2. සඞ්ඛ්‍යාවාරො

සුද්ධං

269. හෙතුයා සත්තරස, ආරම්මණෙ සත්ත, අධිපතියා සත්තරස, අනන්තරෙ සත්ත, සමනන්තරෙ සත්ත, සහජාතෙ සත්තරස, අඤ්ඤමඤ්ඤෙ සත්ත, නිස්සයෙ සත්තරස, උපනිස්සයෙ සත්ත, පුරෙජාතෙ සත්ත, ආසෙවනෙ සත්ත, කම්මෙ සත්තරස, විපාකෙ එකං, ආහාරෙ සත්තරස, ඉන්ද්‍රියෙ සත්තරස, ඣානෙ සත්තරස, මග්ගෙ සත්තරස, සම්පයුත්තෙ සත්ත, විප්පයුත්තෙ සත්තරස, අත්ථියා සත්තරස, නත්ථියා සත්ත, විගතෙ සත්ත, අවිගතෙ සත්තරස.

හෙතුදුකං

270. හෙතුපච්චයා ආරම්මණෙ සත්ත, අධිපතියා සත්තරස, අනන්තරෙ සත්ත, සමනන්තරෙ සත්ත, සහජාතෙ සත්තරස…පෙ… අවිගතෙ සත්තරස.

තිකං

හෙතුපච්චයා ආරම්මණපච්චයා අධිපතියා සත්ත, (සබ්බත්ථ සත්ත) විපාකෙ එකං, අවිගතෙ සත්ත…පෙ….

ද්වාදසකං (සාසෙවනං)

හෙතුපච්චයා ආරම්මණපච්චයා අධිපතිපච්චයා අනන්තරපච්චයා සමනන්තරපච්චයා සහජාතපච්චයා අඤ්ඤමඤ්ඤපච්චයා නිස්සයපච්චයා උපනිස්සයපච්චයා පුරෙජාතපච්චයා ආසෙවනපච්චයා කම්මෙ සත්ත, ආහාරෙ සත්ත…පෙ… අවිගතෙ සත්ත…පෙ….

බාවීසකං (සාසෙවනං)

හෙතුපච්චයා ආරම්මණපච්චයා…පෙ… පුරෙජාතපච්චයා ආසෙවනපච්චයා කම්මපච්චයා ආහාරපච්චයා…පෙ… විගතපච්චයා අවිගතෙ සත්ත.

තෙරසකං (සවිපාකං)

හෙතුපච්චයා ආරම්මණපච්චයා…පෙ… පුරෙජාතපච්චයා කම්මපච්චයා විපාකපච්චයා ආහාරෙ එකං…පෙ… අවිගතෙ එකං.

බාවීසකං (සවිපාකං)

හෙතුපච්චයා ආරම්මණපච්චයා…පෙ… පුරෙජාතපච්චයා කම්මපච්චයා විපාකපච්චයා ආහාරපච්චයා…පෙ… විගතපච්චයා අවිගතෙ එකං. හෙතුමූලකං.

ආරම්මණදුකං

271. ආරම්මණපච්චයා හෙතුයා සත්ත, අධිපතියා සත්ත…පෙ… (ආරම්මණමූලකං යථා හෙතුමූලකං, එවං විත්ථාරෙතබ්බං.)

අධිපතිදුකං

272. අධිපතිපච්චයා හෙතුයා සත්තරස…පෙ….

අනන්තර-සමනන්තරදුකානි

273. අනන්තරපච්චයා සමනන්තරපච්චයා හෙතුයා සත්ත…පෙ….

සහජාතාදිදුකානි

274. සහජාතපච්චයා…පෙ… අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා… පුරෙජාතපච්චයා…පෙ….

ආසෙවනපච්චයා හෙතුයා සත්ත, ආරම්මණෙ සත්ත, අධිපතියා සත්ත, අනන්තරෙ සත්ත, සමනන්තරෙ සත්ත, සහජාතෙ සත්ත, අඤ්ඤමඤ්ඤෙ සත්ත, නිස්සයෙ සත්ත, උපනිස්සයෙ සත්ත, පුරෙජාතෙ සත්ත, කම්මෙ සත්ත, ආහාරෙ සත්ත, ඉන්ද්‍රියෙ සත්ත, ඣානෙ සත්ත, මග්ගෙ සත්ත, සම්පයුත්තෙ සත්ත, විප්පයුත්තෙ සත්ත, අත්ථියා සත්ත, නත්ථියා සත්ත, විගතෙ සත්ත, අවිගතෙ සත්ත…පෙ….

කම්ම-විපාකදුකානි

275. කම්මපච්චයා …පෙ… විපාකපච්චයා හෙතුයා එකං, ආරම්මණෙ එකං, අධිපතියා එකං, අනන්තරෙ එකං, සමනන්තරෙ එකං, සහජාතෙ එකං, අඤ්ඤමඤ්ඤෙ එකං, නිස්සයෙ එකං, උපනිස්සයෙ එකං, පුරෙජාතෙ එකං, කම්මෙ එකං, ආහාරෙ එකං, ඉන්ද්‍රියෙ එකං, ඣානෙ එකං, මග්ගෙ එකං, සම්පයුත්තෙ එකං, විප්පයුත්තෙ එකං, අත්ථියා එකං, නත්ථියා එකං, විගතෙ එකං, අවිගතෙ එකං…පෙ….

ආහාරාදිදුකානි

276. ආහාරපච්චයා…පෙ… ඉන්ද්‍රියපච්චයා… ඣානපච්චයා… මග්ගපච්චයා… සම්පයුත්තපච්චයා… විප්පයුත්තපච්චයා… අත්ථිපච්චයා නත්ථිපච්චයා… විගතපච්චයා…පෙ….

අවිගතපච්චයා හෙතුයා සත්තරස, ආරම්මණෙ සත්ත…පෙ… විගතෙ සත්ත.

පච්චයවාරෙ අනුලොමං.