1. විභඞ්ගවාරො
නහෙතුපච්චයො
351. අකුසලං ධම්මං සංසට්ඨො අකුසලො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ සංසට්ඨො විචිකිච්ඡාසහගතො උද්ධච්චසහගතො මොහො. (1)
අබ්‍යාකතං ධම්මං සංසට්ඨො අබ්‍යාකතො ධම්මො උප්පජ්ජති නහෙතුපච්චයා – අහෙතුකං විපාකාබ්‍යාකතං කිරියාබ්‍යාකතං එකං ඛන්ධං සංසට්ඨා තයො ඛන්ධා, තයො ඛන්ධෙ සංසට්ඨො එකො ඛන්ධො, ද්වෙ ඛන්ධෙ සංසට්ඨා ද්වෙ ඛන්ධා; අහෙතුකපටිසන්ධික්ඛණෙ විපාකාබ්‍යාකතං එකං ඛන්ධං සංසට්ඨා තයො ඛන්ධා, තයො ඛන්ධෙ සංසට්ඨො එකො ඛන්ධො, ද්වෙ ඛන්ධෙ සංසට්ඨා ද්වෙ ඛන්ධා. (1)
නඅධිපතිආදිපච්චයා
352. කුසලං ධම්මං සංසට්ඨො කුසලො ධම්මො උප්පජ්ජති නඅධිපතිපච්චයා… නපුරෙජාතපච්චයා – අරූපෙ [ආරුප්පෙ (සබ්බත්ථ)] කුසලං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ සංසට්ඨා ද්වෙ ඛන්ධා. අකුසලං ධම්මං…පෙ… අබ්‍යාකතං ධම්මං…පෙ….
නපච්ඡාජාත-නආසෙවනපච්චයා
353. කුසලං ධම්මං සංසට්ඨො කුසලො ධම්මො උප්පජ්ජති නපච්ඡාජාතපච්චයා… තීණි. නආසෙවනපච්චයා… තීණි.
නකම්මපච්චයො
354. කුසලං ධම්මං සංසට්ඨො කුසලො ධම්මො උප්පජ්ජති නකම්මපච්චයා. කුසලෙ ඛන්ධෙ සංසට්ඨා කුසලා චෙතනා. (1)
අකුසලං ධම්මං සංසට්ඨො අකුසලො ධම්මො උප්පජ්ජති නකම්මපච්චයා. අකුසලෙ ඛන්ධෙ සංසට්ඨා අකුසලා චෙතනා. (1)
අබ්‍යාකතං ධම්මං සංසට්ඨො අබ්‍යාකතො ධම්මො උප්පජ්ජති නකම්මපච්චයා. කිරියාබ්‍යාකතෙ ඛන්ධෙ සංසට්ඨා කිරියාබ්‍යාකතා චෙතනා. (1)
නවිපාකපච්චයො
355. කුසලං ධම්මං සංසට්ඨො…පෙ… අකුසලං ධම්මං…පෙ… අබ්‍යාකතං ධම්මං සංසට්ඨො අබ්‍යාකතො ධම්මො උප්පජ්ජති නවිපාකපච්චයා – කිරියාබ්‍යාකතං එකං ඛන්ධං.
(සංසට්ඨවාරෙ පච්චනීයවිභඞ්ගෙ නකම්මෙ ච නවිපාකෙ ච පටිසන්ධි නත්ථි; අවසෙසෙසු සබ්බත්ථ අත්ථි.)
නඣානපච්චයො
356. අබ්‍යාකතං ධම්මං සංසට්ඨො අබ්‍යාකතො ධම්මො උප්පජ්ජති නඣානපච්චයා – පඤ්චවිඤ්ඤාණසහගතං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ සංසට්ඨා ද්වෙ ඛන්ධා. (1)
නමග්ගපච්චයො
357. අබ්‍යාකතං ධම්මං සංසට්ඨො අබ්‍යාකතො ධම්මො උප්පජ්ජති නමග්ගපච්චයා – අහෙතුකං විපාකාබ්‍යාකතං කිරියාබ්‍යාකතං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ සංසට්ඨා ද්වෙ ඛන්ධා; අහෙතුකපටිසන්ධික්ඛණෙ…පෙ…. (1)
නවිප්පයුත්තපච්චයො
358. කුසලං ධම්මං සංසට්ඨො කුසලො ධම්මො උප්පජ්ජති නවිප්පයුත්තපච්චයා – අරූපෙ කුසලං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ සංසට්ඨා ද්වෙ ඛන්ධා. (1)
අකුසලං ධම්මං සංසට්ඨො අකුසලො ධම්මො උප්පජ්ජති නවිප්පයුත්තපච්චයා – අරූපෙ අකුසලං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ සංසට්ඨා ද්වෙ ඛන්ධා. (1)
අබ්‍යාකතං ධම්මං සංසට්ඨො අබ්‍යාකතො ධම්මො උප්පජ්ජති නවිප්පයුත්තපච්චයා – අරූපෙ විපාකාබ්‍යාකතං කිරියාබ්‍යාකතං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ සංසට්ඨා ද්වෙ ඛන්ධා. (නවිප්පයුත්තෙ පටිසන්ධි නත්ථි.) (1)