1. විභඞ්ගවාරො

හෙතුපච්චයො

90. නීවරණො චෙව නීවරණියො ච ධම්මො නීවරණස්ස චෙව නීවරණියස්ස ච ධම්මස්ස හෙතුපච්චයෙන පච්චයො – නීවරණා චෙව නීවරණියා ච හෙතූ සම්පයුත්තකානං නීවරණානං හෙතුපච්චයෙන පච්චයො. (1)

නීවරණො චෙව නීවරණියො ච ධම්මො නීවරණියස්ස චෙව නො ච නීවරණස්ස ධම්මස්ස හෙතුපච්චයෙන පච්චයො – නීවරණා චෙව නීවරණියා ච හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (2)

නීවරණො චෙව නීවරණියො ච ධම්මො නීවරණස්ස චෙව නීවරණියස්ස ච නීවරණියස්ස චෙව නො ච නීවරණස්ස ච ධම්මස්ස හෙතුපච්චයෙන පච්චයො – නීවරණා චෙව නීවරණියා ච හෙතූ සම්පයුත්තකානං ඛන්ධානං නීවරණානඤ්ච චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

නීවරණියො චෙව නො ච නීවරණො ධම්මො නීවරණියස්ස චෙව නො ච නීවරණස්ස ධම්මස්ස හෙතුපච්චයෙන පච්චයො – නීවරණියා චෙව නො ච නීවරණා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (1)

ආරම්මණපච්චයො

91. නීවරණො චෙව නීවරණියො ච ධම්මො නීවරණස්ස චෙව නීවරණියස්ස ච ධම්මස්ස ආරම්මණපච්චයෙන පච්චයො – නීවරණෙ ආරබ්භ නීවරණා උප්පජ්ජන්ති. (මූලං පුච්ඡිතබ්බං) නීවරණෙ ආරබ්භ නීවරණියා චෙව නො ච නීවරණා ඛන්ධා උප්පජ්ජන්ති. (මූලං පුච්ඡිතබ්බං) නීවරණෙ ආරබ්භ නීවරණා ච සම්පයුත්තකා ච ඛන්ධා උප්පජ්ජන්ති. (3)

නීවරණියො චෙව නො ච නීවරණො ධම්මො නීවරණියස්ස චෙව නො ච නීවරණස්ස ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං කත්වා තං පච්චවෙක්ඛති, අස්සාදෙති අභිනන්දති, තං ආරබ්භ රාගො උප්පජ්ජති, දිට්ඨි… විචිකිච්ඡා… උද්ධච්චං… දොමනස්සං උප්පජ්ජති; පුබ්බෙ සුචිණ්ණානි…පෙ… ඣානා…පෙ… අරියා ගොත්‍රභුං පච්චවෙක්ඛන්ති, වොදානං…පෙ… පහීනෙ කිලෙසෙ …පෙ… වික්ඛම්භිතෙ කිලෙසෙ…පෙ… පුබ්බෙ සමුදාචිණ්ණෙ…පෙ… චක්ඛුං…පෙ… වත්ථුං නීවරණියෙ චෙව නො ච නීවරණෙ ඛන්ධෙ අනිච්චතො…පෙ… විපස්සති, අස්සාදෙති අභිනන්දති…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති…පෙ… (යාව ආවජ්ජනා තාව කාතබ්බා). (1)

නීවරණියො චෙව නො ච නීවරණො ධම්මො නීවරණස්ස චෙව නීවරණියස්ස ච ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං…පෙ… පුබ්බෙ සුචිණ්ණානි…පෙ… ඣානා…පෙ… චක්ඛුං…පෙ… වත්ථුං නීවරණියෙ චෙව නො ච නීවරණෙ ඛන්ධෙ අස්සාදෙති අභිනන්දති, තං ආරබ්භ රාගො…පෙ… දිට්ඨි… විචිකිච්ඡා… උද්ධච්චං… දොමනස්සං උප්පජ්ජති. (2)

නීවරණියො චෙව නො ච නීවරණො ධම්මො නීවරණස්ස චෙව නීවරණියස්ස ච නීවරණියස්ස චෙව නො ච නීවරණස්ස ච ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං…පෙ… පුබ්බෙ සුචිණ්ණානි…පෙ… ඣානා …පෙ… චක්ඛුං…පෙ… වත්ථුං නීවරණියෙ චෙව නො ච නීවරණෙ ඛන්ධෙ අස්සාදෙති අභිනන්දති, තං ආරබ්භ නීවරණා ච සම්පයුත්තකා ච ඛන්ධා උප්පජ්ජන්ති (එවං ඉතරෙපි තීණි කාතබ්බා). (3)

(ආරම්මණසදිසා අධිපතිපච්චයා, පුරෙජාතම්පි ආරම්මණසදිසං. උපනිස්සයෙපි ලොකුත්තරං න කාතබ්බං. සංඛිත්තං, එවං විත්ථාරෙතබ්බං යථා නීවරණදුකං, එවං පච්චවෙක්ඛිත්වා කාතබ්බං.)

නීවරණනීවරණියදුකං නිට්ඨිතං.