15. මිච්ඡත්තනියතත්තිකං

1. පටිච්චවාරො

1. පච්චයානුලොමං

1. විභඞ්ගවාරො

හෙතුපච්චයො

1. මිච්ඡත්තනියතං ධම්මං පටිච්ච මිච්ඡත්තනියතො ධම්මො උප්පජ්ජති හෙතුපච්චයා – මිච්ඡත්තනියතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා. (1)

මිච්ඡත්තනියතං ධම්මං පටිච්ච අනියතො ධම්මො උප්පජ්ජති හෙතුපච්චයා – මිච්ඡත්තනියතෙ ඛන්ධෙ පටිච්ච චිත්තසමුට්ඨානං රූපං. (2)

මිච්ඡත්තනියතං ධම්මං පටිච්ච මිච්ඡත්තනියතො ච අනියතො ච ධම්මා උප්පජ්ජන්ති හෙතුපච්චයා – මිච්ඡත්තනියතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

2. සම්මත්තනියතං ධම්මං පටිච්ච සම්මත්තනියතො ධම්මො උප්පජ්ජති හෙතුපච්චයා… තීණි.

3. අනියතං ධම්මං පටිච්ච අනියතො ධම්මො උප්පජ්ජති හෙතුපච්චයා – අනියතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ අනියතං එකං ඛන්ධං පටිච්ච තයො ඛන්ධා කටත්තා ච රූපං, ද්වෙ ඛන්ධෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං පටිච්ච තයො මහාභූතා…පෙ… ද්වෙ මහාභූතා,. මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

4. මිච්ඡත්තනියතඤ්ච අනියතඤ්ච ධම්මං පටිච්ච අනියතො ධම්මො උප්පජ්ජති හෙතුපච්චයා – මිච්ඡත්තනියතෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

සම්මත්තනියතඤ්ච අනියතඤ්ච ධම්මං පටිච්ච අනියතො ධම්මො උප්පජ්ජති හෙතුපච්චයා – සම්මත්තනියතෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

ආරම්මණපච්චයො

5. මිච්ඡත්තනියතං ධම්මං පටිච්ච මිච්ඡත්තනියතො ධම්මො උප්පජ්ජති ආරම්මණපච්චයා – මිච්ඡත්තනියතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

සම්මත්තනියතං ධම්මං පටිච්ච සම්මත්තනියතො ධම්මො උප්පජ්ජති ආරම්මණපච්චයා – සම්මත්තනියතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

අනියතං ධම්මං පටිච්ච අනියතො ධම්මො උප්පජ්ජති ආරම්මණපච්චයා – අනියතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ අනියතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… වත්ථුං පටිච්ච ඛන්ධා (සබ්බෙ පච්චයා ඉමිනා කාරණෙන විත්ථාරෙතබ්බා. සංඛිත්තං).

1. පච්චයානුලොමං

2. සඞ්ඛ්‍යාවාරො

6. හෙතුයා නව, ආරම්මණෙ තීණි, අධිපතියා නව, අනන්තරෙ තීණි, සමනන්තරෙ තීණි, සහජාතෙ නව, අඤ්ඤමඤ්ඤෙ තීණි, නිස්සයෙ නව, උපනිස්සයෙ තීණි, පුරෙජාතෙ තීණි, ආසෙවනෙ තීණි, කම්මෙ නව, විපාකෙ එකං, ආහාරෙ නව, ඉන්ද්‍රියෙ නව, ඣානෙ නව, මග්ගෙ නව, සම්පයුත්තෙ තීණි, විප්පයුත්තෙ නව, අත්ථියා නව, නත්ථියා තීණි, විගතෙ තීණි, අවිගතෙ නව (එවං ගණෙතබ්බං).

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

7. අනියතං ධම්මං පටිච්ච අනියතො ධම්මො උප්පජ්ජති නහෙතුපච්චයා – අහෙතුකං අනියතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… එකං මහාභූතං පටිච්ච…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

නආරම්මණපච්චයො

8. මිච්ඡත්තනියතං ධම්මං පටිච්ච අනියතො ධම්මො උප්පජ්ජති නආරම්මණපච්චයා – මිච්ඡත්තනියතෙ ඛන්ධෙ පටිච්ච චිත්තසමුට්ඨානං රූපං (සංඛිත්තං).

නඅධිපතිපච්චයො

9. මිච්ඡත්තනියතං ධම්මං පටිච්ච මිච්ඡත්තනියතො ධම්මො උප්පජ්ජති නඅධිපතිපච්චයා – මිච්ඡත්තනියතෙ ඛන්ධෙ පටිච්ච මිච්ඡත්තනියතාධිපති. (1)

සම්මත්තනියතං ධම්මං පටිච්ච සම්මත්තනියතො ධම්මො උප්පජ්ජති නඅධිපතිපච්චයා – සම්මත්තනියතෙ ඛන්ධෙ පටිච්ච සම්මත්තනියතාධිපති. (1)

අනියතං ධම්මං පටිච්ච අනියතො ධම්මො උප්පජ්ජති නඅධිපතිපච්චයා – අනියතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං…පෙ… අසඤ්ඤසත්තානං…පෙ…. (1)

නඅනන්තරපච්චයො

10. මිච්ඡත්තනියතං ධම්මං පටිච්ච අනියතො ධම්මො උප්පජ්ජති නඅනන්තරපච්චයා (සංඛිත්තං, සබ්බානි පච්චයානි විත්ථාරෙතබ්බානි).

2. පච්චයපච්චනීයං

2. සඞ්ඛ්‍යාවාරො

11. නහෙතුයා එකං, නආරම්මණෙ පඤ්ච, නඅධිපතියා තීණි, නඅනන්තරෙ පඤ්ච, නසමනන්තරෙ පඤ්ච, නඅඤ්ඤමඤ්ඤෙ පඤ්ච, නඋපනිස්සයෙ පඤ්ච, නපුරෙජාතෙ ඡ, නපච්ඡාජාතෙ නව, නආසෙවනෙ පඤ්ච, නකම්මෙ තීණි, නවිපාකෙ නව, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ එකං, නසම්පයුත්තෙ පඤ්ච, නවිප්පයුත්තෙ ද්වෙ, නොනත්ථියා පඤ්ච, නොවිගතෙ පඤ්ච (එවං ගණෙතබ්බං).

පච්චනීයං.

3. පච්චයානුලොමපච්චනීයං

හෙතුදුකං

12. හෙතුපච්චයා නආරම්මණෙ පඤ්ච, නඅධිපතියා තීණි, නඅනන්තරෙ නසමනන්තරෙ නඅඤ්ඤමඤ්ඤෙ නඋපනිස්සයෙ පඤ්ච, නපුරෙජාතෙ ඡ, නපච්ඡාජාතෙ නව, නආසෙවනෙ පඤ්ච, නකම්මෙ තීණි, නවිපාකෙ නව, නසම්පයුත්තෙ පඤ්ච, නවිප්පයුත්තෙ ද්වෙ, නොනත්ථියා පඤ්ච, නොවිගතෙ පඤ්ච (එවං ගණෙතබ්බං).

අනුලොමපච්චනීයං.

4. පච්චයපච්චනීයානුලොමං

නහෙතුදුකං

13. නහෙතුපච්චයා ආරම්මණෙ එකං, අනන්තරෙ එකං, සමනන්තරෙ එකං, සහජාතෙ එකං…පෙ… විගතෙ එකං (එවං ගණෙතබ්බං).

පච්චනීයානුලොමං.

පටිච්චවාරො.

2. සහජාතවාරො

(සහජාතවාරො පටිච්චවාරසදිසො.)

3. පච්චයවාරො

1. පච්චයානුලොමං

1. විභඞ්ගවාරො

හෙතුපච්චයො

14. මිච්ඡත්තනියතං ධම්මං පච්චයා මිච්ඡත්තනියතො ධම්මො උප්පජ්ජති හෙතුපච්චයා… තීණි.

සම්මත්තනියතං ධම්මං පච්චයා සම්මත්තනියතො ධම්මො උප්පජ්ජති හෙතුපච්චයා… තීණි.

15. අනියතං ධම්මං පච්චයා අනියතො ධම්මො උප්පජ්ජති හෙතුපච්චයා – අනියතං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා; එකං මහාභූතං පච්චයා…පෙ… වත්ථුං පච්චයා අනියතා ඛන්ධා. (1)

අනියතං ධම්මං පච්චයා මිච්ඡත්තනියතො ධම්මො උප්පජ්ජති හෙතුපච්චයා – වත්ථුං පච්චයා මිච්ඡත්තනියතා ඛන්ධා. (2)

අනියතං ධම්මං පච්චයා සම්මත්තනියතො ධම්මො උප්පජ්ජති හෙතුපච්චයා – වත්ථුං පච්චයා සම්මත්තනියතා ඛන්ධා. (3)

අනියතං ධම්මං පච්චයා මිච්ඡත්තනියතො ච අනියතො ච ධම්මා උප්පජ්ජන්ති හෙතුපච්චයා – වත්ථුං පච්චයා මිච්ඡත්තනියතා ඛන්ධා, මහාභූතෙ පච්චයා චිත්තසමුට්ඨානං රූපං. (4)

අනියතං ධම්මං පච්චයා සම්මත්තනියතො ච අනියතො ච ධම්මා උප්පජ්ජන්ති හෙතුපච්චයා – වත්ථුං පච්චයා සම්මත්තනියතා ඛන්ධා, මහාභූතෙ පච්චයා චිත්තසමුට්ඨානං රූපං. (5)

16. මිච්ඡත්තනියතඤ්ච අනියතඤ්ච ධම්මං පච්චයා මිච්ඡත්තනියතො ධම්මො උප්පජ්ජති හෙතුපච්චයා – මිච්ඡත්තනියතං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ…. (1)

මිච්ඡත්තනියතඤ්ච අනියතඤ්ච ධම්මං පච්චයා අනියතො ධම්මො උප්පජ්ජති හෙතුපච්චයා – මිච්ඡත්තනියතෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (2)

මිච්ඡත්තනියතඤ්ච අනියතඤ්ච ධම්මං පච්චයා මිච්ඡත්තනියතො ච අනියතො ච ධම්මා උප්පජ්ජන්ති හෙතුපච්චයා – මිච්ඡත්තනියතං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… මිච්ඡත්තනියතෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (3)

සම්මත්තනියතඤ්ච අනියතඤ්ච ධම්මං පච්චයා සම්මත්තනියතො ධම්මො උප්පජ්ජති හෙතුපච්චයා (තීණි පඤ්හා, මිච්ඡත්තසදිසං).

ආරම්මණපච්චයාදි

17. මිච්ඡත්තනියතං ධම්මං පච්චයා මිච්ඡත්තනියතො ධම්මො උප්පජ්ජති ආරම්මණපච්චයා… (සංඛිත්තං, කුසලත්තිකෙ පච්චයවාරසදිසං විභජිතබ්බං)… අවිගතපච්චයා.

1. පච්චයානුලොමං

2. සඞ්ඛ්‍යාවාරො

18. හෙතුයා සත්තරස, ආරම්මණෙ සත්ත, අධිපතියා සත්තරස, අනන්තරෙ සත්ත, සමනන්තරෙ සත්ත, සහජාතෙ සත්තරස, අඤ්ඤමඤ්ඤෙ සත්ත, නිස්සයෙ සත්තරස, උපනිස්සයෙ සත්ත, පුරෙජාතෙ සත්ත, ආසෙවනෙ සත්ත, කම්මෙ සත්තරස, විපාකෙ එකං, ආහාරෙ සත්තරස, ඉන්ද්‍රියෙ සත්තරස, ඣානෙ සත්තරස, මග්ගෙ සත්තරස, සම්පයුත්තෙ සත්ත, විප්පයුත්තෙ සත්තරස, අත්ථියා සත්තරස, නත්ථියා සත්ත, විගතෙ සත්ත, අවිගතෙ සත්තරස (එවං ගණෙතබ්බං).

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

19. අනියතං ධම්මං පච්චයා අනියතො ධම්මො උප්පජ්ජති නහෙතුපච්චයා – අහෙතුකං අනියතං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා. එකං මහාභූතං…පෙ… අසඤ්ඤසත්තානං…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං. වත්ථුං පච්චයා අහෙතුකා අනියතා ඛන්ධා. විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො. (1)

නආරම්මණපච්චයො

20. මිච්ඡත්තනියතං ධම්මං පච්චයා අනියතො ධම්මො උප්පජ්ජති නආරම්මණපච්චයා – මිච්ඡත්තනියතෙ ඛන්ධෙ පච්චයා චිත්තසමුට්ඨානං රූපං (කුසලත්තිකසදිසං, පඤ්ච කාතබ්බා).

නඅධිපතිපච්චයො

21. මිච්ඡත්තනියතං ධම්මං පච්චයා මිච්ඡත්තනියතො ධම්මො උප්පජ්ජති නඅධිපතිපච්චයා – මිච්ඡත්තනියතෙ ඛන්ධෙ පච්චයා මිච්ඡත්තනියතාධිපති. (1)

සම්මත්තනියතං ධම්මං පච්චයා සම්මත්තනියතො ධම්මො උප්පජ්ජති නඅධිපතිපච්චයා – සම්මත්තනියතෙ ඛන්ධෙ පච්චයා සම්මත්තනියතාධිපති. (1)

අනියතං ධම්මං පච්චයා අනියතො ධම්මො උප්පජ්ජති නඅධිපතිපච්චයා – අනියතං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ …පෙ… අසඤ්ඤසත්තානං…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං. වත්ථුං පච්චයා අනියතා ඛන්ධා. (1)

අනියතං ධම්මං පච්චයා මිච්ඡත්තනියතො ධම්මො උප්පජ්ජති නඅධිපතිපච්චයා – වත්ථුං පච්චයා මිච්ඡත්තනියතාධිපති. (2)

අනියතං ධම්මං පච්චයා සම්මත්තනියතො ධම්මො උප්පජ්ජති නඅධිපතිපච්චයා – වත්ථුං පච්චයා සම්මත්තනියතාධිපති. (3)

මිච්ඡත්තනියතඤ්ච අනියතඤ්ච ධම්මං පච්චයා මිච්ඡත්තනියතො ධම්මො උප්පජ්ජති නඅධිපතිපච්චයා – මිච්ඡත්තනියතෙ ඛන්ධෙ ච වත්ථුඤ්ච පච්චයා මිච්ඡත්තනියතාධිපති. (1)

සම්මත්තනියතඤ්ච අනියතඤ්ච ධම්මං පච්චයා සම්මත්තනියතො ධම්මො උප්පජ්ජති නඅධිපතිපච්චයා – සම්මත්තනියතෙ ඛන්ධෙ ච වත්ථුඤ්ච පච්චයා සම්මත්තනියතාධිපති. (1)

නඅනන්තරපච්චයාදි

22. මිච්ඡත්තනියතං ධම්මං පච්චයා අනියතො ධම්මො උප්පජ්ජති නඅනන්තරපච්චයා…පෙ… නොනත්ථිපච්චයා… නොවිගතපච්චයා.

2. පච්චයපච්චනීයං

2. සඞ්ඛ්‍යාවාරො

23. නහෙතුයා එකං, නආරම්මණෙ පඤ්ච, නඅධිපතියා සත්ත, නඅනන්තරෙ පඤ්ච, නසමනන්තරෙ පඤ්ච, නඅඤ්ඤමඤ්ඤෙ පඤ්ච, නඋපනිස්සයෙ පඤ්ච, නපුරෙජාතෙ ඡ, නපච්ඡාජාතෙ සත්තරස, නආසෙවනෙ පඤ්ච, නකම්මෙ සත්ත, නවිපාකෙ සත්තරස, නආහාරෙ එකං, නඉන්ද්‍රියෙ නඣානෙ නමග්ගෙ එකං, නසම්පයුත්තෙ පඤ්ච, නවිප්පයුත්තෙ ද්වෙ, නොනත්ථියා පඤ්ච, නොවිගතෙ පඤ්ච (එවං ගණෙතබ්බං).

පච්චනීයං.

3. පච්චයානුලොමපච්චනීයං

හෙතුදුකං

24. හෙතුපච්චයා නආරම්මණෙ පඤ්ච, නඅධිපතියා සත්ත, නඅනන්තරෙ පඤ්ච, නසමනන්තරෙ නඅඤ්ඤමඤ්ඤෙ නඋපනිස්සයෙ පඤ්ච, නපුරෙජාතෙ ඡ, නපච්ඡාජාතෙ සත්තරස, නආසෙවනෙ පඤ්ච, නකම්මෙ සත්ත, නවිපාකෙ සත්තරස, නසම්පයුත්තෙ පඤ්ච, නවිප්පයුත්තෙ ද්වෙ, නොනත්ථියා පඤ්ච, නොවිගතෙ පඤ්ච (එවං ගණෙතබ්බං).

අනුලොමපච්චනීයං.

4. පච්චයපච්චනීයානුලොමං

නහෙතුදුකං

25. නහෙතුපච්චයා ආරම්මණෙ එකං, අනන්තරෙ එකං (සංඛිත්තං), අවිගතෙ එකං (එවං ගණෙතබ්බං).

පච්චනීයානුලොමං.

පච්චයවාරො.

4. නිස්සයවාරො

(නිස්සයවාරො පච්චයවාරසදිසො).

5. සංසට්ඨවාරො

1. පච්චයානුලොමං

1. විභඞ්ගවාරො

හෙතුපච්චයො

26. මිච්ඡත්තනියතං ධම්මං සංසට්ඨො මිච්ඡත්තනියතො ධම්මො උප්පජ්ජති හෙතුපච්චයා – මිච්ඡත්තනියතං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

සම්මත්තනියතං ධම්මං සංසට්ඨො සම්මත්තනියතො ධම්මො උප්පජ්ජති හෙතුපච්චයා – සම්මත්තනියතං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

අනියතං ධම්මං සංසට්ඨො අනියතො ධම්මො උප්පජ්ජති හෙතුපච්චයා – අනියතං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

ආරම්මණපච්චයාදි

27. මිච්ඡත්තනියතං ධම්මං සංසට්ඨො මිච්ඡත්තනියතො ධම්මො උප්පජ්ජති ආරම්මණපච්චයා…පෙ… අවිගතපච්චයා.

1. පච්චයානුලොමං

2. සඞ්ඛ්‍යාවාරො

28. හෙතුයා තීණි, ආරම්මණෙ තීණි…පෙ… කම්මෙ තීණි, විපාකෙ එකං, ආහාරෙ තීණි…පෙ… අවිගතෙ තීණි (එවං ගණෙතබ්බං).

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

29. අනියතං ධම්මං සංසට්ඨො අනියතො ධම්මො උප්පජ්ජති නහෙතුපච්චයා – අහෙතුකං අනියතං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ…. (1)

නඅධිපතිපච්චයො

30. මිච්ඡත්තනියතං ධම්මං සංසට්ඨො මිච්ඡත්තනියතො ධම්මො උප්පජ්ජති නඅධිපතිපච්චයා – මිච්ඡත්තනියතෙ ඛන්ධෙ සංසට්ඨො මිච්ඡත්තනියතාධිපති. (1)

සම්මත්තනියතං ධම්මං සංසට්ඨො සම්මත්තනියතො ධම්මො උප්පජ්ජති නඅධිපතිපච්චයා – සම්මත්තනියතෙ ඛන්ධෙ සංසට්ඨො සම්මත්තනියතාධිපති. (1)

අනියතං ධම්මං සංසට්ඨො අනියතො ධම්මො උප්පජ්ජති නඅධිපතිපච්චයා – අනියතං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ….(1)

නපුරෙජාතපච්චයාදි

31. සම්මත්තනියතං ධම්මං සංසට්ඨො සම්මත්තනියතො ධම්මො උප්පජ්ජති නපුරෙජාතපච්චයා – අරූපෙ සම්මත්තනියතං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

අනියතං ධම්මං සංසට්ඨො අනියතො ධම්මො උප්පජ්ජති නපුරෙජාතපච්චයා – අරූපෙ අනියතං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

මිච්ඡත්තනියතං ධම්මං සංසට්ඨො මිච්ඡත්තනියතො ධම්මො උප්පජ්ජති නපච්ඡාජාතපච්චයා (පරිපුණ්ණං).

නආසෙවනපච්චයාදි

32. අනියතං ධම්මං සංසට්ඨො අනියතො ධම්මො උප්පජ්ජති නආසෙවනපච්චයා – අනියතං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

මිච්ඡත්තනියතං ධම්මං සංසට්ඨො මිච්ඡත්තනියතො ධම්මො උප්පජ්ජති නකම්මපච්චයා, නවිපාකපච්චයා (සංඛිත්තං).

අනියතං ධම්මං සංසට්ඨො අනියතො ධම්මො උප්පජ්ජති නඣානපච්චයා – පඤ්චවිඤ්ඤාණං…පෙ… නමග්ගපච්චයා – අහෙතුකං අනියතං…පෙ….

සම්මත්තනියතං ධම්මං සංසට්ඨො සම්මත්තනියතො ධම්මො උප්පජ්ජති නවිප්පයුත්තපච්චයා – අරූපෙ සම්මත්තනියතං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

අනියතං ධම්මං සංසට්ඨො අනියතො ධම්මො උප්පජ්ජති නවිප්පයුත්තපච්චයා – අරූපෙ අනියතං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

2. පච්චයපච්චනීයං

2. සඞ්ඛ්‍යාවාරො

33. නහෙතුයා එකං, නඅධිපතියා තීණි, නපුරෙජාතෙ ද්වෙ, නපච්ඡාජාතෙ තීණි, නආසෙවනෙ එකං, නකම්මෙ තීණි, නවිපාකෙ තීණි, නඣානෙ එකං, නමග්ගෙ එකං, නවිප්පයුත්තෙ ද්වෙ (එවං ගණෙතබ්බං).

පච්චනීයං.

3. පච්චයානුලොමපච්චනීයං

34. හෙතුපච්චයා නඅධිපතියා තීණි, නපුරෙජාතෙ ද්වෙ, නපච්ඡාජාතෙ තීණි, නආසෙවනෙ එකං, නකම්මෙ තීණි, නවිපාකෙ තීණි, නවිප්පයුත්තෙ ද්වෙ (එවං ගණෙතබ්බං).

අනුලොමපච්චනීයං.

4. පච්චයපච්චනීයානුලොමං

35. නහෙතුපච්චයා ආරම්මණෙ එකං, අනන්තරෙ එකං (සංඛිත්තං), අවිගතෙ එකං (එවං ගණෙතබ්බං).

පච්චනීයානුලොමං.

සංසට්ඨවාරො.

6. සම්පයුත්තවාරො

(සම්පයුත්තවාරො සංසට්ඨවාරසදිසො).

7. පඤ්හාවාරො

1. පච්චයානුලොමං

1. විභඞ්ගවාරො

හෙතුපච්චයො

36. මිච්ඡත්තනියතො ධම්මො මිච්ඡත්තනියතස්ස ධම්මස්ස හෙතුපච්චයෙන පච්චයො – මිච්ඡත්තනියතා හෙතූ සම්පයුත්තකානං ඛන්ධානං හෙතුපච්චයෙන පච්චයො. (1)

මිච්ඡත්තනියතො ධම්මො අනියතස්ස ධම්මස්ස හෙතුපච්චයෙන පච්චයො – මිච්ඡත්තනියතා හෙතූ චිත්තසමුට්ඨානානං රූපානං හෙතුපච්චයෙන පච්චයො. (2)

මිච්ඡත්තනියතො ධම්මො මිච්ඡත්තනියතස්ස ච අනියතස්ස ච ධම්මස්ස හෙතුපච්චයෙන පච්චයො – මිච්ඡත්තනියතා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)