1. විභඞ්ගවාරො

හෙතුපච්චයො

36. මිච්ඡත්තනියතො ධම්මො මිච්ඡත්තනියතස්ස ධම්මස්ස හෙතුපච්චයෙන පච්චයො – මිච්ඡත්තනියතා හෙතූ සම්පයුත්තකානං ඛන්ධානං හෙතුපච්චයෙන පච්චයො. (1)

මිච්ඡත්තනියතො ධම්මො අනියතස්ස ධම්මස්ස හෙතුපච්චයෙන පච්චයො – මිච්ඡත්තනියතා හෙතූ චිත්තසමුට්ඨානානං රූපානං හෙතුපච්චයෙන පච්චයො. (2)

මිච්ඡත්තනියතො ධම්මො මිච්ඡත්තනියතස්ස ච අනියතස්ස ච ධම්මස්ස හෙතුපච්චයෙන පච්චයො – මිච්ඡත්තනියතා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

සම්මත්තනියතො ධම්මො සම්මත්තනියතස්ස ධම්මස්ස හෙතුපච්චයෙන පච්චයො… තීණි.

අනියතො ධම්මො අනියතස්ස ධම්මස්ස හෙතුපච්චයෙන පච්චයො – අනියතා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. පටිසන්ධික්ඛණෙ…පෙ…. (1)

ආරම්මණපච්චයො

37. මිච්ඡත්තනියතො ධම්මො අනියතස්ස ධම්මස්ස ආරම්මණපච්චයෙන පච්චයො – අරියා මිච්ඡත්තනියතෙ පහීනෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති. මිච්ඡත්තනියතෙ ඛන්ධෙ අනිච්චතො…පෙ… විපස්සන්ති. චෙතොපරියඤාණෙන මිච්ඡත්තනියතචිත්තසමඞ්ගිස්ස චිත්තං ජානන්ති. මිච්ඡත්තනියතා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස ආවජ්ජනාය ආරම්මණපච්චයෙන පච්චයො. (1)

සම්මත්තනියතො ධම්මො අනියතස්ස ධම්මස්ස ආරම්මණපච්චයෙන පච්චයො – අරියා මග්ගා වුට්ඨහිත්වා මග්ගං පච්චවෙක්ඛන්ති. චෙතොපරියඤාණෙන සම්මත්තනියතචිත්තසමඞ්ගිස්ස චිත්තං ජානන්ති. සම්මත්තනියතා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

38. අනියතො ධම්මො අනියතස්ස ධම්මස්ස ආරම්මණපච්චයෙන පච්චයො – දානං දත්වා සීලං සමාදියිත්වා උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි පච්චවෙක්ඛති, ඣානා වුට්ඨහිත්වා ඣානං පච්චවෙක්ඛති, අරියා ඵලං පච්චවෙක්ඛන්ති, නිබ්බානං පච්චවෙක්ඛන්ති, නිබ්බානං ගොත්‍රභුස්ස, වොදානස්ස, ඵලස්ස, ආවජ්ජනාය ආරම්මණපච්චයෙන පච්චයො. අරියා අනියතෙ පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති. පුබ්බෙ සමුදාචිණ්ණෙ කිලෙසෙ ජානන්ති. චක්ඛුං…පෙ… වත්ථුං… අනියතෙ ඛන්ධෙ අනිච්චතො දුක්ඛතො අනත්තතො විපස්සන්ති, අස්සාදෙන්ති අභිනන්දන්ති, තං ආරබ්භ අනියතො රාගො උප්පජ්ජති…පෙ… දොමනස්සං උප්පජ්ජති. දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, චෙතොපරියඤාණෙන අනියතචිත්තසමඞ්ගිස්ස චිත්තං ජානාති, ආකාසානඤ්චායතනං විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස ආරම්මණපච්චයෙන පච්චයො. රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස ආරම්මණපච්චයෙන පච්චයො. අනියතා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

අනියතො ධම්මො මිච්ඡත්තනියතස්ස ධම්මස්ස ආරම්මණපච්චයෙන පච්චයො – රූපජීවිතින්ද්‍රියං මාතුඝාතිකම්මස්ස… පිතුඝාතිකම්මස්ස… අරහන්තඝාතිකම්මස්ස… රුහිරුප්පාදකම්මස්ස ආරම්මණපච්චයෙන පච්චයො. යං වත්ථුං පරාමසන්තස්ස මිච්ඡත්තනියතා ඛන්ධා උප්පජ්ජන්ති, තං වත්ථු මිච්ඡත්තනියතානං ඛන්ධානං ආරම්මණපච්චයෙන පච්චයො. (2)

අනියතො ධම්මො සම්මත්තනියතස්ස ධම්මස්ස ආරම්මණපච්චයෙන පච්චයො – නිබ්බානං මග්ගස්ස ආරම්මණපච්චයෙන පච්චයො. (3)

අධිපතිපච්චයො

39. මිච්ඡත්තනියතො ධම්මො මිච්ඡත්තනියතස්ස ධම්මස්ස අධිපතිපච්චයෙන පච්චයො. සහජාතාධිපති – මිච්ඡත්තනියතාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

මිච්ඡත්තනියතො ධම්මො අනියතස්ස ධම්මස්ස අධිපතිපච්චයෙන පච්චයො. සහජාතාධිපති – මිච්ඡත්තනියතාධිපති චිත්තසමුට්ඨානානං රූපානං අධිපතිපච්චයෙන පච්චයො. (2)

මිච්ඡත්තනියතො ධම්මො මිච්ඡත්තනියතස්ස ච අනියතස්ස ච ධම්මස්ස අධිපතිපච්චයෙන පච්චයො. සහජාතාධිපති – මිච්ඡත්තනියතාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

40. සම්මත්තනියතො ධම්මො සම්මත්තනියතස්ස ධම්මස්ස අධිපතිපච්චයෙන පච්චයො. සහජාතාධිපති – සම්මත්තනියතාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

සම්මත්තනියතො ධම්මො අනියතස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. සහජාතාධිපති – සම්මත්තනියතාධිපති චිත්තසමුට්ඨානානං රූපානං අධිපතිපච්චයෙන පච්චයො. (2)

සම්මත්තනියතො ධම්මො සම්මත්තනියතස්ස ච අනියතස්ස ච ධම්මස්ස අධිපතිපච්චයෙන පච්චයො. සහජාතාධිපති – සම්මත්තනියතාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

41. අනියතො ධම්මො අනියතස්ස ධම්මස්ස අධිපතිපච්චයෙන පච්චයො – ආරම්මණාධිපති සහජාතාධිපති. ආරම්මණාධිපති – දානං දත්වා සීලං සමාදියිත්වා උපොසථකම්මං කත්වා තං ගරුං කත්වා පච්චවෙක්ඛති, පුබ්බෙ සුචිණ්ණානි ගරුං කත්වා පච්චවෙක්ඛති, ඣානා…පෙ… අරියා ඵලං ගරුං කත්වා පච්චවෙක්ඛන්ති, නිබ්බානං ගරුං කත්වා පච්චවෙක්ඛන්ති, නිබ්බානං ගොත්‍රභුස්ස, වොදානස්ස, ඵලස්ස අධිපතිපච්චයෙන පච්චයො. චක්ඛුං…පෙ… වත්ථුං…පෙ… අනියතෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා අනියතො රාගො උප්පජ්ජති, දිට්ඨි උප්පජ්ජති. සහජාතාධිපති – අනියතාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

අනියතො ධම්මො සම්මත්තනියතස්ස ධම්මස්ස අධිපතිපච්චයෙන පච්චයො. ආරම්මණාධිපති – නිබ්බානං මග්ගස්ස අධිපතිපච්චයෙන පච්චයො. (2)

අනන්තරපච්චයො

42. මිච්ඡත්තනියතො ධම්මො අනියතස්ස ධම්මස්ස අනන්තරපච්චයෙන පච්චයො – මිච්ඡත්තනියතා ඛන්ධා වුට්ඨානස්ස අනන්තරපච්චයෙන පච්චයො. (1)

සම්මත්තනියතො ධම්මො අනියතස්ස ධම්මස්ස අනන්තරපච්චයෙන පච්චයො – මග්ගො ඵලස්ස අනන්තරපච්චයෙන පච්චයො. (1)

අනියතො ධම්මො අනියතස්ස ධම්මස්ස අනන්තරපච්චයෙන පච්චයො – පුරිමා පුරිමා අනියතා ඛන්ධා පච්ඡිමානං පච්ඡිමානං අනියතානං ඛන්ධානං අනන්තරපච්චයෙන පච්චයො. අනුලොමං ගොත්‍රභුස්ස… අනුලොමං වොදානස්ස… ඵලං ඵලස්ස… අනුලොමං ඵලසමාපත්තියා… නිරොධා වුට්ඨහන්තස්ස නෙවසඤ්ඤානාසඤ්ඤායතනං ඵලසමාපත්තියා අනන්තරපච්චයෙන පච්චයො. (1)

43. අනියතො ධම්මො මිච්ඡත්තනියතස්ස ධම්මස්ස අනන්තරපච්චයෙන පච්චයො – අනියතං දොමනස්සං මිච්ඡත්තනියතස්ස දොමනස්සස්ස අනන්තරපච්චයෙන පච්චයො. අනියතමිච්ඡාදිට්ඨි නියතමිච්ඡාදිට්ඨියා අනන්තරපච්චයෙන පච්චයො. (2)

අනියතො ධම්මො සම්මත්තනියතස්ස ධම්මස්ස අනන්තරපච්චයෙන පච්චයො – ගොත්‍රභු මග්ගස්ස… වොදානං මග්ගස්ස අනන්තරපච්චයෙන පච්චයො. (3)

සමනන්තරපච්චයාදි

44. මිච්ඡත්තනියතො ධම්මො අනියතස්ස ධම්මස්ස සමනන්තරපච්චයෙන පච්චයො (අනන්තරසදිසං)… සහජාතපච්චයෙන පච්චයො (පටිච්චවාරසදිසං, නව පඤ්හා)… අඤ්ඤමඤ්ඤපච්චයෙන පච්චයො (පටිච්චවාරසදිසං, තිස්සො පඤ්හා)… නිස්සයපච්චයෙන පච්චයො (කුසලත්තිකසදිසා, තෙරස පඤ්හා).

උපනිස්සයපච්චයො

45. මිච්ඡත්තනියතො ධම්මො මිච්ඡත්තනියතස්ස ධම්මස්ස උපනිස්සයපච්චයෙන පච්චයො. පකතූපනිස්සයො – මාතුඝාතිකම්මං මාතුඝාතිකම්මස්ස උපනිස්සයපච්චයෙන පච්චයො. මාතුඝාතිකම්මං…පෙ… පිතුඝාතිකම්මං…පෙ… අරහන්තඝාතිකම්මං…පෙ… රුහිරුප්පාදකම්මං…පෙ… සඞ්ඝභෙදකම්මං…පෙ… නියතමිච්ඡාදිට්ඨියා උපනිස්සයපච්චයෙන පච්චයො (චක්කං කාතබ්බං). නියතමිච්ඡාදිට්ඨි නියතමිච්ඡාදිට්ඨියා උපනිස්සයපච්චයෙන පච්චයො. නියතමිච්ඡාදිට්ඨි මාතුඝාතිකම්මස්ස…පෙ… සඞ්ඝභෙදකම්මස්ස උපනිස්සයපච්චයෙන පච්චයො. (1)

මිච්ඡත්තනියතො ධම්මො අනියතස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – මාතරං ජීවිතා වොරොපෙත්වා තස්ස පටිඝාතත්ථාය දානං දෙති, සීලං සමාදියති, උපොසථකම්මං කරොති. පිතරං ජීවිතා වොරොපෙත්වා…පෙ… අරහන්තං ජීවිතා වොරොපෙත්වා…පෙ… දුට්ඨෙන චිත්තෙන තථාගතස්ස ලොහිතං උප්පාදෙත්වා…පෙ… සඞ්ඝං භින්දිත්වා තස්ස පටිඝාතත්ථාය දානං දෙති, සීලං සමාදියති, උපොසථකම්මං කරොති. (2)

46. සම්මත්තනියතො ධම්මො සම්මත්තනියතස්ස ධම්මස්ස උපනිස්සයපච්චයෙන පච්චයො. පකතූපනිස්සයො – පඨමො මග්ගො දුතියස්ස මග්ගස්ස උපනිස්සයපච්චයෙන පච්චයො…පෙ… තතියො මග්ගො චතුත්ථස්ස මග්ගස්ස උපනිස්සයපච්චයෙන පච්චයො. (1)

සම්මත්තනියතො ධම්මො අනියතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අරියා මග්ගං උපනිස්සාය අනුප්පන්නං සමාපත්තිං උප්පාදෙන්ති, උප්පන්නං සමාපජ්ජන්ති, සඞ්ඛාරෙ අනිච්චතො දුක්ඛතො අනත්තතො විපස්සන්ති. මග්ගො අරියානං අත්ථප්පටිසම්භිදාය…පෙ… ඨානාඨානකොසල්ලස්ස උපනිස්සයපච්චයෙන පච්චයො. මග්ගො ඵලසමාපත්තියා උපනිස්සයපච්චයෙන පච්චයො. (2)

47. අනියතො ධම්මො අනියතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අනියතං සද්ධං උපනිස්සාය දානං දෙති, සීලං සමාදියති, උපොසථකම්මං…පෙ… ඣානං උප්පාදෙති, විපස්සනං… අභිඤ්ඤං… සමාපත්තිං උප්පාදෙති, මානං ජප්පෙති, දිට්ඨිං ගණ්හාති. අනියතං සීලං… සුතං… චාගං… පඤ්ඤං… රාගං…පෙ… පත්ථනං… කායිකං සුඛං… කායිකං දුක්ඛං… උතුං… භොජනං… සෙනාසනං උපනිස්සාය දානං දෙති…පෙ… නිගමඝාතං කරොති. අනියතා සද්ධා…පෙ… පඤ්ඤා, රාගො…පෙ… සෙනාසනං අනියතාය සද්ධාය…පෙ… කායිකස්ස සුඛස්ස, කායිකස්ස දුක්ඛස්ස, ඵලසමාපත්තියා උපනිස්සයපච්චයෙන පච්චයො. පඨමස්ස ඣානස්ස පරිකම්මං තස්සෙව…පෙ… නෙවසඤ්ඤානාසඤ්ඤායතනස්ස පරිකම්මං තස්සෙව…පෙ… පඨමං ඣානං දුතියස්ස ඣානස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස…පෙ… පාණාතිපාතො පාණාතිපාතස්ස උපනිස්සයපච්චයෙන පච්චයො (චක්කං කාතබ්බං). (1)

අනියතො ධම්මො මිච්ඡත්තනියතස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – අනියතං රාගං උපනිස්සාය මාතරං ජීවිතා වොරොපෙති…පෙ… සඞ්ඝං භින්දති. අනියතං දොසං…පෙ… පත්ථනං… කායිකං සුඛං…පෙ… සෙනාසනං උපනිස්සාය මාතරං ජීවිතා වොරොපෙති…පෙ… සඞ්ඝං භින්දති. අනියතො රාගො…පෙ… සෙනාසනං මාතුඝාතිකම්මස්ස… පිතුඝාතිකම්මස්ස… අරහන්තඝාතිකම්මස්ස… රුහිරුප්පාදකම්මස්ස… සඞ්ඝභෙදකම්මස්ස… නියතමිච්ඡාදිට්ඨියා උපනිස්සයපච්චයෙන පච්චයො. (2)

අනියතො ධම්මො සම්මත්තනියතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – පඨමස්ස මග්ගස්ස පරිකම්මං පඨමස්ස මග්ගස්ස…පෙ… චතුත්ථස්ස මග්ගස්ස පරිකම්මං චතුත්ථස්ස මග්ගස්ස උපනිස්සයපච්චයෙන පච්චයො. (3)

පුරෙජාතපච්චයො

48. අනියතො ධම්මො අනියතස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… විපස්සති, අස්සාදෙති අභිනන්දති, තං ආරබ්භ අනියතො රාගො උප්පජ්ජති…පෙ… දොමනස්සං උප්පජ්ජති. දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස පුරෙජාතපච්චයෙන පච්චයො. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස… වත්ථු අනියතානං ඛන්ධානං පුරෙජාතපච්චයෙන පච්චයො. (1)

අනියතො ධම්මො මිච්ඡත්තනියතස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – රූපජීවිතින්ද්‍රියං මාතුඝාතිකම්මස්ස… පිතුඝාතිකම්මස්ස… අරහන්තඝාතිකම්මස්ස… රුහිරුප්පාදකම්මස්ස පුරෙජාතපච්චයෙන පච්චයො. වත්ථුපුරෙජාතං – වත්ථු මිච්ඡත්තනියතානං ඛන්ධානං පුරෙජාතපච්චයෙන පච්චයො. (2)

අනියතො ධම්මො සම්මත්තනියතස්ස ධම්මස්ස පුරෙජාතපච්චයෙන පච්චයො. වත්ථුපුරෙජාතං – වත්ථු සම්මත්තනියතානං ඛන්ධානං පුරෙජාතපච්චයෙන පච්චයො. (3)

පච්ඡාජාතපච්චයො

49. මිච්ඡත්තනියතො ධම්මො අනියතස්ස ධම්මස්ස පච්ඡාජාතපච්චයෙන පච්චයො – පච්ඡාජාතා මිච්ඡත්තනියතා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

සම්මත්තනියතො ධම්මො අනියතස්ස ධම්මස්ස පච්ඡාජාතපච්චයෙන පච්චයො. පච්ඡාජාතා සම්මත්තනියතා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

අනියතො ධම්මො අනියතස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අනියතා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

ආසෙවනපච්චයො

50. අනියතො ධම්මො අනියතස්ස ධම්මස්ස ආසෙවනපච්චයෙන පච්චයො – පුරිමා පුරිමා අනියතා ඛන්ධා පච්ඡිමානං පච්ඡිමානං අනියතානං ඛන්ධානං ආසෙවනපච්චයෙන පච්චයො. අනුලොමං ගොත්‍රභුස්ස… අනුලොමං වොදානස්ස ආසෙවනපච්චයෙන පච්චයො. (1)

අනියතො ධම්මො මිච්ඡත්තනියතස්ස ධම්මස්ස ආසෙවනපච්චයෙන පච්චයො – අනියතං දොමනස්සං මිච්ඡත්තනියතස්ස දොමනස්සස්ස ආසෙවනපච්චයෙන පච්චයො. අනියතමිච්ඡාදිට්ඨි නියතමිච්ඡාදිට්ඨියා ආසෙවනපච්චයෙන පච්චයො. (2)

අනියතො ධම්මො සම්මත්තනියතස්ස ධම්මස්ස ආසෙවනපච්චයෙන පච්චයො – ගොත්‍රභු මග්ගස්ස… වොදානං මග්ගස්ස ආසෙවනපච්චයෙන පච්චයො. (3)

කම්මපච්චයො

51. මිච්ඡත්තනියතො ධම්මො මිච්ඡත්තනියතස්ස ධම්මස්ස කම්මපච්චයෙන පච්චයො – මිච්ඡත්තනියතා චෙතනා සම්පයුත්තකානං ඛන්ධානං කම්මපච්චයෙන පච්චයො. (1)

මිච්ඡත්තනියතො ධම්මො අනියතස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – මිච්ඡත්තනියතා චෙතනා චිත්තසමුට්ඨානානං රූපානං කම්මපච්චයෙන පච්චයො. නානාක්ඛණිකා – මිච්ඡත්තනියතා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො. (2)

මිච්ඡත්තනියතො ධම්මො මිච්ඡත්තනියතස්ස ච අනියතස්ස ච ධම්මස්ස කම්මපච්චයෙන පච්චයො – මිච්ඡත්තනියතා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. (3)

52. සම්මත්තනියතො ධම්මො සම්මත්තනියතස්ස ධම්මස්ස කම්මපච්චයෙන පච්චයො – සම්මත්තනියතා චෙතනා සම්පයුත්තකානං ඛන්ධානං කම්මපච්චයෙන පච්චයො. (1)

සම්මත්තනියතො ධම්මො අනියතස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – සම්මත්තනියතා චෙතනා චිත්තසමුට්ඨානානං රූපානං කම්මපච්චයෙන පච්චයො. නානාක්ඛණිකා – සම්මත්තනියතා චෙතනා විපාකානං ඛන්ධානං කම්මපච්චයෙන පච්චයො. (2)

සම්මත්තනියතො ධම්මො සම්මත්තනියතස්ස ච අනියතස්ස ච ධම්මස්ස කම්මපච්චයෙන පච්චයො – සම්මත්තනියතා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. (3)

අනියතො ධම්මො අනියතස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – අනියතා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. පටිසන්ධික්ඛණෙ…පෙ…. නානාක්ඛණිකා – අනියතා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො. (1)

විපාකපච්චයො

53. අනියතො ධම්මො අනියතස්ස ධම්මස්ස විපාකපච්චයෙන පච්චයො – විපාකො අනියතො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො…පෙ… පටිසන්ධික්ඛණෙ…පෙ… ඛන්ධා වත්ථුස්ස…පෙ….

ආහාරපච්චයාදි

54. මිච්ඡත්තනියතො ධම්මො මිච්ඡත්තනියතස්ස ධම්මස්ස ආහාරපච්චයෙන පච්චයො… ඉන්ද්‍රියපච්චයෙන පච්චයො… ඣානපච්චයෙන පච්චයො… මග්ගපච්චයෙන පච්චයො… සම්පයුත්තපච්චයෙන පච්චයො.

විප්පයුත්තපච්චයො

55. මිච්ඡත්තනියතො ධම්මො අනියතස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – මිච්ඡත්තනියතා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පච්ඡාජාතා – මිච්ඡත්තනියතා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

සම්මත්තනියතො ධම්මො අනියතස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – සම්මත්තනියතා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පච්ඡාජාතා – සම්මත්තනියතා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

අනියතො ධම්මො අනියතස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – අනියතා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පටිසන්ධික්ඛණෙ…පෙ… ඛන්ධා වත්ථුස්ස විප්පයුත්තපච්චයෙන පච්චයො. වත්ථු ඛන්ධානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස… වත්ථු අනියතානං ඛන්ධානං විප්පයුත්තපච්චයෙන පච්චයො. පච්ඡාජාතා – අනියතා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

අනියතො ධම්මො මිච්ඡත්තනියතස්ස ධම්මස්ස විප්පයුත්තපච්චයෙන පච්චයො. පුරෙජාතං – වත්ථු මිච්ඡත්තනියතානං ඛන්ධානං විප්පයුත්තපච්චයෙන පච්චයො. (2)

අනියතො ධම්මො සම්මත්තනියතස්ස ධම්මස්ස විප්පයුත්තපච්චයෙන පච්චයො. පුරෙජාතං – වත්ථු සම්මත්තනියතානං ඛන්ධානං විප්පයුත්තපච්චයෙන පච්චයො. (3)

අත්ථිපච්චයො

56. මිච්ඡත්තනියතො ධම්මො මිච්ඡත්තනියතස්ස ධම්මස්ස අත්ථිපච්චයෙන පච්චයො – මිච්ඡත්තනියතො එකො ඛන්ධො තිණ්ණන්නං ඛන්ධානං…පෙ… ද්වෙ ඛන්ධා ද්වින්නං ඛන්ධානං අත්ථිපච්චයෙන පච්චයො. (1)

මිච්ඡත්තනියතො ධම්මො අනියතස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතා – මිච්ඡත්තනියතා ඛන්ධා චිත්තසමුට්ඨානානං රූපානං අත්ථිපච්චයෙන පච්චයො. පච්ඡාජාතා – මිච්ඡත්තනියතා ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. (2)

මිච්ඡත්තනියතො ධම්මො මිච්ඡත්තනියතස්ස ච අනියතස්ස ච අත්ථිපච්චයෙන පච්චයො – මිච්ඡත්තනියතො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ…. (3)

සම්මත්තනියතො ධම්මො සම්මත්තනියතස්ස ධම්මස්ස අත්ථිපච්චයෙන පච්චයො…පෙ… (තිස්සො පඤ්හා).

අනියතො ධම්මො අනියතස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං. සහජාතො – අනියතො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ…පෙ… ඛන්ධා වත්ථුස්ස අත්ථිපච්චයෙන පච්චයො. වත්ථු ඛන්ධානං අත්ථිපච්චයෙන පච්චයො. එකං මහාභූතං…පෙ… අසඤ්ඤසත්තානං එකං මහාභූතං…පෙ…. පුරෙජාතං – චක්ඛුං…පෙ… වත්ථුං අනිච්චතො දුක්ඛතො අනත්තතො විපස්සති අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති. දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස… වත්ථු අනියතානං ඛන්ධානං අත්ථිපච්චයෙන පච්චයො. පච්ඡාජාතා – අනියතා ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. කබළීකාරො ආහාරො ඉමස්ස කායස්ස අත්ථිපච්චයෙන පච්චයො. රූපජීවිතින්ද්‍රියං කටත්තාරූපානං අත්ථිපච්චයෙන පච්චයො. (1)

අනියතො ධම්මො මිච්ඡත්තනියතස්ස ධම්මස්ස අත්ථිපච්චයෙන පච්චයො. පුරෙජාතං – රූපජීවිතින්ද්‍රියං මාතුඝාතිකම්මස්ස…පෙ… රුහිරුප්පාදකම්මස්ස අත්ථිපච්චයෙන පච්චයො. වත්ථු මිච්ඡත්තනියතානං ඛන්ධානං අත්ථිපච්චයෙන පච්චයො. (2)

අනියතො ධම්මො සම්මත්තනියතස්ස ධම්මස්ස අත්ථිපච්චයෙන පච්චයො. පුරෙජාතං – වත්ථු සම්මත්තනියතානං ඛන්ධානං අත්ථිපච්චයෙන පච්චයො. (3)

57. මිච්ඡත්තනියතො ච අනියතො ච ධම්මා මිච්ඡත්තනියතස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – මිච්ඡත්තනියතො එකො ඛන්ධො ච වත්ථු ච තිණ්ණන්නං ඛන්ධානං…පෙ… ද්වෙ ඛන්ධා ච…පෙ…. (1)

මිච්ඡත්තනියතො ච අනියතො ච ධම්මා අනියතස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං, ආහාරං, ඉන්ද්‍රියං. සහජාතා – මිච්ඡත්තනියතා ඛන්ධා ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො. පච්ඡාජාතා – මිච්ඡත්තනියතා ඛන්ධා ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – මිච්ඡත්තනියතා ඛන්ධා ච රූපජීවිතින්ද්‍රියඤ්ච කටත්තාරූපානං අත්ථිපච්චයෙන පච්චයො. (2)

සම්මත්තනියතො ච අනියතො ච ධම්මා සම්මත්තනියතස්ස ධම්මස්ස අත්ථිපච්චයෙන පච්චයො…පෙ… (ද්වෙ පඤ්හා මිච්ඡත්තනියතසදිසා).