1. විභඞ්ගවාරො

නහෙතුපච්චයො

8. සුඛාය වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ධම්මො උප්පජ්ජති නහෙතුපච්චයා – අහෙතුකං සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

දුක්ඛාය වෙදනාය සම්පයුත්තං ධම්මං පටිච්ච දුක්ඛාය වෙදනාය සම්පයුත්තො ධම්මො උප්පජ්ජති නහෙතුපච්චයා – දුක්ඛසහගතං කායවිඤ්ඤාණසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

අදුක්ඛමසුඛාය වෙදනාය සම්පයුත්තං ධම්මං පටිච්ච අදුක්ඛමසුඛාය වෙදනාය සම්පයුත්තො ධම්මො උප්පජ්ජති නහෙතුපච්චයා – අහෙතුකං අදුක්ඛමසුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො; අහෙතුකපටිසන්ධික්ඛණෙ අදුක්ඛමසුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො; විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො.

නඅධිපතිපච්චයො

9. සුඛාය වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ධම්මො උප්පජ්ජති නඅධිපතිපච්චයා (නාධිපති පරිපුණ්ණං පටිසන්ධිකං).

නපුරෙජාතපච්චයො

10. සුඛාය වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ධම්මො උප්පජ්ජති නපුරෙජාතපච්චයා – අරූපෙ සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො; පටිසන්ධික්ඛණෙ සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

අදුක්ඛමසුඛාය වෙදනාය සම්පයුත්තං ධම්මං පටිච්ච අදුක්ඛමසුඛාය වෙදනාය සම්පයුත්තො ධම්මො උප්පජ්ජති නපුරෙජාතපච්චයා – අරූපෙ අදුක්ඛමසුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො; පටිසන්ධික්ඛණෙ අදුක්ඛමසුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

නපච්ඡාජාත-නආසෙවනපච්චයා

11. සුඛාය වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ධම්මො උප්පජ්ජති නපච්ඡාජාතපච්චයා… නආසෙවනපච්චයා (නපච්ඡාජාතම්පි නආසෙවනම්පි පරිපුණ්ණං පටිසන්ධිකං).

නකම්මපච්චයො

12. සුඛාය වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ධම්මො උප්පජ්ජති නකම්මපච්චයා – සුඛාය වෙදනාය සම්පයුත්තෙ ඛන්ධෙ පටිච්ච සුඛාය වෙදනාය සම්පයුත්තා චෙතනා.

දුක්ඛාය වෙදනාය සම්පයුත්තං ධම්මං පටිච්ච දුක්ඛාය වෙදනාය සම්පයුත්තො ධම්මො උප්පජ්ජති නකම්මපච්චයා – දුක්ඛාය වෙදනාය සම්පයුත්තෙ ඛන්ධෙ පටිච්ච දුක්ඛාය වෙදනාය සම්පයුත්තා චෙතනා.

අදුක්ඛමසුඛාය වෙදනාය සම්පයුත්තං ධම්මං පටිච්ච අදුක්ඛමසුඛාය වෙදනාය සම්පයුත්තො ධම්මො උප්පජ්ජති නකම්මපච්චයා – අදුක්ඛමසුඛාය වෙදනාය සම්පයුත්තෙ ඛන්ධෙ පටිච්ච අදුක්ඛමසුඛාය වෙදනාය සම්පයුත්තා චෙතනා.

නවිපාක-නඣානපච්චයා

13. සුඛාය වෙදනාය සම්පයුත්තං ධම්මං පටිච්ච දුක්ඛාය වෙදනාය සම්පයුත්තො ධම්මො උප්පජ්ජති නවිපාකපච්චයා… නඣානපච්චයා – සුඛසහගතං කායවිඤ්ඤාණසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

දුක්ඛාය වෙදනාය සම්පයුත්තං ධම්මං පටිච්ච දුක්ඛාය වෙදනාය සම්පයුත්තො ධම්මො උප්පජ්ජති නඣානපච්චයා – දුක්ඛසහගතං කායවිඤ්ඤාණසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

අදුක්ඛමසුඛාය වෙදනාය සම්පයුත්තං ධම්මං පටිච්ච අදුක්ඛමසුඛාය වෙදනාය සම්පයුත්තො ධම්මො උප්පජ්ජති නඣානපච්චයා – චතුවිඤ්ඤාණසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

නමග්ගපච්චයො

14. සුඛාය වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ධම්මො උප්පජ්ජති නමග්ගපච්චයා – අහෙතුකං සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

දුක්ඛාය වෙදනාය සම්පයුත්තං ධම්මං පටිච්ච දුක්ඛාය වෙදනාය සම්පයුත්තො ධම්මො උප්පජ්ජති නමග්ගපච්චයා – දුක්ඛසහගතං කායවිඤ්ඤාණසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

අදුක්ඛමසුඛාය වෙදනාය සම්පයුත්තං ධම්මං පටිච්ච අදුක්ඛමසුඛාය වෙදනාය සම්පයුත්තො ධම්මො උප්පජ්ජති නමග්ගපච්චයා – අහෙතුකං අදුක්ඛමසුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො; අහෙතුකපටිසන්ධික්ඛණෙ අදුක්ඛමසුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

නවිප්පයුත්තපච්චයො

15. සුඛාය වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ධම්මො උප්පජ්ජති නවිප්පයුත්තපච්චයා – අරූපෙ සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

අදුක්ඛමසුඛාය වෙදනාය සම්පයුත්තං ධම්මං පටිච්ච අදුක්ඛමසුඛාය වෙදනාය සම්පයුත්තො ධම්මො උප්පජ්ජති නවිප්පයුත්තපච්චයා – අරූපෙ අදුක්ඛමසුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.