1. විභඞ්ගවාරො

හෙතුපච්චයො

1. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති හෙතුපච්චයා – උපාදින්නුපාදානියං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා; පටිසන්ධික්ඛණෙ උපාදින්නුපාදානියං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා කටත්තා ච රූපං; ඛන්ධෙ පටිච්ච වත්ථු, වත්ථුං ඛන්ධා; උපාදින්නුපාදානියං එකං මහාභූතං පටිච්ච තයො මහාභූතා…පෙ… ද්වෙ මහාභූතෙ පටිච්ච ද්වෙ මහාභූතා, මහාභූතෙ පටිච්ච කටත්තාරූපං උපාදාරූපං. (1)

උපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති හෙතුපච්චයා – උපාදින්නුපාදානියෙ ඛන්ධෙ පටිච්ච චිත්තසමුට්ඨානං රූපං. (2)

උපාදින්නුපාදානියං ධම්මං පටිච්ච උපාදින්නුපාදානියො ච අනුපාදින්නුපාදානියො ච ධම්මා උප්පජ්ජන්ති හෙතුපච්චයා – උපාදින්නුපාදානියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං. (3)

අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති හෙතුපච්චයා – අනුපාදින්නුපාදානියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං; අනුපාදින්නුපාදානියං එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං. (1)

අනුපාදින්නඅනුපාදානියං ධම්මං පටිච්ච අනුපාදින්නඅනුපාදානියො ධම්මො උප්පජ්ජති හෙතුපච්චයා – අනුපාදින්නඅනුපාදානියං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

අනුපාදින්නඅනුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති හෙතුපච්චයා – අනුපාදින්නඅනුපාදානියෙ ඛන්ධෙ පටිච්ච චිත්තසමුට්ඨානං රූපං. (2)

අනුපාදින්නඅනුපාදානියං ධම්මං පටිච්ච අනුපාදින්නුපාදානියො ච අනුපාදින්නඅනුපාදානියො ච ධම්මා උප්පජ්ජන්ති හෙතුපච්චයා – අනුපාදින්නඅනුපාදානියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං. (3)

අනුපාදින්නුපාදානියඤ්ච අනුපාදින්නඅනුපාදානියඤ්ච ධම්මං පටිච්ච අනුපාදින්නුපාදානියො ධම්මො උප්පජ්ජති හෙතුපච්චයා – අනුපාදින්නඅනුපාදානියෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

උපාදින්නුපාදානියඤ්ච අනුපාදින්නුපාදානියඤ්ච ධම්මං පටිච්ච අනුපාදින්නුපාදානියො ධම්මො උප්පජ්ජති හෙතුපච්චයා – උපාදින්නුපාදානියෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

ආරම්මණපච්චයො

2. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති ආරම්මණපච්චයා – උපාදින්නුපාදානියං එකං ඛන්ධං පටිච්ච…පෙ… පටිසන්ධික්ඛණෙ…පෙ….

අනුපාදින්නුපාදානියං ධම්මං පටිච්ච…පෙ….

අනුපාදින්නඅනුපාදානියං ධම්මං පටිච්ච…පෙ… ආරම්මණපච්චයා… තීණි.

අධිපතිපච්චයො

3. අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති අධිපතිපච්චයා – අනුපාදින්නුපාදානියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… එකං මහාභූතං පටිච්ච…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං. (1)

අනුපාදින්නඅනුපාදානියං ධම්මං පටිච්ච… තීණි.

අනුපාදින්නුපාදානියඤ්ච අනුපාදින්නඅනුපාදානියඤ්ච ධම්මං පටිච්ච අනුපාදින්නුපාදානියො ධම්මො උප්පජ්ජති අධිපතිපච්චයා – අනුපාදින්නඅනුපාදානියෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

අනන්තරපච්චයාදි

4. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති අනන්තරපච්චයා… සමනන්තරපච්චයා… සහජාතපච්චයා – උපාදින්නුපාදානියං එකං ඛන්ධං පටිච්ච…පෙ… පටිසන්ධික්ඛණෙ…පෙ… එකං මහාභූතං පටිච්ච…පෙ… මහාභූතෙ පටිච්ච කටත්තාරූපං උපාදාරූපං; අසඤ්ඤසත්තානං එකං මහාභූතං පටිච්ච…පෙ… මහාභූතෙ පටිච්ච කටත්තාරූපං උපාදාරූපං.

උපාදින්නුපාදානියං ධම්මං පටිච්ච… තීණි.

අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති සහජාතපච්චයා – අනුපාදින්නුපාදානියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං …පෙ… එකං මහාභූතං පටිච්ච…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං. බාහිරං… ආහාරසමුට්ඨානං… උතුසමුට්ඨානං එකං මහාභූතං පටිච්ච…පෙ….

අනුපාදින්නඅනුපාදානියං ධම්මං පටිච්ච… තීණි.

අනුපාදින්නුපාදානියඤ්ච අනුපාදින්නඅනුපාදානියඤ්ච ධම්මං පටිච්ච…පෙ… අනුපාදින්නුපාදානියො…පෙ…. (1)

උපාදින්නුපාදානියඤ්ච අනුපාදින්නුපාදානියඤ්ච ධම්මං පටිච්ච අනුපාදින්නුපාදානියො…පෙ…. (1)

අඤ්ඤමඤ්ඤපච්චයො

5. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති අඤ්ඤමඤ්ඤපච්චයා – උපාදින්නුපාදානියං එකං ඛන්ධං පටිච්ච…පෙ… පටිසන්ධික්ඛණෙ උපාදින්නුපාදානියං එකං ඛන්ධං පටිච්ච තයො ඛන්ධා වත්ථු ච…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං පටිච්ච…පෙ… ද්වෙ මහාභූතෙ පටිච්ච ද්වෙ මහාභූතා; අසඤ්ඤසත්තානං එකං මහාභූතං…පෙ…. (1)

අනුපාදින්නුපාදානියං ධම්මං පටිච්ච…පෙ… බාහිරං… ආහාරසමුට්ඨානං… උතුසමුට්ඨානං…පෙ…. (1)

අනුපාදින්නඅනුපාදානියං ධම්මං පටිච්ච…පෙ…. (1)

නිස්සය-උපනිස්සයපච්චයා

6. උපාදින්නුපාදානියං ධම්මං පටිච්ච නිස්සයපච්චයා… නව. උපනිස්සයපච්චයා… තීණි.

පුරෙජාතපච්චයො

7. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති පුරෙජාතපච්චයා… තීණි.

ආසෙවනපච්චයො

8. අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති ආසෙවනපච්චයා – අනුපාදින්නුපාදානියං එකං ඛන්ධං පටිච්ච…පෙ…. (1)

අනුපාදින්නඅනුපාදානියං ධම්මං පටිච්ච අනුපාදින්නඅනුපාදානියො ධම්මො උප්පජ්ජති ආසෙවනපච්චයා – අනුපාදින්නඅනුපාදානියං එකං ඛන්ධං පටිච්ච…පෙ…. (1)

කම්මපච්චයො

9. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති කම්මපච්චයා (හෙතුපච්චයසදිසා නව).

විපාකපච්චයො

10. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති විපාකපච්චයා… තීණි.

අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති විපාකපච්චයා – එකං මහාභූතං පටිච්ච…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං.

අනුපාදින්නඅනුපාදානියං ධම්මං පටිච්ච අනුපාදින්නඅනුපාදානියො ධම්මො උප්පජ්ජති විපාකපච්චයා – විපාකං අනුපාදින්නඅනුපාදානියං එකං ඛන්ධං පටිච්ච තයො ඛන්ධා…පෙ… නව.

ආහාරපච්චයාදි

11. උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති ආහාරපච්චයා…පෙ… ඉන්ද්‍රියපච්චයා… ඣානපච්චයා… මග්ගපච්චයා… සම්පයුත්තපච්චයා… විප්පයුත්තපච්චයා… අත්ථිපච්චයා… නත්ථිපච්චයා… විගතපච්චයා… අවිගතපච්චයා.

(යථා කුසලත්තිකස්ස පටිච්චවාරො සජ්ඣායමග්ගෙන විත්ථාරිතො, එවං විත්ථාරෙතබ්බං.)