1. පච්චයානුලොමං

හෙතුපච්චයො

47. උපාදින්නුපාදානියං ධම්මං සංසට්ඨො උපාදින්නුපාදානියො ධම්මො උප්පජ්ජති හෙතුපච්චයා – උපාදින්නුපාදානියං එකං ඛන්ධං සංසට්ඨා තයො ඛන්ධා, තයො ඛන්ධෙ සංසට්ඨො එකො ඛන්ධො, ද්වෙ ඛන්ධෙ සංසට්ඨා ද්වෙ ඛන්ධා, පටිසන්ධික්ඛණෙ උපාදින්නුපාදානියං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ සංසට්ඨා ද්වෙ ඛන්ධා. (1)

අනුපාදින්නුපාදානියං ධම්මං සංසට්ඨො අනුපාදින්නුපාදානියො ධම්මො උප්පජ්ජති හෙතුපච්චයා – අනුපාදින්නුපාදානියං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ සංසට්ඨා ද්වෙ ඛන්ධා. (1)

අනුපාදින්නඅනුපාදානියං ධම්මං සංසට්ඨො අනුපාදින්නඅනුපාදානියො ධම්මො උප්පජ්ජති හෙතුපච්චයා – අනුපාදින්නඅනුපාදානියං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ සංසට්ඨා ද්වෙ ඛන්ධා. (1) (සංඛිත්තං.)

සඞ්ඛ්‍යාවාරො

48. හෙතුයා තීණි…පෙ… අධිපතියා ද්වෙ…පෙ… ආසෙවනෙ ද්වෙ…පෙ… විපාකෙ ද්වෙ…පෙ… අවිගතෙ තීණි.

(යථා කුසලත්තිකෙ ගණනා, එවං ගණෙතබ්බා.)

අනුලොමං.