1. පටිච්චවාරො

හෙතුපච්චයො

103. ගන්ථඤ්චෙව ගන්ථනියඤ්ච ධම්මං පටිච්ච ගන්ථො චෙව ගන්ථනියො ච ධම්මො උප්පජ්ජති හෙතුපච්චයා – සීලබ්බතපරාමාසං කායගන්ථං පටිච්ච අභිජ්ඣාකායගන්ථො, අභිජ්ඣාකායගන්ථං පටිච්ච සීලබ්බතපරාමාසො කායගන්ථො, ඉදංසච්චාභිනිවෙසකායගන්ථං පටිච්ච අභිජ්ඣාකායගන්ථො, අභිජ්ඣාකායගන්ථං පටිච්ච ඉදංසච්චාභිනිවෙසකායගන්ථො. (1)

ගන්ථඤ්චෙව ගන්ථනියඤ්ච ධම්මං පටිච්ච ගන්ථනියො චෙව නො ච ගන්ථො ධම්මො උප්පජ්ජති හෙතුපච්චයා – ගන්ථෙ පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං. (2)

ගන්ථඤ්චෙව ගන්ථනියඤ්ච ධම්මං පටිච්ච ගන්ථො චෙව ගන්ථනියො ච ගන්ථනියො චෙව නො ච ගන්ථො ච ධම්මා උප්පජ්ජන්ති හෙතුපච්චයා. (1)