1. විභඞ්ගවාරො

හෙතුපච්චයො

30. උපාදින්නුපාදානියං ධම්මං පච්චයා උපාදින්නුපාදානියො ධම්මො උප්පජ්ජති හෙතුපච්චයා – උපාදින්නුපාදානියං එකං ඛන්ධං පච්චයා තයො ඛන්ධා…පෙ… පටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා; එකං මහාභූතං පච්චයා තයො මහාභූතා…පෙ… මහාභූතෙ පච්චයා කටත්තාරූපං උපාදාරූපං; වත්ථුං පච්චයා උපාදින්නුපාදානියා ඛන්ධා. (1)

උපාදින්නුපාදානියං ධම්මං පච්චයා අනුපාදින්නුපාදානියො ධම්මො උප්පජ්ජති හෙතුපච්චයා – උපාදින්නුපාදානියෙ ඛන්ධෙ පච්චයා චිත්තසමුට්ඨානං රූපං; වත්ථුං පච්චයා අනුපාදින්නුපාදානියා ඛන්ධා. (2)

උපාදින්නුපාදානියං ධම්මං පච්චයා අනුපාදින්නඅනුපාදානියො ධම්මො උප්පජ්ජති හෙතුපච්චයා – වත්ථුං පච්චයා අනුපාදින්නඅනුපාදානියා ඛන්ධා. (3)

උපාදින්නුපාදානියං ධම්මං පච්චයා උපාදින්නුපාදානියො ච අනුපාදින්නුපාදානියො ච ධම්මා උප්පජ්ජන්ති හෙතුපච්චයා – උපාදින්නුපාදානියං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ…. (4)

31. අනුපාදින්නුපාදානියං ධම්මං පච්චයා අනුපාදින්නුපාදානියො ධම්මො උප්පජ්ජති හෙතුපච්චයා… එකා.

අනුපාදින්නඅනුපාදානියං ධම්මං පච්චයා අනුපාදින්නඅනුපාදානියො ධම්මො උප්පජ්ජති හෙතුපච්චයා… තීණි.

උපාදින්නුපාදානියඤ්ච අනුපාදින්නඅනුපාදානියඤ්ච ධම්මං පච්චයා අනුපාදින්නඅනුපාදානියො ධම්මො උප්පජ්ජති හෙතුපච්චයා – අනුපාදින්නඅනුපාදානියං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා. (1)

අනුපාදින්නුපාදානියඤ්ච අනුපාදින්නඅනුපාදානියඤ්ච ධම්මං පච්චයා අනුපාදින්නුපාදානියො ධම්මො උප්පජ්ජති හෙතුපච්චයා – අනුපාදින්නඅනුපාදානියෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (1)

උපාදින්නුපාදානියඤ්ච අනුපාදින්නුපාදානියඤ්ච ධම්මං පච්චයා අනුපාදින්නුපාදානියො ධම්මො උප්පජ්ජති හෙතුපච්චයා – උපාදින්නුපාදානියෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං; අනුපාදින්නුපාදානියං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා. (1)

ආරම්මණපච්චයො

32. උපාදින්නුපාදානියං ධම්මං පච්චයා උපාදින්නුපාදානියො ධම්මො උප්පජ්ජති ආරම්මණපච්චයා – උපාදින්නුපාදානියං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ පච්චයා ද්වෙ ඛන්ධා; පටිසන්ධික්ඛණෙ උපාදින්නුපාදානියං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ පච්චයා ද්වෙ ඛන්ධා; වත්ථුං පච්චයා ඛන්ධා; චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං; වත්ථුං පච්චයා උපාදින්නුපාදානියා ඛන්ධා. (1)

උපාදින්නුපාදානියං ධම්මං පච්චයා අනුපාදින්නුපාදානියො ධම්මො උප්පජ්ජති ආරම්මණපච්චයා – වත්ථුං පච්චයා අනුපාදින්නුපාදානියා ඛන්ධා. (2)

උපාදින්නුපාදානියං ධම්මං පච්චයා අනුපාදින්නඅනුපාදානියො ධම්මො උප්පජ්ජති ආරම්මණපච්චයා – වත්ථුං පච්චයා අනුපාදින්නඅනුපාදානියා ඛන්ධා. (3)

අනුපාදින්නුපාදානියං ධම්මං පච්චයා අනුපාදින්නුපාදානියො ධම්මො උප්පජ්ජති ආරම්මණපච්චයා – අනුපාදින්නුපාදානියං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ පච්චයා ද්වෙ ඛන්ධා. (1)

අනුපාදින්නඅනුපාදානියං ධම්මං පච්චයා අනුපාදින්නඅනුපාදානියො ධම්මො උප්පජ්ජති ආරම්මණපච්චයා – අනුපාදින්නඅනුපාදානියං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ පච්චයා ද්වෙ ඛන්ධා. (1)

උපාදින්නුපාදානියඤ්ච අනුපාදින්නඅනුපාදානියඤ්ච ධම්මං පච්චයා අනුපාදින්නඅනුපාදානියො ධම්මො උප්පජ්ජති ආරම්මණපච්චයා – අනුපාදින්නඅනුපාදානියං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා. (1)

උපාදින්නුපාදානියඤ්ච අනුපාදින්නුපාදානියඤ්ච ධම්මං පච්චයා අනුපාදින්නුපාදානියො ධම්මො උප්පජ්ජති ආරම්මණපච්චයා – අනුපාදින්නුපාදානියං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා. (1)

අධිපතිපච්චයො

33. උපාදින්නුපාදානියං ධම්මං පච්චයා අනුපාදින්නුපාදානියො ධම්මො උප්පජ්ජති අධිපතිපච්චයා – වත්ථුං පච්චයා අනුපාදින්නුපාදානියා ඛන්ධා. (1)

උපාදින්නුපාදානියං ධම්මං පච්චයා අනුපාදින්නඅනුපාදානියො ධම්මො උප්පජ්ජති අධිපතිපච්චයා – වත්ථුං පච්චයා අනුපාදින්නඅනුපාදානියා ඛන්ධා. (2)

අනුපාදින්නුපාදානියං ධම්මං පච්චයා අනුපාදින්නුපාදානියො ධම්මො උප්පජ්ජති අධිපතිපච්චයා… එකා.

අනුපාදින්නඅනුපාදානියං ධම්මං පච්චයා… තිස්සො.

උපාදින්නුපාදානියඤ්ච අනුපාදින්නඅනුපාදානියඤ්ච ධම්මං පච්චයා…පෙ… අධිපතිපච්චයා…පෙ…. (1)

අනුපාදින්නුපාදානියඤ්ච අනුපාදින්නඅනුපාදානියඤ්ච ධම්මං පච්චයා…පෙ… අධිපතිපච්චයා. (1)

උපාදින්නුපාදානියඤ්ච අනුපාදින්නුපාදානියඤ්ච ධම්මං පච්චයා අනුපාදින්නුපාදානියො ධම්මො උප්පජ්ජති අධිපතිපච්චයා – අනුපාදින්නුපාදානියං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා. (1)

අනන්තරපච්චයො

34. උපාදින්නුපාදානියං ධම්මං පච්චයා උපාදින්නුපාදානියො ධම්මො උප්පජ්ජති අනන්තරපච්චයා.

(චතුවීසතිපච්චයා විත්ථාරෙතබ්බා, අවිගතපච්චයා.)