1. විභඞ්ගවාරො

හෙතුපච්චයො

1. සුඛාය වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා – සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො; පටිසන්ධික්ඛණෙ සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

දුක්ඛාය වෙදනාය සම්පයුත්තං ධම්මං පටිච්ච දුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා – දුක්ඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

අදුක්ඛමසුඛාය වෙදනාය සම්පයුත්තං ධම්මං පටිච්ච අදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා – අදුක්ඛමසුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො; පටිසන්ධික්ඛණෙ අදුක්ඛමසුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

ආරම්මණපච්චයාදි

2. සුඛාය වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ධම්මො උප්පජ්ජති ආරම්මණපච්චයා… අධිපතිපච්චයා (අධිපතියා පටිසන්ධි නත්ථි)… අනන්තරපච්චයා… සමනන්තරපච්චයා… සහජාතපච්චයා… අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා… පුරෙජාතපච්චයා – සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. වත්ථුං පුරෙජාතපච්චයා (සංඛිත්තං).

ආසෙවනපච්චයාදි

3. සුඛාය වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ධම්මො උප්පජ්ජති ආසෙවනපච්චයා… කම්මපච්චයා… විපාකපච්චයා – සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො; පටිසන්ධික්ඛණෙ සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

දුක්ඛාය වෙදනාය සම්පයුත්තං ධම්මං පටිච්ච දුක්ඛාය වෙදනාය සම්පයුත්තො ධම්මො උප්පජ්ජති විපාකපච්චයා – දුක්ඛසහගතං කායවිඤ්ඤාණසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

අදුක්ඛමසුඛාය වෙදනාය සම්පයුත්තං ධම්මං පටිච්ච අදුක්ඛමසුඛාය වෙදනාය සම්පයුත්තො ධම්මො උප්පජ්ජති විපාකපච්චයා – අදුක්ඛමසුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො; පටිසන්ධික්ඛණෙ අදුක්ඛමසුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.

ආහාරපච්චයාදි

4. සුඛාය වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ධම්මො උප්පජ්ජති ආහාරපච්චයා… ඉන්ද්‍රියපච්චයා… ඣානපච්චයා… මග්ගපච්චයා… සම්පයුත්තපච්චයා… විප්පයුත්තපච්චයා – සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො; වත්ථුං විප්පයුත්තපච්චයා; පටිසන්ධික්ඛණෙ සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. වත්ථුං විප්පයුත්තපච්චයා.

දුක්ඛාය වෙදනාය සම්පයුත්තං ධම්මං පටිච්ච දුක්ඛාය වෙදනාය සම්පයුත්තො ධම්මො උප්පජ්ජති විප්පයුත්තපච්චයා – දුක්ඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. වත්ථුං විප්පයුත්තපච්චයා.

අදුක්ඛමසුඛාය වෙදනාය සම්පයුත්තං ධම්මං පටිච්ච අදුක්ඛමසුඛාය වෙදනාය සම්පයුත්තො ධම්මො උප්පජ්ජති විප්පයුත්තපච්චයා – අදුක්ඛමසුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො; වත්ථුං විප්පයුත්තපච්චයා; පටිසන්ධික්ඛණෙ අදුක්ඛමසුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. වත්ථුං විප්පයුත්තපච්චයා (සංඛිත්තං).

අත්ථිපච්චයාදි

5. අත්ථිපච්චයා… නත්ථිපච්චයා… විගතපච්චයා… අවිගතපච්චයා….