3. පච්චයානුලොමපච්චනීයං

හෙතුදුකං

369. හෙතුපච්චයා නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නවිප්පයුත්තෙ තීණි.

තිකං

හෙතුපච්චයා ආරම්මණපච්චයා නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නවිප්පයුත්තෙ තීණි.

චතුක්කං

හෙතුපච්චයා ආරම්මණපච්චයා අධිපතිපච්චයා නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නවිප්පයුත්තෙ තීණි…පෙ….

එකාදසකං

හෙතුපච්චයා ආරම්මණපච්චයා අධිපතිපච්චයා අනන්තරපච්චයා සමනන්තරපච්චයා සහජාතපච්චයා අඤ්ඤමඤ්ඤපච්චයා නිස්සයපච්චයා උපනිස්සයපච්චයා පුරෙජාතපච්චයා නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි.

ද්වාදසකං (සාසෙවනං)

හෙතුපච්චයා ආරම්මණපච්චයා…පෙ… පුරෙජාතපච්චයා ආසෙවනපච්චයා නපච්ඡාජාතෙ තීණි, නකම්මෙ තීණි, නවිපාකෙ තීණි…පෙ….

තෙවීසකං (සාසෙවනං)

හෙතුපච්චයා ආරම්මණපච්චයා…පෙ… පුරෙජාතපච්චයා ආසෙවනපච්චයා කම්මපච්චයා ආහාරපච්චයා…පෙ… අවිගතපච්චයා නපච්ඡාජාතෙ තීණි, නවිපාකෙ තීණි.

තෙරසකං (සවිපාකං)

හෙතුපච්චයා ආරම්මණපච්චයා…පෙ… පුරෙජාතපච්චයා කම්මපච්චයා විපාකපච්චයා නපච්ඡාජාතෙ එකං, නආසෙවනෙ එකං.

තෙවීසකං (සවිපාකං)

හෙතුපච්චයා ආරම්මණපච්චයා…පෙ… පුරෙජාතපච්චයා කම්මපච්චයා විපාකපච්චයා ආහාරපච්චයා…පෙ… අවිගතපච්චයා නපච්ඡාජාතෙ එකං, නආසෙවනෙ එකං.

ආරම්මණදුකං

370. ආරම්මණපච්චයා නහෙතුයා ද්වෙ, නඅධිපතියා තීණි, නපුරෙජාතෙ තීණි නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නඣානෙ එකං, නමග්ගෙ එකං, නවිප්පයුත්තෙ තීණි.

තිකං

ආරම්මණපච්චයා හෙතුපච්චයා නඅධිපතියා තීණි. (සංඛිත්තං.)

අධිපතිදුකං

371. අධිපතිපච්චයා නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නවිප්පයුත්තෙ තීණි.

තිකාදි

අධිපතිපච්චයා හෙතුපච්චයා. (සංඛිත්තං.)

අනන්තරාදිදුකානි

372. අනන්තරපච්චයා… සමනන්තරපච්චයා… සහජාතපච්චයා… අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා.

(යථා ආරම්මණමූලකං, එවං විත්ථාරෙතබ්බං.)

පුරෙජාතදුකං

373. පුරෙජාතපච්චයා නහෙතුයා ද්වෙ, නඅධිපතියා තීණි, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නඣානෙ එකං, නමග්ගෙ එකං.

තිකං

පුරෙජාතපච්චයා හෙතුපච්චයා නඅධිපතියා තීණි, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි. (සංඛිත්තං.)

ආසෙවනදුකං

374. ආසෙවනපච්චයා නහෙතුයා ද්වෙ, නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නකම්මෙ තීණි, නවිපාකෙ තීණි, නමග්ගෙ එකං, නවිප්පයුත්තෙ තීණි.

තිකං

ආසෙවනපච්චයා හෙතුපච්චයා නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නකම්මෙ තීණි, නවිපාකෙ තීණි, නවිප්පයුත්තෙ තීණි. (සංඛිත්තං.)

කම්මදුකං

375. කම්මපච්චයා නහෙතුයා ද්වෙ, නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නවිපාකෙ තීණි, නඣානෙ එකං, නමග්ගෙ එකං, නවිප්පයුත්තෙ තීණි.

තිකං

කම්මපච්චයා හෙතුපච්චයා නඅධිපතියා තීණි. (සංඛිත්තං.)

විපාකදුකං

376. විපාකපච්චයා නහෙතුයා එකං, නඅධිපතියා එකං, නපුරෙජාතෙ එකං, නපච්ඡාජාතෙ එකං, නආසෙවනෙ එකං, නඣානෙ එකං, නමග්ගෙ එකං, නවිප්පයුත්තෙ එකං.

තිකං

විපාකපච්චයා හෙතුපච්චයා නඅධිපතියා එකං. (සංඛිත්තං.)

ආහාරදුකං

377. ආහාරපච්චයා නහෙතුයා ද්වෙ, නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නඣානෙ එකං, නමග්ගෙ එකං, නවිප්පයුත්තෙ තීණි.

තිකං

ආහාරපච්චයා හෙතුපච්චයා නඅධිපතියා තීණි. (සංඛිත්තං.)

ඉන්ද්‍රියදුකං

378. ඉන්ද්‍රියපච්චයා නහෙතුයා ද්වෙ, නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නඣානෙ එකං, නමග්ගෙ එකං, නවිප්පයුත්තෙ තීණි.

තිකං

ඉන්ද්‍රියපච්චයා හෙතුපච්චයා නඅධිපතියා තීණි. (සංඛිත්තං.)

ඣානදුකං

379. ඣානපච්චයා නහෙතුයා ද්වෙ, නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නමග්ගෙ එකං, නවිප්පයුත්තෙ තීණි.

තිකං

ඣානපච්චයා හෙතුපච්චයා නඅධිපතියා තීණි. (සංඛිත්තං.)

මග්ගදුකං

380. මග්ගපච්චයා නහෙතුයා එකං, නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නවිප්පයුත්තෙ තීණි.

තිකං

මග්ගපච්චයා හෙතුපච්චයා නඅධිපතියා තීණි. (සංඛිත්තං.)

සම්පයුත්තදුකං

381. සම්පයුත්තපච්චයා නහෙතුයා ද්වෙ, නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නඣානෙ එකං, නමග්ගෙ එකං, නවිප්පයුත්තෙ තීණි.

තිකං

සම්පයුත්තපච්චයා හෙතුපච්චයා නඅධිපතියා තීණි. (සංඛිත්තං.)

විප්පයුත්තදුකං

382. විප්පයුත්තපච්චයා නහෙතුයා ද්වෙ, නඅධිපතියා තීණි, නපුරෙජාතෙ එකං, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නඣානෙ එකං, නමග්ගෙ එකං.

තිකං

විප්පයුත්තපච්චයා හෙතුපච්චයා නඅධිපතියා තීණි, නපුරෙජාතෙ එකං, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි.

චතුක්කං

විප්පයුත්තපච්චයා හෙතුපච්චයා ආරම්මණපච්චයා නඅධිපතියා තීණි, නපුරෙජාතෙ එකං, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි…පෙ….

ද්වාදසකං

විප්පයුත්තපච්චයා හෙතුපච්චයා ආරම්මණපච්චයා…පෙ… පුරෙජාතපච්චයා නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි…පෙ….

තෙවීසකං (සාසෙවනං)

විප්පයුත්තපච්චයා හෙතුපච්චයා…පෙ… පුරෙජාතපච්චයා ආසෙවනපච්චයා කම්මපච්චයා ආහාරපච්චයා…පෙ… අවිගතපච්චයා නපච්ඡාජාතෙ තීණි, නවිපාකෙ තීණි.

තෙවීසකං (සවිපාකං)

විප්පයුත්තපච්චයා හෙතුපච්චයා…පෙ… පුරෙජාතපච්චයා කම්මපච්චයා විපාකපච්චයා ආහාරපච්චයා…පෙ… අවිගතපච්චයා නපච්ඡාජාතෙ එකං, නආසෙවනෙ එකං.

අත්ථිආදිදුකාදි

383. අත්ථිපච්චයා … නත්ථිපච්චයා… විගතපච්චයා… අවිගතපච්චයා….

(යථා ආරම්මණමූලකං, එවං විත්ථාරෙතබ්බං.)

අනුලොමපච්චනීයං.