1. විභඞ්ගවාරො

හෙතුපච්චයො

62. ගන්ථසම්පයුත්තං ධම්මං සංසට්ඨො ගන්ථසම්පයුත්තො ධම්මො උප්පජ්ජති හෙතුපච්චයා – ගන්ථසම්පයුත්තං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

ගන්ථසම්පයුත්තං ධම්මං සංසට්ඨො ගන්ථවිප්පයුත්තො ධම්මො උප්පජ්ජති හෙතුපච්චයා – දිට්ඨිගතවිප්පයුත්තලොභසහගතෙ ඛන්ධෙ සංසට්ඨො ලොභො, දොමනස්සසහගතෙ ඛන්ධෙ සංසට්ඨං පටිඝං. (2)

ගන්ථසම්පයුත්තං ධම්මං සංසට්ඨො ගන්ථසම්පයුත්තො ච ගන්ථවිප්පයුත්තො ච ධම්මා උප්පජ්ජන්ති හෙතුපච්චයා – දිට්ඨිගතවිප්පයුත්තලොභසහගතං එකං ඛන්ධං සංසට්ඨා තයො ඛන්ධා ලොභො ච…පෙ… ද්වෙ ඛන්ධෙ…පෙ… දොමනස්සසහගතං එකං ඛන්ධං සංසට්ඨා තයො ඛන්ධා පටිඝඤ්ච…පෙ… ද්වෙ ඛන්ධෙ…පෙ…. (3)

63. ගන්ථවිප්පයුත්තං ධම්මං සංසට්ඨො ගන්ථවිප්පයුත්තො ධම්මො උප්පජ්ජති හෙතුපච්චයා – ගන්ථවිප්පයුත්තං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

ගන්ථවිප්පයුත්තං ධම්මං සංසට්ඨො ගන්ථසම්පයුත්තො ධම්මො උප්පජ්ජති හෙතුපච්චයා – දිට්ඨිගතවිප්පයුත්තං ලොභං සංසට්ඨා සම්පයුත්තකා ඛන්ධා, පටිඝං සංසට්ඨා සම්පයුත්තකා ඛන්ධා. (2)

ගන්ථසම්පයුත්තඤ්ච ගන්ථවිප්පයුත්තඤ්ච ධම්මං සංසට්ඨො ගන්ථසම්පයුත්තො ධම්මො උප්පජ්ජති හෙතුපච්චයා – දිට්ඨිගතවිප්පයුත්තං ලොභසහගතං එකං ඛන්ධඤ්ච ලොභඤ්ච සංසට්ඨා තයො ඛන්ධා…පෙ… ද්වෙ ඛන්ධෙ…පෙ… දොමනස්සසහගතං එකං ඛන්ධඤ්ච පටිඝඤ්ච සංසට්ඨා තයො ඛන්ධා…පෙ… ද්වෙ ඛන්ධෙ…පෙ… (සංඛිත්තං).