1. විභඞ්ගවාරො
හෙතුපච්චයො
243. කුසලං ධම්මං පච්චයා කුසලො ධම්මො උප්පජ්ජති හෙතුපච්චයා – කුසලං එකං ඛන්ධං පච්චයා තයො ඛන්ධා, තයො ඛන්ධෙ පච්චයා එකො ඛන්ධො, ද්වෙ ඛන්ධෙ පච්චයා ද්වෙ ඛන්ධා. කුසලං ධම්මං පච්චයා අබ්‍යාකතො ධම්මො උප්පජ්ජති හෙතුපච්චයා – කුසලෙ ඛන්ධෙ පච්චයා චිත්තසමුට්ඨානං රූපං. කුසලං ධම්මං පච්චයා කුසලො ච අබ්‍යාකතො ච ධම්මා උප්පජ්ජන්ති හෙතුපච්චයා – කුසලං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං, තයො ඛන්ධෙ පච්චයා එකො ඛන්ධො චිත්තසමුට්ඨානඤ්ච රූපං, ද්වෙ ඛන්ධෙ පච්චයා ද්වෙ ඛන්ධා චිත්තසමුට්ඨානඤ්ච රූපං. (3)
244. අකුසලං ධම්මං පච්චයා අකුසලො ධම්මො උප්පජ්ජති හෙතුපච්චයා – අකුසලං එකං ඛන්ධං පච්චයා තයො ඛන්ධා, තයො ඛන්ධෙ පච්චයා එකො ඛන්ධො, ද්වෙ ඛන්ධෙ පච්චයා ද්වෙ ඛන්ධා. අකුසලං ධම්මං පච්චයා අබ්‍යාකතො ධම්මො උප්පජ්ජති හෙතුපච්චයා – අකුසලෙ ඛන්ධෙ පච්චයා චිත්තසමුට්ඨානං රූපං. අකුසලං ධම්මං පච්චයා අකුසලො ච අබ්‍යාකතො ච ධම්මා උප්පජ්ජන්ති හෙතුපච්චයා – අකුසලං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං, තයො ඛන්ධෙ පච්චයා එකො ඛන්ධො චිත්තසමුට්ඨානඤ්ච රූපං, ද්වෙ ඛන්ධෙ පච්චයා ද්වෙ ඛන්ධා චිත්තසමුට්ඨානඤ්ච රූපං. (3)
245. අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති හෙතුපච්චයා – විපාකාබ්‍යාකතං කිරියාබ්‍යාකතං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං, තයො ඛන්ධෙ පච්චයා එකො ඛන්ධො චිත්තසමුට්ඨානඤ්ච රූපං, ද්වෙ ඛන්ධෙ පච්චයා ද්වෙ ඛන්ධා චිත්තසමුට්ඨානඤ්ච රූපං; පටිසන්ධික්ඛණෙ විපාකාබ්‍යාකතං එකං ඛන්ධං පච්චයා තයො ඛන්ධා කටත්තා ච රූපං, තයො ඛන්ධෙ පච්චයා එකො ඛන්ධො කටත්තා ච රූපං, ද්වෙ ඛන්ධෙ පච්චයා ද්වෙ ඛන්ධා කටත්තා ච රූපං; ඛන්ධෙ පච්චයා වත්ථු, වත්ථුං පච්චයා ඛන්ධා; එකං මහාභූතං පච්චයා තයො මහාභූතා, තයො මහාභූතෙ පච්චයා එකං මහාභූතං, ද්වෙ මහාභූතෙ පච්චයා ද්වෙ මහාභූතා, මහාභූතෙ පච්චයා චිත්තසමුට්ඨානං රූපං කටත්තාරූපං උපාදාරූපං; වත්ථුං පච්චයා විපාකාබ්‍යාකතා කිරියාබ්‍යාකතා ඛන්ධා. (1)
අබ්‍යාකතං ධම්මං පච්චයා කුසලො ධම්මො උප්පජ්ජති හෙතුපච්චයා – වත්ථුං පච්චයා කුසලා ඛන්ධා. (2)
අබ්‍යාකතං ධම්මං පච්චයා අකුසලො ධම්මො උප්පජ්ජති හෙතුපච්චයා – වත්ථුං පච්චයා අකුසලා ඛන්ධා. (3)
අබ්‍යාකතං ධම්මං පච්චයා කුසලො ච අබ්‍යාකතො ච ධම්මා උප්පජ්ජන්ති හෙතුපච්චයා – වත්ථුං පච්චයා කුසලා ඛන්ධා, මහාභූතෙ පච්චයා චිත්තසමුට්ඨානං රූපං. (4)
අබ්‍යාකතං ධම්මං පච්චයා අකුසලො ච අබ්‍යාකතො ච ධම්මා උප්පජ්ජන්ති හෙතුපච්චයා – වත්ථුං පච්චයා අකුසලා ඛන්ධා, මහාභූතෙ පච්චයා චිත්තසමුට්ඨානං රූපං. (5)
246. කුසලඤ්ච අබ්‍යාකතඤ්ච ධම්මං පච්චයා කුසලො ධම්මො උප්පජ්ජති හෙතුපච්චයා – කුසලං එකං ඛන්ධඤ්ච වත්ථුඤ්ච පච්චයා තයො ඛන්ධා, තයො ඛන්ධෙ ච වත්ථුඤ්ච පච්චයා එකො ඛන්ධො, ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා. කුසලඤ්ච අබ්‍යාකතඤ්ච ධම්මං පච්චයා අබ්‍යාකතො ධම්මො උප්පජ්ජති හෙතුපච්චයා – කුසලෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. කුසලඤ්ච අබ්‍යාකතඤ්ච ධම්මං පච්චයා කුසලො ච අබ්‍යාකතො ච ධම්මා උප්පජ්ජන්ති හෙතුපච්චයා – කුසලං එකං ඛන්ධඤ්ච වත්ථුඤ්ච පච්චයා තයො ඛන්ධා, තයො ඛන්ධෙ ච වත්ථුඤ්ච පච්චයා එකො ඛන්ධො, ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා, කුසලෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (3)
247. අකුසලඤ්ච අබ්‍යාකතඤ්ච ධම්මං පච්චයා අකුසලො ධම්මො උප්පජ්ජති හෙතුපච්චයා – අකුසලං එකං ඛන්ධඤ්ච වත්ථුඤ්ච පච්චයා තයො ඛන්ධා, තයො ඛන්ධෙ ච වත්ථුඤ්ච පච්චයා එකො ඛන්ධො, ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා. අකුසලඤ්ච අබ්‍යාකතඤ්ච ධම්මං පච්චයා අබ්‍යාකතො ධම්මො උප්පජ්ජති හෙතුපච්චයා – අකුසලෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. අකුසලඤ්ච අබ්‍යාකතඤ්ච ධම්මං පච්චයා අකුසලො ච අබ්‍යාකතො ච ධම්මා උප්පජ්ජන්ති හෙතුපච්චයා – අකුසලං එකං ඛන්ධඤ්ච වත්ථුඤ්ච පච්චයා තයො ඛන්ධා, තයො ඛන්ධෙ ච වත්ථුඤ්ච පච්චයා එකො ඛන්ධො, ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා, අකුසලෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (3)
ආරම්මණපච්චයො
248. කුසලං ධම්මං පච්චයා කුසලො ධම්මො උප්පජ්ජති ආරම්මණපච්චයා – කුසලං එකං ඛන්ධං පච්චයා තයො ඛන්ධා, තයො ඛන්ධෙ පච්චයා එකො ඛන්ධො, ද්වෙ ඛන්ධෙ පච්චයා ද්වෙ ඛන්ධා. (1)
249. අකුසලං ධම්මං පච්චයා අකුසලො ධම්මො උප්පජ්ජති ආරම්මණපච්චයා – අකුසලං එකං ඛන්ධං පච්චයා තයො ඛන්ධා, තයො ඛන්ධෙ පච්චයා එකො ඛන්ධො, ද්වෙ ඛන්ධෙ පච්චයා ද්වෙ ඛන්ධා. (1)
250. අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති ආරම්මණපච්චයා – විපාකාබ්‍යාකතං කිරියාබ්‍යාකතං එකං ඛන්ධං පච්චයා තයො ඛන්ධා, තයො ඛන්ධෙ පච්චයා එකො ඛන්ධො, ද්වෙ ඛන්ධෙ පච්චයා ද්වෙ ඛන්ධා; පටිසන්ධික්ඛණෙ විපාකාබ්‍යාකතං එකං ඛන්ධං පච්චයා තයො ඛන්ධා, තයො ඛන්ධෙ පච්චයා එකො ඛන්ධො, ද්වෙ ඛන්ධෙ පච්චයා ද්වෙ ඛන්ධා; වත්ථුං පච්චයා ඛන්ධා; චක්ඛායතනං පච්චයා චක්ඛුවිඤ්ඤාණං, සොතායතනං පච්චයා සොතවිඤ්ඤාණං, ඝානායතනං පච්චයා ඝානවිඤ්ඤාණං, ජිව්හායතනං පච්චයා ජිව්හාවිඤ්ඤාණං, කායායතනං පච්චයා කායවිඤ්ඤාණං, වත්ථුං පච්චයා විපාකාබ්‍යාකතා කිරියාබ්‍යාකතා ඛන්ධා. (1)
අබ්‍යාකතං ධම්මං පච්චයා කුසලො ධම්මො උප්පජ්ජති ආරම්මණපච්චයා – වත්ථුං පච්චයා කුසලා ඛන්ධා. (2)
අබ්‍යාකතං ධම්මං පච්චයා අකුසලො ධම්මො උප්පජ්ජති ආරම්මණපච්චයා – වත්ථුං පච්චයා අකුසලා ඛන්ධා. (3)
251. කුසලඤ්ච අබ්‍යාකතඤ්ච ධම්මං පච්චයා කුසලො ධම්මො උප්පජ්ජති ආරම්මණපච්චයා – කුසලං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා. (1)
252. අකුසලඤ්ච අබ්‍යාකතඤ්ච ධම්මං පච්චයා අකුසලො ධම්මො උප්පජ්ජති ආරම්මණපච්චයා – අකුසලං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා. (1)
අධිපතිපච්චයො
253. කුසලං ධම්මං පච්චයා කුසලො ධම්මො උප්පජ්ජති අධිපතිපච්චයා – කුසලං එකං ඛන්ධං පච්චයා… තීණි.
අකුසලං ධම්මං පච්චයා අකුසලො ධම්මො උප්පජ්ජති අධිපතිපච්චයා – අකුසලං එකං ඛන්ධං පච්චයා… තීණි.
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති අධිපතිපච්චයා – විපාකාබ්‍යාකතං කිරියාබ්‍යාකතං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… එකං මහාභූතං පච්චයා තයො මහාභූතා…පෙ… මහාභූතෙ පච්චයා චිත්තසමුට්ඨානං රූපං උපාදාරූපං, වත්ථුං පච්චයා විපාකාබ්‍යාකතා කිරියාබ්‍යාකතා ඛන්ධා.
අබ්‍යාකතං ධම්මං පච්චයා කුසලො ධම්මො උප්පජ්ජති අධිපතිපච්චයා – වත්ථුං පච්චයා කුසලා ඛන්ධා.
(යථා හෙතුපච්චයං, එවං විත්ථාරෙතබ්බං.)
අනන්තර-සමනන්තරපච්චයා
254. කුසලං ධම්මං පච්චයා කුසලො ධම්මො උප්පජ්ජති අනන්තරපච්චයා… සමනන්තරපච්චයා.
(යථා ආරම්මණපච්චයං, එවං විත්ථාරෙතබ්බං.)
සහජාතපච්චයො
255. කුසලං ධම්මං පච්චයා කුසලො ධම්මො උප්පජ්ජති සහජාතපච්චයා – කුසලං එකං ඛන්ධං පච්චයා… තීණි.
අකුසලං ධම්මං පච්චයා… තීණි.
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති සහජාතපච්චයා – විපාකාබ්‍යාකතං කිරියාබ්‍යාකතං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… පටිසන්ධික්ඛණෙ…පෙ… එකං මහාභූතං පච්චයා…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං පච්චයා…පෙ… මහාභූතෙ පච්චයා කටත්තාරූපං උපාදාරූපං, චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා විපාකාබ්‍යාකතා කිරියාබ්‍යාකතා ඛන්ධා.
අබ්‍යාකතං ධම්මං පච්චයා කුසලො ධම්මො උප්පජ්ජති සහජාතපච්චයා – වත්ථුං පච්චයා කුසලා ඛන්ධා.
(යථා හෙතුපච්චයං, එවං විත්ථාරෙතබ්බං.)
අඤ්ඤමඤ්ඤපච්චයො
256. කුසලං ධම්මං පච්චයා කුසලො ධම්මො උප්පජ්ජති අඤ්ඤමඤ්ඤපච්චයා… එකං.
අකුසලං ධම්මං පච්චයා අකුසලො ධම්මො උප්පජ්ජති අඤ්ඤමඤ්ඤපච්චයා… එකං.
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති අඤ්ඤමඤ්ඤපච්චයා – විපාකාබ්‍යාකතං කිරියාබ්‍යාකතං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ පච්චයා ද්වෙ ඛන්ධා; පටිසන්ධික්ඛණෙ විපාකාබ්‍යාකතං එකං ඛන්ධං පච්චයා තයො ඛන්ධා වත්ථු ච…පෙ… ද්වෙ ඛන්ධෙ පච්චයා ද්වෙ ඛන්ධා වත්ථු ච, ඛන්ධෙ පච්චයා වත්ථු, වත්ථුං පච්චයා ඛන්ධා; එකං මහාභූතං පච්චයා තයො මහාභූතා…පෙ… ද්වෙ මහාභූතෙ පච්චයා ද්වෙ මහාභූතා; බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං පච්චයා තයො මහාභූතා…පෙ… ද්වෙ මහාභූතෙ පච්චයා ද්වෙ මහාභූතා, චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා විපාකාබ්‍යාකතා කිරියාබ්‍යාකතා ඛන්ධා.
අබ්‍යාකතං ධම්මං පච්චයා කුසලො ධම්මො උප්පජ්ජති අඤ්ඤමඤ්ඤපච්චයා – වත්ථුං පච්චයා කුසලා ඛන්ධා.
(යථා ආරම්මණපච්චයං, එවං විත්ථාරෙතබ්බං.)
නිස්සයපච්චයො
257. කුසලං ධම්මං පච්චයා කුසලො ධම්මො උප්පජ්ජති නිස්සයපච්චයා – කුසලං එකං ඛන්ධං පච්චයා තයො ඛන්ධා.
(යථා සහජාතපච්චයං, එවං විත්ථාරෙතබ්බං.)
උපනිස්සයපච්චයො
258. කුසලං ධම්මං පච්චයා කුසලො ධම්මො උප්පජ්ජති උපනිස්සයපච්චයා – කුසලං එකං ඛන්ධං පච්චයා. (ආරම්මණපච්චයසදිසං.)
පුරෙජාතපච්චයො
259. කුසලං ධම්මං පච්චයා කුසලො ධම්මො උප්පජ්ජති පුරෙජාතපච්චයා. කුසලං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ පච්චයා ද්වෙ ඛන්ධා. වත්ථුං පුරෙජාතපච්චයා. (1)
අකුසලං ධම්මං පච්චයා අකුසලො ධම්මො උප්පජ්ජති පුරෙජාතපච්චයා – අකුසලං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ පච්චයා ද්වෙ ඛන්ධා. වත්ථුං පුරෙජාතපච්චයා. (1)
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති පුරෙජාතපච්චයා – විපාකාබ්‍යාකතං කිරියාබ්‍යාකතං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ පච්චයා ද්වෙ ඛන්ධා, වත්ථුං පුරෙජාතපච්චයා, චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා විපාකාබ්‍යාකතා කිරියාබ්‍යාකතා ඛන්ධා, වත්ථුං පුරෙජාතපච්චයා.
අබ්‍යාකතං ධම්මං පච්චයා කුසලො ධම්මො උප්පජ්ජති පුරෙජාතපච්චයා – වත්ථුං පච්චයා කුසලා ඛන්ධා, වත්ථුං පුරෙජාතපච්චයා.
අබ්‍යාකතං ධම්මං පච්චයා අකුසලො ධම්මො උප්පජ්ජති පුරෙජාතපච්චයා – වත්ථුං පච්චයා අකුසලා ඛන්ධා, වත්ථුං පුරෙජාතපච්චයා. (3)
කුසලඤ්ච අබ්‍යාකතඤ්ච ධම්මං පච්චයා කුසලො ධම්මො උප්පජ්ජති පුරෙජාතපච්චයා – කුසලං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා, වත්ථුං පුරෙජාතපච්චයා. (1)
අකුසලඤ්ච අබ්‍යාකතඤ්ච ධම්මං පච්චයා අකුසලො ධම්මො උප්පජ්ජති පුරෙජාතපච්චයා – අකුසලං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා, වත්ථුං පුරෙජාතපච්චයා. (1)
ආසෙවනපච්චයො
260. කුසලං ධම්මං පච්චයා කුසලො ධම්මො උප්පජ්ජති ආසෙවනපච්චයා – කුසලං එකං ඛන්ධං පච්චයා…පෙ….
අකුසලං ධම්මං පච්චයා අකුසලො ධම්මො උප්පජ්ජති ආසෙවනපච්චයා – අකුසලං එකං ඛන්ධං පච්චයා…පෙ….
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති ආසෙවනපච්චයා – කිරියාබ්‍යාකතං එකං ඛන්ධං පච්චයා තයො ඛන්ධා, තයො ඛන්ධෙ පච්චයා එකො ඛන්ධො, ද්වෙ ඛන්ධෙ පච්චයා ද්වෙ ඛන්ධා, වත්ථුං පච්චයා කිරියාබ්‍යාකතා ඛන්ධා.
අබ්‍යාකතං ධම්මං පච්චයා කුසලො ධම්මො උප්පජ්ජති ආසෙවනපච්චයා – වත්ථුං පච්චයා කුසලා ඛන්ධා.
අබ්‍යාකතං ධම්මං පච්චයා අකුසලො ධම්මො උප්පජ්ජති ආසෙවනපච්චයා – වත්ථුං පච්චයා අකුසලා ඛන්ධා.
කුසලඤ්ච අබ්‍යාකතඤ්ච ධම්මං පච්චයා…පෙ….
අකුසලඤ්ච අබ්‍යාකතඤ්ච ධම්මං පච්චයා අකුසලො ධම්මො උප්පජ්ජති ආසෙවනපච්චයා – අකුසලං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ….
කම්මපච්චයො
261. කුසලං ධම්මං පච්චයා කුසලො ධම්මො උප්පජ්ජති කම්මපච්චයා – කුසලං එකං ඛන්ධං පච්චයා… තීණි.
අකුසලං ධම්මං පච්චයා අකුසලො ධම්මො උප්පජ්ජති කම්මපච්චයා… තීණි.
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති කම්මපච්චයා – විපාකාබ්‍යාකතං කිරියාබ්‍යාකතං එකං ඛන්ධං පච්චයා…පෙ… පටිසන්ධික්ඛණෙ…පෙ… එකං මහාභූතං පච්චයා…පෙ… අසඤ්ඤසත්තානං එකං මහාභූතං පච්චයා…පෙ… මහාභූතෙ පච්චයා කටත්තාරූපං උපාදාරූපං, චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා විපාකාබ්‍යාකතා කිරියාබ්‍යාකතා ඛන්ධා.
අබ්‍යාකතං ධම්මං පච්චයා කුසලො ධම්මො උප්පජ්ජති කම්මපච්චයා – වත්ථුං පච්චයා කුසලා ඛන්ධා.
අබ්‍යාකතං ධම්මං පච්චයා අකුසලො ධම්මො උප්පජ්ජති කම්මපච්චයා – වත්ථුං පච්චයා අකුසලා ඛන්ධා…පෙ…. (5)
කුසලඤ්ච අබ්‍යාකතඤ්ච ධම්මං පච්චයා කුසලො ධම්මො…පෙ… අබ්‍යාකතො ධම්මො…පෙ… කුසලො ච අබ්‍යාකතො ච ධම්මා උප්පජ්ජන්ති කම්මපච්චයා…පෙ….
අකුසලඤ්ච අබ්‍යාකතඤ්ච ධම්මං පච්චයා අකුසලො ධම්මො…පෙ… අබ්‍යාකතො ධම්මො…පෙ… අකුසලො ච අබ්‍යාකතො ච ධම්මා උප්පජ්ජන්ති කම්මපච්චයා, අකුසලං එකං ඛන්ධඤ්ච වත්ථුඤ්ච පච්චයා…පෙ… අකුසලෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං.
විපාකපච්චයො
262. අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති විපාකපච්චයා. විපාකාබ්‍යාකතං එකං ඛන්ධං පච්චයා…පෙ… පටිසන්ධික්ඛණෙ…පෙ… එකං මහාභූතං පච්චයා…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා විපාකාබ්‍යාකතා ඛන්ධා.
ආහාරපච්චයො
263. කුසලං ධම්මං පච්චයා කුසලො ධම්මො උප්පජ්ජති ආහාරපච්චයා – කුසලං එකං ඛන්ධං පච්චයා… තීණි.
අකුසලං ධම්මං පච්චයා… තීණි.
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති ආහාරපච්චයා…පෙ… පටිසන්ධික්ඛණෙ…පෙ… ආහාරසමුට්ඨානං එකං මහාභූතං…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා විපාකාබ්‍යාකතා කිරියාබ්‍යාකතා ඛන්ධා. (පරිපුණ්ණං.)
ඉන්ද්‍රියපච්චයො
264. කුසලං ධම්මං පච්චයා කුසලො ධම්මො උප්පජ්ජති ඉන්ද්‍රියපච්චයා…පෙ… අසඤ්ඤසත්තානං එකං මහාභූතං පච්චයා…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා විපාකාබ්‍යාකතා කිරියාබ්‍යාකතා ඛන්ධා.
(ඉන්ද්‍රියපච්චයා යථා කම්මපච්චයා, එවං විත්ථාරෙතබ්බං.)
ඣාන-මග්ගපච්චයා
265. කුසලං ධම්මං පච්චයා කුසලො ධම්මො උප්පජ්ජති ඣානපච්චයා…පෙ… මග්ගපච්චයා.
(ඣානපච්චයාපි මග්ගපච්චයාපි යථා හෙතුපච්චයා, එවං විත්ථාරෙතබ්බං.)
සම්පයුත්තපච්චයො
266. කුසලං ධම්මං පච්චයා කුසලො ධම්මො උප්පජ්ජති සම්පයුත්තපච්චයා. (ආරම්මණපච්චයසදිසං.)
විප්පයුත්තපච්චයො
267. කුසලං ධම්මං පච්චයා කුසලො ධම්මො උප්පජ්ජති විප්පයුත්තපච්චයා. කුසලං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ පච්චයා ද්වෙ ඛන්ධා, වත්ථුං විප්පයුත්තපච්චයා. කුසලං ධම්මං පච්චයා අබ්‍යාකතො ධම්මො උප්පජ්ජති විප්පයුත්තපච්චයා – කුසලෙ ඛන්ධෙ පච්චයා චිත්තසමුට්ඨානං රූපං, ඛන්ධෙ විප්පයුත්තපච්චයා, කුසලං ධම්මං පච්චයා කුසලො ච අබ්‍යාකතො ච ධම්මා උප්පජ්ජන්ති විප්පයුත්තපච්චයා – කුසලං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පච්චයා ද්වෙ ඛන්ධා චිත්තසමුට්ඨානඤ්ච රූපං, ඛන්ධා වත්ථුං විප්පයුත්තපච්චයා, චිත්තසමුට්ඨානං රූපං ඛන්ධෙ විප්පයුත්තපච්චයා. (3)
අකුසලං ධම්මං පච්චයා අකුසලො ධම්මො උප්පජ්ජති විප්පයුත්තපච්චයා – අකුසලං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ පච්චයා ද්වෙ ඛන්ධා, වත්ථුං විප්පයුත්තපච්චයා. අකුසලං ධම්මං පච්චයා අබ්‍යාකතො ධම්මො උප්පජ්ජති විප්පයුත්තපච්චයා – අකුසලෙ ඛන්ධෙ පච්චයා චිත්තසමුට්ඨානං රූපං, ඛන්ධෙ විප්පයුත්තපච්චයා. අකුසලං ධම්මං පච්චයා අකුසලො ච අබ්‍යාකතො ච ධම්මා උප්පජ්ජන්ති විප්පයුත්තපච්චයා – අකුසලං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පච්චයා ද්වෙ ඛන්ධා චිත්තසමුට්ඨානඤ්ච රූපං, ඛන්ධා වත්ථුං විප්පයුත්තපච්චයා, චිත්තසමුට්ඨානං රූපං ඛන්ධෙ විප්පයුත්තපච්චයා. (3)
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති විප්පයුත්තපච්චයා – විපාකාබ්‍යාකතං කිරියාබ්‍යාකතං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පච්චයා ද්වෙ ඛන්ධා චිත්තසමුට්ඨානඤ්ච රූපං, ඛන්ධා වත්ථුං විප්පයුත්තපච්චයා, චිත්තසමුට්ඨානං රූපං ඛන්ධෙ විප්පයුත්තපච්චයා, පටිසන්ධික්ඛණෙ විපාකාබ්‍යාකතං එකං ඛන්ධං පච්චයා තයො ඛන්ධා කටත්තා ච රූපං…පෙ… ද්වෙ ඛන්ධෙ පච්චයා ද්වෙ ඛන්ධා කටත්තා ච රූපං, ඛන්ධා වත්ථුං විප්පයුත්තපච්චයා, කටත්තාරූපං ඛන්ධෙ විප්පයුත්තපච්චයා, ඛන්ධෙ පච්චයා වත්ථු, වත්ථුං පච්චයා ඛන්ධා, ඛන්ධා වත්ථුං විප්පයුත්තපච්චයා, වත්ථු ඛන්ධෙ විප්පයුත්තපච්චයා; එකං මහාභූතං පච්චයා…පෙ… මහාභූතෙ පච්චයා චිත්තසමුට්ඨානං රූපං කටත්තාරූපං උපාදාරූපං ඛන්ධෙ විප්පයුත්තපච්චයා; චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං; වත්ථුං පච්චයා විපාකාබ්‍යාකතා කිරියාබ්‍යාකතා ඛන්ධා, වත්ථුං විප්පයුත්තපච්චයා. (1)
අබ්‍යාකතං ධම්මං පච්චයා කුසලො ධම්මො උප්පජ්ජති විප්පයුත්තපච්චයා – වත්ථුං පච්චයා කුසලා ඛන්ධා, වත්ථුං විප්පයුත්තපච්චයා. (2)
අබ්‍යාකතං ධම්මං පච්චයා අකුසලො ධම්මො උප්පජ්ජති විප්පයුත්තපච්චයා – වත්ථුං පච්චයා අකුසලා ඛන්ධා, වත්ථුං විප්පයුත්තපච්චයා. (3)
අබ්‍යාකතං ධම්මං පච්චයා කුසලො ච අබ්‍යාකතො ච ධම්මා උප්පජ්ජන්ති විප්පයුත්තපච්චයා – වත්ථුං පච්චයා කුසලා ඛන්ධා, මහාභූතෙ පච්චයා චිත්තසමුට්ඨානං රූපං, ඛන්ධා වත්ථුං විප්පයුත්තපච්චයා, චිත්තසමුට්ඨානං රූපං ඛන්ධෙ විප්පයුත්තපච්චයා. (4)
අබ්‍යාකතං ධම්මං පච්චයා අකුසලො ච අබ්‍යාකතො ච ධම්මා උප්පජ්ජන්ති විප්පයුත්තපච්චයා – වත්ථුං පච්චයා අකුසලා ඛන්ධා, මහාභූතෙ පච්චයා චිත්තසමුට්ඨානං රූපං, ඛන්ධා වත්ථුං විප්පයුත්තපච්චයා. චිත්තසමුට්ඨානං රූපං ඛන්ධෙ විප්පයුත්තපච්චයා. (5)
කුසලඤ්ච අබ්‍යාකතඤ්ච ධම්මං පච්චයා කුසලො ධම්මො උප්පජ්ජති විප්පයුත්තපච්චයා. කුසලං එකං ඛන්ධඤ්ච වත්ථුඤ්ච පච්චයා තයො ඛන්ධා, තයො ඛන්ධෙ ච වත්ථුඤ්ච පච්චයා එකො ඛන්ධො, ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා, වත්ථුං විප්පයුත්තපච්චයා. කුසලඤ්ච අබ්‍යාකතඤ්ච ධම්මං පච්චයා අබ්‍යාකතො ධම්මො උප්පජ්ජති විප්පයුත්තපච්චයා. කුසලෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. ඛන්ධෙ විප්පයුත්තපච්චයා. කුසලඤ්ච අබ්‍යාකතඤ්ච ධම්මං පච්චයා කුසලො ච අබ්‍යාකතො ච ධම්මා උප්පජ්ජන්ති විප්පයුත්තපච්චයා, කුසලං එකං ඛන්ධඤ්ච වත්ථුඤ්ච පච්චයා තයො ඛන්ධා, තයො ඛන්ධෙ ච වත්ථුඤ්ච පච්චයා එකො ඛන්ධො, ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා, කුසලෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, ඛන්ධා වත්ථුං විප්පයුත්තපච්චයා, චිත්තසමුට්ඨානං රූපං ඛන්ධෙ විප්පයුත්තපච්චයා. (3)
අකුසලඤ්ච අබ්‍යාකතඤ්ච ධම්මං පච්චයා අකුසලො ධම්මො උප්පජ්ජති විප්පයුත්තපච්චයා – අකුසලං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා, වත්ථුං විප්පයුත්තපච්චයා. අකුසලඤ්ච අබ්‍යාකතඤ්ච ධම්මං පච්චයා අබ්‍යාකතො ධම්මො උප්පජ්ජති විප්පයුත්තපච්චයා – අකුසලෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, ඛන්ධෙ විප්පයුත්තපච්චයා. අකුසලඤ්ච අබ්‍යාකතඤ්ච ධම්මං පච්චයා අකුසලො ච අබ්‍යාකතො ච ධම්මා උප්පජ්ජන්ති විප්පයුත්තපච්චයා – අකුසලං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධා, අකුසලෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, ඛන්ධා වත්ථුං විප්පයුත්තපච්චයා, චිත්තසමුට්ඨානං රූපං ඛන්ධෙ විප්පයුත්තපච්චයා. (3)
අත්ථිපච්චයාදි
268. කුසලං ධම්මං පච්චයා කුසලො ධම්මො උප්පජ්ජති අත්ථිපච්චයා…පෙ… (අත්ථිපච්චයා සහජාතපච්චයසදිසං කාතබ්බං. නත්ථිපච්චයා විගතපච්චයා ආරම්මණපච්චයසදිසං, අවිගතපච්චයා සහජාතපච්චයසදිසං.)