1. විභඞ්ගවාරො

නහෙතුපච්චයො

13. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති නහෙතුපච්චයා – අහෙතුකං උපාදින්නුපාදානියං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා, අහෙතුකපටිසන්ධික්ඛණෙ උපාදින්නුපාදානියං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා කටත්තා ච රූපං; ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං පටිච්ච තයො මහාභූතා…පෙ… මහාභූතෙ පටිච්ච කටත්තාරූපං උපාදාරූපං; අසඤ්ඤසත්තානං එකං මහාභූතං පටිච්ච…පෙ… මහාභූතෙ පටිච්ච කටත්තාරූපං උපාදාරූපං. (1)

උපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති නහෙතුපච්චයා – අහෙතුකෙ උපාදින්නුපාදානියෙ ඛන්ධෙ පටිච්ච චිත්තසමුට්ඨානං රූපං. (2)

උපාදින්නුපාදානියං ධම්මං පටිච්ච උපාදින්නුපාදානියො ච අනුපාදින්නුපාදානියො ච ධම්මා උප්පජ්ජන්ති නහෙතුපච්චයා – අහෙතුකං උපාදින්නුපාදානියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං. (3)

අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති නහෙතුපච්චයා – අහෙතුකං අනුපාදින්නුපාදානියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං. අනුපාදින්නුපාදානියං එකං මහාභූතං…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං. බාහිරං… ආහාරසමුට්ඨානං… උතුසමුට්ඨානං එකං මහාභූතං පටිච්ච…පෙ… මහාභූතෙ පටිච්ච උපාදාරූපං. විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

උපාදින්නුපාදානියඤ්ච අනුපාදින්නුපාදානියඤ්ච ධම්මං පටිච්ච අනුපාදින්නුපාදානියො ධම්මො උප්පජ්ජති නහෙතුපච්චයා – අහෙතුකෙ උපාදින්නුපාදානියෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

නආරම්මණපච්චයො

14. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති නආරම්මණපච්චයා – පටිසන්ධික්ඛණෙ උපාදින්නුපාදානියෙ ඛන්ධෙ පටිච්ච කටත්තාරූපං, ඛන්ධෙ පටිච්ච වත්ථු, එකං මහාභූතං පටිච්ච…පෙ… අසඤ්ඤසත්තානං එකං මහාභූතං පටිච්ච…පෙ…. (1)

උපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති නආරම්මණපච්චයා – උපාදින්නුපාදානියෙ ඛන්ධෙ පටිච්ච චිත්තසමුට්ඨානං රූපං. (2)

අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති නආරම්මණපච්චයා – අනුපාදින්නුපාදානියෙ ඛන්ධෙ පටිච්ච චිත්තසමුට්ඨානං රූපං, එකං මහාභූතං පටිච්ච …පෙ… බාහිරං… ආහාරසමුට්ඨානං… උතුසමුට්ඨානං එකං මහාභූතං පටිච්ච…පෙ…. (1)

අනුපාදින්නඅනුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති නආරම්මණපච්චයා – අනුපාදින්නඅනුපාදානියෙ ඛන්ධෙ පටිච්ච චිත්තසමුට්ඨානං රූපං. (1)

අනුපාදින්නුපාදානියඤ්ච අනුපාදින්නඅනුපාදානියඤ්ච ධම්මං පටිච්ච අනුපාදින්නුපාදානියො ධම්මො උප්පජ්ජති නආරම්මණපච්චයා – අනුපාදින්නඅනුපාදානියෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

උපාදින්නුපාදානියඤ්ච අනුපාදින්නුපාදානියඤ්ච ධම්මං පටිච්ච අනුපාදින්නුපාදානියො ධම්මො උප්පජ්ජති නආරම්මණපච්චයා – උපාදින්නුපාදානියෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

නඅධිපතිපච්චයො

15. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති නඅධිපතිපච්චයා (පටිසන්ධි පරිපුණ්ණං)… තීණි.

අනුපාදින්නුපාදානියං ධම්මං පටිච්ච… එකා.

අනුපාදින්නඅනුපාදානියං ධම්මං පටිච්ච අනුපාදින්නඅනුපාදානියො ධම්මො උප්පජ්ජති නඅධිපතිපච්චයා – අනුපාදින්නඅනුපාදානියෙ ඛන්ධෙ පටිච්ච අනුපාදින්නඅනුපාදානියා අධිපති. (1)

උපාදින්නුපාදානියඤ්ච අනුපාදින්නුපාදානියඤ්ච ධම්මං පටිච්ච අනුපාදින්නුපාදානියො ධම්මො උප්පජ්ජති නඅධිපතිපච්චයා – උපාදින්නුපාදානියෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං.

නඅනන්තරපච්චයාදි

16. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති නඅනන්තරපච්චයා…පෙ… නසමනන්තරපච්චයා…. නඅඤ්ඤමඤ්ඤපච්චයා… නඋපනිස්සයපච්චයා… නපුරෙජාතපච්චයා… නපච්ඡාජාතපච්චයා… නආසෙවනපච්චයා…පෙ….

අනුපාදින්නඅනුපාදානියං ධම්මං පටිච්ච අනුපාදින්නඅනුපාදානියො ධම්මො උප්පජ්ජති නආසෙවනපච්චයා – විපාකං අනුපාදින්නඅනුපාදානියං එකං ඛන්ධං පටිච්ච තයො ඛන්ධා (සංඛිත්තං).

නකම්මපච්චයො

17. අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති නකම්මපච්චයා – අනුපාදින්නුපාදානියෙ ඛන්ධෙ පටිච්ච අනුපාදින්නුපාදානියා චෙතනා. බාහිරං… ආහාරසමුට්ඨානං… උතුසමුට්ඨානං එකං මහාභූතං පටිච්ච…පෙ…. (1)

අනුපාදින්නඅනුපාදානියං ධම්මං පටිච්ච අනුපාදින්නඅනුපාදානියො ධම්මො උප්පජ්ජති නකම්මපච්චයා – කුසලෙ අනුපාදින්නඅනුපාදානියෙ ඛන්ධෙ පටිච්ච අනුපාදින්නඅනුපාදානියා චෙතනා. (2)

නවිපාකපච්චයො

18. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති නවිපාකපච්චයා – අසඤ්ඤසත්තානං එකං මහාභූතං පටිච්ච…පෙ… මහාභූතෙ පටිච්ච කටත්තාරූපං උපාදාරූපං. (1)

අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති නවිපාකපච්චයා… එකා.

අනුපාදින්නඅනුපාදානියං ධම්මං පටිච්ච අනුපාදින්නඅනුපාදානියො ධම්මො උප්පජ්ජති නවිපාකපච්චයා – කුසලං අනුපාදින්නඅනුපාදානියං එකං ඛන්ධං පටිච්ච තයො ඛන්ධා… තීණි.

අනුපාදින්නුපාදානියඤ්ච අනුපාදින්නඅනුපාදානියඤ්ච ධම්මං පටිච්ච අනුපාදින්නුපාදානියො ධම්මො උප්පජ්ජති නවිපාකපච්චයා – කුසලෙ අනුපාදින්නඅනුපාදානියෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

නආහාරපච්චයො

19. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති නආහාරපච්චයා – අසඤ්ඤසත්තානං එකං මහාභූතං පටිච්ච…පෙ…. (1)

අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති නආහාරපච්චයා – බාහිරං… උතුසමුට්ඨානං එකං මහාභූතං පටිච්ච…පෙ…. (1)

නඉන්ද්‍රියපච්චයො

20. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති නඉන්ද්‍රියපච්චයා – අසඤ්ඤසත්තානං මහාභූතෙ පටිච්ච රූපජීවිතින්ද්‍රියං. (1)

අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති නඉන්ද්‍රියපච්චයා – බාහිරං… ආහාරසමුට්ඨානං… උතුසමුට්ඨානං එකං මහාභූතං පටිච්ච…පෙ…. (1)

නඣානපච්චයො

21. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති නඣානපච්චයා – පඤ්චවිඤ්ඤාණසහගතං එකං ඛන්ධං පටිච්ච තයො ඛන්ධා…පෙ… අසඤ්ඤසත්තානං එකං මහාභූතං පටිච්ච …පෙ…. (1)

අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති නඣානපච්චයා – බාහිරං… ආහාරසමුට්ඨානං… උතුසමුට්ඨානං එකං මහාභූතං පටිච්ච…පෙ…. (1)

නමග්ගපච්චයො

22. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති නමග්ගපච්චයා – අහෙතුකං උපාදින්නුපාදානියං එකං ඛන්ධං පටිච්ච තයො ඛන්ධා… පඤ්ච.

නසම්පයුත්තපච්චයො

23. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති නසම්පයුත්තපච්චයා (නආරම්මණපච්චයසදිසං).

නවිප්පයුත්තපච්චයො

24. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති නවිප්පයුත්තපච්චයා – අරූපෙ උපාදින්නුපාදානියං එකං ඛන්ධං පටිච්ච තයො ඛන්ධා…පෙ… අසඤ්ඤසත්තානං එකං මහාභූතං පටිච්ච…පෙ…. (1)

අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති නවිප්පයුත්තපච්චයා – අරූපෙ අනුපාදින්නුපාදානියං එකං ඛන්ධං පටිච්ච තයොඛන්ධා…පෙ… බාහිරං… ආහාරසමුට්ඨානං… උතුසමුට්ඨානං එකං මහාභූතං පටිච්ච…පෙ…. (1)

අනුපාදින්නඅනුපාදානියං ධම්මං පටිච්ච අනුපාදින්නඅනුපාදානියො ධම්මො උප්පජ්ජති නවිප්පයුත්තපච්චයා – අරූපෙ අනුපාදින්නඅනුපාදානියං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

නොනත්ථි-නොවිගතපච්චයා

25. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති නොනත්ථිපච්චයා… නොවිගතපච්චයා.

(යථා කුසලත්තිකෙ පච්චනීයවාරො විත්ථාරිතො, එවං විත්ථාරෙතබ්බො.)