1-4. පච්චයානුලොමාදි

හෙතුපච්චයො

116. උපාදානවිප්පයුත්තං උපාදානියං ධම්මං පටිච්ච උපාදානවිප්පයුත්තො උපාදානියො ධම්මො උප්පජ්ජති හෙතුපච්චයා – උපාදානවිප්පයුත්තං උපාදානියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… එකං මහාභූතං…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

උපාදානවිප්පයුත්තං අනුපාදානියං ධම්මං පටිච්ච උපාදානවිප්පයුත්තො අනුපාදානියො ධම්මො උප්පජ්ජති හෙතුපච්චයා – උපාදානවිප්පයුත්තං අනුපාදානියං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

උපාදානවිප්පයුත්තං අනුපාදානියං ධම්මං පටිච්ච උපාදානවිප්පයුත්තො උපාදානියො ධම්මො උප්පජ්ජති හෙතුපච්චයා – උපාදානවිප්පයුත්තෙ අනුපාදානියෙ ඛන්ධෙ පටිච්ච චිත්තසමුට්ඨානං රූපං. (2)

උපාදානවිප්පයුත්තං අනුපාදානියං ධම්මං පටිච්ච උපාදානවිප්පයුත්තො උපාදානියො ච උපාදානවිප්පයුත්තො අනුපාදානියො ච ධම්මා උප්පජ්ජන්ති හෙතුපච්චයා – උපාදානවිප්පයුත්තං අනුපාදානියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

උපාදානවිප්පයුත්තං උපාදානියඤ්ච උපාදානවිප්පයුත්තං අනුපාදානියඤ්ච ධම්මං පටිච්ච උපාදානවිප්පයුත්තො උපාදානියො ධම්මො උප්පජ්ජති හෙතුපච්චයා – උපාදානවිප්පයුත්තෙ අනුපාදානියෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

හෙතුයා පඤ්ච, ආරම්මණෙ ද්වෙ…පෙ… අවිගතෙ පඤ්ච.

(ඉමං දුකං චූළන්තරදුකෙ ලොකියදුකසදිසං, නින්නානාකරණං.)

උපාදානවිප්පයුත්තඋපාදානියදුකං නිට්ඨිතං.

උපාදානගොච්ඡකං නිට්ඨිතං.

තතියො භාගො නිට්ඨිතො.