1. විභඞ්ගවාරො

හෙතුපච්චයො

45. ගන්ථසම්පයුත්තං ධම්මං පටිච්ච ගන්ථසම්පයුත්තො ධම්මො උප්පජ්ජති හෙතුපච්චයා – ගන්ථසම්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

ගන්ථසම්පයුත්තං ධම්මං පටිච්ච ගන්ථවිප්පයුත්තො ධම්මො උප්පජ්ජති හෙතුපච්චයා – ගන්ථසම්පයුත්තෙ ඛන්ධෙ පටිච්ච චිත්තසමුට්ඨානං රූපං, දිට්ඨිගතවිප්පයුත්තලොභසහගතෙ ඛන්ධෙ පටිච්ච ලොභො චිත්තසමුට්ඨානඤ්ච රූපං, දොමනස්සසහගතෙ ඛන්ධෙ පටිච්ච පටිඝං චිත්තසමුට්ඨානඤ්ච රූපං. (2)

ගන්ථසම්පයුත්තං ධම්මං පටිච්ච ගන්ථසම්පයුත්තො ච ගන්ථවිප්පයුත්තො ච ධම්මා උප්පජ්ජන්ති හෙතුපච්චයා – ගන්ථසම්පයුත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… දිට්ඨිගතවිප්පයුත්තලොභසහගතං එකං ඛන්ධං පටිච්ච තයො ඛන්ධා ලොභො ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… දොමනස්සසහගතං එකං ඛන්ධං පටිච්ච තයො ඛන්ධා පටිඝඤ්ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

46. ගන්ථවිප්පයුත්තං ධම්මං පටිච්ච ගන්ථවිප්පයුත්තො ධම්මො උප්පජ්ජති හෙතුපච්චයා – ගන්ථවිප්පයුත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… දිට්ඨිගතවිප්පයුත්තං ලොභං පටිච්ච චිත්තසමුට්ඨානං රූපං, පටිඝං පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… ඛන්ධෙ පටිච්ච (සංඛිත්තං). (1)

ගන්ථවිප්පයුත්තං ධම්මං පටිච්ච ගන්ථසම්පයුත්තො ධම්මො උප්පජ්ජති හෙතුපච්චයා – දිට්ඨිගතවිප්පයුත්තං ලොභං පටිච්ච සම්පයුත්තකා ඛන්ධා, පටිඝං පටිච්ච සම්පයුත්තකා ඛන්ධා. (2)

ගන්ථවිප්පයුත්තං ධම්මං පටිච්ච ගන්ථසම්පයුත්තො ච ගන්ථවිප්පයුත්තො ච ධම්මා උප්පජ්ජන්ති හෙතුපච්චයා – දිට්ඨිගතවිප්පයුත්තං ලොභං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං, පටිඝං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං. (3)

47. ගන්ථසම්පයුත්තඤ්ච ගන්ථවිප්පයුත්තඤ්ච ධම්මං පටිච්ච ගන්ථසම්පයුත්තො ධම්මො උප්පජ්ජති හෙතුපච්චයා – දිට්ඨිගතවිප්පයුත්තලොභසහගතං එකං ඛන්ධඤ්ච ලොභඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… දොමනස්සසහගතං එකං ඛන්ධඤ්ච පටිඝඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

ගන්ථසම්පයුත්තඤ්ච ගන්ථවිප්පයුත්තඤ්ච ධම්මං පටිච්ච ගන්ථවිප්පයුත්තො ධම්මො උප්පජ්ජති හෙතුපච්චයා – ගන්ථසම්පයුත්තෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, දිට්ඨිගතවිප්පයුත්තලොභසහගතෙ ඛන්ධෙ ච ලොභඤ්ච පටිච්ච චිත්තසමුට්ඨානං රූපං, දොමනස්සසහගතෙ ඛන්ධෙ ච පටිඝඤ්ච පටිච්ච චිත්තසමුට්ඨානං රූපං. (2)

ගන්ථසම්පයුත්තඤ්ච ගන්ථවිප්පයුත්තඤ්ච ධම්මං පටිච්ච ගන්ථසම්පයුත්තො ච ගන්ථවිප්පයුත්තො ච ධම්මා උප්පජ්ජන්ති හෙතුපච්චයා – දිට්ඨිගතවිප්පයුත්තලොභසහගතං එකං ඛන්ධඤ්ච ලොභඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… දොමනස්සසහගතං එකං ඛන්ධඤ්ච පටිඝඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

ආරම්මණපච්චයො

48. ගන්ථසම්පයුත්තං ධම්මං පටිච්ච ගන්ථසම්පයුත්තො ධම්මො උප්පජ්ජති ආරම්මණපච්චයා – ගන්ථසම්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

ගන්ථසම්පයුත්තං ධම්මං පටිච්ච ගන්ථවිප්පයුත්තො ධම්මො උප්පජ්ජති ආරම්මණපච්චයා – දිට්ඨිගතවිප්පයුත්තලොභසහගතෙ ඛන්ධෙ පටිච්ච ලොභො, දොමනස්සසහගතෙ ඛන්ධෙ පටිච්ච පටිඝං. (2)

ගන්ථසම්පයුත්තං ධම්මං පටිච්ච ගන්ථසම්පයුත්තො ච ගන්ථවිප්පයුත්තො ච ධම්මා උප්පජ්ජන්ති ආරම්මණපච්චයා – දිට්ඨිගතවිප්පයුත්තලොභසහගතං එකං ඛන්ධං පටිච්ච තයො ඛන්ධා ලොභො ච…පෙ… ද්වෙ ඛන්ධෙ…පෙ… දොමනස්සසහගතං එකං ඛන්ධං පටිච්ච තයො ඛන්ධා පටිඝඤ්ච…පෙ… ද්වෙ ඛන්ධෙ…පෙ…. (3)

49. ගන්ථවිප්පයුත්තං ධම්මං පටිච්ච ගන්ථවිප්පයුත්තො ධම්මො උප්පජ්ජති ආරම්මණපච්චයා – ගන්ථවිප්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුං පටිච්ච ඛන්ධා. (1)

ගන්ථවිප්පයුත්තං ධම්මං පටිච්ච ගන්ථසම්පයුත්තො ධම්මො උප්පජ්ජති ආරම්මණපච්චයා – දිට්ඨිගතවිප්පයුත්තං ලොභං පටිච්ච සම්පයුත්තකා ඛන්ධා, පටිඝං පටිච්ච සම්පයුත්තකා ඛන්ධා. (2)

ගන්ථසම්පයුත්තඤ්ච ගන්ථවිප්පයුත්තඤ්ච ධම්මං පටිච්ච ගන්ථසම්පයුත්තො ධම්මො උප්පජ්ජති ආරම්මණපච්චයා – දිට්ඨිගතවිප්පයුත්තලොභසහගතං එකං ඛන්ධඤ්ච ලොභඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… දොමනස්සසහගතං එකං ඛන්ධඤ්ච පටිඝඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… (සංඛිත්තං). (1)