1. විභඞ්ගවාරො

හෙතුපච්චයො

55. ගන්ථසම්පයුත්තං ධම්මං පච්චයා ගන්ථසම්පයුත්තො ධම්මො උප්පජ්ජති හෙතුපච්චයා… තීණි (පටිච්චසදිසා).

ගන්ථවිප්පයුත්තං ධම්මං පච්චයා ගන්ථවිප්පයුත්තො ධම්මො උප්පජ්ජති හෙතුපච්චයා – ගන්ථවිප්පයුත්තං එකං ඛන්ධං පච්චයා…පෙ… පටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා, එකං මහාභූතං…පෙ… වත්ථුං පච්චයා ගන්ථවිප්පයුත්තා ඛන්ධා. (1)

ගන්ථවිප්පයුත්තං ධම්මං පච්චයා ගන්ථසම්පයුත්තො ධම්මො උප්පජ්ජති හෙතුපච්චයා – වත්ථුං පච්චයා ගන්ථසම්පයුත්තකා ඛන්ධා, දිට්ඨිගතවිප්පයුත්තං ලොභං පච්චයා සම්පයුත්තකා ඛන්ධා, පටිඝං පච්චයා සම්පයුත්තකා ඛන්ධා. (2)

ගන්ථවිප්පයුත්තං ධම්මං පච්චයා ගන්ථසම්පයුත්තො ච ගන්ථවිප්පයුත්තො ච ධම්මා උප්පජ්ජන්ති හෙතුපච්චයා – වත්ථුං පච්චයා ගන්ථසම්පයුත්තකා ඛන්ධා, මහාභූතෙ පච්චයා චිත්තසමුට්ඨානං රූපං, දිට්ඨිගතවිප්පයුත්තං ලොභං පච්චයා සම්පයුත්තකා ඛන්ධා චිත්තසමුට්ඨානඤ්ච රූපං, පටිඝං පච්චයා සම්පයුත්තකා ඛන්ධා චිත්තසමුට්ඨානඤ්ච රූපං, වත්ථුං පච්චයා දිට්ඨිගතවිප්පයුත්තලොභසහගතා ඛන්ධා ච ලොභො ච, වත්ථුං පච්චයා දොමනස්සසහගතා ඛන්ධා ච පටිඝඤ්ච. (3)

56. ගන්ථසම්පයුත්තඤ්ච ගන්ථවිප්පයුත්තඤ්ච ධම්මං පච්චයා ගන්ථසම්පයුත්තො ධම්මො උප්පජ්ජති හෙතුපච්චයා – ගන්ථසම්පයුත්තං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… දිට්ඨිගතවිප්පයුත්තලොභසහගතං එකං ඛන්ධඤ්ච වත්ථුඤ්ච ලොභඤ්ච පච්චයා තයො ඛන්ධා …පෙ… ද්වෙ ඛන්ධෙ…පෙ… දොමනස්සසහගතං එකං ඛන්ධඤ්ච වත්ථුඤ්ච පටිඝඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ…. (1)

ගන්ථසම්පයුත්තඤ්ච ගන්ථවිප්පයුත්තඤ්ච ධම්මං පච්චයා ගන්ථවිප්පයුත්තො ධම්මො උප්පජ්ජති හෙතුපච්චයා – ගන්ථසම්පයුත්තෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, දිට්ඨිගතවිප්පයුත්තලොභසහගතෙ ඛන්ධෙ ච ලොභඤ්ච පච්චයා චිත්තසමුට්ඨානං රූපං, දොමනස්සසහගතෙ ඛන්ධෙ ච පටිඝඤ්ච පච්චයා චිත්තසමුට්ඨානං රූපං, දිට්ඨිගතවිප්පයුත්තලොභසහගතෙ ඛන්ධෙ ච වත්ථුඤ්ච පච්චයා ලොභො, දොමනස්සසහගතෙ ඛන්ධෙ ච වත්ථුඤ්ච පච්චයා පටිඝං. (2)

ගන්ථසම්පයුත්තඤ්ච ගන්ථවිප්පයුත්තඤ්ච ධම්මං පච්චයා ගන්ථසම්පයුත්තො ච ගන්ථවිප්පයුත්තො ච ධම්මා උප්පජ්ජන්ති හෙතුපච්චයා – ගන්ථසම්පයුත්තං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… ගන්ථසම්පයුත්තෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, දිට්ඨිගතවිප්පයුත්තලොභසහගතං එකං ඛන්ධඤ්ච ලොභඤ්ච පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… දොමනස්සසහගතං එකං ඛන්ධඤ්ච පටිඝඤ්ච පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… දිට්ඨිගතවිප්පයුත්තලොභසහගතං එකං ඛන්ධඤ්ච වත්ථුඤ්ච පච්චයා තයො ඛන්ධා ලොභො ච…පෙ… ද්වෙ ඛන්ධෙ…පෙ… දොමනස්සසහගතං එකං ඛන්ධඤ්ච වත්ථුඤ්ච පච්චයා තයො ඛන්ධා පටිඝඤ්ච…පෙ… ද්වෙ ඛන්ධෙ…පෙ… (සංඛිත්තං). (3)