2. සඞ්ඛ්‍යාවාරො

48. හෙතුයා සත්තරස, ආරම්මණෙ නව, අධිපතියා එකවීස, අනන්තරෙ නව, සමනන්තරෙ නව, සහජාතෙ සත්තරස, අඤ්ඤමඤ්ඤෙ සත්තරස, නිස්සයෙ සත්තරස, උපනිස්සයෙ එකවීස, ආසෙවනෙ නව, කම්මෙ සත්තරස, ආහාරෙ ඉන්ද්‍රියෙ ඣානෙ මග්ගෙ සම්පයුත්තෙ සත්තරස, අත්ථියා සත්තරස, නත්ථියා නව, විගතෙ නව, අවිගතෙ සත්තරස (එවං ගණෙතබ්බං).

අනුලොමං.

පච්චනීයුද්ධාරො

49. මග්ගාරම්මණො ධම්මො මග්ගාරම්මණස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (1)

මග්ගාරම්මණො ධම්මො මග්ගාධිපතිස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (2)

මග්ගාරම්මණො ධම්මො මග්ගාරම්මණස්ස ච මග්ගාධිපතිස්ස ච ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (3)

50. මග්ගහෙතුකො ධම්මො මග්ගහෙතුකස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (1)

මග්ගහෙතුකො ධම්මො මග්ගාරම්මණස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (2)

මග්ගහෙතුකො ධම්මො මග්ගාධිපතිස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

මග්ගහෙතුකො ධම්මො මග්ගාරම්මණස්ස ච මග්ගාධිපතිස්ස ච ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (4)

මග්ගහෙතුකො ධම්මො මග්ගහෙතුකස්ස ච මග්ගාධිපතිස්ස ච ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (5)

51. මග්ගාධිපති ධම්මො මග්ගාධිපතිස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (1)

මග්ගාධිපති ධම්මො මග්ගාරම්මණස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (2)

මග්ගාධිපති ධම්මො මග්ගහෙතුකස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (3)

මග්ගාධිපති ධම්මො මග්ගාරම්මණස්ස ච මග්ගාධිපතිස්ස ච ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (4)

මග්ගාධිපති ධම්මො මග්ගහෙතුකස්ස ච මග්ගාධිපතිස්ස ච ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (5)

52. මග්ගාරම්මණො ච මග්ගාධිපති ච ධම්මා මග්ගාරම්මණස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (1)

මග්ගාරම්මණො ච මග්ගාධිපති ච ධම්මා මග්ගාධිපතිස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (2)

මග්ගාරම්මණො ච මග්ගාධිපති ච ධම්මා මග්ගාරම්මණස්ස ච මග්ගාධිපතිස්ස ච ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (3)

53. මග්ගහෙතුකො ච මග්ගාධිපති ච ධම්මා මග්ගාරම්මණස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (1)

මග්ගහෙතුකො ච මග්ගාධිපති ච ධම්මා මග්ගහෙතුකස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (2)

මග්ගහෙතුකො ච මග්ගාධිපති ච ධම්මා මග්ගාධිපතිස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (3)

මග්ගහෙතුකො ච මග්ගාධිපති ච ධම්මා මග්ගාරම්මණස්ස ච මග්ගාධිපතිස්ස ච ධම්මස්ස උපනිස්සයපච්චයෙන පච්චයො. (4)

මග්ගහෙතුකො ච මග්ගාධිපති ච ධම්මා මග්ගහෙතුකස්ස ච මග්ගාධිපතිස්ස ච ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (5)