1. විභඞ්ගවාරො

නහෙතුපච්චයො

62. නීවරණසම්පයුත්තං ධම්මං පච්චයා නීවරණසම්පයුත්තො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පච්චයා අවිජ්ජානීවරණං. (1)

නීවරණවිප්පයුත්තං ධම්මං පච්චයා නීවරණවිප්පයුත්තො ධම්මො උප්පජ්ජති නහෙතුපච්චයා – අහෙතුකං නීවරණවිප්පයුත්තං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… (යාව අසඤ්ඤසත්තා), චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා නීවරණවිප්පයුත්තා ඛන්ධා. (1)

නීවරණවිප්පයුත්තං ධම්මං පච්චයා නීවරණසම්පයුත්තො ධම්මො උප්පජ්ජති නහෙතුපච්චයා – වත්ථුං පච්චයා විචිකිච්ඡාසහගතො උද්ධච්චසහගතො මොහො. (2)

නීවරණසම්පයුත්තඤ්ච නීවරණවිප්පයුත්තඤ්ච ධම්මං පච්චයා නීවරණසම්පයුත්තො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො (සංඛිත්තං). (1)