1. විභඞ්ගවාරො

හෙතුපච්චයො

59. නීවරණසම්පයුත්තං ධම්මං පච්චයා නීවරණසම්පයුත්තො ධම්මො උප්පජ්ජති හෙතුපච්චයා… තීණි.

නීවරණවිප්පයුත්තං ධම්මං පච්චයා නීවරණවිප්පයුත්තො ධම්මො උප්පජ්ජති හෙතුපච්චයා – නීවරණවිප්පයුත්තං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං …පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… එකං මහාභූතං…පෙ… වත්ථුං පච්චයා නීවරණවිප්පයුත්තා ඛන්ධා. (1)

නීවරණවිප්පයුත්තං ධම්මං පච්චයා නීවරණසම්පයුත්තො ධම්මො උප්පජ්ජති හෙතුපච්චයා – වත්ථුං පච්චයා නීවරණසම්පයුත්තා ඛන්ධා. (2)

නීවරණවිප්පයුත්තං ධම්මං පච්චයා නීවරණසම්පයුත්තො ච නීවරණවිප්පයුත්තො ච ධම්මා උප්පජ්ජන්ති හෙතුපච්චයා – වත්ථුං පච්චයා නීවරණසම්පයුත්තා ඛන්ධා, මහාභූතෙ පච්චයා චිත්තසමුට්ඨානං රූපං. (3)

60. නීවරණසම්පයුත්තඤ්ච නීවරණවිප්පයුත්තඤ්ච ධම්මං පච්චයා නීවරණසම්පයුත්තො ධම්මො උප්පජ්ජති හෙතුපච්චයා – නීවරණසම්පයුත්තං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ…. (1)

නීවරණසම්පයුත්තඤ්ච නීවරණවිප්පයුත්තඤ්ච ධම්මං පච්චයා නීවරණවිප්පයුත්තො ධම්මො උප්පජ්ජති හෙතුපච්චයා – නීවරණසම්පයුත්තෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (2)

නීවරණසම්පයුත්තඤ්ච නීවරණවිප්පයුත්තඤ්ච ධම්මං පච්චයා නීවරණසම්පයුත්තො ච නීවරණවිප්පයුත්තො ච ධම්මා උප්පජ්ජන්ති හෙතුපච්චයා – නීවරණසම්පයුත්තං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… නීවරණසම්පයුත්තෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං (සංඛිත්තං). (3)