1. විභඞ්ගවාරො

හෙතුපච්චයො

51. උපාදින්නුපාදානියො ධම්මො උපාදින්නුපාදානියස්ස ධම්මස්ස හෙතුපච්චයෙන පච්චයො – උපාදින්නුපාදානියා හෙතූ සම්පයුත්තකානං ඛන්ධානං හෙතුපච්චයෙන පච්චයො; පටිසන්ධික්ඛණෙ උපාදින්නුපාදානියා හෙතූ සම්පයුත්තකානං ඛන්ධානං කටත්තා ච රූපානං හෙතුපච්චයෙන පච්චයො. (1)

උපාදින්නුපාදානියො ධම්මො අනුපාදින්නුපාදානියස්ස ධම්මස්ස හෙතුපච්චයෙන පච්චයො – උපාදින්නුපාදානියා හෙතූ චිත්තසමුට්ඨානානං රූපානං හෙතුපච්චයෙන පච්චයො. (2)

උපාදින්නුපාදානියො ධම්මො උපාදින්නුපාදානියස්ස ච අනුපාදින්නුපාදානියස්ස ච ධම්මස්ස හෙතුපච්චයෙන පච්චයො – උපාදින්නුපාදානියා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස හෙතුපච්චයෙන පච්චයො – අනුපාදින්නුපාදානියා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (1)

අනුපාදින්නඅනුපාදානියො ධම්මො අනුපාදින්නඅනුපාදානියස්ස ධම්මස්ස හෙතුපච්චයෙන පච්චයො – අනුපාදින්නඅනුපාදානියා හෙතූ සම්පයුත්තකානං ඛන්ධානං හෙතුපච්චයෙන පච්චයො. (1)

අනුපාදින්නඅනුපාදානියො ධම්මො අනුපාදින්නුපාදානියස්ස ධම්මස්ස හෙතුපච්චයෙන පච්චයො – අනුපාදින්නඅනුපාදානියා හෙතූ චිත්තසමුට්ඨානානං රූපානං හෙතුපච්චයෙන පච්චයො. (2)

අනුපාදින්නඅනුපාදානියො ධම්මො අනුපාදින්නුපාදානියස්ස ච අනුපාදින්නඅනුපාදානියස්ස ච ධම්මස්ස හෙතුපච්චයෙන පච්චයො – අනුපාදින්නඅනුපාදානියා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

ආරම්මණපච්චයො

52. උපාදින්නුපාදානියො ධම්මො උපාදින්නුපාදානියස්ස ධම්මස්ස ආරම්මණපච්චයෙන පච්චයො – සෙක්ඛා වා පුථුජ්ජනා වා චක්ඛුං අනිච්චතො දුක්ඛතො අනත්තතො විපස්සන්ති, අස්සාදෙන්ති අභිනන්දන්ති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති; කුසලාකුසලෙ නිරුද්ධෙ විපාකො තදාරම්මණතා උප්පජ්ජති. සොතං… ඝානං… ජිව්හං… කායං… උපාදින්නුපාදානියෙ රූපෙ… ගන්ධෙ… රසෙ… ඵොට්ඨබ්බෙ… වත්ථුං… උපාදින්නුපාදානියෙ ඛන්ධෙ අනිච්චතො දුක්ඛතො අනත්තතො විප්පස්සන්ති, අස්සාදෙන්ති අභිනන්දති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. කුසලාකුසලෙ නිරුද්ධෙ විපාකො තදාරම්මණතා උප්පජ්ජති. උපාදින්නුපාදානියං රූපායතනං චක්ඛුවිඤ්ඤාණස්ස…පෙ… උපාදින්නුපාදානියං ගන්ධායතනං… රසායතනං… ඵොට්ඨබ්බායතනං කායවිඤ්ඤාණස්ස ආරම්මණපච්චයෙන පච්චයො. (1)

උපාදින්නුපාදානියො ධම්මො අනුපාදින්නුපාදානියස්ස ධම්මස්ස ආරම්මණපච්චයෙන පච්චයො – චක්ඛුං අනිච්චතො දුක්ඛතො අනත්තතො විපස්සති, අස්සාදෙති අභිනන්දති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. සොතං… ඝානං… ජිව්හං… කායං… උපාදින්නුපාදානියෙ රූපෙ… ගන්ධෙ… රසෙ… ඵොට්ඨබ්බෙ… වත්ථුං… උපාදින්නුපාදානියෙ ඛන්ධෙ අනිච්චතො දුක්ඛතො අනත්තතො විපස්සති, අස්සාදෙති අභිනන්දති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. දිබ්බෙන චක්ඛුනා උපාදින්නුපාදානියං රූපං පස්සති, චෙතොපරියඤාණෙන උපාදින්නුපාදානියචිත්තසමඞ්ගිස්ස චිත්තං ජානාති. උපාදින්නුපාදානියා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (2)

53. අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස ආරම්මණපච්චයෙන පච්චයො – දානං දත්වා, සීලං සමාදියිත්වා, උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි පච්චවෙක්ඛති, ඣානා වුට්ඨහිත්වා ඣානං පච්චවෙක්ඛති, අරියා ගොත්‍රභුං පච්චවෙක්ඛන්ති, වොදානං පච්චවෙක්ඛන්ති, අරියා පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති; අනුපාදින්නුපාදානියෙ රූපෙ… සද්දෙ… ගන්ධෙ… රසෙ… ඵොට්ඨබ්බෙ… අනුපාදින්නුපාදානියෙ ඛන්ධෙ අනිච්චතො දුක්ඛතො අනත්තතො විපස්සන්ති, අස්සාදෙන්ති අභිනන්දන්ති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. දිබ්බෙන චක්ඛුනා අනුපාදින්නුපාදානියං රූපං පස්සන්ති, දිබ්බාය සොතධාතුයා සද්දං සුණන්ති, චෙතොපරියඤාණෙන අනුපාදින්නුපාදානියචිත්තසමඞ්ගිස්ස චිත්තං ජානන්ති. ආකාසානඤ්චායතනං විඤ්ඤාණඤ්චායතනස්ස ආරම්මණපච්චයෙන පච්චයො. ආකිඤ්චඤ්ඤායතනං නෙවසඤ්ඤානාසඤ්ඤායතනස්ස ආරම්මණපච්චයෙන පච්චයො. අනුපාදින්නුපාදානියා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

අනුපාදින්නුපාදානියො ධම්මො උපාදින්නුපාදානියස්ස ධම්මස්ස ආරම්මණපච්චයෙන පච්චයො – සෙක්ඛා වා පුථුජ්ජනා වා අනුපාදින්නුපාදානියෙ රූපෙ… සද්දෙ… ගන්ධෙ… රසෙ… ඵොට්ඨබ්බෙ… අනුපාදින්නුපාදානියෙ ඛන්ධෙ අනිච්චතො දුක්ඛතො අනත්තතො විපස්සන්ති, අස්සාදෙන්ති අභිනන්දති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. කුසලාකුසලෙ නිරුද්ධෙ විපාකො තදාරම්මණතා උප්පජ්ජති. ආකාසානඤ්චායතනකුසලං විඤ්ඤාණඤ්චායතනවිපාකස්ස ආරම්මණපච්චයෙන පච්චයො. ආකිඤ්චඤ්ඤායතනකුසලං නෙවසඤ්ඤානාසඤ්ඤායතනවිපාකස්ස ආරම්මණපච්චයෙන පච්චයො. අනුපාදින්නුපාදානියං රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස ආරම්මණපච්චයෙන පච්චයො. (2)

54. අනුපාදින්නඅනුපාදානියො ධම්මො අනුපාදින්නඅනුපාදානියස්ස ධම්මස්ස ආරම්මණපච්චයෙන පච්චයො – නිබ්බානං මග්ගස්ස, ඵලස්ස ආරම්මණපච්චයෙන පච්චයො. (1)

අනුපාදින්නඅනුපාදානියො ධම්මො අනුපාදින්නුපාදානියස්ස ධම්මස්ස ආරම්මණපච්චයෙන පච්චයො – අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං පච්චවෙක්ඛන්ති, නිබ්බානං පච්චවෙක්ඛන්ති; නිබ්බානං ගොත්‍රභුස්ස, වොදානස්ස, ආවජ්ජනාය ආරම්මණපච්චයෙන පච්චයො. අරියා චෙතොපරියඤාණෙන අනුපාදින්නඅනුපාදානියචිත්තසමඞ්ගිස්ස චිත්තං ජානන්ති; අනුපාදින්නඅනුපාදානියා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (2)

අධිපතිපච්චයො

55. උපාදින්නුපාදානියො ධම්මො අනුපාදින්නුපාදානියස්ස ධම්මස්ස අධිපතිපච්චයෙන පච්චයො. ආරම්මණාධිපති – චක්ඛුං ගරුං කත්වා අස්සාදෙති අභිනන්දති; තං ගරුං කත්වා රාගො උප්පජ්ජති, දිට්ඨි උප්පජ්ජති. සොතං… ඝානං… ජිව්හං… කායං… උපාදින්නුපාදානියෙ රූපෙ… ගන්ධෙ… රසෙ… ඵොට්ඨබ්බෙ… වත්ථුං… උපාදින්නුපාදානියෙ ඛන්ධෙ ගරුං කත්වා අස්සාදෙති අභිනන්දති; තං ගරුං කත්වා රාගො උප්පජ්ජති, දිට්ඨි උප්පජ්ජති. (1)

අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා, සීලං සමාදියිත්වා, උපොසථකම්මං කත්වා තං ගරුං කත්වා පච්චවෙක්ඛති, පුබ්බෙ සුචිණ්ණානි ගරුං කත්වා පච්චවෙක්ඛති; ඣානා වුට්ඨහිත්වා ඣානං ගරුං කත්වා පච්චවෙක්ඛති; සෙක්ඛා ගොත්‍රභුං ගරුං කත්වා පච්චවෙක්ඛන්ති, වොදානං ගරුං කත්වා පච්චවෙක්ඛන්ති. අනුපාදින්නුපාදානියෙ රූපෙ… සද්දෙ… ගන්ධෙ… රසෙ… ඵොට්ඨබ්බෙ… අනුපාදින්නුපාදානියෙ ඛන්ධෙ ගරුං කත්වා අස්සාදෙන්ති අභිනන්දන්ති; තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – අනුපාදින්නුපාදානියාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

අනුපාදින්නඅනුපාදානියො ධම්මො අනුපාදින්නඅනුපාදානියස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – නිබ්බානං මග්ගස්ස ඵලස්ස අධිපතිපච්චයෙන පච්චයො. සහජාතාධිපති – අනුපාදින්නඅනුපාදානියාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

අනුපාදින්නඅනුපාදානියො ධම්මො අනුපාදින්නුපාදානියස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති, ඵලං ගරුං කත්වා පච්චවෙක්ඛන්ති, නිබ්බානං ගරුං කත්වා පච්චවෙක්ඛන්ති. නිබ්බානං ගොත්‍රභුස්ස, වොදානස්ස අධිපතිපච්චයෙන පච්චයො. සහජාතාධිපති – අනුපාදින්නඅනුපාදානියාධිපති චිත්තසමුට්ඨානානං රූපානං අධිපතිපච්චයෙන පච්චයො. (2)

අනුපාදින්නඅනුපාදානියො ධම්මො අනුපාදින්නුපාදානියස්ස ච අනුපාදින්නඅනුපාදානියස්ස ච ධම්මස්ස අධිපතිපච්චයෙන පච්චයො. සහජාතාධිපති – අනුපාදින්නඅනුපාදානියාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

අනන්තරපච්චයො

56. උපාදින්නුපාදානියො ධම්මො උපාදින්නුපාදානියස්ස ධම්මස්ස අනන්තරපච්චයෙන පච්චයො – පුරිමා පුරිමා උපාදින්නුපාදානියා ඛන්ධා පච්ඡිමානං පච්ඡිමානං උපාදින්නුපාදානියානං ඛන්ධානං අනන්තරපච්චයෙන පච්චයො; පඤ්චවිඤ්ඤාණං විපාකමනොධාතුයා අනන්තරපච්චයෙන පච්චයො; විපාකමනොධාතු විපාකමනොවිඤ්ඤාණධාතුයා අනන්තරපච්චයෙන පච්චයො. (1)

උපාදින්නුපාදානියො ධම්මො අනුපාදින්නුපාදානියස්ස ධම්මස්ස අනන්තරපච්චයෙන පච්චයො – භවඞ්ගං ආවජ්ජනාය, විපාකමනොවිඤ්ඤාණධාතු කිරියමනොවිඤ්ඤාණධාතුයා අනන්තරපච්චයෙන පච්චයො. (2)

අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස අනන්තරපච්චයෙන පච්චයො – පුරිමා පුරිමා අනුපාදින්නුපාදානියා ඛන්ධා පච්ඡිමානං පච්ඡිමානං අනුපාදින්නුපාදානියානං ඛන්ධානං අනන්තරපච්චයෙන පච්චයො; අනුලොමං ගොත්‍රභුස්ස… අනුලොමං වොදානස්ස… ආවජ්ජනා අනුපාදින්නුපාදානියානං ඛන්ධානං අනන්තරපච්චයෙන පච්චයො. (1)

අනුපාදින්නුපාදානියො ධම්මො උපාදින්නුපාදානියස්ස ධම්මස්ස අනන්තරපච්චයෙන පච්චයො – ආවජ්ජනා පඤ්චන්නං විඤ්ඤාණානං අනන්තරපච්චයෙන පච්චයො; අනුපාදින්නුපාදානියා ඛන්ධා වුට්ඨානස්ස අනන්තරපච්චයෙන පච්චයො. (2)

අනුපාදින්නුපාදානියො ධම්මො අනුපාදින්නඅනුපාදානියස්ස ධම්මස්ස අනන්තරපච්චයෙන පච්චයො – ගොත්‍රභු මග්ගස්ස… වොදානං මග්ගස්ස… අනුලොමං ඵලසමාපත්තියා… නිරොධා වුට්ඨහන්තස්ස… නෙවසඤ්ඤානාසඤ්ඤායතනං ඵලසමාපත්තියා අනන්තරපච්චයෙන පච්චයො. (3)

අනුපාදින්නඅනුපාදානියො ධම්මො අනුපාදින්නඅනුපාදානියස්ස ධම්මස්ස අනන්තරපච්චයෙන පච්චයො – පුරිමා පුරිමා අනුපාදින්නඅනුපාදානියා ඛන්ධා පච්ඡිමානං පච්ඡිමානං අනුපාදින්නඅනුපාදානියානං ඛන්ධානං අනන්තරපච්චයෙන පච්චයො. මග්ගො ඵලස්ස… ඵලං ඵලස්ස අනන්තරපච්චයෙන පච්චයො. (1)

අනුපාදින්නඅනුපාදානියො ධම්මො උපාදින්නුපාදානියස්ස ධම්මස්ස අනන්තරපච්චයෙන පච්චයො – ඵලං වුට්ඨානස්ස අනන්තරපච්චයෙන පච්චයො. (2)

සමනන්තරපච්චයො

57. උපාදින්නුපාදානියො ධම්මො උපාදින්නුපාදානියස්ස ධම්මස්ස සමනන්තරපච්චයෙන පච්චයො (අනන්තරපච්චයසදිසං).

සහජාතපච්චයො

58. උපාදින්නුපාදානියො ධම්මො උපාදින්නුපාදානියස්ස ධම්මස්ස සහජාතපච්චයෙන පච්චයො – උපාදින්නුපාදානියො එකො ඛන්ධො තිණ්ණන්නං ඛන්ධානං සහජාතපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං…පෙ… පටිසන්ධික්ඛණෙ උපාදින්නුපාදානියො එකො ඛන්ධො තිණ්ණන්නං ඛන්ධානං කටත්තා ච රූපානං සහජාතපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං කටත්තා ච රූපානං…පෙ… ඛන්ධා වත්ථුස්ස…පෙ… වත්ථු ඛන්ධානං…පෙ… එකං මහාභූතං තිණ්ණන්නං මහාභූතානං…පෙ… තයො මහාභූතා එකස්ස මහාභූතස්ස …පෙ… ද්වෙ මහාභූතා ද්වින්නං මහාභූතානං…පෙ… මහාභූතා කටත්තාරූපානං උපාදාරූපානං සහජාතපච්චයෙන පච්චයො. අසඤ්ඤසත්තානං එකං මහාභූතං…පෙ…. (1)

උපාදින්නුපාදානියො ධම්මො අනුපාදින්නුපාදානියස්ස ධම්මස්ස සහජාතපච්චයෙන පච්චයො – උපාදින්නුපාදානියා ඛන්ධා චිත්තසමුට්ඨානානං රූපානං සහජාතපච්චයෙන පච්චයො. (2)

උපාදින්නුපාදානියො ධම්මො උපාදින්නුපාදානියස්ස ච අනුපාදින්නුපාදානියස්ස ච ධම්මස්ස සහජාතපච්චයෙන පච්චයො – උපාදින්නුපාදානියො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො. (3)

අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස සහජාතපච්චයෙන පච්චයො – අනුපාදින්නුපාදානියො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො. අනුපාදින්නුපාදානියං එකං මහාභූතං…පෙ… මහාභූතා චිත්තසමුට්ඨානානං රූපානං …පෙ… බාහිරං… ආහාරසමුට්ඨානං… උතුසමුට්ඨානං එකං මහාභූතං…පෙ… මහාභූතා උපාදාරූපානං සහජාතපච්චයෙන පච්චයො. (1)

අනුපාදින්නඅනුපාදානියො ධම්මො අනුපාදින්නඅනුපාදානියස්ස ධම්මස්ස සහජාතපච්චයෙන පච්චයො – අනුපාදින්නඅනුපාදානියො එකො ඛන්ධො තිණ්ණන්නං ඛන්ධානං…පෙ… ද්වෙ ඛන්ධා ද්වින්නං ඛන්ධානං සහජාතපච්චයෙන පච්චයො. (1)

අනුපාදින්නඅනුපාදානියො ධම්මො අනුපාදින්නුපාදානියස්ස ධම්මස්ස සහජාතපච්චයෙන පච්චයො – අනුපාදින්නඅනුපාදානියා ඛන්ධා චිත්තසමුට්ඨානානං රූපානං සහජාතපච්චයෙන පච්චයො. (2)

අනුපාදින්නඅනුපාදානියො ධම්මො අනුපාදින්නුපාදානියස්ස ච අනුපාදින්නඅනුපාදානියස්ස ච ධම්මස්ස සහජාතපච්චයෙන පච්චයො; අනුපාදින්නඅනුපාදානියො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො. (3)

අනුපාදින්නුපාදානියො ච අනුපාදින්නඅනුපාදානියො ච ධම්මා අනුපාදින්නුපාදානියස්ස ධම්මස්ස සහජාතපච්චයෙන පච්චයො – අනුපාදින්නඅනුපාදානියා ඛන්ධා ච මහාභූතා ච චිත්තසමුට්ඨානානං රූපානං සහජාතපච්චයෙන පච්චයො. (1)

උපාදින්නුපාදානියො ච අනුපාදින්නුපාදානියො ච ධම්මා අනුපාදින්නුපාදානියස්ස ධම්මස්ස සහජාතපච්චයෙන පච්චයො – උපාදින්නුපාදානියා ඛන්ධා ච මහාභූතා ච චිත්තසමුට්ඨානානං රූපානං සහජාතපච්චයෙන පච්චයො. (1)

අඤ්ඤමඤ්ඤපච්චයො

59. උපාදින්නුපාදානියො ධම්මො උපාදින්නුපාදානියස්ස ධම්මස්ස අඤ්ඤමඤ්ඤපච්චයෙන පච්චයො – උපාදින්නුපාදානියො එකො ඛන්ධො තිණ්ණන්නං ඛන්ධානං අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං…පෙ… පටිසන්ධික්ඛණෙ උපාදින්නුපාදානියො එකො ඛන්ධො තිණ්ණන්නං ඛන්ධානං වත්ථුස්ස ච…පෙ… ඛන්ධා වත්ථුස්ස…පෙ… වත්ථු ඛන්ධානං…පෙ… එකං මහාභූතං තිණ්ණන්නං මහාභූතානං…පෙ… ද්වෙ මහාභූතා ද්වින්නං මහාභූතානං…පෙ… අසඤ්ඤසත්තානං එකං මහාභූතං…පෙ…. (1)

අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස අඤ්ඤමඤ්ඤපච්චයෙන පච්චයො – අනුපාදින්නුපාදානියො එකො ඛන්ධො තිණ්ණන්නං ඛන්ධානං…පෙ… ද්වෙ ඛන්ධා ද්වින්නං ඛන්ධානං අඤ්ඤමඤ්ඤපච්චයෙන පච්චයො. එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං එකං මහාභූතං…පෙ…. (1)

අනුපාදින්නඅනුපාදානියො ධම්මො අනුපාදින්නඅනුපාදානියස්ස ධම්මස්ස අඤ්ඤමඤ්ඤපච්චයෙන පච්චයො – අනුපාදින්නඅනුපාදානියො එකො ඛන්ධො තිණ්ණන්නං ඛන්ධානං…පෙ… ද්වෙ ඛන්ධා ද්වින්නං ඛන්ධානං…පෙ…. (1)

නිස්සයපච්චයො

60. උපාදින්නුපාදානියො ධම්මො උපාදින්නුපාදානියස්ස ධම්මස්ස නිස්සයපච්චයෙන පච්චයො – උපාදින්නුපාදානියො එකො ඛන්ධො තිණ්ණන්නං ඛන්ධානං නිස්සයපච්චයෙන පච්චයො…පෙ… පටිසන්ධික්ඛණෙ…පෙ… එකං මහාභූතං…පෙ… අසඤ්ඤසත්තානං එකං මහාභූතං…පෙ… චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු උපාදින්නුපාදානියානං ඛන්ධානං නිස්සයපච්චයෙන පච්චයො. (1)

උපාදින්නුපාදානියො ධම්මො අනුපාදින්නුපාදානියස්ස ධම්මස්ස නිස්සයපච්චයෙන පච්චයො – උපාදින්නුපාදානියා ඛන්ධා චිත්තසමුට්ඨානානං රූපානං නිස්සයපච්චයෙන පච්චයො. වත්ථු අනුපාදින්නුපාදානියානං ඛන්ධානං නිස්සයපච්චයෙන පච්චයො. (2)

උපාදින්නුපාදානියො ධම්මො අනුපාදින්නඅනුපාදානියස්ස ධම්මස්ස නිස්සයපච්චයෙන පච්චයො – වත්ථු අනුපාදින්නඅනුපාදානියානං ඛන්ධානං නිස්සයපච්චයෙන පච්චයො. (3)

උපාදින්නුපාදානියො ධම්මො උපාදින්නුපාදානියස්ස ච අනුපාදින්නුපාදානියස්ස ච ධම්මස්ස නිස්සයපච්චයෙන පච්චයො – උපාදින්නුපාදානියො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං නිස්සයපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං චිත්තසමුට්ඨානානඤ්ච රූපානං නිස්සයපච්චයෙන පච්චයො. (4)

අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස… එකා.

අනුපාදින්නඅනුපාදානියො ධම්මො… තීණි.

උපාදින්නුපාදානියො ච අනුපාදින්නඅනුපාදානියො ච ධම්මා අනුපාදින්නඅනුපාදානියස්ස ධම්මස්ස නිස්සයපච්චයෙන පච්චයො – අනුපාදින්නඅනුපාදානියො එකො ඛන්ධො ච වත්ථු ච තිණ්ණන්නං ඛන්ධානං නිස්සයපච්චයෙන පච්චයො…පෙ… ද්වෙ ඛන්ධා ච වත්ථු ච ද්වින්නං ඛන්ධානං නිස්සයපච්චයෙන පච්චයො. (1)

අනුපාදින්නුපාදානියො ච අනුපාදින්නඅනුපාදානියො ච ධම්මා අනුපාදින්නුපාදානියස්ස ධම්මස්ස නිස්සයපච්චයෙන පච්චයො – අනුපාදින්නඅනුපාදානියා ඛන්ධා ච මහාභූතා ච චිත්තසමුට්ඨානානං රූපානං නිස්සයපච්චයෙන පච්චයො. (1)

උපාදින්නුපාදානියො ච අනුපාදින්නුපාදානියො ච ධම්මා අනුපාදින්නුපාදානියස්ස ධම්මස්ස නිස්සයපච්චයෙන පච්චයො – උපාදින්නුපාදානියා ඛන්ධා ච මහාභූතා ච චිත්තසමුට්ඨානානං රූපානං නිස්සයපච්චයෙන පච්චයො. අනුපාදින්නුපාදානියො එකො ඛන්ධො ච වත්ථු ච තිණ්ණන්නං ඛන්ධානං නිස්සයපච්චයෙන පච්චයො…පෙ… ද්වෙ ඛන්ධා ච වත්ථු ච ද්වින්නං ඛන්ධානං නිස්සයපච්චයෙන පච්චයො. (1)

උපනිස්සයපච්චයො

61. උපාදින්නුපාදානියො ධම්මො උපාදින්නුපාදානියස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – කායිකං සුඛං කායිකස්ස සුඛස්ස, කායිකස්ස දුක්ඛස්ස උපනිස්සයපච්චයෙන පච්චයො. කායිකං දුක්ඛං කායිකස්ස සුඛස්ස, කායිකස්ස දුක්ඛස්ස…පෙ… උතු කායිකස්ස සුඛස්ස, කායිකස්ස දුක්ඛස්ස…පෙ… භොජනං කායිකස්ස සුඛස්ස, කායිකස්ස දුක්ඛස්ස…පෙ… කායිකං සුඛං… කායිකං දුක්ඛං… උතු… භොජනං කායිකස්ස සුඛස්ස, කායිකස්ස දුක්ඛස්ස උපනිස්සයපච්චයෙන පච්චයො. (1)

උපාදින්නුපාදානියො ධම්මො අනුපාදින්නුපාදානියස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – කායිකං සුඛං උපනිස්සාය දානං දෙති, සීලං සමාදියති, උපොසථකම්මං කරොති, ඣානං උප්පාදෙති, විපස්සනං උප්පාදෙති, අභිඤ්ඤං උප්පාදෙති, සමාපත්තිං උප්පාදෙති, පාණං හනති…පෙ… සඞ්ඝං භින්දති. කායිකං දුක්ඛං… උතුං… භොජනං උපනිස්සාය දානං දෙති…පෙ… සඞ්ඝං භින්දති. කායිකං සුඛං… කායිකං දුක්ඛං… උතු… භොජනං අනුපාදින්නුපාදානියාය සද්ධාය… සීලස්ස… සුතස්ස… චාගස්ස… පඤ්ඤාය… රාගස්ස… දොසස්ස… මොහස්ස… මානස්ස… දිට්ඨියා… පත්ථනාය උපනිස්සයපච්චයෙන පච්චයො. (2)

උපාදින්නුපාදානියො ධම්මො අනුපාදින්නඅනුපාදානියස්ස ධම්මස්ස උපනිස්සයපච්චයෙන පච්චයො. පකතූපනිස්සයො – කායිකං සුඛං උපනිස්සාය මග්ගං උප්පාදෙති, ඵලසමාපත්තිං සමාපජ්ජති. කායිකං දුක්ඛං… උතුං… භොජනං උපනිස්සාය මග්ගං උප්පාදෙති, ඵලසමාපත්තිං සමාපජ්ජති. කායිකං සුඛං… කායිකං දුක්ඛං… උතු… භොජනං මග්ගස්ස… ඵලසමාපත්තියා උපනිස්සයපච්චයෙන පච්චයො. (3)

62. අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අනුපාදින්නුපාදානියං සද්ධං උපනිස්සාය දානං දෙති, සීලං සමාදියති, උපොසථකම්මං කරොති, ඣානං උප්පාදෙති, විපස්සනං උප්පාදෙති, අභිඤ්ඤං උප්පාදෙති, සමාපත්තිං උප්පාදෙති, මානං ජප්පෙති, දිට්ඨිං ගණ්හාති. අනුපාදින්නුපාදානියං සීලං… සුතං… චාගං… පඤ්ඤං… රාගං… දොසං… මොහං… මානං … දිට්ඨිං… පත්ථනං… උතුං… භොජනං… සෙනාසනං උපනිස්සාය දානං දෙති…පෙ… සමාපත්තිං උප්පාදෙති, මානං ජප්පෙති, දිට්ඨිං ගණ්හාති, පාණං හනති…පෙ… සඞ්ඝං භින්දති. අනුපාදින්නුපාදානියා සද්ධා… සීලං… සුතං… චාගො… පඤ්ඤා… රාගො… දොසො… මොහො… මානො… දිට්ඨි… පත්ථනා… උතු… භොජනං… සෙනාසනං… අනුපාදින්නුපාදානියාය සද්ධාය… සීලස්ස… සුතස්ස… චාගස්ස… පඤ්ඤාය… රාගස්ස… දොසස්ස… මොහස්ස… මානස්ස… දිට්ඨියා… පත්ථනාය උපනිස්සයපච්චයෙන පච්චයො. පඨමස්ස ඣානස්ස පරිකම්මං පඨමස්ස ඣානස්ස…පෙ… නෙවසඤ්ඤානාසඤ්ඤායතනස්ස පරිකම්මං නෙවසඤ්ඤානාසඤ්ඤායතනස්ස…පෙ… පඨමං ඣානං දුතියස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස…පෙ… පාණාතිපාතො පාණාතිපාතස්ස…පෙ… නියතමිච්ඡාදිට්ඨි නියතමිච්ඡාදිට්ඨියා…පෙ…. (1)

අනුපාදින්නුපාදානියො ධම්මො උපාදින්නුපාදානියස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – අනුපාදින්නුපාදානියං සද්ධං උපනිස්සාය අත්තානං ආතාපෙති පරිතාපෙති, පරියිට්ඨිමූලකං දුක්ඛං පච්චනුභොති. අනුපාදින්නුපාදානියං සීලං …පෙ… සෙනාසනං උපනිස්සාය අත්තානං ආතාපෙති පරිතාපෙති, පරියිට්ඨිමූලකං දුක්ඛං පච්චනුභොති. අනුපාදින්නුපාදානියා සද්ධා…පෙ… සෙනාසනං කායිකස්ස සුඛස්ස, කායිකස්ස දුක්ඛස්ස උපනිස්සයපච්චයෙන පච්චයො. කුසලාකුසලං කම්මං විපාකස්ස උපනිස්සයපච්චයෙන පච්චයො. (2)

අනුපාදින්නුපාදානියො ධම්මො අනුපාදින්නඅනුපාදානියස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – පඨමස්ස මග්ගස්ස පරිකම්මං පඨමස්ස මග්ගස්ස උපනිස්සයපච්චයෙන පච්චයො. දුතියස්ස මග්ගස්ස…පෙ… තතියස්ස මග්ගස්ස…පෙ… චතුත්ථස්ස මග්ගස්ස පරිකම්මං චතුත්ථස්ස මග්ගස්ස උපනිස්සයපච්චයෙන පච්චයො. (3)

63. අනුපාදින්නඅනුපාදානියො ධම්මො අනුපාදින්නඅනුපාදානියස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – පඨමො මග්ගො දුතියස්ස මග්ගස්ස උපනිස්සයපච්චයෙන පච්චයො. දුතියො මග්ගො තතියස්ස මග්ගස්ස…පෙ… තතියො මග්ගො චතුත්ථස්ස මග්ගස්ස…පෙ… මග්ගො ඵලසමාපත්තියා උපනිස්සයපච්චයෙන පච්චයො. (1)

අනුපාදින්නඅනුපාදානියො ධම්මො උපාදින්නුපාදානියස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – ඵලසමාපත්ති කායිකස්ස සුඛස්ස උපනිස්සයපච්චයෙන පච්චයො. (2)

අනුපාදින්නඅනුපාදානියො ධම්මො අනුපාදින්නුපාදානියස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, පකතූනිස්සයො…පෙ…. පකතූපනිස්සයො – අරියා මග්ගං උපනිස්සාය අනුප්පන්නං සමාපත්තිං උප්පාදෙන්ති, උප්පන්නං සමාපත්තිං සමාපජ්ජන්ති, සඞ්ඛාරෙ අනිච්චතො දුක්ඛතො අනත්තතො විපස්සන්ති. මග්ගො අරියානං අත්ථප්පටිසම්භිදාය ධම්මප්පටිසම්භිදාය නිරුත්තිප්පටිසම්භිදාය පටිභානප්පටිසම්භිදාය ඨානාඨානකොසල්ලස්ස උපනිස්සයපච්චයෙන පච්චයො. (3)

පුරෙජාතපච්චයො

64. උපාදින්නුපාදානියො ධම්මො උපාදින්නුපාදානියස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – සෙක්ඛා වා පුථුජ්ජනා වා චක්ඛුං අනිච්චතො දුක්ඛතො අනත්තතො විපස්සන්ති, අස්සාදෙන්ති අභිනන්දන්ති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති; කුසලාකුසලෙ නිරුද්ධෙ විපාකො තදාරම්මණතා උප්පජ්ජති. සොතං… ඝානං… ජිව්හං… කායං… උපාදින්නුපාදානියෙ රූපෙ… ගන්ධෙ… රසෙ… ඵොට්ඨබ්බෙ… වත්ථුං අනිච්චතො දුක්ඛතො අනත්තතො විපස්සන්ති, අස්සාදෙන්ති අභිනන්දන්ති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. කුසලාකුසලෙ නිරුද්ධෙ විපාකො තදාරම්මණතා උප්පජ්ජති. උපාදින්නුපාදානියං රූපායතනං චක්ඛුවිඤ්ඤාණස්ස…පෙ… උපාදින්නුපාදානියං ගන්ධායතනං… රසායතනං… ඵොට්ඨබ්බායතනං කායවිඤ්ඤාණස්ස පුරෙජාතපච්චයෙන පච්චයො. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු උපාදින්නුපාදානියානං ඛන්ධානං පුරෙජාතපච්චයෙන පච්චයො. (1)

උපාදින්නුපාදානියො ධම්මො අනුපාදින්නුපාදානියස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං අනිච්චතො දුක්ඛතො අනත්තතො විපස්සන්ති, අස්සාදෙන්ති අභිනන්දන්ති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. සොතං…පෙ… වත්ථුං අනිච්චතො දුක්ඛතො අනත්තතො විපස්සති, අස්සාදෙති අභිනන්දති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. දිබ්බෙන චක්ඛුනා උපාදින්නුපාදානියං රූපං පස්සන්ති. වත්ථුපුරෙජාතං – වත්ථු අනුපාදින්නුපාදානියානං ඛන්ධානං පුරෙජාතපච්චයෙන පච්චයො. (2)

උපාදින්නුපාදානියො ධම්මො අනුපාදින්නඅනුපාදානියස්ස ධම්මස්ස පුරෙජාතපච්චයෙන පච්චයො. වත්ථුපුරෙජාතං – වත්ථු අනුපාදින්නඅනුපාදානියානං ඛන්ධානං පුරෙජාතපච්චයෙන පච්චයො. (3)

65. අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස පුරෙජාතපච්චයෙන පච්චයො. ආරම්මණපුරෙජාතං – අනුපාදින්නුපාදානියෙ රූපෙ… සද්දෙ… ගන්ධෙ… රසෙ… ඵොට්ඨබ්බෙ අනිච්චතො දුක්ඛතො අනත්තතො විපස්සති, අස්සාදෙති අභිනන්දති; තං ආරබ්භ රාගො උප්පජ්ජති …පෙ… දොමනස්සං උප්පජ්ජති. දිබ්බෙන චක්ඛුනා අනුපාදින්නුපාදානියං රූපං පස්සති, දිබ්බාය සොතධාතුයා සද්දං සුණාති. (1)

අනුපාදින්නුපාදානියො ධම්මො උපාදින්නුපාදානියස්ස ධම්මස්ස පුරෙජාතපච්චයෙන පච්චයො. ආරම්මණපුරෙජාතං – අනුපාදින්නුපාදානියෙ රූපෙ… සද්දෙ… ගන්ධෙ… රසෙ… ඵොට්ඨබ්බෙ අනිච්චතො දුක්ඛතො අනත්තතො විපස්සති, අස්සාදෙති අභිනන්දති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. කුසලාකුසලෙ නිරුද්ධෙ විපාකො තදාරම්මණතා උප්පජ්ජති. අනුපාදින්නුපාදානියං රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස පුරෙජාතපච්චයෙන පච්චයො. (2)

උපාදින්නුපාදානියො ච අනුපාදින්නුපාදානියො ච ධම්මා උපාදින්නුපාදානියස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. අනුපාදින්නුපාදානියං රූපායතනඤ්ච චක්ඛායතනඤ්ච චක්ඛුවිඤ්ඤාණස්ස පුරෙජාතපච්චයෙන පච්චයො…පෙ… අනුපාදින්නුපාදානියං ඵොට්ඨබ්බායතනඤ්ච කායායතනඤ්ච කායවිඤ්ඤාණස්ස පුරෙජාතපච්චයෙන පච්චයො. අනුපාදින්නුපාදානියං රූපායතනඤ්ච වත්ථු ච උපාදින්නුපාදානියානං ඛන්ධානං පුරෙජාතපච්චයෙන පච්චයො…පෙ… අනුපාදින්නුපාදානියං ඵොට්ඨබ්බායතනඤ්ච වත්ථු ච උපාදින්නුපාදානියානං ඛන්ධානං පුරෙජාතපච්චයෙන පච්චයො. (1)

උපාදින්නුපාදානියො ච අනුපාදින්නුපාදානියො ච ධම්මා අනුපාදින්නුපාදානියස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. අනුපාදින්නුපාදානියං රූපායතනඤ්ච වත්ථු ච අනුපාදින්නුපාදානියානං ඛන්ධානං පුරෙජාතපච්චයෙන පච්චයො…පෙ… අනුපාදින්නුපාදානියං ඵොට්ඨබ්බායතනඤ්ච වත්ථු ච අනුපාදින්නුපාදානියානං ඛන්ධානං පුරෙජාතපච්චයෙන පච්චයො. (2)

පච්ඡාජාතපච්චයො

66. උපාදින්නුපාදානියො ධම්මො උපාදින්නුපාදානියස්ස ධම්මස්ස පච්ඡාජාතපච්චයෙන පච්චයො – පච්ඡාජාතා උපාදින්නුපාදානියා ඛන්ධා පුරෙජාතස්ස ඉමස්ස උපාදින්නුපාදානියස්ස කායස්ස පච්ඡාජාතපච්චයෙන පච්චයො. (1)

උපාදින්නුපාදානියො ධම්මො අනුපාදින්නුපාදානියස්ස ධම්මස්ස පච්ඡාජාතපච්චයෙන පච්චයො – පච්ඡාජාතා උපාදින්නුපාදානියා ඛන්ධා පුරෙජාතස්ස ඉමස්ස අනුපාදින්නුපාදානියස්ස කායස්ස පච්ඡාජාතපච්චයෙන පච්චයො. (2)

උපාදින්නුපාදානියො ධම්මො උපාදින්නුපාදානියස්ස ච අනුපාදින්නුපාදානියස්ස ච ධම්මස්ස පච්ඡාජාතපච්චයෙන පච්චයො – පච්ඡාජාතා උපාදින්නුපාදානියා ඛන්ධා පුරෙජාතස්ස ඉමස්ස උපාදින්නුපාදානියස්ස ච අනුපාදින්නුපාදානියස්ස ච කායස්ස පච්ඡාජාතපච්චයෙන පච්චයො. (3)

අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අනුපාදින්නුපාදානියා ඛන්ධා පුරෙජාතස්ස ඉමස්ස අනුපාදින්නුපාදානියස්ස කායස්ස පච්ඡාජාතපච්චයෙන පච්චයො. (1)

අනුපාදින්නුපාදානියො ධම්මො උපාදින්නුපාදානියස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අනුපාදින්නුපාදානියා ඛන්ධා පුරෙජාතස්ස ඉමස්ස උපාදින්නුපාදානියස්ස කායස්ස පච්ඡාජාතපච්චයෙන පච්චයො. (2)

අනුපාදින්නුපාදානියො ධම්මො උපාදින්නුපාදානියස්ස ච අනුපාදින්නුපාදානියස්ස ච ධම්මස්ස පච්ඡාජාතපච්චයෙන පච්චයො – පච්ඡාජාතා අනුපාදින්නුපාදානියා ඛන්ධා පුරෙජාතස්ස ඉමස්ස උපාදින්නුපාදානියස්ස ච අනුපාදින්නුපාදානියස්ස ච කායස්ස පච්ඡාජාතපච්චයෙන පච්චයො. (3)

67. අනුපාදින්නඅනුපාදානියො ධම්මො උපාදින්නුපාදානියස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අනුපාදින්නඅනුපාදානියා ඛන්ධා පුරෙජාතස්ස ඉමස්ස උපාදින්නුපාදානියස්ස කායස්ස පච්ඡාජාතපච්චයෙන පච්චයො. (1)

අනුපාදින්නඅනුපාදානියො ධම්මො අනුපාදින්නුපාදානියස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අනුපාදින්නඅනුපාදානියා ඛන්ධා පුරෙජාතස්ස ඉමස්ස අනුපාදින්නුපාදානියස්ස කායස්ස පච්ඡාජාතපච්චයෙන පච්චයො. (2)

අනුපාදින්නඅනුපාදානියො ධම්මො උපාදින්නුපාදානියස්ස ච අනුපාදින්නුපාදානියස්ස ච ධම්මස්ස පච්ඡාජාතපච්චයෙන පච්චයො – පච්ඡාජාතා අනුපාදින්නඅනුපාදානියා ඛන්ධා පුරෙජාතස්ස ඉමස්ස උපාදින්නුපාදානියස්ස ච අනුපාදින්නුපාදානියස්ස ච කායස්ස පච්ඡාජාතපච්චයෙන පච්චයො. (3)

ආසෙවනපච්චයො

68. අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස ආසෙවනපච්චයෙන පච්චයො – පුරිමා පුරිමා අනුපාදින්නුපාදානියා ඛන්ධා පච්ඡිමානං පච්ඡිමානං අනුපාදින්නුපාදානියානං ඛන්ධානං ආසෙවනපච්චයෙන පච්චයො. අනුලොමං ගොත්‍රභුස්ස… අනුලොමං වොදානස්ස ආසෙවනපච්චයෙන පච්චයො. (1)

අනුපාදින්නුපාදානියො ධම්මො අනුපාදින්නඅනුපාදානියස්ස ධම්මස්ස ආසෙවනපච්චයෙන පච්චයො – ගොත්‍රභු මග්ගස්ස… වොදානං මග්ගස්ස ආසෙවනපච්චයෙන පච්චයො. (2)

කම්මපච්චයො

69. උපාදින්නුපාදානියො ධම්මො උපාදින්නුපාදානියස්ස ධම්මස්ස කම්මපච්චයෙන පච්චයො – උපාදින්නුපාදානියා චෙතනා සම්පයුත්තකානං ඛන්ධානං කම්මපච්චයෙන පච්චයො; පටිසන්ධික්ඛණෙ උපාදින්නුපාදානියා චෙතනා සම්පයුත්තකානං ඛන්ධානං කටත්තා ච රූපානං කම්මපච්චයෙන පච්චයො. චෙතනා වත්ථුස්ස කම්මපච්චයෙන පච්චයො. (1)

උපාදින්නුපාදානියො ධම්මො අනුපාදින්නුපාදානියස්ස ධම්මස්ස කම්මපච්චයෙන පච්චයො – උපාදින්නුපාදානියා චෙතනා චිත්තසමුට්ඨානානං රූපානං කම්මපච්චයෙන පච්චයො. (2)

උපාදින්නුපාදානියො ධම්මො උපාදින්නුපාදානියස්ස ච අනුපාදින්නුපාදානියස්ස ච ධම්මස්ස කම්මපච්චයෙන පච්චයො – උපාදින්නුපාදානියා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. (3)

අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස කම්මපච්චයෙන පච්චයො – අනුපාදින්නුපාදානියා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. (1)

අනුපාදින්නුපාදානියො ධම්මො උපාදින්නුපාදානියස්ස ධම්මස්ස කම්මපච්චයෙන පච්චයො – නානාක්ඛණිකා අනුපාදින්නුපාදානියා චෙතනා විපාකානං උපාදින්නුපාදානියානං ඛන්ධානං කටත්තා ච රූපානං කම්මපච්චයෙන පච්චයො. (2)

70. අනුපාදින්නඅනුපාදානියො ධම්මො අනුපාදින්නඅනුපාදානියස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – අනුපාදින්නඅනුපාදානියා චෙතනා සම්පයුත්තකානං ඛන්ධානං කම්මපච්චයෙන පච්චයො. නානාක්ඛණිකා – අනුපාදින්නඅනුපාදානියා කුසලා චෙතනා විපාකානං අනුපාදින්නඅනුපාදානියානං ඛන්ධානං කම්මපච්චයෙන පච්චයො. (1)

අනුපාදින්නඅනුපාදානියො ධම්මො අනුපාදින්නුපාදානියස්ස ධම්මස්ස කම්මපච්චයෙන පච්චයො – අනුපාදින්නඅනුපාදානියා චෙතනා චිත්තසමුට්ඨානානං රූපානං කම්මපච්චයෙන පච්චයො. (2)

අනුපාදින්නඅනුපාදානියො ධම්මො අනුපාදින්නුපාදානියස්ස ච අනුපාදින්නඅනුපාදානියස්ස ච ධම්මස්ස කම්මපච්චයෙන පච්චයො – අනුපාදින්නඅනුපාදානියා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. (3)

විපාකපච්චයො

71. උපාදින්නුපාදානියො ධම්මො උපාදින්නුපාදානියස්ස ධම්මස්ස විපාකපච්චයෙන පච්චයො – විපාකො උපාදින්නුපාදානියො එකො ඛන්ධො තිණ්ණන්නං ඛන්ධානං විපාකපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං විපාකපච්චයෙන පච්චයො; පටිසන්ධික්ඛණෙ විපාකො උපාදින්නුපාදානියො එකො ඛන්ධො තිණ්ණන්නං ඛන්ධානං කටත්තා ච රූපානං විපාකපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං කටත්තා ච රූපානං විපාකපච්චයෙන පච්චයො. ඛන්ධා වත්ථුස්ස විපාකපච්චයෙන පච්චයො. (1)

උපාදින්නුපාදානියො ධම්මො අනුපාදින්නුපාදානියස්ස ධම්මස්ස විපාකපච්චයෙන පච්චයො – විපාකා උපාදින්නුපාදානියා ඛන්ධා චිත්තසමුට්ඨානානං රූපානං විපාකපච්චයෙන පච්චයො. (2)

උපාදින්නුපාදානියො ධම්මො උපාදින්නුපාදානියස්ස ච අනුපාදින්නුපාදානියස්ස ච ධම්මස්ස විපාකපච්චයෙන පච්චයො – විපාකො උපාදින්නුපාදානියො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො …පෙ… ද්වෙ ඛන්ධා ද්වින්නං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො. (3)

අනුපාදින්නඅනුපාදානියො ධම්මො අනුපාදින්නඅනුපාදානියස්ස ධම්මස්ස විපාකපච්චයෙන පච්චයො – විපාකො අනුපාදින්නඅනුපාදානියො එකො ඛන්ධො තිණ්ණන්නං ඛන්ධානං විපාකපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං විපාකපච්චයෙන පච්චයො. (1)

අනුපාදින්නඅනුපාදානියො ධම්මො අනුපාදින්නුපාදානියස්ස ධම්මස්ස විපාකපච්චයෙන පච්චයො – විපාකා අනුපාදින්නඅනුපාදානියා ඛන්ධා චිත්තසමුට්ඨානානං රූපානං විපාකපච්චයෙන පච්චයො. (2)

අනුපාදින්නඅනුපාදානියො ධම්මො අනුපාදින්නුපාදානියස්ස ච අනුපාදින්නඅනුපාදානියස්ස ච ධම්මස්ස විපාකපච්චයෙන පච්චයො – විපාකො අනුපාදින්නඅනුපාදානියො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො. (3)

ආහාරපච්චයො

72. උපාදින්නුපාදානියො ධම්මො උපාදින්නුපාදානියස්ස ධම්මස්ස ආහාරපච්චයෙන පච්චයො – උපාදින්නුපාදානියා ආහාරා සම්පයුත්තකානං ඛන්ධානං ආහාරපච්චයෙන පච්චයො; පටිසන්ධික්ඛණෙ උපාදින්නුපාදානියා ආහාරා සම්පයුත්තකානං ඛන්ධානං කටත්තා ච රූපානං ආහාරපච්චයෙන පච්චයො. උපාදින්නුපාදානියො කබළීකාරො ආහාරො උපාදින්නුපාදානියස්ස කායස්ස ආහාරපච්චයෙන පච්චයො. (1)

උපාදින්නුපාදානියො ධම්මො අනුපාදින්නුපාදානියස්ස ධම්මස්ස ආහාරපච්චයෙන පච්චයො – උපාදින්නුපාදානියා ආහාරා චිත්තසමුට්ඨානානං රූපානං ආහාරපච්චයෙන පච්චයො; උපාදින්නුපාදානියො කබළීකාරො ආහාරො අනුපාදින්නුපාදානියස්ස කායස්ස ආහාරපච්චයෙන පච්චයො. (2)

උපාදින්නුපාදානියො ධම්මො උපාදින්නුපාදානියස්ස ච අනුපාදින්නුපාදානියස්ස ච ධම්මස්ස ආහාරපච්චයෙන පච්චයො – උපාදින්නුපාදානියා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො. උපාදින්නුපාදානියො කබළීකාරො ආහාරො උපාදින්නුපාදානියස්ස ච අනුපාදින්නුපාදානියස්ස ච කායස්ස ආහාරපච්චයෙන පච්චයො. (3)

73. අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස ආහාරපච්චයෙන පච්චයො – අනුපාදින්නුපාදානියා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො. අනුපාදින්නුපාදානියො කබළීකාරො ආහාරො අනුපාදින්නුපාදානියස්ස කායස්ස ආහාරපච්චයෙන පච්චයො. (1)

අනුපාදින්නුපාදානියො ධම්මො උපාදින්නුපාදානියස්ස ධම්මස්ස ආහාරපච්චයෙන පච්චයො – අනුපාදින්නුපාදානියො කබළීකාරො ආහාරො උපාදින්නුපාදානියස්ස කායස්ස ආහාරපච්චයෙන පච්චයො. (2)

අනුපාදින්නුපාදානියො ධම්මො උපාදින්නුපාදානියස්ස ච අනුපාදින්නුපාදානියස්ස ච ධම්මස්ස ආහාරපච්චයෙන පච්චයො – අනුපාදින්නුපාදානියො කබළීකාරො ආහාරො උපාදින්නුපාදානියස්ස ච අනුපාදින්නුපාදානියස්ස ච කායස්ස ආහාරපච්චයෙන පච්චයො. (3)

අනුපාදින්නඅනුපාදානියො ධම්මො අනුපාදින්නඅනුපාදානියස්ස ධම්මස්ස ආහාරපච්චයෙන පච්චයො – අනුපාදින්නඅනුපාදානියා ආහාරා සම්පයුත්තකානං ඛන්ධානං ආහාරපච්චයෙන පච්චයො. (1)

අනුපාදින්නඅනුපාදානියො ධම්මො අනුපාදින්නුපාදානියස්ස ධම්මස්ස ආහාරපච්චයෙන පච්චයො – අනුපාදින්නඅනුපාදානියා ආහාරා චිත්තසමුට්ඨානානං රූපානං ආහාරපච්චයෙන පච්චයො. (2)

අනුපාදින්නඅනුපාදානියො ධම්මො අනුපාදින්නුපාදානියස්ස ච අනුපාදින්නඅනුපාදානියස්ස ච ධම්මස්ස ආහාරපච්චයෙන පච්චයො – අනුපාදින්නඅනුපාදානියා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො. (3)

74. උපාදින්නුපාදානියො ච අනුපාදින්නුපාදානියො ච ධම්මා උපාදින්නුපාදානියස්ස ධම්මස්ස ආහාරපච්චයෙන පච්චයො – උපාදින්නුපාදානියො ච අනුපාදින්නුපාදානියො ච කබළීකාරො ආහාරො උපාදින්නුපාදානියස්ස කායස්ස ආහාරපච්චයෙන පච්චයො. (1)

උපාදින්නුපාදානියො ච අනුපාදින්නුපාදානියො ච ධම්මා අනුපාදින්නුපාදානියස්ස ධම්මස්ස ආහාරපච්චයෙන පච්චයො – උපාදින්නුපාදානියො ච අනුපාදින්නුපාදානියො ච කබළීකාරො ආහාරො අනුපාදින්නුපාදානියස්ස කායස්ස ආහාරපච්චයෙන පච්චයො. (2)

උපාදින්නුපාදානියො ච අනුපාදින්නුපාදානියො ච ධම්මා උපාදින්නුපාදානියස්ස ච අනුපාදින්නුපාදානියස්ස ච ධම්මස්ස ආහාරපච්චයෙන පච්චයො – උපාදින්නුපාදානියො ච අනුපාදින්නුපාදානියො ච කබළීකාරො ආහාරො උපාදින්නුපාදානියස්ස ච අනුපාදින්නුපාදානියස්ස ච කායස්ස ආහාරපච්චයෙන පච්චයො. (3)

ඉන්ද්‍රියපච්චයො

75. උපාදින්නුපාදානියො ධම්මො උපාදින්නුපාදානියස්ස ධම්මස්ස ඉන්ද්‍රියපච්චයෙන පච්චයො – උපාදින්නුපාදානියා ඉන්ද්‍රියා සම්පයුත්තකානං ඛන්ධානං ඉන්ද්‍රියපච්චයෙන පච්චයො; පටිසන්ධික්ඛණෙ උපාදින්නුපාදානියා ඉන්ද්‍රියා සම්පයුත්තකානං ඛන්ධානං කටත්තා ච රූපානං ඉන්ද්‍රියපච්චයෙන පච්චයො. චක්ඛුන්ද්‍රියං චක්ඛුවිඤ්ඤාණස්ස…පෙ… කායින්ද්‍රියං කායවිඤ්ඤාණස්ස…පෙ… රූපජීවිතින්ද්‍රියං කටත්තාරූපානං ඉන්ද්‍රියපච්චයෙන පච්චයො. (1)

උපාදින්නුපාදානියො ධම්මො අනුපාදින්නුපාදානියස්ස ධම්මස්ස ඉන්ද්‍රියපච්චයෙන පච්චයො – උපාදින්නුපාදානියා ඉන්ද්‍රියා චිත්තසමුට්ඨානානං රූපානං ඉන්ද්‍රියපච්චයෙන පච්චයො. (2)

උපාදින්නුපාදානියො ධම්මො උපාදින්නුපාදානියස්ස ච අනුපාදින්නුපාදානියස්ස ච ධම්මස්ස ඉන්ද්‍රියපච්චයෙන පච්චයො – උපාදින්නුපාදානියා ඉන්ද්‍රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං ඉන්ද්‍රියපච්චයෙන පච්චයො. (3)

අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස ඉන්ද්‍රියපච්චයෙන පච්චයො – අනුපාදින්නුපාදානියා ඉන්ද්‍රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං ඉන්ද්‍රියපච්චයෙන පච්චයො. (1)

අනුපාදින්නඅනුපාදානියො ධම්මො අනුපාදින්නඅනුපාදානියස්ස ධම්මස්ස ඉන්ද්‍රියපච්චයෙන පච්චයො – අනුපාදින්නඅනුපාදානියා ඉන්ද්‍රියා සම්පයුත්තකානං ඛන්ධානං ඉන්ද්‍රියපච්චයෙන පච්චයො. (1)

අනුපාදින්නඅනුපාදානියො ධම්මො අනුපාදින්නුපාදානියස්ස ධම්මස්ස ඉන්ද්‍රියපච්චයෙන පච්චයො – අනුපාදින්නඅනුපාදානියා ඉන්ද්‍රියා චිත්තසමුට්ඨානානං රූපානං ඉන්ද්‍රියපච්චයෙන පච්චයො. (2)

අනුපාදින්නඅනුපාදානියො ධම්මො අනුපාදින්නුපාදානියස්ස ච අනුපාදින්නඅනුපාදානියස්ස ච ධම්මස්ස ඉන්ද්‍රියපච්චයෙන පච්චයො – අනුපාදින්නඅනුපාදානියා ඉන්ද්‍රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං ඉන්ද්‍රියපච්චයෙන පච්චයො. (3)

ඣානපච්චයො

76. උපාදින්නුපාදානියො ධම්මො උපාදින්නුපාදානියස්ස ධම්මස්ස ඣානපච්චයෙන පච්චයො – උපාදින්නුපාදානියානි ඣානඞ්ගානි සම්පයුත්තකානං ඛන්ධානං ඣානපච්චයෙන පච්චයො; පටිසන්ධික්ඛණෙ උපාදින්නුපාදානියානි ඣානඞ්ගානි සම්පයුත්තකානං ඛන්ධානං කටත්තා ච රූපානං ඣානපච්චයෙන පච්චයො. (1)

උපාදින්නුපාදානියො ධම්මො අනුපාදින්නුපාදානියස්ස ධම්මස්ස ඣානපච්චයෙන පච්චයො – උපාදින්නුපාදානියානි ඣානඞ්ගානි චිත්තසමුට්ඨානානං රූපානං ඣානපච්චයෙන පච්චයො. (2)

උපාදින්නුපාදානියො ධම්මො උපාදින්නුපාදානියස්ස ච අනුපාදින්නුපාදානියස්ස ච ධම්මස්ස ඣානපච්චයෙන පච්චයො – උපාදින්නුපාදානියානි ඣානඞ්ගානි සම්පයුත්තකානං ඛන්ධානං චිත්තසමුට්ඨානානඤ්ච රූපානං ඣානපච්චයෙන පච්චයො. (3)

අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස ඣානපච්චයෙන පච්චයො – අනුපාදින්නුපාදානියානි ඣානඞ්ගානි සම්පයුත්තකානං ඛන්ධානං චිත්තසමුට්ඨානානඤ්ච රූපානං ඣානපච්චයෙන පච්චයො. (1)

77. අනුපාදින්නඅනුපාදානියො ධම්මො අනුපාදින්නඅනුපාදානියස්ස ධම්මස්ස ඣානපච්චයෙන පච්චයො – අනුපාදින්නඅනුපාදානියානි ඣානඞ්ගානි සම්පයුත්තකානං ඛන්ධානං ඣානපච්චයෙන පච්චයො. (1)

අනුපාදින්නඅනුපාදානියො ධම්මො අනුපාදින්නුපාදානියස්ස ධම්මස්ස ඣානපච්චයෙන පච්චයො – අනුපාදින්නඅනුපාදානියානි ඣානඞ්ගානි චිත්තසමුට්ඨානානං රූපානං ඣානපච්චයෙන පච්චයො. (2)

අනුපාදින්නඅනුපාදානියො ධම්මො අනුපාදින්නුපාදානියස්ස ච අනුපාදින්නඅනුපාදානියස්ස ච ධම්මස්ස ඣානපච්චයෙන පච්චයො – අනුපාදින්නඅනුපාදානියානි ඣානඞ්ගානි සම්පයුත්තකානං ඛන්ධානං චිත්තසමුට්ඨානානඤ්ච රූපානං ඣානපච්චයෙන පච්චයො. (3)

මග්ගපච්චයො

78. උපාදින්නුපාදානියො ධම්මො උපාදින්නුපාදානියස්ස ධම්මස්ස මග්ගපච්චයෙන පච්චයො – උපාදින්නුපාදානියානි මග්ගඞ්ගානි සම්පයුත්තකානං ඛන්ධානං මග්ගපච්චයෙන පච්චයො. පටිසන්ධික්ඛණෙ…පෙ…. (1)

උපාදින්නුපාදානියො ධම්මො අනුපාදින්නුපාදානියස්ස ධම්මස්ස මග්ගපච්චයෙන පච්චයො – උපාදින්නුපාදානියානි මග්ගඞ්ගානි චිත්තසමුට්ඨානානං රූපානං මග්ගපච්චයෙන පච්චයො. (2)

උපාදින්නුපාදානියො ධම්මො උපාදින්නුපාදානියස්ස ච අනුපාදින්නුපාදානියස්ස ච ධම්මස්ස මග්ගපච්චයෙන පච්චයො – උපාදින්නුපාදානියානි මග්ගඞ්ගානි සම්පයුත්තකානං ඛන්ධානං චිත්තසමුට්ඨානානඤ්ච රූපානං මග්ගපච්චයෙන පච්චයො. (3)

අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස මග්ගපච්චයෙන පච්චයො – අනුපාදින්නුපාදානියානි මග්ගඞ්ගානි සම්පයුත්තකානං ඛන්ධානං චිත්තසමුට්ඨානානඤ්ච රූපානං මග්ගපච්චයෙන පච්චයො. (1)

අනුපාදින්නඅනුපාදානියො ධම්මො අනුපාදින්නඅනුපාදානියස්ස ධම්මස්ස මග්ගපච්චයෙන පච්චයො – අනුපාදින්නඅනුපාදානියානි මග්ගඞ්ගානි සම්පයුත්තකානං ඛන්ධානං මග්ගපච්චයෙන පච්චයො. (1)

අනුපාදින්නඅනුපාදානියො ධම්මො අනුපාදින්නුපාදානියස්ස ධම්මස්ස මග්ගපච්චයෙන පච්චයො – අනුපාදින්නඅනුපාදානියානි මග්ගඞ්ගානි චිත්තසමුට්ඨානානං රූපානං මග්ගපච්චයෙන පච්චයො. (2)

අනුපාදින්නඅනුපාදානියො ධම්මො අනුපාදින්නුපාදානියස්ස ච අනුපාදින්නඅනුපාදානියස්ස ච ධම්මස්ස මග්ගපච්චයෙන පච්චයො – අනුපාදින්නඅනුපාදානියානි මග්ගඞ්ගානි සම්පයුත්තකානං ඛන්ධානං චිත්තසමුට්ඨානානඤ්ච රූපානං මග්ගපච්චයෙන පච්චයො. (3)

සම්පයුත්තපච්චයො

79. උපාදින්නුපාදානියො ධම්මො උපාදින්නුපාදානියස්ස ධම්මස්ස සම්පයුත්තපච්චයෙන පච්චයො – උපාදින්නුපාදානියො එකො ඛන්ධො තිණ්ණන්නං ඛන්ධානං සම්පයුත්තපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං…පෙ… පටිසන්ධික්ඛණෙ…පෙ…. (1)

අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස සම්පයුත්තපච්චයෙන පච්චයො – අනුපාදින්නුපාදානියො එකො ඛන්ධො තිණ්ණන්නං ඛන්ධානං සම්පයුත්තපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං…පෙ…. (1)

අනුපාදින්නඅනුපාදානියො ධම්මො අනුපාදින්නඅනුපාදානියස්ස ධම්මස්ස සම්පයුත්තපච්චයෙන පච්චයො – අනුපාදින්නඅනුපාදානියො එකො ඛන්ධො තිණ්ණන්නං ඛන්ධානං සම්පයුත්තපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං…පෙ…. (1)

විප්පයුත්තපච්චයො

80. උපාදින්නුපාදානියො ධම්මො උපාදින්නුපාදානියස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – පටිසන්ධික්ඛණෙ උපාදින්නුපාදානියා ඛන්ධා කටත්තාරූපානං විප්පයුත්තපච්චයෙන පච්චයො. ඛන්ධා වත්ථුස්ස විප්පයුත්තපච්චයෙන පච්චයො. වත්ථු ඛන්ධානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස විප්පයුත්තපච්චයෙන පච්චයො…පෙ… කායායතනං කායවිඤ්ඤාණස්ස විප්පයුත්තපච්චයෙන පච්චයො. වත්ථු උපාදින්නුපාදානියානං ඛන්ධානං විප්පයුත්තපච්චයෙන පච්චයො. පච්ඡාජාතා – උපාදින්නුපාදානියා ඛන්ධා පුරෙජාතස්ස ඉමස්ස උපාදින්නුපාදානියස්ස කායස්ස විප්පයුත්තපච්චයෙන පච්චයො. (1)

උපාදින්නුපාදානියො ධම්මො අනුපාදින්නුපාදානියස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – උපාදින්නුපාදානියා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පුරෙජාතං – වත්ථු අනුපාදින්නුපාදානියානං ඛන්ධානං විප්පයුත්තපච්චයෙන පච්චයො. පච්ඡාජාතා – උපාදින්නුපාදානියා ඛන්ධා පුරෙජාතස්ස ඉමස්ස අනුපාදින්නුපාදානියස්ස කායස්ස විප්පයුත්තපච්චයෙන පච්චයො. (2)

උපාදින්නුපාදානියො ධම්මො අනුපාදින්නඅනුපාදානියස්ස ධම්මස්ස විප්පයුත්තපච්චයෙන පච්චයො. පුරෙජාතං – වත්ථු අනුපාදින්නඅනුපාදානියානං ඛන්ධානං විප්පයුත්තපච්චයෙන පච්චයො. (3)

උපාදින්නුපාදානියො ධම්මො උපාදින්නුපාදානියස්ස ච අනුපාදින්නුපාදානියස්ස ච ධම්මස්ස විප්පයුත්තපච්චයෙන පච්චයො. පච්ඡාජාතා – උපාදින්නුපාදානියා ඛන්ධා පුරෙජාතස්ස ඉමස්ස උපාදින්නුපාදානියස්ස ච අනුපාදින්නුපාදානියස්ස ච කායස්ස විප්පයුත්තපච්චයෙන පච්චයො. (4)

81. අනුපාදින්නුපාදානියො ධම්මො අනුපාදින්නුපාදානියස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – අනුපාදින්නුපාදානියා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පච්ඡාජාතා – අනුපාදින්නුපාදානියා ඛන්ධා පුරෙජාතස්ස ඉමස්ස අනුපාදින්නුපාදානියස්ස කායස්ස විප්පයුත්තපච්චයෙන පච්චයො. (1)