5. සංසට්ඨවාරො

1-4. පච්චයචතුක්කං

64. නීවරණසම්පයුත්තං ධම්මං සංසට්ඨො නීවරණසම්පයුත්තො ධම්මො උප්පජ්ජති හෙතුපච්චයා…පෙ….

හෙතුයා ද්වෙ, ආරම්මණෙ ද්වෙ (සබ්බත්ථ ද්වෙ), විපාකෙ එකං…පෙ… අවිගතෙ ද්වෙ.

අනුලොමං.

65. නීවරණසම්පයුත්තං ධම්මං සංසට්ඨො නීවරණසම්පයුත්තො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ සංසට්ඨො විචිකිච්ඡාසහගතො උද්ධච්චසහගතො මොහො.

නීවරණවිප්පයුත්තං ධම්මං සංසට්ඨො… (සංඛිත්තං).

නහෙතුයා ද්වෙ, නඅධිපතියා ද්වෙ, නපුරෙජාතෙ ද්වෙ, නකම්මෙ ද්වෙ, නවිපාකෙ ද්වෙ, නඣානෙ එකං, නමග්ගෙ එකං, නවිප්පයුත්තෙ ද්වෙ.

පච්චනීයං.