1. විභඞ්ගවාරො

නහෙතුපච්චයො

36. උපාදින්නුපාදානියං ධම්මං පච්චයා උපාදින්නුපාදානියො ධම්මො උප්පජ්ජති නහෙතුපච්චයා – අහෙතුකං උපාදින්නුපාදානියං එකං ඛන්ධං පච්චයා…පෙ… අහෙතුකපටිසන්ධික්ඛණෙ…පෙ… අසඤ්ඤසත්තානං එකං මහාභූතං…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං; වත්ථුං පච්චයා අහෙතුකා උපාදින්නුපාදානියා ඛන්ධා. (1)

උපාදින්නුපාදානියං ධම්මං පච්චයා අනුපාදින්නුපාදානියො ධම්මො උප්පජ්ජති නහෙතුපච්චයා – අහෙතුකෙ උපාදින්නුපාදානියෙ ඛන්ධෙ පච්චයා චිත්තසමුට්ඨානං රූපං; වත්ථුං පච්චයා අහෙතුකා අනුපාදින්නුපාදානියා ඛන්ධා; වත්ථුං පච්චයා විචිකිච්ඡාසහගතො උද්ධච්චසහගතො මොහො. (2)

උපාදින්නුපාදානියං ධම්මං පච්චයා උපාදින්නුපාදානියො ච අනුපාදින්නුපාදානියො ච ධම්මා උප්පජ්ජන්ති නහෙතුපච්චයා – අහෙතුකං උපාදින්නුපාදානියං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ…. (3)

අනුපාදින්නුපාදානියං ධම්මං පච්චයා අනුපාදින්නුපාදානියො ධම්මො උප්පජ්ජති නහෙතුපච්චයා – අහෙතුකං අනුපාදින්නුපාදානියං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… බාහිරං… ආහාරසමුට්ඨානං… උතුසමුට්ඨානං එකං මහාභූතං…පෙ… රූපං; විචිකිච්ඡාසහගතෙ උද්ධච්චසහගතෙ ඛන්ධෙ පච්චයා විචිකිච්ඡාසහගතො උද්ධච්චසහගතො මොහො. (1)

උපාදින්නුපාදානියඤ්ච අනුපාදින්නුපාදානියඤ්ච ධම්මං පච්චයා අනුපාදින්නුපාදානියො ධම්මො උප්පජ්ජති නහෙතුපච්චයා – අහෙතුකෙ උපාදින්නුපාදානියෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං; අහෙතුකං අනුපාදින්නුපාදානියං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා; විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො. (1)

නආරම්මණපච්චයො

37. උපාදින්නුපාදානියං ධම්මං පච්චයා උපාදින්නුපාදානියො ධම්මො උප්පජ්ජති නආරම්මණපච්චයා (සංඛිත්තං).

නඅධිපතිපච්චයො

38. උපාදින්නුපාදානියං ධම්මං පච්චයා උපාදින්නුපාදානියො ධම්මො උප්පජ්ජති නඅධිපතිපච්චයා – උපාදින්නුපාදානියං එකං ඛන්ධං පච්චයා…පෙ…. (1)

උපාදින්නුපාදානියං ධම්මං පච්චයා අනුපාදින්නුපාදානියො ධම්මො උප්පජ්ජති නඅධිපතිපච්චයා – උපාදින්නුපාදානියෙ ඛන්ධෙ පච්චයා චිත්තසමුට්ඨානං රූපං; වත්ථුං පච්චයා අනුපාදින්නුපාදානියා ඛන්ධා. (2)

උපාදින්නුපාදානියං ධම්මං පච්චයා අනුපාදින්නඅනුපාදානියො ධම්මො උප්පජ්ජති නඅධිපතිපච්චයා – වත්ථුං පච්චයා අනුපාදින්නඅනුපාදානියා අධිපති. (3)

උපාදින්නුපාදානියං ධම්මං පච්චයා උපාදින්නුපාදානියො ච අනුපාදින්නුපාදානියො ච ධම්මා උප්පජ්ජන්ති නඅධිපතිපච්චයා – උපාදින්නුපාදානියං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ…. (4)

අනුපාදින්නුපාදානියං ධම්මං පච්චයා. (එකා පඤ්හා.)

අනුපාදින්නඅනුපාදානියං ධම්මං පච්චයා අනුපාදින්නඅනුපාදානියො ධම්මො උප්පජ්ජති නඅධිපතිපච්චයා – අනුපාදින්නඅනුපාදානියෙ ඛන්ධෙ පච්චයා අනුපාදින්නඅනුපාදානියා අධිපති. (1)

උපාදින්නුපාදානියඤ්ච අනුපාදින්නඅනුපාදානියඤ්ච ධම්මං පච්චයා අනුපාදින්නඅනුපාදානියො ධම්මො උප්පජ්ජති න අධිපතිපච්චයා – අනුපාදින්නඅනුපාදානියෙ ඛන්ධෙ ච වත්ථුඤ්ච පච්චයා අනුපාදින්නඅනුපාදානියා අධිපති. (1)

උපාදින්නුපාදානියඤ්ච අනුපාදින්නුපාදානියඤ්ච ධම්මං පච්චයා අනුපාදින්නුපාදානියො ධම්මො උප්පජ්ජති නඅධිපතිපච්චයා – උපාදින්නුපාදානියෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං; අනුපාදින්නුපාදානියං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා. (1)

නඅනන්තරපච්චයාදි

39. උපාදින්නුපාදානියං ධම්මං පච්චයා උපාදින්නුපාදානියො ධම්මො උප්පජ්ජති නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා… නපුරෙජාතපච්චයා… නපච්ඡාජාතපච්චයා… නආසෙවනපච්චයා…පෙ….

නකම්මපච්චයො

40. උපාදින්නුපාදානියං ධම්මං පච්චයා අනුපාදින්නුපාදානියො ධම්මො උප්පජ්ජති නකම්මපච්චයා – වත්ථුං පච්චයා අනුපාදින්නුපාදානියා චෙතනා. (1)

උපාදින්නුපාදානියං ධම්මං පච්චයා අනුපාදින්නඅනුපාදානියො ධම්මො උප්පජ්ජති නකම්මපච්චයා – වත්ථුං පච්චයා කුසලා අනුපාදින්නඅනුපාදානියා චෙතනා. (2)

අනුපාදින්නුපාදානියං ධම්මං පච්චයා අනුපාදින්නුපාදානියො ධම්මො උප්පජ්ජති නකම්මපච්චයා – අනුපාදින්නුපාදානියෙ ඛන්ධෙ පච්චයා අනුපාදින්නුපාදානියා චෙතනා. බාහිරං… ආහාරසමුට්ඨානං… උතුසමුට්ඨානං එකං මහාභූතං පච්චයා…පෙ…. (1)

අනුපාදින්නඅනුපාදානියං ධම්මං පච්චයා අනුපාදින්නඅනුපාදානියො ධම්මො උප්පජ්ජති නකම්මපච්චයා – කුසලෙ අනුපාදින්නඅනුපාදානියෙ ඛන්ධෙ පච්චයා අනුපාදින්නඅනුපාදානියා චෙතනා. (1)

උපාදින්නුපාදානියඤ්ච අනුපාදින්නඅනුපාදානියඤ්ච ධම්මං පච්චයා අනුපාදින්නඅනුපාදානියො ධම්මො උප්පජ්ජති නකම්මපච්චයා – කුසලෙ අනුපාදින්නඅනුපාදානියෙ ඛන්ධෙ ච වත්ථුඤ්ච පච්චයා අනුපාදින්නඅනුපාදානියා කුසලා චෙතනා. (1)

උපාදින්නුපාදානියඤ්ච අනුපාදින්නුපාදානියඤ්ච ධම්මං පච්චයා අනුපාදින්නුපාදානියො ධම්මො උප්පජ්ජති නකම්මපච්චයා – අනුපාදින්නුපාදානියෙ ඛන්ධෙ ච වත්ථුඤ්ච පච්චයා අනුපාදින්නුපාදානියා චෙතනා. (1)

නවිපාකපච්චයො

41. උපාදින්නුපාදානියං ධම්මං පච්චයා උපාදින්නුපාදානියො ධම්මො උප්පජ්ජති නවිපාකපච්චයා – අසඤ්ඤසත්තානං එකං මහාභූතං පච්චයා…පෙ… (1).

උපාදින්නුපාදානියං ධම්මං පච්චයා අනුපාදින්නුපාදානියො ධම්මො උප්පජ්ජති නවිපාකපච්චයා; වත්ථුං පච්චයා අනුපාදින්නුපාදානියා ඛන්ධා. (2)

උපාදින්නුපාදානියං ධම්මං පච්චයා අනුපාදින්නඅනුපාදානියො ධම්මො උප්පජ්ජති නවිපාකපච්චයා – වත්ථුං පච්චයා කුසලා අනුපාදින්නඅනුපාදානියා ඛන්ධා. (3)

අනුපාදින්නුපාදානියං ධම්මං පච්චයා… එකා.

අනුපාදින්නඅනුපාදානියං ධම්මං පච්චයා… තීණි.

උපාදින්නුපාදානියඤ්ච අනුපාදින්නඅනුපාදානියඤ්ච ධම්මං පච්චයා අනුපාදින්නඅනුපාදානියො ධම්මො උප්පජ්ජති නවිපාකපච්චයා. (සංඛිත්තං.)

අනුපාදින්නුපාදානියඤ්ච අනුපාදින්නඅනුපාදානියඤ්ච ධම්මං පච්චයා අනුපාදින්නුපාදානියො ධම්මො උප්පජ්ජති නවිපාකපච්චයා. (සංඛිත්තං.)

උපාදින්නුපාදානියඤ්ච අනුපාදින්නුපාදානියඤ්ච ධම්මං පච්චයා අනුපාදින්නුපාදානියො ධම්මො උප්පජ්ජති නවිපාකපච්චයා – අනුපාදින්නුපාදානියං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා.

නආහාරපච්චයාදි

42. උපාදින්නුපාදානියං ධම්මං පච්චයා උපාදින්නුපාදානියො ධම්මො උප්පජ්ජති නආහාරපච්චයා… නඉන්ද්‍රියපච්චයා… නඣානපච්චයා… නමග්ගපච්චයා… නසම්පයුත්තපච්චයා… නවිප්පයුත්තපච්චයා… නොනත්ථිපච්චයා… නොවිගතපච්චයා (සංඛිත්තං).