3. පච්චයානුලොමපච්චනීයං
හෙතුසභාගං
88. හෙතුපච්චයා නආරම්මණෙ තීණි, නඅධිපතියා තීණි, නඅනන්තරෙ තීණි, නසමනන්තරෙ තීණි, නඋපනිස්සයෙ තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නආහාරෙ තීණි, නඉන්ද්‍රියෙ තීණි, නඣානෙ තීණි, නමග්ගෙ තීණි, නවිප්පයුත්තෙ තීණි, නොනත්ථියා තීණි, නොවිගතෙ තීණි.
සාමඤ්ඤඝටනා
89. හෙතු-සහජාත-අඤ්ඤමඤ්ඤ-නිස්සය-සම්පයුත්ත-අත්ථි-අවිගතන්ති නආරම්මණෙ තීණි…පෙ… නොවිගතෙ තීණි.
(යථා කුසලත්තිකස්ස අනුලොමපච්චනීයගණනා සජ්ඣායමග්ගෙන ගණිතා, එවං ඉදම්පි ගණෙතබ්බං.)
කම්මපච්චයා නහෙතුයා අට්ඨ, නආරම්මණෙ අට්ඨ…පෙ… නොඅවිගතෙ අට්ඨ (සංඛිත්තං).
අනුලොමපච්චනීයගණනා.