස්ස උද්ධච්චනීවරණස්ස අවිජ්ජානීවරණස්ස අත්ථිපච්චයෙන පච්චයො; කාමච්ඡන්දනීවරණඤ්ච වත්ථු ච ථිනමිද්ධනීවරණස්ස උද්ධච්චනීවරණස්ස අවිජ්ජානීවරණස්ස අත්ථිපච්චයෙන පච්චයො. (1)

නීවරණො ච නොනීවරණො ච ධම්මා නොනීවරණස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං. සහජාතො – නොනීවරණො එකො ඛන්ධො ච නීවරණා ච තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ… නීවරණා ච වත්ථු ච නොනීවරණානං ඛන්ධානං අත්ථිපච්චයෙන පච්චයො; නීවරණා ච සම්පයුත්තකා ච ඛන්ධා චිත්තසමුට්ඨානානං රූපානං අත්ථිපච්චයෙන පච්චයො; නීවරණා ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො. පච්ඡාජාතා – නීවරණා ච සම්පයුත්තකා ච ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. පච්ඡාජාතා – නීවරණා ච සම්පයුත්තකා ඛන්ධා ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – නීවරණා ච සම්පයුත්තකා ඛන්ධා ච රූපජීවිතින්ද්‍රියඤ්ච කටත්තාරූපානං අත්ථිපච්චයෙන පච්චයො. (2)

නීවරණො ච නොනීවරණො ච ධම්මා නීවරණස්ස ච නොනීවරණස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – නොනීවරණො එකො ඛන්ධො ච කාමච්ඡන්දනීවරණඤ්ච තිණ්ණන්නං ඛන්ධානං ථිනමිද්ධනීවරණස්ස උද්ධච්චනීවරණස්ස අවිජ්ජානීවරණස්ස ච චිත්තසමුට්ඨානානඤ්ච රූපානං අත්ථිපච්චයෙන පච්චයො; ද්වෙ ඛන්ධා ච…පෙ… කාමච්ඡන්දනීවරණඤ්ච වත්ථු ච ථිනමිද්ධනීවරණස්ස උද්ධච්චනීවරණස්ස අවිජ්ජානීවරණස්ස ච සම්පයුත්තකානඤ්ච ඛන්ධානං අත්ථිපච්චයෙන පච්චයො (චක්කං). (3)

1. පච්චයානුලොමං

2. සඞ්ඛ්‍යාවාරො

සුද්ධං

44. හෙතුයා චත්තාරි, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ නව, කම්මෙ තීණි, විපාකෙ එකං, ආහාරෙ තීණි, ඉන්ද්‍රියෙ තීණි, ඣානෙ තීණි, මග්ගෙ තීණි, සම්පයුත්තෙ නව, විප්පයුත්තෙ පඤ්ච, අත්ථියා නව, නත්ථියා නව, විගතෙ නව, අවිගතෙ නව.

අනුලොමං.

පච්චනීයුද්ධාරො

45. නීවරණො ධම්මො නීවරණස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

නීවරණො ධම්මො නොනීවරණස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (2)

නීවරණො ධම්මො නීවරණස්ස ච නොනීවරණස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

46. නොනීවරණො ධම්මො නොනීවරණස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්‍රියපච්චයෙන පච්චයො. (1)

නොනීවරණො ධම්මො නීවරණස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

නොනීවරණො ධම්මො නීවරණස්ස ච නොනීවරණස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (3)