2. පච්චනීයුද්ධාරො

59. මිච්ඡත්තනියතො ධම්මො මිච්ඡත්තනියතස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (1)

මිච්ඡත්තනියතො ධම්මො අනියතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (2)

මිච්ඡත්තනියතො ධම්මො මිච්ඡත්තනියතස්ස ච අනියතස්ස ච ධම්මස්ස සහජාතපච්චයෙන පච්චයො. (3)

සම්මත්තනියතො ධම්මො සම්මත්තනියතස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (1)

සම්මත්තනියතො ධම්මො අනියතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (2)

සම්මත්තනියතො ධම්මො සම්මත්තනියතස්ස ච අනියතස්ස ච ධම්මස්ස සහජාතපච්චයෙන පච්චයො. (3)

60. අනියතො ධම්මො අනියතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්‍රියපච්චයෙන පච්චයො. (1)

අනියතො ධම්මො මිච්ඡත්තනියතස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

අනියතො ධම්මො සම්මත්තනියතස්ස ධම්මස්ස උපනිස්සයපච්චයෙන පච්චයො… පුරෙජාතපච්චයෙන පච්චයො. (3)

මිච්ඡත්තනියතො ච අනියතො ච ධම්මා මිච්ඡත්තනියතස්ස ධම්මස්ස සහජාතං, පුරෙජාතං. (1)

මිච්ඡත්තනියතො ච අනියතො ච ධම්මා අනියතස්ස ධම්මස්ස සහජාතං, පච්ඡාජාතං, ආහාරං, ඉන්ද්‍රියං. (2)

සම්මත්තනියතො ච අනියතො ච ධම්මා සම්මත්තනියතස්ස ධම්මස්ස සහජාතං, පුරෙජාතං. (1)

සම්මත්තනියතො ච අනියතො ච ධම්මා අනියතස්ස ධම්මස්ස සහජාතං, පච්ඡාජාතං, ආහාරං, ඉන්ද්‍රියං. (2)