16. මග්ගාරම්මණත්තිකං

1. පටිච්චවාරො

1. පච්චයානුලොමං

1. විභඞ්ගවාරො

හෙතුපච්චයො

1. මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති හෙතුපච්චයා – මග්ගාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

මග්ගාරම්මණං ධම්මං පටිච්ච මග්ගාධිපති ධම්මො උප්පජ්ජති හෙතුපච්චයා – මග්ගාරම්මණං එකං ඛන්ධං පටිච්ච මග්ගාධිපතී තයො ඛන්ධා, තයො ඛන්ධෙ පටිච්ච එකො ඛන්ධො. ද්වෙ ඛන්ධෙ…පෙ…. (2)

මග්ගාරම්මණං ධම්මං පටිච්ච මග්ගාරම්මණො ච මග්ගාධිපති ච ධම්මා උප්පජ්ජන්ති හෙතුපච්චයා – මග්ගාරම්මණං එකං ඛන්ධං පටිච්ච මග්ගාරම්මණා ච මග්ගාධිපතී ච තයො ඛන්ධා…පෙ… ද්වෙ ඛන්ධෙ…පෙ…. (3)

2. මග්ගහෙතුකං ධම්මං පටිච්ච මග්ගහෙතුකො ධම්මො උප්පජ්ජති හෙතුපච්චයා – මග්ගහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

මග්ගහෙතුකං ධම්මං පටිච්ච මග්ගාධිපති ධම්මො උප්පජ්ජති හෙතුපච්චයා – මග්ගහෙතුකං එකං ඛන්ධං පටිච්ච මග්ගාධිපතී තයො ඛන්ධා…පෙ… ද්වෙ ඛන්ධෙ…පෙ…. (2)

මග්ගහෙතුකං ධම්මං පටිච්ච මග්ගහෙතුකො ච මග්ගාධිපති ච ධම්මා උප්පජ්ජන්ති හෙතුපච්චයා – මග්ගහෙතුකං එකං ඛන්ධං පටිච්ච මග්ගහෙතුකා ච මග්ගාධිපතී ච තයො ඛන්ධා…පෙ… ද්වෙ ඛන්ධෙ…පෙ…. (3)

3. මග්ගාධිපතිං ධම්මං පටිච්ච මග්ගාධිපති ධම්මො උප්පජ්ජති හෙතුපච්චයා – මග්ගාධිපතිං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

මග්ගාධිපතිං ධම්මං පටිච්ච මග්ගාරම්මණො ධම්මො උප්පජ්ජති හෙතුපච්චයා – මග්ගාධිපතිං එකං ඛන්ධං පටිච්ච මග්ගාරම්මණා තයො ඛන්ධා…පෙ… ද්වෙ ඛන්ධෙ…පෙ…. (2)

මග්ගාධිපතිං ධම්මං පටිච්ච මග්ගහෙතුකො ධම්මො උප්පජ්ජති හෙතුපච්චයා – මග්ගාධිපතිං එකං ඛන්ධං පටිච්ච මග්ගහෙතුකා තයො ඛන්ධා…පෙ… ද්වෙ ඛන්ධෙ…පෙ…. (3)

මග්ගාධිපතිං ධම්මං පටිච්ච මග්ගාරම්මණො ච මග්ගාධිපති ච ධම්මා උප්පජ්ජන්ති හෙතුපච්චයා – මග්ගාධිපතිං එකං ඛන්ධං පටිච්ච මග්ගාරම්මණා ච මග්ගාධිපතී ච තයො ඛන්ධා…පෙ… ද්වෙ ඛන්ධෙ…පෙ…. (4)

මග්ගාධිපතිං ධම්මං පටිච්ච මග්ගහෙතුකො ච මග්ගාධිපති ච ධම්මා උප්පජ්ජන්ති හෙතුපච්චයා – මග්ගාධිපතිං එකං ඛන්ධං පටිච්ච මග්ගහෙතුකා ච මග්ගාධිපතී ච තයො ඛන්ධා…පෙ… ද්වෙ ඛන්ධෙ…පෙ…. (5)

4. මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාරම්මණො ධම්මො උප්පජ්ජති හෙතුපච්චයා – මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාරම්මණා තයො ඛන්ධා…පෙ… ද්වෙ ඛන්ධෙ…පෙ…. (1)

මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාධිපති ධම්මො උප්පජ්ජති හෙතුපච්චයා – මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාධිපතී තයො ඛන්ධා…පෙ… ද්වෙ ඛන්ධෙ…පෙ…. (2)

මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාරම්මණො ච මග්ගාධිපති ච ධම්මා උප්පජ්ජන්ති හෙතුපච්චයා – මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාරම්මණා ච මග්ගාධිපතී ච තයො ඛන්ධා…පෙ… ද්වෙ ඛන්ධෙ…පෙ…. (3)

5. මග්ගහෙතුකඤ්ච මග්ගාධිපතිඤ්ච ධම්මං පටිච්ච මග්ගහෙතුකො ධම්මො උප්පජ්ජති හෙතුපච්චයා – මග්ගහෙතුකඤ්ච මග්ගාධිපතිඤ්ච එකං ඛන්ධං පටිච්ච මග්ගහෙතුකා තයො ඛන්ධා…පෙ… ද්වෙ ඛන්ධෙ…පෙ…. (1)

මග්ගහෙතුකඤ්ච මග්ගාධිපතිඤ්ච ධම්මං පටිච්ච මග්ගාධිපති ධම්මො උප්පජ්ජති හෙතුපච්චයා – මග්ගහෙතුකඤ්ච මග්ගාධිපතිඤ්ච එකං ඛන්ධං පටිච්ච මග්ගාධිපතී තයො ඛන්ධා…පෙ… ද්වෙ ඛන්ධෙ…පෙ…. (2)

මග්ගහෙතුකඤ්ච මග්ගාධිපතිඤ්ච ධම්මං පටිච්ච මග්ගහෙතුකො ච මග්ගාධිපති ච ධම්මා උප්පජ්ජන්ති හෙතුපච්චයා – මග්ගහෙතුකඤ්ච මග්ගාධිපතිඤ්ච එකං ඛන්ධං පටිච්ච මග්ගහෙතුකා ච මග්ගාධිපතී ච තයො ඛන්ධා…පෙ… ද්වෙ ඛන්ධෙ…පෙ…. (3)

ආරම්මණපච්චයාදි

6. මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති ආරම්මණපච්චයා… අධිපතිපච්චයා… අනන්තරපච්චයා… සමනන්තරපච්චයා… සහජාතපච්චයා… අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා… පුරෙජාතපච්චයා… ආසෙවනපච්චයා… කම්මපච්චයා… ආහාරපච්චයා… ඉන්ද්‍රියපච්චයා… ඣානපච්චයා… මග්ගපච්චයා… සම්පයුත්තපච්චයා… විප්පයුත්තපච්චයා… අත්ථිපච්චයා… නත්ථිපච්චයා… විගතපච්චයා… අවිගතපච්චයා.

1. පච්චයානුලොමං

2. සඞ්ඛ්‍යාවාරො

7. හෙතුයා සත්තරස, ආරම්මණෙ අධිපතියා අනන්තරෙ සමනන්තරෙ සහජාතෙ අඤ්ඤමඤ්ඤෙ නිස්සයෙ උපනිස්සයෙ පුරෙජාතෙ ආසෙවනෙ කම්මෙ ආහාරෙ ඉන්ද්‍රියෙ ඣානෙ මග්ගෙ සම්පයුත්තෙ විප්පයුත්තෙ අත්ථියා නත්ථියා විගතෙ අවිගතෙ සත්තරස (එවං ගණෙතබ්බං).

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

8. මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති නහෙතුපච්චයා – අහෙතුකං මග්ගාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

නඅධිපතිපච්චයො

9. මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති නඅධිපතිපච්චයා – මග්ගාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

මග්ගාරම්මණං ධම්මං පටිච්ච මග්ගාධිපති ධම්මො උප්පජ්ජති නඅධිපතිපච්චයා – මග්ගාරම්මණං එකං ඛන්ධං පටිච්ච මග්ගාධිපතී තයො ඛන්ධා…පෙ… ද්වෙ ඛන්ධෙ…පෙ…. (2)

මග්ගාරම්මණං ධම්මං පටිච්ච මග්ගාරම්මණො ච මග්ගාධිපති ච ධම්මා උප්පජ්ජන්ති නඅධිපතිපච්චයා – මග්ගාරම්මණං එකං ඛන්ධං පටිච්ච මග්ගාරම්මණා ච මග්ගාධිපතී ච තයො ඛන්ධා…පෙ… ද්වෙ ඛන්ධෙ…පෙ…. (3)

10. මග්ගහෙතුකං ධම්මං පටිච්ච මග්ගහෙතුකො ධම්මො උප්පජ්ජති නඅධිපතිපච්චයා – මග්ගහෙතුකෙ ඛන්ධෙ පටිච්ච මග්ගහෙතුකාධිපති. (1)

මග්ගහෙතුකං ධම්මං පටිච්ච මග්ගාධිපති ධම්මො උප්පජ්ජති නඅධිපතිපච්චයා – මග්ගහෙතුකෙ ඛන්ධෙ පටිච්ච මග්ගාධිපති අධිපති. (2)

මග්ගහෙතුකං ධම්මං පටිච්ච මග්ගහෙතුකො ච මග්ගාධිපති ච ධම්මා උප්පජ්ජන්ති නඅධිපතිපච්චයා – මග්ගහෙතුකෙ ඛන්ධෙ පටිච්ච මග්ගහෙතුකො ච මග්ගාධිපති ච අධිපති. (3)

11. මග්ගාධිපතිං ධම්මං පටිච්ච මග්ගාධිපති ධම්මො උප්පජ්ජති නඅධිපතිපච්චයා – මග්ගාධිපතී ඛන්ධෙ පටිච්ච මග්ගාධිපති අධිපති. මග්ගාධිපතිං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

මග්ගාධිපතිං ධම්මං පටිච්ච මග්ගාරම්මණො ධම්මො උප්පජ්ජති නඅධිපතිපච්චයා – මග්ගාධිපතිං එකං ඛන්ධං පටිච්ච මග්ගාරම්මණා තයො ඛන්ධා…පෙ… ද්වෙ ඛන්ධෙ…පෙ…. (2)

මග්ගාධිපතිං ධම්මං පටිච්ච මග්ගහෙතුකො ධම්මො උප්පජ්ජති නඅධිපතිපච්චයා – මග්ගාධිපතී ඛන්ධෙ පටිච්ච මග්ගහෙතුකො අධිපති. (3)

මග්ගාධිපතිං ධම්මං පටිච්ච මග්ගාරම්මණො ච මග්ගාධිපති ච ධම්මා උප්පජ්ජන්ති නඅධිපතිපච්චයා – මග්ගාධිපතිං එකං ඛන්ධං පටිච්ච මග්ගාරම්මණා ච මග්ගාධිපතී ච තයො ඛන්ධා…පෙ… ද්වෙ ඛන්ධෙ…පෙ…. (4)

මග්ගාධිපතිං ධම්මං පටිච්ච මග්ගහෙතුකො ච මග්ගාධිපති ච ධම්මා උප්පජ්ජන්ති නඅධිපතිපච්චයා – මග්ගාධිපතී ඛන්ධෙ පටිච්ච මග්ගහෙතුකො ච මග්ගාධිපති ච අධිපති. (5)

12. මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාරම්මණො ධම්මො උප්පජ්ජති නඅධිපතිපච්චයා – මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාරම්මණා තයො ඛන්ධා…පෙ… ද්වෙ ඛන්ධෙ…පෙ…. (1)

මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාධිපති ධම්මො උප්පජ්ජති නඅධිපතිපච්චයා – මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාධිපතී තයො ඛන්ධා…පෙ… ද්වෙ ඛන්ධෙ…පෙ…. (2)

මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාරම්මණො ච මග්ගාධිපති ච ධම්මා උප්පජ්ජන්ති නඅධිපතිපච්චයා – මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාරම්මණා ච මග්ගාධිපතී ච තයො ඛන්ධා…පෙ… ද්වෙ ඛන්ධෙ…පෙ…. (3)

13. මග්ගහෙතුකඤ්ච මග්ගාධිපතිඤ්ච ධම්මං පටිච්ච මග්ගහෙතුකො ධම්මො උප්පජ්ජති නඅධිපතිපච්චයා – මග්ගහෙතුකෙ ච මග්ගාධිපතී ච ඛන්ධෙ පටිච්ච මග්ගහෙතුකො අධිපති. (1)

මග්ගහෙතුකඤ්ච මග්ගාධිපතිඤ්ච ධම්මං පටිච්ච මග්ගාධිපති ධම්මො උප්පජ්ජති නඅධිපතිපච්චයා – මග්ගහෙතුකෙ ච මග්ගාධිපතී ච ඛන්ධෙ පටිච්ච මග්ගාධිපති අධිපති. (2)

මග්ගහෙතුකඤ්ච මග්ගාධිපතිඤ්ච ධම්මං පටිච්ච මග්ගහෙතුකො ච මග්ගාධිපති ච ධම්මා උප්පජ්ජන්ති නඅධිපතිපච්චයා – මග්ගහෙතුකෙ ච මග්ගාධිපතී ච ඛන්ධෙ පටිච්ච මග්ගහෙතුකො ච මග්ගාධිපති ච අධිපති. (3)

නපුරෙජාතපච්චයාදි

14. මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති නපුරෙජාතපච්චයා… නපච්ඡාජාතපච්චයා (පරිපුණ්ණා ද්වෙපි).

නආසෙවනපච්චයො

15. මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති නආසෙවනපච්චයා – මග්ගාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

මග්ගාරම්මණං ධම්මං පටිච්ච මග්ගාධිපති ධම්මො උප්පජ්ජති නආසෙවනපච්චයා – මග්ගාරම්මණං එකං ඛන්ධං පටිච්ච මග්ගාධිපතී තයො ඛන්ධා…පෙ… ද්වෙ ඛන්ධෙ…පෙ…. (2)

මග්ගාරම්මණං ධම්මං පටිච්ච මග්ගාරම්මණො ච මග්ගාධිපති ච ධම්මා උප්පජ්ජන්ති නආසෙවනපච්චයා – මග්ගාරම්මණං එකං ඛන්ධං පටිච්ච මග්ගාරම්මණා ච මග්ගාධිපතී ච තයො ඛන්ධා…පෙ… ද්වෙ ඛන්ධෙ…පෙ…. (3)

16. මග්ගාධිපතිං ධම්මං පටිච්ච මග්ගාධිපති ධම්මො උප්පජ්ජති නආසෙවනපච්චයා – මග්ගාධිපතිං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

මග්ගාධිපතිං ධම්මං පටිච්ච මග්ගාරම්මණො ධම්මො උප්පජ්ජති නආසෙවනපච්චයා – මග්ගාධිපතිං එකං ඛන්ධං පටිච්ච මග්ගාරම්මණා තයො ඛන්ධා…පෙ… ද්වෙ ඛන්ධෙ…පෙ…. (2)

මග්ගාධිපතිං ධම්මං පටිච්ච මග්ගාරම්මණො ච මග්ගාධිපති ච ධම්මා උප්පජ්ජන්ති නආසෙවනපච්චයා – මග්ගාධිපතිං එකං ඛන්ධං පටිච්ච මග්ගාරම්මණා ච මග්ගාධිපතී ච තයො ඛන්ධා…පෙ… ද්වෙ ඛන්ධෙ…පෙ…. (3)

17. මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාරම්මණො ධම්මො උප්පජ්ජති නආසෙවනපච්චයා – මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාරම්මණා තයො ඛන්ධා…පෙ… ද්වෙ ඛන්ධෙ…පෙ…. (1)

මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාධිපති ධම්මො උප්පජ්ජති නආසෙවනපච්චයා – මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාධිපතී තයො ඛන්ධා…පෙ… ද්වෙ ඛන්ධෙ…පෙ…. (2)

මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාරම්මණො ච මග්ගාධිපති ච ධම්මා උප්පජ්ජන්ති නආසෙවනපච්චයා – මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාරම්මණා ච මග්ගාධිපතී ච තයො ඛන්ධා…පෙ… ද්වෙ ඛන්ධෙ…පෙ…. (3)

නකම්මපච්චයො

18. මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති නකම්මපච්චයා – මග්ගාරම්මණෙ ඛන්ධෙ පටිච්ච මග්ගාරම්මණා චෙතනා. (1)

මග්ගාරම්මණං ධම්මං පටිච්ච මග්ගාධිපති ධම්මො උප්පජ්ජති නකම්මපච්චයා – මග්ගාරම්මණෙ ඛන්ධෙ පටිච්ච මග්ගාධිපති චෙතනා. (2)

මග්ගාරම්මණං ධම්මං පටිච්ච මග්ගාරම්මණො ච මග්ගාධිපති ච ධම්මා උප්පජ්ජන්ති නකම්මපච්චයා – මග්ගාරම්මණෙ ඛන්ධෙ පටිච්ච මග්ගාරම්මණා ච මග්ගාධිපති ච චෙතනා. (3)

19. මග්ගහෙතුකං ධම්මං පටිච්ච මග්ගහෙතුකො ධම්මො උප්පජ්ජති නකම්මපච්චයා – මග්ගහෙතුකෙ ඛන්ධෙ පටිච්ච මග්ගහෙතුකා චෙතනා. (1)

මග්ගහෙතුකං ධම්මං පටිච්ච මග්ගාධිපති ධම්මො උප්පජ්ජති නකම්මපච්චයා – මග්ගහෙතුකෙ ඛන්ධෙ පටිච්ච මග්ගාධිපති චෙතනා. (2)

මග්ගහෙතුකං ධම්මං පටිච්ච මග්ගහෙතුකො ච මග්ගාධිපති ච ධම්මා උප්පජ්ජන්ති නකම්මපච්චයා – මග්ගහෙතුකෙ ඛන්ධෙ පටිච්ච මග්ගහෙතුකො ච මග්ගාධිපති ච චෙතනා. (3)

20. මග්ගාධිපතිං ධම්මං පටිච්ච මග්ගාධිපති ධම්මො උප්පජ්ජති නකම්මපච්චයා – මග්ගාධිපතී ඛන්ධෙ පටිච්ච මග්ගාධිපති චෙතනා (පඤ්ච පඤ්හා).

මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාරම්මණො ධම්මො උප්පජ්ජති නකම්මපච්චයා (පඨමඝටනෙ තීණි).

මග්ගහෙතුකඤ්ච මග්ගාධිපතිඤ්ච ධම්මං පටිච්ච මග්ගහෙතුකො ධම්මො උප්පජ්ජති නකම්මපච්චයා (දුතියඝටනෙ තීණි පඤ්හා).

නවිපාකපච්චයො

21. මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති නවිපාකපච්චයා (පරිපුණ්ණං).

නමග්ගපච්චයො

22. මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති නමග්ගපච්චයා – අහෙතුකං මග්ගාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

නවිප්පයුත්තපච්චයො

23. මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති නවිප්පයුත්තපච්චයා (පරිපුණ්ණං, අරූපන්ති නියාමෙතබ්බං).

2. පච්චයපච්චනීයං

2. සඞ්ඛ්‍යාවාරො

24. නහෙතුයා එකං, නඅධිපතියා සත්තරස, නපුරෙජාතෙ සත්තරස, නපච්ඡාජාතෙ සත්තරස, නආසෙවනෙ නව, නකම්මෙ සත්තරස, නවිපාකෙ සත්තරස, නමග්ගෙ එකං, නවිප්පයුත්තෙ සත්තරස (එවං ගණෙතබ්බං).

පච්චනීයං.

3. පච්චයානුලොමපච්චනීයං

හෙතුදුකං

25. හෙතුපච්චයා නඅධිපතියා සත්තරස, නපුරෙජාතෙ සත්තරස, නපච්ඡාජාතෙ සත්තරස, නආසෙවනෙ නව, නකම්මෙ සත්තරස, නවිපාකෙ නවිප්පයුත්තෙ සත්තරස (එවං ගණෙතබ්බං).

අනුලොමපච්චනීයං.

4. පච්චයපච්චනීයානුලොමං

නහෙතුදුකං

26. නහෙතුපච්චයා ආරම්මණෙ එකං, අනන්තරෙ එකං, සමනන්තරෙ එකං…පෙ… ඣානෙ සම්පයුත්තෙ විප්පයුත්තෙ අත්ථියා නත්ථියා විගතෙ අවිගතෙ එකං (එවං ගණෙතබ්බං).

පච්චයානුලොමං.

පටිච්චවාරො.

2-6. සහජාත-පච්චය-නිස්සය-සංසට්ඨ-සම්පයුත්තවාරො

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසො.)

7. පඤ්හාවාරො

1. පච්චයානුලොමං

1. විභඞ්ගවාරො

හෙතුපච්චයො

27. මග්ගාරම්මණො ධම්මො මග්ගාරම්මණස්ස ධම්මස්ස හෙතුපච්චයෙන පච්චයො – මග්ගාරම්මණා හෙතූ සම්පයුත්තකානං ඛන්ධානං හෙතුපච්චයෙන පච්චයො. (1)

මග්ගාරම්මණො ධම්මො මග්ගාධිපතිස්ස ධම්මස්ස හෙතුපච්චයෙන පච්චයො – මග්ගාරම්මණා හෙතූ සම්පයුත්තකානං මග්ගාධිපතීනං ඛන්ධානං හෙතුපච්චයෙන පච්චයො. (2)

මග්ගාරම්මණො ධම්මො මග්ගාරම්මණස්ස ච මග්ගාධිපතිස්ස ච ධම්මස්ස හෙතුපච්චයෙන පච්චයො (ඉමිනා කාරණෙන සත්තරස පඤ්හා කාතබ්බා).

ආරම්මණපච්චයො

28. මග්ගහෙතුකො ධම්මො මග්ගාරම්මණස්ස ධම්මස්ස ආරම්මණපච්චයෙන පච්චයො – අරියා මග්ගා වුට්ඨහිත්වා මග්ගං පච්චවෙක්ඛන්ති, චෙතොපරියඤාණෙන මග්ගහෙතුකචිත්තසමඞ්ගිස්ස චිත්තං ජානන්ති, මග්ගහෙතුකා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

මග්ගහෙතුකො ධම්මො මග්ගාධිපතිස්ස ධම්මස්ස ආරම්මණපච්චයෙන පච්චයො – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. (2)

මග්ගහෙතුකො ධම්මො මග්ගාරම්මණස්ස ච මග්ගාධිපතිස්ස ච ධම්මස්ස ආරම්මණපච්චයෙන පච්චයො – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. (3)

29. මග්ගාධිපති ධම්මො මග්ගාධිපතිස්ස ධම්මස්ස ආරම්මණපච්චයෙන පච්චයො – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. (1)

මග්ගාධිපති ධම්මො මග්ගාරම්මණස්ස ධම්මස්ස ආරම්මණපච්චයෙන පච්චයො – අරියා මග්ගා වුට්ඨහිත්වා මග්ගං පච්චවෙක්ඛන්ති, චෙතොපරියඤාණෙන මග්ගාධිපතිචිත්තසමඞ්ගිස්ස චිත්තං ජානන්ති, මග්ගාධිපතී ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (2)

මග්ගාධිපති ධම්මො මග්ගාරම්මණස්ස ච මග්ගාධිපතිස්ස ච ධම්මස්ස ආරම්මණපච්චයෙන පච්චයො – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. (3)

30. මග්ගහෙතුකො ච මග්ගාධිපති ච ධම්මා මග්ගාරම්මණස්ස ධම්මස්ස ආරම්මණපච්චයෙන පච්චයො – අරියා මග්ගා වුට්ඨහිත්වා මග්ගං පච්චවෙක්ඛන්ති, චෙතොපරියඤාණෙන මග්ගහෙතුකමග්ගාධිපතිචිත්තසමඞ්ගිස්ස චිත්තං ජානන්ති, මග්ගහෙතුකා ච මග්ගාධිපතී ච ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

මග්ගහෙතුකො ච මග්ගාධිපති ච ධම්මා මග්ගාධිපතිස්ස ධම්මස්ස ආරම්මණපච්චයෙන පච්චයො – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. (2)

මග්ගහෙතුකො ච මග්ගාධිපති ච ධම්මා මග්ගාරම්මණස්ස ච මග්ගාධිපතිස්ස ච ධම්මස්ස ආරම්මණපච්චයෙන පච්චයො – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. (3)

අධිපතිපච්චයො

31. මග්ගාරම්මණො ධම්මො මග්ගාරම්මණස්ස ධම්මස්ස අධිපතිපච්චයෙන පච්චයො. සහජාතාධිපති – මග්ගාරම්මණාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

මග්ගාරම්මණො ධම්මො මග්ගාධිපතිස්ස ධම්මස්ස අධිපතිපච්චයෙන පච්චයො. සහජාතාධිපති – මග්ගාරම්මණාධිපති සම්පයුත්තකානං මග්ගාධිපතීනං ඛන්ධානං අධිපතිපච්චයෙන පච්චයො. (2)

මග්ගාරම්මණො ධම්මො මග්ගාරම්මණස්ස ච මග්ගාධිපතිස්ස ච ධම්මස්ස අධිපතිපච්චයෙන පච්චයො. සහජාතාධිපති – මග්ගාරම්මණාධිපති සම්පයුත්තකානං මග්ගාරම්මණානඤ්ච මග්ගාධිපතීනඤ්ච ඛන්ධානං අධිපතිපච්චයෙන පච්චයො. (3)

32. මග්ගහෙතුකො ධම්මො මග්ගහෙතුකස්ස ධම්මස්ස අධිපතිපච්චයෙන පච්චයො. සහජාතාධිපති – මග්ගහෙතුකාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

මග්ගහෙතුකො ධම්මො මග්ගාරම්මණස්ස ධම්මස්ස අධිපතිපච්චයෙන පච්චයො. ආරම්මණාධිපති – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. (2)

මග්ගහෙතුකො ධම්මො මග්ගාධිපතිස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. සහජාතාධිපති – මග්ගහෙතුකාධිපති සම්පයුත්තකානං මග්ගාධිපතීනං ඛන්ධානං අධිපතිපච්චයෙන පච්චයො. (3)

මග්ගහෙතුකො ධම්මො මග්ගාරම්මණස්ස ච මග්ගාධිපතිස්ස ච ධම්මස්ස අධිපතිපච්චයෙන පච්චයො. ආරම්මණාධිපති – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. (4)

මග්ගහෙතුකො ධම්මො මග්ගහෙතුකස්ස ච මග්ගාධිපතිස්ස ච ධම්මස්ස අධිපතිපච්චයෙන පච්චයො. සහජාතාධිපති – මග්ගහෙතුකාධිපති සම්පයුත්තකානං මග්ගහෙතුකානඤ්ච මග්ගාධිපතීනඤ්ච ඛන්ධානං අධිපතිපච්චයෙන පච්චයො. (5)

33. මග්ගාධිපති ධම්මො මග්ගාධිපතිස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. සහජාතාධිපති – මග්ගාධිපති අධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

මග්ගාධිපති ධම්මො මග්ගාරම්මණස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. සහජාතාධිපති – මග්ගාධිපති අධිපති සම්පයුත්තකානං මග්ගාරම්මණානං ඛන්ධානං අධිපතිපච්චයෙන පච්චයො. (2)

මග්ගාධිපති ධම්මො මග්ගහෙතුකස්ස ධම්මස්ස අධිපතිපච්චයෙන පච්චයො. සහජාතාධිපති – මග්ගාධිපති අධිපති සම්පයුත්තකානං මග්ගහෙතුකානං ඛන්ධානං අධිපතිපච්චයෙන පච්චයො. (3)

මග්ගාධිපති ධම්මො මග්ගාරම්මණස්ස ච මග්ගාධිපතිස්ස ච අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. සහජාතාධිපති – මග්ගාධිපති අධිපති සම්පයුත්තකානං මග්ගාරම්මණානඤ්ච මග්ගාධිපතීනඤ්ච ඛන්ධානං අධිපතිපච්චයෙන පච්චයො. (4)

මග්ගාධිපති ධම්මො මග්ගහෙතුකස්ස ච මග්ගාධිපතිස්ස ච ධම්මස්ස අධිපතිපච්චයෙන පච්චයො. සහජාතාධිපති – මග්ගාධිපති අධිපති සම්පයුත්තකානං මග්ගාහෙතුකානඤ්ච මග්ගාධිපතීනඤ්ච ඛන්ධානං අධිපතිපච්චයෙන පච්චයො. (5)

34. මග්ගාරම්මණො ච මග්ගාධිපති ච ධම්මා මග්ගාරම්මණස්ස ධම්මස්ස අධිපතිපච්චයෙන පච්චයො. සහජාතාධිපති – මග්ගාරම්මණා ච මග්ගාධිපතී ච අධිපති සම්පයුත්තකානං මග්ගාරම්මණානං ඛන්ධානං අධිපතිපච්චයෙන පච්චයො. (1)

මග්ගාරම්මණො ච මග්ගාධිපති ච ධම්මා මග්ගාධිපතිස්ස ධම්මස්ස අධිපතිපච්චයෙන පච්චයො. සහජාතාධිපති – මග්ගාරම්මණා ච මග්ගාධිපතී ච අධිපති සම්පයුත්තකානං මග්ගාධිපතීනං ඛන්ධානං අධිපතිපච්චයෙන පච්චයො. (2)

මග්ගාරම්මණො ච මග්ගාධිපති ච ධම්මා මග්ගාරම්මණස්ස ච මග්ගාධිපතිස්ස ච ධම්මස්ස අධිපතිපච්චයෙන පච්චයො. සහජාතාධිපති – මග්ගාරම්මණා ච මග්ගාධිපතී ච අධිපති සම්පයුත්තකානං මග්ගාරම්මණානඤ්ච මග්ගාධිපතීනඤ්ච ඛන්ධානං අධිපතිපච්චයෙන පච්චයො. (3)

35. මග්ගහෙතුකො ච මග්ගාධිපති ච ධම්මා මග්ගාරම්මණස්ස ධම්මස්ස අධිපතිපච්චයෙන පච්චයො. ආරම්මණාධිපති – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. (1)

මග්ගහෙතුකො ච මග්ගාධිපති ච ධම්මා මග්ගහෙතුකස්ස ධම්මස්ස අධිපතිපච්චයෙන පච්චයො. සහජාතාධිපති – මග්ගහෙතුකා ච මග්ගාධිපතී ච අධිපති සම්පයුත්තකානං මග්ගහෙතුකානං ඛන්ධානං අධිපතිපච්චයෙන පච්චයො. (2)

මග්ගහෙතුකො ච මග්ගාධිපති ච ධම්මා මග්ගාධිපතිස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. සහජාතාධිපති – මග්ගහෙතුකා ච මග්ගාධිපතී ච අධිපති සම්පයුත්තකානං මග්ගාධිපතීනං ඛන්ධානං අධිපතිපච්චයෙන පච්චයො. (3)

මග්ගහෙතුකො ච මග්ගාධිපති ච ධම්මා මග්ගාරම්මණස්ස ච මග්ගාධිපතිස්ස ච ධම්මස්ස අධිපතිපච්චයෙන පච්චයො. ආරම්මණාධිපති – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. (4)

මග්ගහෙතුකො ච මග්ගාධිපති ච ධම්මා මග්ගහෙතුකස්ස ච මග්ගාධිපතිස්ස ච ධම්මස්ස අධිපතිපච්චයෙන පච්චයො. සහජාතාධිපති – මග්ගහෙතුකා ච මග්ගාධිපතී ච අධිපති සම්පයුත්තකානං මග්ගහෙතුකානඤ්ච මග්ගාධිපතීනඤ්ච ඛන්ධානං අධිපතිපච්චයෙන පච්චයො. (5)

අනන්තරපච්චයො

36. මග්ගාරම්මණො ධම්මො මග්ගාරම්මණස්ස ධම්මස්ස අනන්තරපච්චයෙන පච්චයො – පුරිමා පුරිමා මග්ගාරම්මණා ඛන්ධා පච්ඡිමානං පච්ඡිමානං මග්ගාරම්මණානං ඛන්ධානං අනන්තරපච්චයෙන පච්චයො. ආවජ්ජනා මග්ගාරම්මණානං ඛන්ධානං අනන්තරපච්චයෙන පච්චයො. (1)

මග්ගාරම්මණො ධම්මො මග්ගාධිපතිස්ස ධම්මස්ස අනන්තරපච්චයෙන පච්චයො – පුරිමා පුරිමා මග්ගාරම්මණා ඛන්ධා පච්ඡිමානං පච්ඡිමානං මග්ගාධිපතීනං ඛන්ධානං අනන්තරපච්චයෙන පච්චයො. ආවජ්ජනා මග්ගාධිපතීනං ඛන්ධානං අනන්තරපච්චයෙන පච්චයො. (2)

මග්ගාරම්මණො ධම්මො මග්ගාරම්මණස්ස ච මග්ගාධිපතිස්ස ච ධම්මස්ස අනන්තරපච්චයෙන පච්චයො – පුරිමා පුරිමා මග්ගාරම්මණා ඛන්ධා පච්ඡිමානං පච්ඡිමානං මග්ගාරම්මණානඤ්ච මග්ගාධිපතීනඤ්ච ඛන්ධානං අනන්තරපච්චයෙන පච්චයො. ආවජ්ජනා මග්ගාරම්මණානඤ්ච මග්ගාධිපතීනඤ්ච ඛන්ධානං අනන්තරපච්චයෙන පච්චයො. (3)

37. මග්ගාධිපති ධම්මො මග්ගාධිපතිස්ස ධම්මස්ස අනන්තරපච්චයෙන පච්චයො – පුරිමා පුරිමා මග්ගාධිපතී ඛන්ධා පච්ඡිමානං පච්ඡිමානං මග්ගාධිපතීනං ඛන්ධානං අනන්තරපච්චයෙන පච්චයො. (1)

මග්ගාධිපති ධම්මො මග්ගාරම්මණස්ස ධම්මස්ස අනන්තරපච්චයෙන පච්චයො – පුරිමා පුරිමා මග්ගාධිපතී ඛන්ධා පච්ඡිමානං පච්ඡිමානං මග්ගාරම්මණානං ඛන්ධානං අනන්තරපච්චයෙන පච්චයො. (2)

මග්ගාධිපති ධම්මො මග්ගාරම්මණස්ස ච මග්ගාධිපතිස්ස ච ධම්මස්ස අනන්තරපච්චයෙන පච්චයො – පුරිමා පුරිමා මග්ගාධිපතී ඛන්ධා පච්ඡිමානං පච්ඡිමානං මග්ගාරම්මණානඤ්ච මග්ගාධිපතීනඤ්ච ඛන්ධානං අනන්තරපච්චයෙන පච්චයො. (3)

38. මග්ගාරම්මණො ච මග්ගාධිපති ච ධම්මා මග්ගාරම්මණස්ස ධම්මස්ස අනන්තරපච්චයෙන පච්චයො – පුරිමා පුරිමා මග්ගාරම්මණා ච මග්ගාධිපතී ච ඛන්ධා පච්ඡිමානං පච්ඡිමානං මග්ගාරම්මණානං ඛන්ධානං අනන්තරපච්චයෙන පච්චයො. (1)

මග්ගාරම්මණො ච මග්ගාධිපති ච ධම්මා මග්ගාධිපතිස්ස ධම්මස්ස අනන්තරපච්චයෙන පච්චයො – පුරිමා පුරිමා මග්ගාරම්මණා ච මග්ගාධිපතී ච ඛන්ධා පච්ඡිමානං පච්ඡිමානං මග්ගාධිපතීනං ඛන්ධානං අනන්තරපච්චයෙන පච්චයො. (2)

මග්ගාරම්මණො ච මග්ගාධිපති ච ධම්මා මග්ගාරම්මණස්ස ච මග්ගාධිපතිස්ස ච ධම්මස්ස අනන්තරපච්චයෙන පච්චයො – පුරිමා පුරිමා මග්ගාරම්මණා ච මග්ගාධිපතී ච ඛන්ධා පච්ඡිමානං පච්ඡිමානං මග්ගාරම්මණානඤ්ච මග්ගාධිපතීනඤ්ච ඛන්ධානං අනන්තරපච්චයෙන පච්චයො. (3)

සමනන්තරපච්චයාදි

39. මග්ගාරම්මණො ධම්මො මග්ගාරම්මණස්ස ධම්මස්ස සමනන්තරපච්චයෙන පච්චයො…පෙ… (අනන්තරසදිසං) සහජාතපච්චයෙන පච්චයො… අඤ්ඤමඤ්ඤපච්චයෙන පච්චයො… නිස්සයපච්චයෙන පච්චයො… (තීසුපි සත්තරස පඤ්හා කාතබ්බා).

උපනිස්සයපච්චයො

40. මග්ගාරම්මණො ධම්මො මග්ගාරම්මණස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – පච්චවෙක්ඛණා පච්චවෙක්ඛණාය උපනිස්සයපච්චයෙන පච්චයො. (1)

මග්ගාරම්මණො ධම්මො මග්ගාධිපතිස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – පච්චවෙක්ඛණා පච්චවෙක්ඛණාය උපනිස්සයපච්චයෙන පච්චයො. (2)

මග්ගාරම්මණො ධම්මො මග්ගාරම්මණස්ස ච මග්ගාධිපතිස්ස ච ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – පච්චවෙක්ඛණා පච්චවෙක්ඛණාය උපනිස්සයපච්චයෙන පච්චයො. (3)

41. මග්ගහෙතුකො ධම්මො මග්ගහෙතුකස්ස ධම්මස්ස උපනිස්සයපච්චයෙන පච්චයො. පකතූපනිස්සයො – පඨමො මග්ගො දුතියස්ස මග්ගස්ස උපනිස්සයපච්චයෙන පච්චයො…පෙ… තතියො මග්ගො චතුත්ථස්ස මග්ගස්ස උපනිස්සයපච්චයෙන පච්චයො. (1)

මග්ගහෙතුකො ධම්මො මග්ගාරම්මණස්ස ධම්මස්ස උපනිස්සයපච්චයෙන පච්චයො. ආරම්මණූපනිස්සයො – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. (2)