5. ගන්ථගොච්ඡකං

26. ගන්ථදුකං

1. පටිච්චවාරො

1. පච්චයානුලොමං

1. විභඞ්ගවාරො

හෙතුපච්චයො

1. ගන්ථං ධම්මං පටිච්ච ගන්ථො ධම්මො උප්පජ්ජති හෙතුපච්චයා – සීලබ්බතපරාමාසං කායගන්ථං පටිච්ච අභිජ්ඣාකායගන්ථො, අභිජ්ඣාකායගන්ථං පටිච්ච සීලබ්බතපරාමාසො කායගන්ථො, ඉදංසච්චාභිනිවෙසං කායගන්ථං පටිච්ච අභිජ්ඣාකායගන්ථො, අභිජ්ඣාකායගන්ථං පටිච්ච ඉදංසච්චාභිනිවෙසො කායගන්ථො. (1)

ගන්ථං ධම්මං පටිච්ච නොගන්ථො ධම්මො උප්පජ්ජති හෙතුපච්චයා – ගන්ථෙ පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං. (2)

ගන්ථං ධම්මං පටිච්ච ගන්ථො ච නොගන්ථො ච ධම්මා උප්පජ්ජන්ති හෙතුපච්චයා – සීලබ්බතපරාමාසං කායගන්ථං පටිච්ච අභිජ්ඣාකායගන්ථො සම්පයුත්තකා ච ඛන්ධා චිත්තසමුට්ඨානඤ්ච රූපං (චක්කං). (3)

2. නොගන්ථං ධම්මං පටිච්ච නොගන්ථො ධම්මො උප්පජ්ජති හෙතුපච්චයා – නොගන්ථං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ…. (1)

නොගන්ථං ධම්මං පටිච්ච ගන්ථො ධම්මො උප්පජ්ජති හෙතුපච්චයා – නොගන්ථෙ ඛන්ධෙ පටිච්ච ගන්ථා. (2)

නොගන්ථං ධම්මං පටිච්ච ගන්ථො ච නොගන්ථො ච ධම්මා උප්පජ්ජන්ති හෙතුපච්චයා – නොගන්ථං එකං ඛන්ධං පටිච්ච තයො ඛන්ධා ගන්ථා ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

3. ගන්ථඤ්ච නොගන්ථඤ්ච ධම්මං පටිච්ච ගන්ථො ධම්මො උප්පජ්ජති හෙතුපච්චයා – සීලබ්බතපරාමාසං කායගන්ථඤ්ච සම්පයුත්තකෙ ච ඛන්ධෙ පටිච්ච අභිජ්ඣාකායගන්ථො (චක්කං). (1)

ගන්ථඤ්ච නොගන්ථඤ්ච ධම්මං පටිච්ච නොගන්ථො ධම්මො උප්පජ්ජති හෙතුපච්චයා – නොගන්ථං එකං ඛන්ධඤ්ච ගන්ථෙ ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ ච…පෙ… ගන්ථෙ ච සම්පයුත්තකෙ ඛන්ධෙ ච පටිච්ච චිත්තසමුට්ඨානං රූපං. (2)

ගන්ථඤ්ච නොගන්ථඤ්ච ධම්මං පටිච්ච ගන්ථො ච නොගන්ථො ච ධම්මා උප්පජ්ජන්ති හෙතුපච්චයා – නොගන්ථං එකං ඛන්ධඤ්ච සීලබ්බතපරාමාසකායගන්ථඤ්ච පටිච්ච තයො ඛන්ධා අභිජ්ඣාකායගන්ථො චිත්තසමුට්ඨානඤ්ච රූපං…පෙ… ද්වෙ ඛන්ධෙ ච…පෙ…. (චක්කං. සංඛිත්තං.) (3)

ආරම්මණපච්චයා…පෙ… අවිගතපච්චයා.

1. පච්චයානුලොමං

2. සඞ්ඛ්‍යාවාරො

සුද්ධං

4. හෙතුයා නව, ආරම්මණෙ නව, අධිපතියා නව (සබ්බත්ථ නව), විපාකෙ එකං, ආහාරෙ නව…පෙ… අවිගතෙ නව.

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

5. නොගන්ථං ධම්මං පටිච්ච නොගන්ථො ධම්මො උප්පජ්ජති නහෙතුපච්චයා – අහෙතුකං නොගන්ථං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ (යාව අසඤ්ඤසත්තා), විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

නආරම්මණපච්චයාදි

6. ගන්ථං ධම්මං පටිච්ච නොගන්ථො ධම්මො උප්පජ්ජති නආරම්මණපච්චයා – ගන්ථෙ පටිච්ච චිත්තසමුට්ඨානං රූපං. (1)

නොගන්ථං ධම්මං පටිච්ච නොගන්ථො ධම්මො උප්පජ්ජති නආරම්මණපච්චයා – නොගන්ථෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… (යාව අසඤ්ඤසත්තා). (1)

ගන්ථඤ්ච නොගන්ථඤ්ච ධම්මං පටිච්ච නොගන්ථො ධම්මො උප්පජ්ජති නආරම්මණපච්චයා – ගන්ථෙ ච සම්පයුත්තකෙ ච ඛන්ධෙ පටිච්ච චිත්තසමුට්ඨානං රූපං (සංඛිත්තං).

නඅධිපතිපච්චයා… නව, නඅනන්තරපච්චයා… තීණි, නසමනන්තරපච්චයා… තීණි, නඅඤ්ඤමඤ්ඤපච්චයා… තීණි, නඋපනිස්සයපච්චයා… තීණි.

නපුරෙජාතපච්චයාදි

7. ගන්ථං ධම්මං පටිච්ච ගන්ථො ධම්මො උප්පජ්ජති නපුරෙජාතපච්චයා – අරූපෙ ඉදංසච්චාභිනිවෙසං කායගන්ථං පටිච්ච අභිජ්ඣාකායගන්ථො, අභිජ්ඣාකායගන්ථං පටිච්ච ඉදංසච්චාභිනිවෙසො කායගන්ථො (අරූපෙ සීලබ්බතපරාමාසො නත්ථි, එවං නව පඤ්හා කාතබ්බා), නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ නව, නොනත්ථියා තීණි, නොවිගතෙ තීණි.

2. පච්චයපච්චනීයං

2. සඞ්ඛ්‍යාවාරො

සුද්ධං

8. නහෙතුයා එකං, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ නව, නොනත්ථියා තීණි, නොවිගතෙ තීණි.

3. පච්චයානුලොමපච්චනීයං

9. හෙතුපච්චයා නආරම්මණෙ තීණි, නඅධිපතියා නව (සංඛිත්තං, එවං ගණෙතබ්බං).

4. පච්චයපච්චනීයානුලොමං

10. නහෙතුපච්චයා ආරම්මණෙ එකං…පෙ… අනන්තරෙ එකං…පෙ… අවිගතෙ එකං.

2. සහජාතවාරො

(සහජාතවාරො පටිච්චවාරසදිසො).

3. පච්චයවාරො

1. පච්චයානුලොමං

1. විභඞ්ගවාරො

හෙතුපච්චයො

11. ගන්ථං ධම්මං පච්චයා ගන්ථො ධම්මො උප්පජ්ජති හෙතුපච්චයා… තීණි (පටිච්චවාරසදිසො).

නොගන්ථං ධම්මං පච්චයා නොගන්ථො ධම්මො උප්පජ්ජති හෙතුපච්චයා – නොගන්ථං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා. එකං මහාභූතං…පෙ… වත්ථුං පච්චයා නොගන්ථා ඛන්ධා. (1)

නොගන්ථං ධම්මං පච්චයා ගන්ථො ධම්මො උප්පජ්ජති හෙතුපච්චයා – නොගන්ථෙ ඛන්ධෙ පච්චයා ගන්ථා, වත්ථුං පච්චයා ගන්ථා. (2)

නොගන්ථං ධම්මං පච්චයා ගන්ථො ච නොගන්ථො ච ධම්මා උප්පජ්ජන්ති හෙතුපච්චයා – නොගන්ථං එකං ඛන්ධං පච්චයා තයො ඛන්ධා ගන්ථා ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… වත්ථුං පච්චයා ගන්ථා සම්පයුත්තකා ච ඛන්ධා. (3)

12. ගන්ථඤ්ච නොගන්ථඤ්ච ධම්මං පච්චයා ගන්ථො ධම්මො උප්පජ්ජති හෙතුපච්චයා – සීලබ්බතපරාමාසං කායගන්ථඤ්ච සම්පයුත්තකෙ ච ඛන්ධෙ පච්චයා අභිජ්ඣාකායගන්ථො (චක්කං). සීලබ්බතපරාමාසං කායගන්ථඤ්ච වත්ථුඤ්ච පච්චයා අභිජ්ඣාකායගන්ථො (චක්කං). (1)

ගන්ථඤ්ච නොගන්ථඤ්ච ධම්මං පච්චයා නොගන්ථො ධම්මො උප්පජ්ජති හෙතුපච්චයා – නොගන්ථං එකං ඛන්ධඤ්ච ගන්ථෙ ච පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… ගන්ථෙ ච වත්ථුඤ්ච පච්චයා නොගන්ථා ඛන්ධා. (2)

ගන්ථඤ්ච නොගන්ථඤ්ච ධම්මං පච්චයා ගන්ථො ච නොගන්ථො ච ධම්මා උප්පජ්ජන්ති හෙතුපච්චයා – නොගන්ථං එකං ඛන්ධඤ්ච සීලබ්බතපරාමාසං කායගන්ථඤ්ච පච්චයා තයො ඛන්ධා අභිජ්ඣාකායගන්ථො ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… (චක්කං). සීලබ්බතපරාමාසං කායගන්ථඤ්ච වත්ථුඤ්ච පච්චයා අභිජ්ඣාකායගන්ථො ච සම්පයුත්තකා ච ඛන්ධා (චක්කං). (3)

1. පච්චයානුලොමං

2. සඞ්ඛ්‍යාවාරො

13. හෙතුයා නව, ආරම්මණෙ නව, අධිපතියා නව…පෙ… අවිගතෙ නව.

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

14. නොගන්ථං ධම්මං පච්චයා නොගන්ථො ධම්මො උප්පජ්ජති නහෙතුපච්චයා – අහෙතුකං නොගන්ථං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… (යාව අසඤ්ඤසත්තා), චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං. වත්ථුං පච්චයා අහෙතුකා නොගන්ථා ඛන්ධා, විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො (සංඛිත්තං).

2. පච්චයපච්චනීයං

2. සඞ්ඛ්‍යාවාරො

15. නහෙතුයා එකං, නආරම්මණෙ තීණි, නඅධිපතියා නව (එවං ගණෙතබ්බං).

3. පච්චයානුලොමපච්චනීයං

16. හෙතුපච්චයා නආරම්මණෙ තීණි, නඅධිපතියා නව…පෙ… නොවිගතෙ තීණි.

4. පච්චයපච්චනීයානුලොමං

17. නහෙතුපච්චයා ආරම්මණෙ එකං…පෙ… අවිගතෙ එකං.

4-6. නිස්සය-සංසට්ඨ-සම්පයුත්තවාරො

(නිස්සයවාරො පච්චයවාරසදිසොව. සංසට්ඨවාරොපි සම්පයුත්තවාරොපි නව පඤ්හා කාතබ්බා, රූපං නත්ථි.)

7. පඤ්හාවාරො

1. පච්චයානුලොමං

1. විභඞ්ගවාරො

හෙතුපච්චයො

18. ගන්ථො ධම්මො ගන්ථස්ස ධම්මස්ස හෙතුපච්චයෙන පච්චයො – ගන්ථා හෙතූ සම්පයුත්තකානං ගන්ථානං හෙතුපච්චයෙන පච්චයො. (1)

ගන්ථො ධම්මො නොගන්ථස්ස ධම්මස්ස හෙතුපච්චයෙන පච්චයො – ගන්ථා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (2)

ගන්ථො ධම්මො ගන්ථස්ස ච නොගන්ථස්ස ච ධම්මස්ස හෙතුපච්චයෙන පච්චයො – ගන්ථා හෙතූ සම්පයුත්තකානං ඛන්ධානං ගන්ථානඤ්ච චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

19. නොගන්ථො ධම්මො නොගන්ථස්ස ධම්මස්ස හෙතුපච්චයෙන පච්චයො – නොගන්ථා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (1)

නොගන්ථො ධම්මො ගන්ථස්ස ධම්මස්ස හෙතුපච්චයෙන පච්චයො – නොගන්ථා හෙතූ සම්පයුත්තකානං ගන්ථානං හෙතුපච්චයෙන පච්චයො. (2)

නොගන්ථො ධම්මො ගන්ථස්ස ච නොගන්ථස්ස ච ධම්මස්ස හෙතුපච්චයෙන පච්චයො – නොගන්ථා හෙතූ සම්පයුත්තකානං ඛන්ධානං ගන්ථානඤ්ච චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

20. ගන්ථො ච නොගන්ථො ච ධම්මා ගන්ථස්ස ධම්මස්ස හෙතුපච්චයෙන පච්චයො – ගන්ථා ච නොගන්ථා ච හෙතූ සම්පයුත්තකානං ගන්ථානං හෙතුපච්චයෙන පච්චයො. (1)

ගන්ථො ච නොගන්ථො ච ධම්මා නොගන්ථස්ස ධම්මස්ස හෙතුපච්චයෙන පච්චයො – ගන්ථා ච නොගන්ථා ච හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (2)

ගන්ථො ච නොගන්ථො ච ධම්මා ගන්ථස්ස ච නොගන්ථස්ස ච ධම්මස්ස හෙතුපච්චයෙන පච්චයො – ගන්ථා ච නොගන්ථා ච හෙතූ සම්පයුත්තකානං ඛන්ධානං ගන්ථානඤ්ච චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

ආරම්මණපච්චයො

21. ගන්ථො ධම්මො ගන්ථස්ස ධම්මස්ස ආරම්මණපච්චයෙන පච්චයො – ගන්ථෙ ආරබ්භ ගන්ථා උප්පජ්ජන්ති. (මූලං කාතබ්බං) ගන්ථෙ ආරබ්භ නොගන්ථා ඛන්ධා උප්පජ්ජන්ති. (මූලං කාතබ්බං) ගන්ථෙ ආරබ්භ ගන්ථා ච සම්පයුත්තකා ච ඛන්ධා උප්පජ්ජන්ති. (3)

22. නොගන්ථො ධම්මො නොගන්ථස්ස ධම්මස්ස ආරම්මණපච්චයෙන පච්චයො – දානං දත්වා සීලං…පෙ… උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි…පෙ… ඣානා…පෙ… අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං පච්චවෙක්ඛන්ති, නිබ්බානං පච්චවෙක්ඛන්ති. නිබ්බානං ගොත්‍රභුස්ස, වොදානස්ස, මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො; අරියා නොගන්ථෙ පහීනෙ කිලෙසෙ…පෙ… වික්ඛම්භිතෙ කිලෙසෙ පච්චවෙක්ඛන්ති, පුබ්බෙ…පෙ… චක්ඛුං…පෙ… වත්ථුං නොගන්ථෙ ඛන්ධෙ අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. චෙතොපරියඤාණෙන නොගන්ථචිත්තසමඞ්ගිස්ස චිත්තං ජානාති, ආකාසානඤ්චායතනං විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස…පෙ… රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… නොගන්ථා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

නොගන්ථො ධම්මො ගන්ථස්ස ධම්මස්ස ආරම්මණපච්චයෙන පච්චයො – දානං දත්වා සීලං…පෙ… උපොසථකම්මං කත්වා තං අස්සාදෙති අභිනන්දති, තං ආරබ්භ රාගො උප්පජ්ජති, දිට්ඨි උප්පජ්ජති, දොමනස්සං උප්පජ්ජති; පුබ්බෙ සුචිණ්ණානි…පෙ… ඣානා…පෙ… චක්ඛුං…පෙ… වත්ථුං නොගන්ථෙ ඛන්ධෙ අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති. (2)

නොගන්ථො ධම්මො ගන්ථස්ස ච නොගන්ථස්ස ච ධම්මස්ස ආරම්මණපච්චයෙන පච්චයො – දානං දත්වා සීලං…පෙ… උපොසථකම්මං කත්වා තං අස්සාදෙති අභිනන්දති, තං ආරබ්භ ගන්ථා ච සම්පයුත්තකා ච ඛන්ධා උප්පජ්ජන්ති, පුබ්බෙ සුචිණ්ණානි…පෙ… ඣානා…පෙ… චක්ඛුං…පෙ… වත්ථුං නොගන්ථෙ ඛන්ධෙ අස්සාදෙති අභිනන්දති, තං ආරබ්භ ගන්ථා ච සම්පයුත්තකා ච ඛන්ධා උප්පජ්ජන්ති. (3)

ගන්ථො ච නොගන්ථො ච ධම්මා ගන්ථස්ස ධම්මස්ස ආරම්මණපච්චයෙන පච්චයො… තීණි (ආරබ්භ කාතබ්බා).

අධිපතිපච්චයො

23. ගන්ථො ධම්මො ගන්ථස්ස ධම්මස්ස අධිපතිපච්චයෙන පච්චයො… තීණි (ආරම්මණසදිසා, ගරුකාරම්මණා කාතබ්බා).

නොගන්ථො ධම්මො නොගන්ථස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… සීලං…පෙ… උපොසථකම්මං…පෙ… පුබ්බෙ…පෙ… ඣානා…පෙ… අරියා මග්ගා…පෙ… ඵලං…පෙ… නිබ්බානං…පෙ… නිබ්බානං ගොත්‍රභුස්ස, වොදානස්ස, මග්ගස්ස, ඵලස්ස අධිපතිපච්චයෙන පච්චයො; චක්ඛුං…පෙ… වත්ථුං නොගන්ථෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – නොගන්ථාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

නොගන්ථො ධම්මො ගන්ථස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… සීලං…පෙ… උපොසථකම්මං…පෙ… පුබ්බෙ සුචිණ්ණානි …පෙ… ඣානා…පෙ… චක්ඛුං…පෙ… වත්ථුං නොගන්ථෙ ඛන්ධෙ ගරුං කත්වා තං අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – නොගන්ථාධිපති ගන්ථානං අධිපතිපච්චයෙන පච්චයො. (2)

නොගන්ථො ධම්මො ගන්ථස්ස ච නොගන්ථස්ස ච ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… නොගන්ථෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා ගන්ථා ච සම්පයුත්තකා ච ඛන්ධා උප්පජ්ජන්ති. සහජාතාධිපති – නොගන්ථාධිපති සම්පයුත්තකානං ඛන්ධානං ගන්ථානඤ්ච චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

24. ගන්ථො ච නොගන්ථො ච ධම්මා ගන්ථස්ස ධම්මස්ස අධිපතිපච්චයෙන පච්චයො – ආරම්මණාධිපති… තීණි.

අනන්තරපච්චයො

25. ගන්ථො ධම්මො ගන්ථස්ස ධම්මස්ස අනන්තරපච්චයෙන පච්චයො – පුරිමා පුරිමා ගන්ථා පච්ඡිමානං පච්ඡිමානං ගන්ථානං අනන්තරපච්චයෙන පච්චයො. (1)

ගන්ථො ධම්මො නොගන්ථස්ස ධම්මස්ස අනන්තරපච්චයෙන පච්චයො – පුරිමා පුරිමා ගන්ථා පච්ඡිමානං පච්ඡිමානං නොගන්ථානං ඛන්ධානං අනන්තරපච්චයෙන පච්චයො; ගන්ථා වුට්ඨානස්ස අනන්තරපච්චයෙන පච්චයො. (2)

ගන්ථො ධම්මො ගන්ථස්ස ච නොගන්ථස්ස ච ධම්මස්ස අනන්තරපච්චයෙන පච්චයො – පුරිමා පුරිමා ගන්ථා පච්ඡිමානං පච්ඡිමානං ගන්ථානං සම්පයුත්තකානඤ්ච ඛන්ධානං අනන්තරපච්චයෙන පච්චයො. (3)

26. නොගන්ථො ධම්මො නොගන්ථස්ස ධම්මස්ස අනන්තරපච්චයෙන පච්චයො… තීණි (ද්වෙ ආවජ්ජනා කාතබ්බා, පඨමො නත්ථි).

ගන්ථො ච නොගන්ථො ච ධම්මා ගන්ථස්ස ධම්මස්ස අනන්තරපච්චයෙන පච්චයො… තීණි (එකම්පි වුට්ඨානං කාතබ්බං, මජ්ඣෙ).

සමනන්තරපච්චයාදි

27. ගන්ථො ධම්මො ගන්ථස්ස ධම්මස්ස සමනන්තරපච්චයෙන පච්චයො… නව… සහජාතපච්චයෙන පච්චයො… නව… අඤ්ඤමඤ්ඤපච්චයෙන පච්චයො… නව, නිස්සයපච්චයෙන පච්චයො… නව.

උපනිස්සයපච්චයො

28. ගන්ථො ධම්මො ගන්ථස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – ගන්ථා ගන්ථානං උපනිස්සයපච්චයෙන පච්චයො… තීණි.

29. නොගන්ථො ධම්මො නොගන්ථස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො …පෙ…. පකතූපනිස්සයො – සද්ධං උපනිස්සාය දානං දෙති…පෙ… මානං ජප්පෙති, දිට්ඨිං ගණ්හාති; සීලං…පෙ… සෙනාසනං උපනිස්සාය දානං දෙති…පෙ… සඞ්ඝං භින්දති; සද්ධා…පෙ… සෙනාසනං සද්ධාය…පෙ… ඵලසමාපත්තියා උපනිස්සයපච්චයෙන පච්චයො. (1)

නොගන්ථො ධම්මො ගන්ථස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය දිට්ඨිං ගණ්හාති; සීලං…පෙ… සෙනාසනං උපනිස්සාය පාණං හනති…පෙ… සඞ්ඝං භින්දති; සද්ධා…පෙ… සෙනාසනං රාගස්ස…පෙ… පත්ථනාය උපනිස්සයපච්චයෙන පච්චයො. (2)

නොගන්ථො ධම්මො ගන්ථස්ස ච නොගන්ථස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය මානං ජප්පෙති, දිට්ඨිං ගණ්හාති, සීලං…පෙ… සෙනාසනං උපනිස්සාය පාණං හනති …පෙ… සඞ්ඝං භින්දති, සද්ධා…පෙ… සෙනාසනං ගන්ථානං සම්පයුත්තකානඤ්ච ඛන්ධානං උපනිස්සයපච්චයෙන පච්චයො. (3)

ගන්ථො ච නොගන්ථො ච ධම්මා ගන්ථස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො… තීණි (ආරම්මණනයෙන කාතබ්බා).

පුරෙජාතපච්චයාදි

30. නොගන්ථො ධම්මො නොගන්ථස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ…. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු නොගන්ථානං ඛන්ධානං පුරෙජාතපච්චයෙන පච්චයො. (1)

නොගන්ථො ධම්මො ගන්ථස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අස්සාදෙති අභිනන්දති, තං ආරබ්භ රාගො උප්පජ්ජති, දිට්ඨි උප්පජ්ජති, දොමනස්සං උප්පජ්ජති. වත්ථුපුරෙජාතං – වත්ථු ගන්ථානං පුරෙජාතපච්චයෙන පච්චයො. (2)

නොගන්ථො ධම්මො ගන්ථස්ස ච නොගන්ථස්ස ච ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අස්සාදෙති අභිනන්දති, තං ආරබ්භ ගන්ථා ච සම්පයුත්තකා ච ඛන්ධා උප්පජ්ජන්ති. වත්ථුපුරෙජාතං – වත්ථු ගන්ථානං සම්පයුත්තකානඤ්ච ඛන්ධානං පුරෙජාතපච්චයෙන පච්චයො. (3)

පච්ඡාජාතපච්චයෙන පච්චයො… තීණි, ආසෙවනපච්චයෙන පච්චයො… නව.

කම්මපච්චයො

31. නොගන්ථො ධම්මො නොගන්ථස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නොගන්ථා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – නොගන්ථා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො. (1)

නොගන්ථො ධම්මො ගන්ථස්ස ධම්මස්ස කම්මපච්චයෙන පච්චයො – නොගන්ථා චෙතනා සම්පයුත්තකානං ගන්ථානං කම්මපච්චයෙන පච්චයො. (2)

නොගන්ථො ධම්මො ගන්ථස්ස ච නොගන්ථස්ස ච ධම්මස්ස කම්මපච්චයෙන පච්චයො – නොගන්ථා චෙතනා සම්පයුත්තකානං ඛන්ධානං ගන්ථානඤ්ච චිත්තසමුට්ඨානානඤ්ච රූපානං කම්මපච්චයෙන පච්චයො. (3)

විපාකපච්චයාදි

32. නොගන්ථො ධම්මො නොගන්ථස්ස ධම්මස්ස විපාකපච්චයෙන පච්චයො… එකං… ආහාරපච්චයෙන පච්චයො… තීණි… ඉන්ද්‍රියපච්චයෙන පච්චයො… තීණි… ඣානපච්චයෙන පච්චයො… තීණි… මග්ගපච්චයෙන පච්චයො… නව… සම්පයුත්තපච්චයෙන පච්චයො… නව.

විප්පයුත්තපච්චයො

33. ගන්ථො ධම්මො නොගන්ථස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං (සංඛිත්තං). (1)

නොගන්ථො ධම්මො නොගන්ථස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං (සංඛිත්තං). (1)

නොගන්ථො ධම්මො ගන්ථස්ස ධම්මස්ස විප්පයුත්තපච්චයෙන පච්චයො. පුරෙජාතං – වත්ථු ගන්ථානං විප්පයුත්තපච්චයෙන පච්චයො. (2)

නොගන්ථො ධම්මො ගන්ථස්ස ච නොගන්ථස්ස ච ධම්මස්ස විප්පයුත්තපච්චයෙන පච්චයො. පුරෙජාතං – වත්ථු ගන්ථානං සම්පයුත්තකානඤ්ච ඛන්ධානං විප්පයුත්තපච්චයෙන පච්චයො. (3)

ගන්ථො ච නොගන්ථො ච ධම්මා නොගන්ථස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං (සංඛිත්තං). (1)

අත්ථිපච්චයො

34. ගන්ථො ධම්මො ගන්ථස්ස ධම්මස්ස අත්ථිපච්චයෙන පච්චයො… එකං (පටිච්චසදිසං).

ගන්ථො ධම්මො නොගන්ථස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතා – ගන්ථා සම්පයුත්තකානං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො. පච්ඡාජාතා – ගන්ථා පුරෙජාතස්ස ඉමස්ස කායස්ස අත්ථිපච්චයෙන පච්චයො. (2)

ගන්ථො ධම්මො ගන්ථස්ස ච නොගන්ථස්ස ච ධම්මස්ස අත්ථිපච්චයෙන පච්චයො… එකං (පටිච්චසදිසං). (3)

35. නොගන්ථො ධම්මො නොගන්ථස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං (සංඛිත්තං). (1)

නොගන්ථො ධම්මො ගන්ථස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතා – නොගන්ථා ඛන්ධා ගන්ථානං අත්ථිපච්චයෙන පච්චයො. පුරෙජාතං – චක්ඛුං…පෙ… වත්ථුං අස්සාදෙති අභිනන්දති, තං ආරබ්භ රාගො උප්පජ්ජති, දිට්ඨි උප්පජ්ජති, දොමනස්සං උප්පජ්ජති, වත්ථු ගන්ථානං අත්ථිපච්චයෙන පච්චයො. (2)

නොගන්ථො ධම්මො ගන්ථස්ස ච නොගන්ථස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – නොගන්ථො එකො ඛන්ධො තිණ්ණන්නං ඛන්ධානං ගන්ථානඤ්ච චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ…. පුරෙජාතං – චක්ඛුං…පෙ… වත්ථුං අස්සාදෙති අභිනන්දති, තං ආරබ්භ ගන්ථා ච සම්පයුත්තකා ච ඛන්ධා උප්පජ්ජන්ති; වත්ථු ගන්ථානං සම්පයුත්තකානඤ්ච ඛන්ධානං අත්ථිපච්චයෙන පච්චයො. (3)

36. ගන්ථො ච නොගන්ථො ච ධම්මා ගන්ථස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – සීලබ්බතපරාමාසො කායගන්ථො ච සම්පයුත්තකා ච ඛන්ධා අභිජ්ඣාකායගන්ථස්ස අත්ථිපච්චයෙන පච්චයො (චක්කං). සහජාතො – සීලබ්බතපරාමාසො කායගන්ථො ච වත්ථු ච අභිජ්ඣාකායගන්ථස්ස අත්ථිපච්චයෙන පච්චයො. (චක්කං). (1)

ගන්ථො ච නොගන්ථො ච ධම්මා නොගන්ථස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං. සහජාතො – නොගන්ථො එකො ඛන්ධො ච ගන්ථො ච තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ…. සහජාතා – ගන්ථා ච වත්ථු ච නොගන්ථානං ඛන්ධානං අත්ථිපච්චයෙන පච්චයො. සහජාතා – ගන්ථා ච මහාභූතා ච චිත්තසමුට්ඨානානඤ්ච රූපානං අත්ථිපච්චයෙන පච්චයො. පච්ඡාජාතා – ගන්ථා ච සම්පයුත්තකා ච ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. පච්ඡාජාතා – ගන්ථා ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – ගන්ථා ච රූපජීවිතින්ද්‍රියඤ්ච කටත්තාරූපානං අත්ථිපච්චයෙන පච්චයො. (2)

ගන්ථො ච නොගන්ථො ච ධම්මා ගන්ථස්ස ච නොගන්ථස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – නොගන්ථො එකො ඛන්ධො ච සීලබ්බතපරාමාසො කායගන්ථො ච තිණ්ණන්නං ඛන්ධානං අභිජ්ඣාකායගන්ථස්ස ච චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ…. සහජාතො – සීලබ්බතපරාමාසො කායගන්ථො ච වත්ථු ච අභිජ්ඣාකායගන්ථස්ස ච සම්පයුත්තකානඤ්ච ඛන්ධානං අත්ථිපච්චයෙන පච්චයො (චක්කං). (3)

1. පච්චයානුලොමං

2. සඞ්ඛ්‍යාවාරො

සුද්ධං

37. හෙතුයා නව, ආරම්මණෙ නව (සබ්බත්ථ නව), උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ නව, කම්මෙ තීණි, විපාකෙ එකං, ආහාරෙ තීණි, ඉන්ද්‍රියෙ තීණි, ඣානෙ තීණි, මග්ගෙ නව, සම්පයුත්තෙ නව, විප්පයුත්තෙ පඤ්ච, අත්ථියා නව, නත්ථියා නව, විගතෙ නව, අවිගතෙ නව.

අනුලොමං.

පච්චනීයුද්ධාරො

38. ගන්ථො ධම්මො ගන්ථස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

ගන්ථො ධම්මො නොගන්ථස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (2)

ගන්ථො ධම්මො ගන්ථස්ස ච නොගන්ථස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

39. නොගන්ථො ධම්මො නොගන්ථස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්‍රියපච්චයෙන පච්චයො. (1)

නොගන්ථො ධම්මො ගන්ථස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

නොගන්ථො ධම්මො ගන්ථස්ස ච නොගන්ථස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (3)

40. ගන්ථො ච නොගන්ථො ච ධම්මා ගන්ථස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

ගන්ථො ච නොගන්ථො ච ධම්මා නොගන්ථස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (2)